5
3
1
Lunch去咗屋企附近一間招牌唔顯眼嘅鋪頭食車仔麵。真係超級抵食！叫咗碗牛腩河黎食，牛腩河一碗得21蚊咋！真係我食個最平嘅牛腩河！個牛腩好香，我諗應該煮咗好耐好耐，牛腩汁滲入曬牛肉入邊，好滑好香濃！好鍾意佢嘅牛腩汁，仲特登叫咗服務員畀我一碗牛腩汁，因為真係太香啦！啲河粉都好好食，好彈牙。牛腩河入邊仲有少少菜，唔係剩係得牛腩，睇唔出間鋪頭簡簡單單，但係招呼客人嘅係人情味既價錢同埋好足料嘅嘢食！冇諗過有咁平咁抵食嘅車仔麵，下次肚餓或者想食tea可以過嚟食啦！
繼續閱讀
一直都諗唔到標題可以點寫唯有直接寫感覺啦"可惜"科發係自搬去大圍後常光顧飯堂之一老實講，常去原因係夠平之餘，味道唔太差但近呢年開始都越來越失望啦初初去每次都會光顧鮮牛河後來發現炸醬撈麵仲好食，所以咪經常去啦~結果來到年初既時候，去買個炸醬撈麵外賣，有叫多杯豆漿既員工就問唔要湯得唔得....................下.............撈麵來架喎，唔係跟湯既咩???員工尷尷尬尬話跟番個湯俾我................當時心諗，算啦~而家生意難做，可能諗住慳得一碗湯得一碗啦~之後都繼續有光顧直到最近呢次，真係有種唔寫唔得既感覺啦~~~~牛肉河會跟少少菜呢個一讚，感覺上有菜好似健康少少可惜係牛肉"嗱"得過份啦................乜味都無....................牛筋牛腩撈粗麵牛筋牛腩尚算可以，牛筋有點兒硬，喜歡有咬口的人就會接受多一點總括來講，兩個麵底都一般啦~~~菜都夠大碟，唔係老菜廿幾蚊碗麵算係咁啦~~~但當然同以前相比就係好似越來越差咁架啦如果你本住俾廿幾蚊要拎番五六十蚊既質素同服務，呢間未必係好適合你以廿幾蚊去睇就叫做不過不失啦
繼續閱讀
收工減壓想食好d,路經此檔..當時六點晚上..keep住有9成客..就入去試下..叫左雲吞河+碟炸魚皮.再來凍豆漿先講吞河佢係扮正宗個隻玩法d吞係底..所以就算多蔥都唔會係面..仲有好奇怪.佢d蔥係成條過..十足十通菜..我食完都唔覺係食過蔥...至於味道..河粉唔夠透身..就知唔會好咬得去邊..果然啦..而湯底..無豈特別..清香都講不上了..吞就大約五至六粒..食唔出有鮮蝦就唔在講..連真係超市d包裝雲吞都好食過佢多多聲..又係食完都唔知食左乜肉乜餡落肚..炸魚皮..應該合格呱..點知都可以有分別..出面4-5星為正常應有味道..呢度只得兩星..真係無乜味..杯野又係..飲得出係溝水再落返d糖去掩飾既味..攪到淡而不香..真係無樣掂..反而見多數叫筋腩個d..睇黎d人係沖著個d黎既多啦..
繼續閱讀
路過大圍, 想食D野醫肚火車站附近滿目小食店, 沿著屋苑走到這間其貌不揚的面店一貫的餐牌, 我點了牛筋面+豆漿. 只是$18!!!!!!! 對於我商業區食慣又費又難食午餐的人, 簡直是超抵 豆漿味道一般這裡的人手腳很快...落單後即做!牛筋面還搭上一小舊牛腩, 以滿足我小小的貪念幼面的確有蛋味~ 彈牙且沒有鹼水味 牛腩&牛筋都好腍好入味~~檯上的自製辣椒油出奇地好味! 好香~~~跟面一齊食好正 難怪有外賣樽裝俾人買~~下次經過大圍都要試這間面店!!惟一批評就是衛生不太好! 快子有點髒
繼續閱讀
要係大圍快快食一餐, 我推介這間科發麵食家。不過這間麵檔較為地茂, 沒有舒適既環境, 基本上無冷氣, 雖然係地鋪, 但都係坐街邊, 忍受著路邊的喧嘩環境, 吹住風扇用餐。隨便坐下, 服務員阿姐已走到身邊, 準備落單。當天叫左一碗雲吞牛腩河及冰凍豆漿 ($23), 雲吞是自家製作的, 大大的一粒, 絕不欺場, 而牛腩炆得好腍, 湯帶有濃濃的腩汁味, 熱辣辣的。豆漿同樣係自家出品, 味道唔錯呀。雖然用膳環境唔係太好, 但係食物非常美味, 下次行過路過, 記得要試試啊!!
繼續閱讀