秋香螺螄粉

營業中

休息中

戴頭盔先，我唔知正宗係點，但係買過袋裝螺螄粉煮，試過即食杯裝，又試過其他區嘅螺螄絲，都係覺得呢間最好味麻辣君話未食過，於是同佢嚟新鋪，佢入到鋪頭都話氣味好重😂，坐左陣臭覺適應左啦好在佢都ok螺螄粉，我今次都係中辣，但係辣味好似唔夠之前食咁勁，仲點左鴨腳同豆筍，鴨腳好夠淋，豆筍原來係豆筋，我地仲以為係筍🤭，甜甜地帶辣味，都幾好味由落單到傳菜，老闆都好殷勤，我見有幾位外賣員嚟攞單，老闆對佢地好客氣，因為好多時我見其他食肆都會對外賣員呼喝食食下，有幾位小學生入嚟，其實大廳都有枱夠佢地坐，但係佢地衝左入偏廳，然後老闆好好，並無叫返佢地坐大廳，佢地坐低之後，老闆就默默地去拎搖控開冷氣註：我估嗰位男士係老闆卦

葵廣名店 👉 裝修別樹一格但臭味令人怕怕! 搬到現址, 臭味依舊，鋪面裝修簡結。終鼓起勇氣挑戰呢股臭味💪今日試食燒肉螺螄粉 + 牛腱螺螄粉不消十分鐘，老闆已端上兩碗食材經細心擺放，賞心悅目，熱氣騰騰*無臭味*既螺螄粉🍲 👍米粉入口爽滑，配菜酸筍; 酸豆角; 木耳; 花生; 豆皮等。材料新鮮，花生無油溢味，湯頭鮮味，辣味任客人選擇👏，臭味源頭 👉酸筍，入口爽脆🈚臭味，酸豆角夠酸兼開胃🤟燒肉皮脆肉質唔硬🥩，牛腱入味量多✌️定必會再來，一試難忘👍

屋企人接受唔到螺獅粉，唔可以响屋企煮，咁唯有出街食啦！問題係香港嘅螺獅粉店少之又少。好彩仲有秋香。之前响葵廣成日俾人話，咁嗰邊通風又確實唔好嘅。而家轉咗地鋪就乜問題都冇啦！ 店內裝修簡潔乾淨。幾張4人枱，坐得好舒服。價錢同之前一樣，仲多咗啲小食套餐。炸蛋螺獅粉（$46）食螺獅粉就一定要配炸蛋（我話嘅），炸蛋吸飽湯汁，等到最後食就真係滋味無窮。螺獅粉比米線Q彈，加埋啲配菜（豆角、酸笋、炸腐竹、花生），唔駛加餸都好豐富喇！豆筍套餐（$20）套餐包一罐飲品，一碟小食。豆筍就似涼拌腐皮，唔辣嘅，好清爽。終於食到心心念念嘅螺獅粉喇！好滿足。下次再去幫襯。

葵涌廣場 "臭名遠播" 嘅螺絲粉一直反應兩極，有人唔鍾意陣味，有人則一試愛上，而我就係後者，一直都係佢嘅 big fan ❤️ 早排佢地搬咗舖去葵廣外面，葵廣一樓有條天橋延伸落去高芳街，行前幾步轉右入榮芳路就見到。店舖空間大咗，以前張 bar 枱都有保留返放咗喺較入面嘅位置，仲請多咗個姐姐做樓面~~今次食個感覺同以前都有分別，炸豆皮我一般都會叫佢分開上，口感比以前更脆口。炸蛋水準都仲係會有少少飄忽，有時可以做到內裡都好鬆好似海綿咁吸哂d湯，但有時會有少少內餡變咗奄列咁，就唔吸湯，今次係比較好，但都有少少奄列餡，希望之後可以改善到。唔知係咪廚都轉咗，湯明顯比之前辣咗，BB辣變咗小辣咁，聽到隔離枱個姐姐都係咁話好辣 🤣🤣 以前 $8 嘅糯香檸檬茶我覺得如果以前俾人知道咁平，出面d手打檸檬茶應該冇得鬥 (你冇得同我架FC鬥呀呀呀呀呀!!)，而家加咗價要 $14，都仲係好平! 今次個糯香檸檬茶好似走甜咁，但糯香就前所未有咁香濃，有好有唔好 🙈香港嘅螺絲粉我都試過幾間，暫時都仲係呢間最高質，而且最神奇嘅係，佢其實係最唔大陣臭味果間，喺門口外面基本上係聞唔到任何臭味，對唔鍾意陣味嘅人嚟講亦都影響最少

螺絲粉只在大陸嘗試過，在香港就第一次食，在葵芳屋企附近新開咗一間秋香螺絲粉小店，所以就到來試一試，店內環境不大，設計簡約，座位不多，應該最多大約可以坐 20人，我們點選了一個招牌炸蛋螺絲粉及一個秘製牛腱螺絲粉，另外一杯糯香青檸檬茶及一個$20套餐，包一個飲品及一個小食，我選了青瓜及豆漿， 先講炸蛋螺絲粉，真的幾特別，炸蛋吸收了湯汁，幾好味道，而另外牛腱就幾軟林幾入味，如果下次再來就想试豬腳及鸭腎，我覺得這間螺絲粉的餸菜選擇比較多及特別， 整體都頗滿意。