秋意 (成業工業大廈)

營業中

休息中

秋意去骨豉油雞 轉淨胸去骨雞胸肉經過精心處理，肉質鮮嫩多汁，咬下去時口感滑順，令人滿意。豉油的鹹香味道十分入味，增添了風味，讓每一口都能感受到醬汁的濃郁。豉油的味道與雞肉的原味相得益彰，讓整道菜的風味更加和諧。配蝦蝦冷拌麵麵條煮得恰到好處，口感滑順，帶有彈性，讓人一口接一口，十分過癮；味道醇厚，略帶鹹香，與麵條的口感相得益彰，讓人感到滿足。熱飲 生薑蜜生薑的辛辣味道十分明顯，帶來了溫暖的感覺。蜜糖的甜味平衡了生薑的辛辣，讓整體口感更加柔和，令人感到舒心。酒釀溏心蛋經過精心煮製，口感柔滑，溏心蛋黃的質地恰到好處，流心的口感讓人驚喜，帶有濃郁的風味。酒釀的香氣為整道菜增添了獨特的風味，甜中帶有微微的酒香，讓人感到溫暖。Shake shake 芥蘭芥蘭的鮮綠色澤讓人食慾大開，口感脆嫩，咬下去時十分爽口，保留了蔬菜的原汁原味。清蒸的做法讓芥蘭保持了自然的香氣，清爽宜人，十分適合搭配重口味的醬汁。醬汁的味道濃郁，融合了香、鹹、微辣的元素，為芥蘭增添了額外的風味層次。

今次試咗觀塘秋意嘅口水雞外賣，一打開就聞到好香嘅花椒辣油味，雞肉睇得出色澤好靚，啲皮黃滑得嚟仲好嫩。肉質真係超嫩，啖啖滑溜，完全唔鞋口，連凍咗都保留返鮮味，唔會乾。同上面灑嘅花生碎、蔥花、香辣醬混埋一齊食，鹹香麻辣層次好明顯，啲花椒麻得嚟唔會搶晒味，反而突顯咗雞嘅鮮甜。啲配料有木耳同涼拌菜，口感都幾好，而且加埋溏心蛋更加豐富。以外賣嚟講，包裝都算唔錯，醬汁冇瀉晒，油份唔算重；送到嚟口感仲keep到水準，好驚喜。整體嚟講，秋意嘅口水雞真係有水準，雞嫩醬香、各種配料都夾得啱啱好，食完會想再encore！

特意帶同事去試我心目中嘅世一豉油雞。前菜有溏心蛋、雲耳雪耳、椰菜，幾有誠意。估計佢地用三黃雞，所以雞比較肥但香。雞肉好嫩滑 (雞隻應該慢慢浸熟)，雞皮上食好 (估計用高焦糖色素嘅草菇老抽)，而且豉油有一浸玫瑰露香味。所以一啖雞肉咬入口，有雞油香、豉油香、雞肉嫩滑感，正啊！！睇得出烹調過程絕不馬虎。所以減肥嘅我破戒連雞皮食埋，否則會對唔住師傅嘅誠意。至於其他產品，e.g. 黃酒雞、尖椒皮蛋，就正常發揮。唯一挑剔係有一位女員工比較唔耐煩，影響整個用餐體驗。

今日有事嚟到觀塘食午餐，就去番啅呢間係成業工業大廈上面既秋意。我早到，有位坐，唔係就要排隊等位。坐低就掃碼落單，念念不忘佢個豉油雞，就一於點呢個秋意去骨豉油雞套餐，轉髀，配精制濃雞湯淮山麵。好快個餐就嚟到，飲啖雞湯，好清甜，配淮山麵十分好食，加上佢地個去骨豉油雞，真係世一，濃郁既豉油味外仲有酒既味道，十分美味。整體非常滿意。口味：🥚🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚

最近同朋友搵到鰂魚涌一間超正嘅外賣店，叫做秋意，專做川菜同各式雞菜，特別係佢哋嘅去骨豉油雞真係一試難忘！📍秋意去骨豉油雞性價比超高！佢哋用新鮮三黃雞，雞皮薄而入味，啖啖都滲晒豉油汁嘅香氣，雞肉嫩滑多汁，完全唔會鞋口，仲要去骨🥹🥹🥹食起來超方便！配飯或者濃雞湯麵都得，我哋揀咗白飯，飯粒煙韌，襯托雞肉嘅味道剛剛好😚陳年醉汁去骨雞+醉汁雞白飯呢個係另一款招牌，雞肉浸過陳年醉汁，帶有淡淡嘅酒香同藥材味，入口嫩滑，味道層次好豐富！☺️❤️‍🔥醉汁略為濃郁，微甜帶點鹹香，淋喺白飯上，飯都變得好惹味！同豉油雞比，醉汁雞多咗一份獨特嘅風味，鍾意酒香嘅朋友一定會中意😁🤟🏻酒釀溏心蛋蛋黃流心，酒釀味道濃而不膩～蟲草花烏雞燉花膠湯真係好滋補！湯料好足，有烏雞、蟲草花同大大塊花膠，湯頭香濃，飲落暖胃又養顏😎花膠炆得軟滑，雞肉嫩而入味，雖然價錢略貴，但份量同質素真心值得😌凍玫瑰山楂飲入口清爽，帶點玫瑰嘅花香同山楂嘅微酸，甜度適中，好解渴，仲有助消化，食完油膩嘅雞菜後飲一啖真係好match！🙌🏻Shake Shake 芥蘭芥蘭爽脆鮮甜，配上辣醬同蝦乾，充滿南洋風味～整體嚟講，秋意嘅外賣質素好穩定，菜式味道同觀塘店一樣

👧🏻😋👅🍽✨They do chicken right 👏🏻-🐓 2021年開業，立志要做出最好味嘅豉油雞，真心覺得你哋做到了！🐓 觀塘本店牆上一句「食雞唔食皮，不如唔好食」雖然唔押韻，但道出咗食雞嘅精粹🤤▪️秋意去骨豉油雞 半隻 $94🍗 豉油浸滿每一寸雞皮同雞肉，但食落唔係死鹹，係香甜嘅感覺，肉滑皮爽勁出色▫️招牌去骨口水雞 $64🌶 口水汁偏向似麻醬，香辣惹味，加咗$10轉淨脾，滑到不得了▪️原件花膠肉碎擔擔麵 $64🍜 擔擔湯算幾辣，花生同芝麻味都好香，轉左幼身嘅准山麵質地爽口，掛上肉碎好開胃▫️小食👣 味噌雞腳 $22 (單點) 香甜入味、皮肉分離，每隻雞腳都飽滿好多肉🥚 酒釀溏心蛋 $10/隻 (跟餐) 外層淡淡酒味唔會太搶橙黃色蛋黃嘅香甜▪️飲品 $8/包 (跟餐)🍹 自家製冷泡茶用膠袋包裝方便帶走，番石榴柚子果香清清地、羅漢果菊花茶用低糖配方，甘甜清熱

🏬📍觀塘成業街19-21號成業工業大廈6樓29室▪️秋意去骨豉油雞（嘢飲跟餐+$8）$72呢一個豉油雞飯嘅量好足‼️食落都容易飽肚入面都包咗三樣前菜有涼拌雪兒&木耳、糖心蛋同埋少少菜～ 鍾意佢嘅溏心蛋 因為好入味😋佢個豉油雞係非常入味同埋佢嘅色澤望落都好吸引 見到佢都係好深色嘅食落就覺得佢個肉質都唔錯 都幾嫩滑嘅咁我自己本身就好鍾意食雞皮嘅 所以我覺得呢一個豉油雞一個唔好嘅地方就係雞皮太肥膩🥹所以都好可惜地冇得咁盡興咁食埋雞皮跟住覺得佢個嘢飲都幾特別 係好似袋咁樣裝住😂

🧭秋意• 觀塘🍴觀塘成業街19-21號成業工業大廈6樓29室黎到難過既星期三，lunch要食好啲先有動力捱多2日😬今日同飯腳去食傳聞世一豉油雞先得😛秋意去骨豉油雞⭐️⭐️⭐️⭐️⭐️真世一豉油雞，佢個皮好脆。食落好香同埋無骨 可以啖啖肉咁享受呢個🐥😛之後佢有3個前菜一齊上 有菜 有雪耳 同糖心蛋🥚而白飯上面亦都有落到飯素，令個白飯唔dry...再加埋個豉油！簡直不得了。岩哂我呢啲鐘意豉油撈飯既人。呢間絕對值得encore 食，之前lunch time都大排長龍。依家開多左個單位 就唔洗等好耐。#hongkong #hongkongfood #foodstagram #foodie #chicken #香港#覓食 #香港美食 #九龍 #觀塘 #觀塘工業區 #港式 #燒雞 #糖心蛋 #lunch #秋意

#去骨豉油雞飯雞肉質感幾滑，但唔知係咪浸得太耐，食嘅時候有啲苦味，唔係我預期中咁好食。網上評價咁高，但我覺得味道真係普通，冇咩特別驚喜。#前菜跟餐配咗啲前菜，流心蛋煮得唔錯，蛋黃流心🤣最好食應該係呢樣

朋友咁啱Work from Home，就約喺公司附近食個lunch😆黃酒藥膳雞湯麵金黃色湯底帶有淡淡黃酒的香氣，淮山麵幼滑，配上杞子、木耳同埋蟲草花，增添了風味和營養。去骨雞肉質鮮嫩，雞皮彈牙。整體來說，湯頭美味，如果碗麵再熱啲就會更加滿足

最近我去咗觀塘的「秋意」，餐廳位於工廈，但人氣好盛。呢度最出名係豉油雞，但我上次食過，所以今次試其他。首先，我試咗佢哋嘅「瑤柱去骨貴妃雞」，呢道菜真係超正！雞肉煮得非常嫩滑，咬落去完全冇咬勁，肉質鮮嫩，入口即化。瑤柱嘅鮮味同雞肉完美結合，令整道菜有一種海味嘅清新感。配埋白飯，飯粒粒分明，飯面有飯素，吸收咗雞肉嘅鮮美，食落去真係一啖接一啖，完全停唔落嚟！我選咗轉淨脾，味道更加清新，唔會太重，正好襯住雞肉，令人食得更加開心。接住試咗「原件花膠肉碎擔擔」，呢個真係辣得過癮！擔擔麵湯底香濃，花生醬食食下都仲時不時痴住麵，好濃郁。味道好入味，簡直係無得輸。花膠嘅口感滑膩，但偏少，得1舊。肉碎則帶有一點點咸香，兩者搭配得好好，令整道菜有層次感。辣味唔算太強，但夠刺激，食完之後令人心情都好起來。麵條幼滑，吸收咗湯底嘅味道，口感真係一流，咬落去有嚼勁。另外，想食得健康啲，餐廳仲有個涼菜拼盤，味道清新，非常開胃。入面有幾款不同嘅小菜，塘心蛋，涼伴菜，配上特製嘅醬汁，味道酸酸甜甜，正好平衡咗主菜嘅濃郁，真係好好味。

觀塘呢間餐廳好出名食雞，今日就同老公嚟試一下！ ！佢真係好多人食，我哋七點幾嚟都要等一陣😂秋意必須要食豉油雞，所以我哋食咗半隻，啲雞件好滑，豉油甜甜哋，果然係招牌菜😉另一個嗌咗瑤柱貴妃雞，佢個味道溫和啲，轉咗做雞髀，所以每啖都係肉，跟嘅飯上面有啲飯素，食落去味道豐富啲🥣酸菜魚好唔錯,又唔會太重口味，跟咗淮山麵，原來都幾夾。啲魚冇骨大大加分👍仲嗌咗一個小食係皮蛋，呢個反而有啲啲辣！將個皮蛋溝埋啲面食，簡直就係神一般的美食🥰🥰另外我哋仲嗌咗涼菜拼盤，可以換下口味，隻蛋必食😬😬😬飲品都幾多款，大大包share 飲都得🫶🏻

得一樣野好味的餐廳😪仲要有🪳豉油雞半隻豉油濃味，雞嫩，不過凍嘅，成間餐廳得依個雞係嫩💰HKD$98口水雞飯得個辣字，雞肉唔夠嫩💰HKD$64黃酒藥膳雞湯麵雞都係鞋，重黃酒味，重點黎啦‼️有隻小曱甴🪳跟住同佢講佢淨係話整過碗比你，一句唔好意思都冇，咁我都已經冇胃口啦就話唔洗整啦。但到埋單佢照收我錢,跟住我睇返OpenRice有人都表示間野好污糟，食到肚柯🤮🤮💰HKD$64皮蛋正常發揮💰HKD$28

留意返鰂魚涌只有外賣，呢間我係喺觀塘堂食，老闆嘅金句係食雞唔食皮不如唔好食，佢嘅豉油雞係有特別去過啲肥嘅部位，所以食落完全唔覺得肥，豉油偏甜，好適合配飯食，好好食啊，本身我唔知個飯配有糖心蛋，另外加咗錢要😂，洛神花茶正常，個溏心蛋好重酒味，好正，唔怪得隔籬枱會另外加錢要多隻-。 秋意去骨豉油雞 | $58轉白飯，飲九製陳皮洛神花，再加了酒釀溏心蛋-📌#sorriso_觀塘 #sorriso_觀塘區 #sorriso_鰂魚涌 #sorriso_東區-👅【秋意】📍觀塘成業街19-21號成業工業大廈6樓29室 (有堂食)📍鰂魚涌海堤街2號多寶樓地下E5號舖(外賣店)🕑Mon-Sat 12:00-18:00#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #觀塘美食 #鰂魚涌美食

「秋意」我認為是暫時香港最好食嘅豉油雞，一想食就會即刻諗起，今日去開觀塘梗係去食，而家佢哋仲擴充咗，有埋斜對面嘅舖位，空間大咗坐得更加舒服，人氣依舊不變，一樣爆棚👍👍▪️秋意去骨豉油雞（半隻） $ 98保持一貫水準，都係嗰句「食雞唔食皮、不如唔好食」，豉油雞賣相和醬汁色澤，已經睇到已經好想食，雞皮入味到不得了，雞肉就算連雞胸都係嫩滑，沾上鹹甜適中的豉油雞汁，再食一口白飯，快樂就係咁簡單🤗▪️黃酒藥膳雞湯套餐配白飯 $ 82今日試咗新嘢，黃酒藥膳雞湯睇湯既顏色，就知道味道濃郁到不得了，加上蟲草花、紅棗和木耳非常滋補，就咁飲或者撈飯，似湯飯都好鮮味，雞件一樣係去咗骨，雞皮和雞肉都香滑到不得了，而且入晒味，正呀▪️ 酒釀溏心蛋 + $ 10 （加配價）都係呢度必食嘅小食推介，全個雞蛋充滿酒香，溏心蛋黃入口甘香油潤▪️撈汁皮蛋 $ 28溏心皮蛋撈上自家製既醬油辣汁，再伴上蒜蓉和香蔥，香辣惹味▪️芝麻醬拌油麥菜（沙律） $ 20油麥菜和沙律菜新鮮又清爽，仲有小蕃茄，再伴上沙律菜的最佳醬汁拍檔芝麻醬，新鮮好食▪️白桃烏龍茶（無糖） + $ 8（套餐）▪️羅漢果菊花茶（低糖）$」 $ 24自家製嘅特色茶飲，跟套餐