8
4
0
所有分店 (2)
電話號碼
96882454
營業時間
今日營業
12:00 - 22:00
星期一至日
12:00 - 22:00
付款方式
Visa Master 現金 AE
食評 (16)
等級4 2021-03-14
1619 瀏覽
一向鐘意置樂嗰間,今次就嚟試黃金海岸Lunch set好多款煲仔飯揀drink menu都好多選擇酒/ 唔酒都得每個飯都好香 有飯焦份量都唔少隻蛋黃真係望到都覺得吸引燒牛肋條煲仔飯 $188牛肉份量激多每舊都好香 好有咬口🥺牛肉汁撈飯都一流不過由頭到尾都係得一個餸嘅話就覺得有啲悶😂雞肉釜雞肝雞腎煲仔飯 $178又係好足料就嚟餸多過飯咁依款有齊3樣料 啖啖唔同料 無咁悶雞腎爽口 雞肉滑 雞肝就......我唔食嘅😂如果接受雞肝嘅話 依個飯真係一流秋香鹽燒白鱔煲仔飯 $208秋香名味😗之前係置樂食 真係覺得好驚艷啲鱔燒到相當香脆可惜.......嚟到黃金海岸之後近海咗....反而無咁鮮🥲仲有就係依個飯無肉汁個色水白白的🙁食落都幾淡味失望😩Beer Fries $38 一上枱🤯條草搞乜 咁狂野嘅😂個presentation少少奇奇怪怪🤏🏻但係薯條炸得夠香脆 仲有蛋黃醬 正Golden Ale $68🍺 & Oh! Sour $68🍺再嚟啤啤佢🍻feeling chilled相比置樂嗰間依間:1. 環境光猛啲 裝修似聚福樓咁2. 個飯好似大啲😂3. 無咁好食🥲下次都係去返置樂嗰間定價偏高只可以偶爾嚟一次🥲 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-31
2302 瀏覽
等到了,動力大到可以入到去黃金海岸,係終於有一間黃店!香港有一個可以咁chill嘅地方,彷彿去左轉南法咁。介紹一條路線俾大家,先去大棠,再上千島湖,再到掃管芴搭小巴去黃金海岸,好正吧?好吸引吧?經典牌匾:「世人笑我太瘋癲,我笑他人看不穿」。入面裝修簡約,帶有啲中國風,似水泥牆有啲raw感。燈不多,主要係靠外面嘅陽光射入。加上有花做裝飾,成個感覺幾特別。店面唔大,坐都ok。Opening兩日啲人黎食哂,得番唔多餐可以點,好痴線!炸物盛套餐,103元,有蝦、芝士波同薯條。吉列炸蝦炸粉剛好,蝦肉爽口。薯條都炸得平均。基本上跟餐有埋麵豉湯,有質素嘅。壽喜燒生牛肉千葛絲,98元。首先要讚嘅係佢嘅牛肉,好好味,食得出係靚牛。千葛絲係鍋物常客,掛湯肉味,繼續有餘韻。雞肉釜雞肝雞腎(阿波尾雞),168元。見到有個心型蛋,幾有趣,即刻味道都增多啲。Apple honey jasmine mint,另加15元,幾香,朋友話味道不錯。Sunrise黎明來到,都係另加15元,refresh一下,去走口腔味道。要大讚職員係細心,而且係反應快,我幾時都講,服務好,食物都會好味啲。希望上得切等大家有個參考 繼續閱讀
(以上食評乃用戶個人意見 , 並不代表OpenRice之觀點。)
黃金海岸酒店staycation。朋友介紹。一定要揾餐食佢———秋香。佢嘅signature 係白鱔煲仔飯。食物選擇唔算超級多。但都已經可以滿足到我哋。🟢🟢🟢🟢🟢🟢🟢🟢🟢🟢🟢🟢🟢🟢🟢一、白鱔煲仔飯。🐟🍚🍘好味指數:🤤🤤🤤🤤🤤白鱔肉多。最正係佢冇骨!個皮煎到脆脆。用鐵鍋仔上,賣相一流。飯焦好香。二、燒物。叫左。魷魚一夜干。🦑🔥魷魚有肉,又有鬚。燒得好香。欣賞佢有兩種調味選擇。豉油,同mayonnaise 。兩樣都好味。好味指數🤤🤤🤤🤤🤤三、串燒。和牛肉。🐮好香牛味。鹽燒厚切上等豚肉。🐷估唔到,豬肉都好香。絕對唔俾和牛差🐷😌。四、鹽燒殼付北寄貝🍣🦪🔥好味。佢個presentation好靚。用鹽托住啲北寄貝。個殼入面裝住個汁,好甜,我地當佢海鮮湯飲。個貝好新鮮。五、甜品。食完主菜之後。我問店主攞餐牌睇吓。。又比佢估中我想食甜品。佢推介左佢哋今晚嘅甜品。黑糖同抹茶蕨餅。🧆🍵🍡雪凍左係佢嘅加分位。真係好食。兩種味都好食。喜歡店子少少。食物美味。presentation講究。店主店員食物推薦一流。服務細心。🟡🟡🟡🟡🟡🟡🟡🟡🟡🟡🟡🟡🟡美味指數🤤🤤🤤🤤🤤影相指數📷📷📷📷📷環境🍸🍸🍸🍸服務態度👔👔👔👔👔抵食指數💸💸💸💸🔺🔺🔺🔺🔺🔺🔺🔺🔺🔺🔺🔺🔺🔺小貼士。一、建議最好訂枱 ☎️ 佢下午會小休。6pm再開做晚餐。二、留食物。☎️🍚🦪建議預訂白鱔煲仔飯。仲有個辣酒蕃茄煮大蜆 🌶🍲🦪。呢個我都想食,可惜今日冇貨。下次試。三、節目安排。可以連黃金海岸酒店staycation🏨或下午去黃金泳灘游水,沖完涼,行下附近影下相再去食。😉🥳🥳 繼續閱讀
(以上食評乃用戶個人意見 , 並不代表OpenRice之觀點。)
等級1 2021-04-18
389 瀏覽
家姐食過置樂嗰間話好味,所以上次同我嚟試黄金海岸呢間,上次食燒蟮煲仔飯、牛肋條煲仔飯、黄金栗米沙律、白汁大蜆、燒北寄貝、魷魚一夜乾和串燒,當日樣樣都勁好味。朋友見我話好味,於是喺第二日(兩個星期前) book定位一齊再嚟食,朋友滿懷希望想一嘗傳說中超好味嘅燒蟮煲仔飯同牛肋條煲仔飯,但好可惜……味道不似預期,我都感到好失望,蟮係新鮮肥美的,但飯就淡茂茂又太濕,牛肋條就要用差嚟形容,唔知係趕收工定唔同咗廚師,因係last order之後落的,d牛肋條一d都唔juice又乾又濃濃地,完全同前一次差天共地,希望餐廳留意吓,無論食材幾好幾新鮮,如果唔可以保持烹調水準就會浪費咗食材 繼續閱讀
(以上食評乃用戶個人意見 , 並不代表OpenRice之觀點。)
平時甚少入黃金海岸,正好行山來到這裡,當然要看看Apps有甚麼好吃推介。朋友很快就找到了這間餐廳,聽餐廳名以為吃中茶,來到才發覺它是一家bar and restaurant。主打fusion日本餐。格局也因應黃金海岸附近商場,走高雅路線,又帶點歐陸風情。以藍綠色為主。串燒盛加15元配日本米白飯套餐有味噌湯及牛蒡做配菜,串燒盛擺盤不俗,頗有日式風味,用黑墨色的石碟再加一片大竹葉抬底,一串串串燒仔細地用竹簽串起來,看上去十分豐盛。串燒燒得不錯,不會太油膩,配合一些蔬果,一串牛柳粒有四粒,一隻大啡菇,兩片菠蘿,燒雞翼兩隻,芥蘭串燒,豬肉串,正好適合減肥中的我。套餐加25元配特飲,飲品名為黎明來到原來主要使用甜橙,一小片鮮橙用小簽橫放在玻璃杯的邊沿,一整杯黃澄澄有如夕陽。橙汁口感細膩,加入西莓醬汁及青檸,甜美而清爽,很有夏日的感覺,能夠滿足大人和小孩的口味。 繼續閱讀
(以上食評乃用戶個人意見 , 並不代表OpenRice之觀點。)