296
15
6
港鐵尖沙咀/尖東站 B2 出口, 步行約4分鐘 繼續閱讀
所有分店 (2)
電話號碼
39973369
營業時間
今日營業
11:30 - 14:00
17:30 - 02:00
星期一至五
11:30 - 14:00
17:30 - 02:00
星期六至日
17:30 - 02:00
付款方式
Visa Master AlipayHK 支付寶 現金 AE 銀聯
座位數目
300
其他資料
網上訂座
深夜營業
VIP房
賞訂座積分
外賣服務
到會服務
加一服務費
電視播放
球賽直播
當面支付
有關獎賞計劃
食評 (400)
等級4 2019-06-03
1488 瀏覽
火鍋店係金馬倫道中國人保險大廈1樓同2樓,我地坐係2樓,坐卡位坐得舒服,每枱仲有一部私人電視睇。菜單上嘅選擇多到眼花繚亂,十五十六咁唔知叫咩好,下單方法可以掃二維碼用電話下單,好先進好環保,而且仲方便我地check番單。醬汁隨我地自由配撘,各自因口味而調配。健脾養顏椰子雞湯 $188叫左個椰子雞湯底,好清甜,又想打邊爐又怕熱氣最岩呢個湯底,雞肉好嫩滑,吸收左湯底之後肉汁好甜,充滿椰子味。本地招牌手切肥牛 (大) $318叫得禾牛薈當然要試下呢到嘅牛肉,試個招牌肥牛,牛味好濃,肉質新鮮,顏色好靚,肥瘦都好均衡,食落肉質彈牙,唔需要任何醬汁已經好好食。水晶粉 $48提醒左我地水晶粉只需要一分鐘就食得,非常滑溜彈牙煙銀,索左湯底好清甜。鮮冬菇 $48每一舊都好大舊,對於我呢個冬菇愛好者真係好滿足。手打牛丸 $78牛味好濃,肉質好爽,新鮮製作嘅味道。特別想推介呢兩樣,因為真係好正自家製餃子 $88皮薄餡靚,見到好多精係入面,粒粒都夠哂份量。醬爆芝心丸$48好窩心咁提醒我地小心熱,入面嘅芝士多到要溢出泥,仲要有牽絲嘅效果,芝士味濃,大大粒夠哂飽肚。四個人食1400有找,有私家電視睇,唔洗自己買又唔洗自己洗 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-26
1673 瀏覽
個人推介指數分8(10分為滿分) - 這裡環境舒適, 不像在某些出名或任食的火煱店子般嘈雜和空間不足. 客人可以在此慢慢品嚐美味的湯底, 食材和飲料, 最令人感到暖心的是每張卡坐也有自己的小電視, 大家就可以邊娛樂邊享受美食. 這裡的食材不是講求卓頭, 是在其原味作精選和調味, 務求讓客人品嚐其食材本身的味道. 服務方面, 服務員也很細心推介食物, 對其餐廳的食物表現出一種自豪感, 這是較為難得. 這裡的卡坐既有空間感又有私密的感覺, 一行四人就最適合, 即使點了很多道火煱, 店子還有一個很大的層架, 肯定有足夠的位置放置食材, 客人就不需很趕忙地為了空間而清理食物. 是晚我們一行四人從日本回來, 很懷念港式的火煱, 於是相約在此所朋友推介的火煱店, 希望一邊享受美食一邊回味大和之旅. 日式的火煱和港式的最大的分別就是湯底, 湯底在我們港人心中是靈魂之所在, 反之日式的湯底不是其重點, 以食材為主角, 湯底也多不過是以魚或醬油為主. 可能在日本吃了不少燒肉, 是次火煱我們也不想試太濃味, 太刺激的口味, 一致通過點了一個椰子雞湯, 裡面除了也大量切薄了的椰子外, 還有很多粟米, 所以那啖湯除了有清淡的雞味外, 還有種香濃椰子和粟米的甜味, 就是單單飲這個湯, 喉嚨也感到滋潤.醬料有很多選擇, 除了我最愛的沙茶醬外, 還有原條的XO醬, 很有誠意當湯底未準備好時, 我們聽從服務員的推介, 點了一味黑松露shake shake 薯片, 我們把手造的薯片放入袋中狂shake, 松露的香味已四溢.一咬下去, 味道相當討好, 既有松露的香, 也有薯仔本身的原味. 不過, 要食就要快手, 否則手造現炸的薯片會隨放涼變軟身一點, 味道和口感會有些影響. 說真話, 一會兒就被消滅呢!之後我們就瘋狂式點了以下美味的食材 特級手切肥牛仔(細) - 份量細已經不少, 油份分部剛好, 大約放入湯中焯十至二十秒為最佳. 肉質相當細嫩, 牛味也很突出,只沾一點點xo醬增加其層次感就足夠了.  平心而論, 在坊間曾品嚐過很貴價的肥牛, 也沒有這裡的水準, 確是整晚的亮點, 可恨沒有叫大份量, 一會兒就被吃掉. 西班牙橡果黑毛豬片- 黑毛豬片切的很薄, 所以即使在湯中焯一會也應該沒問題, 不過為安全起見, 我們也焯得全熟才吃. 即使在全熟的狀態, 肉質也很幼滑, 當然沒肥牛般入口就快溶掉, 卻多了一份咀嚼的口感. 雖說本人不材, 不能吃到橡果的香味, 但豬本身味道較清新我還能嚐到. 在調味方面, 本人認為沾些辛辣的醬油和一點薑容, 感覺很豐富, 大家不妨可試試. 自家製餃子 - 這也是是晚第二個亮點, 內裡充滿肥厚的蝦和香濃的帶子, 放進湯裡良久也不會散開. 基本上不用沾任何醬料, 伴以椰子湯來吃, 清新之餘更有濃濃的海鮮味道. 最重要是其真材實料, 就是大蝦和帶子已經值回票價. 這個是我們在此次唯一安call 的食物, 可見其美味程度.手打黑白墨魚丸 - 墨魚丸非常彈牙, 有濃郁的墨魚味, 而黑色的丸子加入了黑魚汁, 味道較白色咸一點, 但帶多一點海鮮味. 菜心苗和油麥菜 - 吃了那麼多肉和海鮮, 也得為肚皮積點福, 這個菜心苗質地爽口, 味道又甜, 浸泡一會基本上就可以進食, 為我們的胃部清一清, 減減膩.來一幅食材大合照, 平心而論, 味道真的很好, 吃罷也不用飲太多飯料, 証明其調味是基本的, 我們吃到的就是湯底和食材的原味道.席間我們點了一jar 菊花茶, 不過本人就覺得甜了一點, 可能叫酸梅湯等會較好. 不過其實以茶作飲料我認為是最佳, 最能在每樣食材之間作清清味蕾之效.整体以言, 這裡無論食材, 湯底服務和環境也是有很高的水平, 有驚喜, 價錢方面也萛合理.最岩一行四至五人到來, 坐在卡座, 慢慢談天說地, 享受邊爐之樂.  繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-17
957 瀏覽
收工同同事食飯, 四個人最好就係打邊爐, "禾牛薈"就喺公司附近好方便, 我地book咗六點半時間尚早未係好多人, 喺樓下有店員確認booking, 上到去就有店員安排座位, 店內有好多卡位而且仲幾寬敞添, 我見仲有好多間VIP房, 睇黎下次同學聚會可以諗諗佢。睇睇點餐紙有好多選擇, 首先揀咗個湯底先, 店員介紹"御膳宮廷海中寶", 女士們一聽到有花膠已經心心眼😍, 仲可以飲埋湯先打邊爐, 啱哂我地。 另外幾鍾意自家制五花茶, 唔會太甜剛剛好, 打住邊爐唔怕熱氣。點好食物, 店員會拎一大盤調味料, 可以自己揀要咩醬料, 有隻沙茶醬好香。 蔥、 炸蒜、 生蒜、芫荽。。。等等, 乾淨新鮮。🔸御膳宮廷海中寶🔸⭐⭐⭐⭐⭐成個龍頭鍋一上枱確實"架勢", 果然係御膳宮廷, 店員會幫忙剪開豬肚, 內有花膠、 海參、 螺頭、 元貝、 魚唇、 冬菇等等, 呢個湯份量十足, 每人都飲咗兩大碗同最後清哂所有湯料, 堅好飲。👍黎到點都要試下牛肉, 我地叫咗"特級手切肥牛"油脂分佈平均, 肉質比較淋, "至尊本地招牌手切牛頸脊"就比較重牛味。每次打邊爐都會叫既"韭菜餃", 非常讚, 屬於多韭菜少肉, 份量十足, 係我鍾意既韭菜餃。 近期鍾意咗"萵筍", 無論爽口或者淥耐啲淋啲都咁好味。 本身湯底已經好夠味, 我地仲叫咗"冬瓜"吸哂湯既精華好夾味道。 "老友鬼鬼", 即係油炸鬼加蝦滑, 本身已炸得好香口, 可以即食, 湯未滾我地已經差唔食哂😂呢度座位舒服, 食物都唔錯, 係一個朋友聚腳既好地方👍 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-09
1074 瀏覽
最近成日落雨天氣凍番啲又想打邊爐就同朋友喺尖沙咀附近搵左間火鍋館黎試餐廳樓高兩層;座位寬敞仲有私家電視好型醬料選擇幾多個人覺得佢隻XO醬幾好食鮮茄坑腩薯仔濃湯/咸菜胡椒豬肚湯坑腩軟腍加上薯仔入味配搭鮮茄湯底微酸開胃;豬肚洗得乾淨配埋咸菜辟味食落唔羶加上胡椒微辛暖胃特級手切肥牛 (大)手切肥牛夠薄切輕灼就食得;油花分佈均勻而且肉質柔軟肉味香濃牛拼盤餐廳主打牛肉就緊係要叫個拼盤試下;牛脷扣薄切肉質爽嫩;牛胸爽望落好似好油膩但其實口感偏爽帶脂香;特級雪花牛柳粒肉質緊實大小適中爽口豬頸肉豬頸肉色澤粉紅而且肉質爽彈嫩滑豬天梯香港好少見到餐廳供應;豬天梯其實係指豬嘅上顎軟骨食落口感爽脆台灣鴨紅鴨血處理得好冇血腥味;口感滑嫩略帶煙韌自家製四寶丸四寶丸除左手打蝦丸同墨魚丸仲有鯪魚球同牛丸;全部自家製造其中蝦丸口感彈牙尤其出色白鱔片白鱔片薄切魚肉細嫩冇骨而且味道鮮甜凍蜂巢豆腐質感綿密柔軟好似海綿咁吸哂啲湯汁好正皇帝菜之前成日聽但冇乜印象食過但用黎打邊爐又幾好食 繼續閱讀
(以上食評乃用戶個人意見 , 並不代表OpenRice之觀點。)
火鍋真的是百吃不厭,在尖沙咀覓食,經過這間禾牛薈,火鍋癮又來了,既然沒試過便決定上去試試。火鍋店有電視看沒什麼特別,但在卡位內有電視還真是頭一次。又是時候混一點醬。火鍋湯底和配料的選擇不少。健脾養顏椰子雞湯 $188聞上去陣陣椰香,味道清甜不會太味精,雞的份量不少,而且還有不少粟米、蘿蔔等。特級手切肥牛(例) $208肥牛色澤鮮明,切得厚薄剛好,滾一會便能吃,油花分佈平均,口感軟嫩滑溜。自家製餃子 $88其實是帶子蝦雲吞,每顆大大粒脹卜卜,皮薄餡多,而且內裡包著一整隻蝦仁,蝦肉紮實爽彈,帶子也鮮味爽口。自家製四寶丸 $188包括有手打蝦丸、鯪魚球、牛丸和墨魚丸。這裡的自家製餃子好吃,手打丸也一樣好,蝦丸口感爽彈蝦味濃,鯪魚球鮮味不腥咬下去有彈性,牛丸牛味十足口感夠紮實。墨魚魚有2款,黑色的是真的吃得出墨魚汁的味道,2款都一樣爽彈中帶粒粒咬感。唐蒿 $48吃完火鍋還有甜品,而且一點也不馬虎,北海道3.6牛乳布甸很重奶味,椰肉凍也滿滿椰香且味道清甜。這裡不算便宜,但自家製食物頗吸引,私隱度亦高,可以再去。 繼續閱讀
(以上食評乃用戶個人意見 , 並不代表OpenRice之觀點。)