秋意 (多寶樓)

營業中

休息中

There are many small shops and restaurants in Quarry Bay. We went to a newly opened takeaway restaurant - Qiu Yi, which is already very famous in Kwun Tong. It specializes in boneless soy sauce chicken. The restaurant opened in Quarry Bay, and I really don’t want to miss it and share it with everyone!Boneless soy sauce chicken: First of all, I want to talk about boneless soy sauce chicken. The chicken is very tender and smooth, and the soy sauce flavor is strong but not too salty. It is very con

秋意//最近同同事試咗附近開咗一排既秋意，整體食物都係標準之上。 黃酒藥膳雞湯麵 - 淮山麵 ($66)呢碗湯麵的湯底實在值得一個稱讚，湯底非常鮮美，黃酒的香氣與藥材的味道完美融合，紅棗十分清甜，令人想一飲再飲。雞肉係白切雞，肉質鮮嫩，口感滑順。淮山麵的彈性適中，搭配清甜的湯底，令成碗麵更加美味。呢碗麵除咗暖胃，仲有一種健康的滋味，十分推薦！ 秋意去骨豉油雞($100/半隻)秋意去骨豉油雞係我最喜歡的菜之一。雞肉經過精心醃製，味道入味，外皮充滿著豉油汁既咸甜。去骨的設計令食用更加方便，肉質鮮嫩，搭配白飯簡直是絕配。 招牌去骨口水雞($100/半隻)招牌去骨口水雞的獨特之處在於其醬汁的調味，香辣的味道讓人忍不住一口接一口。雞肉的鮮嫩程度讓人驚喜，肉質嫩滑。這道菜的調味非常到位，既有香氣又不過於油膩，同行友亦話呢個味道出乎意料地好食。 酒釀溏心蛋($10)酒釀的香氣濃郁，而溏心蛋的蛋黃則是剛剛好，流心的口感滑潤，甜而不膩，值得一試，不過$10略為有點貴。 陳皮洛神花($8)陳皮洛神花清新可口。陳皮的香氣與洛神花的酸甜味道十分夾，喝起來非常解渴，適合搭配飯菜亦都適合單獨享用。 總括來說，秋意

聽講係觀塘同鰂魚涌打工仔名物，60幾蚊就有大大碗🤩秋意去骨豉油雞飯 $66雞皮色澤睇落好入味😲，食落有淡淡帶甜味嘅豉油香。脂肪比例都幾好，有少少脂肪得嚟又唔太肥，食落好似滑入口咁😋。肉質彈牙，一啲都唔榎，仲有啲雞油。飯身都有豉油汁，撈飯食好容易一啖接一啖，好快食哂成個飯🍚！每個飯都有啲配菜，同半隻溏心蛋。秋意去骨口水雞飯 $66口水雞汁有花生同蔥配料。雞皮食落都一樣咁嫩滑，口水汁好惹味但唔會過辣🌶。雖然口水汁較重口味，但依照食到雞嘅鮮味👍🏻。去埋骨，啖啖都係肉真係好滿足！加咗隻溏心蛋 $8外層有微微嘅酒香🍶，後韻係甜甜嘅醬油味，流心蛋黃配飯一流。

今日朋友介紹我去鰂魚涌中菜館去買外賣返屋企食，佢知我喜歡食美味中菜，佢話這間中菜館有幾種好美味嘅雞食品，有豉油雞、口水雞、貴妃雞，仲有紅燒肉、牛魔王，樣樣都好美味，食物質素好，價錢又唔貴，主食仲可以配搭白飯及麵！⭐️我就選咗瑤柱去骨貴妃雞配白飯及秘製紅燒肉配湯及淮山幼麵。還有見到有優惠，就是逢星期一至五3點後及星期六全日消費滿$300，就送你秋意去骨豉油雞半隻！⭐️瑤柱去骨貴妃雞配白飯是一道鮮味與細膩口感的粵式料理，適合追求精緻飲食的食客，瑤柱經過泡發後，釋放濃郁的海鮮香氣，帶有自然的甜味與發酵般的深邃風味，能提升雞肉的層次，瑤柱絲鋪在雞肉上，咀嚼時散發鮮味，與嫩滑的雞肉形成對比，貴妃雞去骨後肉質更加細膩鮮嫩，皮爽滑肉滑嫩，吸附埋瑤柱的鮮味，白飯本身米香純粹，質地鬆軟，能完美吸收貴妃雞的湯汁和瑤柱的鮮味，平衡椰菜的濃郁，米飯的綿密與雞肉的滑嫩形成對比，還有爽滑木耳同美味糖心蛋，每一口都充滿滋味。⭐️秘製紅燒肉配湯及淮山幼麵這道菜的風味層次豐富，結合了濃郁的紅燒肉與清雅的淮山麵湯，紅燒肉醬香濃郁，經過慢燉的五花肉，呈現鹹甜交織的經典紅燒風味，肥肉部分入口即化，瘦肉則酥爛不柴，膠質感十足，搭配湯

尋日喺鰂魚涌經過一間街坊外賣小舖，主打嫩雞，決定試吓佢哋嘅飯盒。我叫咗兩款飯：貴妃雞白飯同豉油雞白飯，兩款轉淨脾都係$150內貴妃雞白飯雞脾滑嫩，同埋夠大隻，食落淡淡嘅雞香，配埋香甜既瑤柱，好正！糖心蛋半熟流心，蛋香突出；有好多配茶，椰菜同木耳炒得清爽，冇多餘油份豉油雞白飯呢款雞脾都好嫩滑，豉油味偏甜，好入味，食落舒服，冇過鹹。配菜同樣有糖心蛋、椰菜、木耳，質素穩定，保留到爽口口感。同樣選咗淨脾飯，油香同飯粒分明程度都不錯，夠飽肚。整體嚟講，呢兩款飯都唔錯，好食、足料，係值得再幫襯嘅街坊外賣選擇

鰂魚涌滑嫩雞飯外賣店最近喺返工嘅地方發現咗呢一間外賣店，因為未試過，所以決定試吓佢嘅去骨豉油雞同瑤柱去骨貴妃雞，真係好好味。秋意去骨豉油雞 ($66)呢道去骨豉油雞，雞肉處理得好好，肉質仲保持住鮮嫩。豉油醬汁浸入雞肉，好香又夠味，搭白飯食簡直係絕配！另外飯盒裏面嗰啲蔬菜都好多，食落好健康！瑤柱去骨貴妃雞 ($68)瑤柱去骨貴妃雞就更加高級啲。瑤柱鋪滿咗喺雞肉嘅表面，瑤柱嘅鮮味同雞肉融合得好好，提升咗整道菜嘅口感，呢款比豉油雞更加好食，我更加推介！個餐入邊仲有個酒釀溏心蛋，醃得幾好食！仲有一樣好嘅地方，就係可以加$10轉脾，適合鍾意雞脾嘅人，另外可以加$5指定要雞胸，有呢個選擇幾唔錯。如果喺附近返工嘅話，lunch可以試吓呢一間。

鰂魚涌不嬲有好多小店餐廳，我地去咗一間新開嘅外賣餐廳-秋意，本身喺觀塘已經非常出名，主打無骨豉油雞味道，餐廳開到鰂魚涌，真係唔想錯過同大家分享！無骨豉油雞首先要講嘅係無骨豉油雞，雞肉得非常嫩滑，豉油味濃郁但唔會過鹹，去咗骨非常方便適合我呢啲懶人唔使吐骨，搭配少少薑油，味道更加惹味。酒釀糖心蛋酒釀糖心蛋，酒味香濃，蛋黃煮得剛剛好，流心嘅感覺一咬就流出，係一個非常出色嘅糖心蛋。香辣蓮藕角最後要提嘅係香辣蓮藕角，蓮藕非常新鮮，香而而不辣，唔會太過刺激，忍唔住一口接一口，非常適合配搭啤酒，絕對係一個開胃小食！大家係鰂魚涌返工一定唔可以錯過依間小店一定會俾到你驚喜，可以食一個滿足嘅午餐。觀塘分店亦方便九龍區嘅食客。

本人為鰂魚涌太古坊的打工仔，眼見鰂魚涌嘅餐廳間間都做唔住，有啲又大排長龍，成日都覺得搵食艱難。但係自從秋意開業之後我差唔多每一日都係去秋意嗰度食豉油雞飯。首先講食物質素，雞件真係每件都好嫩滑，仲要係一啲骨都冇。份量足夠，女仔一定食得飽男仔嘅話就可能要加個小食。價錢10分公道，喺鰂魚涌嚟講算係平價之選。我其實有試過店裏面嘅其他食物，但係都係覺得貴妃雞同埋豉油雞最為出色。如果揀面嘅話仲可以配上冇味精嘅雞湯真係令人可以日日食都唔會厭。順帶一提姐姐收銀嘅時候真係好健談同埋好好人，因為我真係成日食已經認得我仲成日都會同我吹水。

秋意(香港) 地址: 香港鰂魚涌海堤街2號多寶樓地下E5號舖食過一次觀塘店架雞飯，但我放工去基本上d雞都賣得7788，因為我放工去到都8點啦！得知quarry bay 都有，放工即去買外賣比埋家人做晚餐。$66 去骨豉油雞，計飯/濃雞湯上海粗麵呢度架雞會像海南雞，不是100%坐熟，肉嫩不會煮太耐而變鞋過老。$66花膠肉碎膽膽麵,花膠爽口，辣辣地架肉碎同湯頭, 好好食，阿媽話好正，花膠養顏$10 酒釀溏心蛋，我最愛，必加

愛店觀塘豉油雞開到黎鰂魚涌，專做外賣，呢晚放工當然要加餸試試！買夠$300下次仲會送半隻雞畀你，個到都$100豉油雞半隻 $100一入門就見到「食雞唔食皮，不如唔好食」嘅招牌😂 Ok平時我真係唔食但呢間真係忍唔住！雞肉真係好滑，連最易伏雞胸位都表現不錯，仲要去好晒骨真係超吸引，秘製豉油滲透晒落雞皮入面，雞皮好薄好彈滑肥膏唔多，如果你食雞係食埋皮嘅話就夠味架喇，如果浸到雞肉都有豉油味就會過鹹，啲人話雞肉唔夠味但我覺得佢嘅做法係咁，所以先有咁濃郁嘅豉油畀你點，仲有豉油雞便當$66連飯，不過半隻先夠屋企食😂原件花膠肉碎擔擔麵 $66擔擔麵偏辣，花生醬味唔重，有好多花生碎，可以揀上海粗麵/淮山幼麵，上海粗麵似烏冬，幾稔身但唔係彈牙個種，花膠幾大塊入味蟲草花烏雞燉花膠湯 $78花膠炆得好淋，雞湯好香濃，補而不燥，不過就少貴啦，間唔中孝敬下媽咪都okShake Shake 芥蘭 $38芥蘭好翠線爽脆，配秘製辣醬過癮

今日放工黎買外賣聽到呢間豉油雞質素唔錯就試下🥹不過今日豉油雞賣晒試吓其他餸質素都唔錯值得一試👍🏻⭐️ 招牌去骨口水雞 🐔雞肉無骨啖啖肉好嫩滑🍗勝在唔會太肥質素好好😄 口水汁嘅調味充滿花生香同埋麻香🥜辣度有層次值得一讚送飯一流🌶️⭐️ Shake Shake 芥蘭 🥬放工想食個菜芥蘭爽脆又鮮甜💚 辣醬配上蝦乾充滿鹹鮮嘅南洋風味🦐⭐️ 玫瑰山楂飲 🌹入口清爽又開胃甜度唔算高🍇整體黎講好解渴呢🩷

呢日咁啱經過鰂魚涌，終於試咗呢間外賣自取。晏晝大概12點到，未有好多人住，唔使等就可以直接落單等咗大概5分鐘，好快就拎得~⭐️秋意去骨豉油雞成隻豉油雞，好送飯。皮同埋肉嘅份量係二八，佢嘅肉嫩滑，吸晒豉油味🤤🤤 佢嘅豉油雞汁比起出邊食嘅冇咁甜，偏向鹹多少少。⭐️瑤柱去骨貴妃雞 配雞湯幼麵加咗$10轉雞髀位置。預先去咗骨，食落去啖啖肉，好滿足！皮嘅位置唔肥膩，連皮食好好味。錦上添花係瑤柱連埋貴妃一齊食，好夾，值得一試。套餐配雞湯油麵。外賣，麵同湯分開，做得幾好，唔會拎到返去已經浸淋晒。佢嘅雞湯係淡淡地、清清地嘅雞湯味，一啲都唔油。仲有少少腐竹、枝竹喺入邊。⭐️原件花膠肉碎擔擔同上海嘅擔擔麵唔同，比起花生香，佢呢款擔擔麵係肉碎味，同埋花膠，比較養生同埋light 啲🥸 我哋嗌咗幼麵，佢入邊仲有啲木耳、腐竹，成個組合幾夾。⭐️蔥油涼拌雙耳雙耳係黑、白木耳。份量幾大份，調味啱啱好，唔重味。食落去爽爽聲，好開胃⭐️撈汁皮蛋差唔多有一隻皮蛋，少少甜甜酸酸，做得幾好。夾落去嘅時候，皮蛋冇散晒出嚟，仍然有咬口，幾好味

天氣越嚟越熱，唔想煮飯，一於買外賣番屋企食😍「食雞唔食皮 不如唔好食」🌟秋意去骨豉油雞冇骨真係好方便，啖啖肉！雞肉好嫩滑唔會嚡熠熠，而且雞皮又好嫩滑，好入味，唔止雞皮有味，雞肉都有，但亦都唔會過鹹！佢仲有就咁嘅豉油雞賣，當斬料買返屋企都好方便😍🌟蒜辣牛魔王(牛腱牛舌)呢個我就冇跟飯，轉咗濃雞湯淮山幼麵！湯底好濃郁，牛腱同牛舌滷得好入味，而且每一嚿都好厚好大嚿！🌟 蟲草花烏雞燉花膠湯有得用$50優惠追加燉湯，好值得😍入面真係有一舊花膠，而且唔係細細塊，雞件都有幾舊！好足料！而且一打開蓋就已經聞到好香，滋補又美味😍🌟撈汁皮蛋有好多蒜蓉喺中間，皮蛋味都好重，撈埋一齊食好正👍🏻🌟Shakeshake芥蘭份量好多，而家醬辣辣地，有蝦米，好惹味！

今日嚟到鰂魚涌呢間人氣外賣店「秋意」，試吓佢哋嘅招牌去骨雞。「秋意」主打各款去骨雞，喺海堤街多寶樓地下，超級方便附近返工嘅人。舖頭細細，主要做外賣生意，冇堂食。聽講佢哋喺觀塘嗰間都幾多人幫襯，依家開到嚟鰂魚涌，相信都有一定水準。招牌去骨口水雞飯（$66）：嘩！呢個真係不得了！份量十足，雞肉滑嘟嘟，一啲都唔鞋口。個汁用花生醬同辣醬調成，似擔擔麵嘅香味，但唔算好辣，好惹味😋！重點係仲有粒溏心蛋，蛋黃好濃郁，同雞肉簡直係絕配！瑤柱去骨貴紀雞（$68）：呢個係穩陣之選！雞肉醃得好入味，皮脆肉滑，有陣陣瑤柱的鮮味，啲飯索晒雞汁，好香！份量都OK，啱晒想食得簡單啲嘅人。滷水溏心蛋（$10）：溏心程度啱啱好，一切開蛋黃就流出嚟，滷水味香濃，送飯一流！網上好多人都讚呢個溏心蛋，話係必叫item！

本身諗住用佢個QR code落單，唔知點解整咗兩次都處理唔到，打落去問，聽電話嗰個阿姐，已經一輪嘴喺度講，根本就冇聽過人哋講嘢，問佢可唔可以電話落單，跟住仲cut線，落到去買嘅時候，仲話我大力cut佢線，我用手提電話都唔知點樣可以大力做呢件事🤔️然後說好的5分鐘根本都仲係要等…..下次唔會再選擇呢間了，返工咁攰，仲要無啦啦有人比氣你受