福香園食堂 (已結業)

偶然有野做 經過呢頭   又要食晏  諗左1陣 就去左呢間野食 間野係窄巷入面 見呢間野都算多人 求其搭枱坐望左陣餐牌 選擇都算多但班中年Waiter/waitress 就黑口黑面 講野又串 命令式咁講野 個老年人收銀 眼神兇神惡殺 唔知想點有個後生少少既waitress 就好1點囉雖然知工業區 要求唔可太高 但我都一定唔會再幫襯 寧願行遠D 出新都會/葵芳 個面食選擇又多 平又平過你 起碼唔洗受氣叫左個飯 等左唔算好耐野食黎到 份量都算適中味精有點重 不過味道都唔算差加杯凍飲 杯野就比較細杯價錢差唔多40幾餐廳衛生一般基本上一定要搭枱 呢間野 我會覺得係 可一不可再如果想幫襯呢間野 預左服務態度唔會有幾好囉

每次在門前買腸粉做早餐時,都會見到造餅師傅在餅房裡做餅,每次我也探頭探腦的在八卦當時在造什麼蛋糕,師傅同時就會笑容滿臉的跟八卦的月巴人打招呼 除了自己不太喜歡的合桃蛋糕外,師傅的製成品都試了好幾款:蛋撻:下午二時多已有新鮮蛋撻出售,酥皮頗為鬆脆,蛋漿微甜軟滑,新鮮出爐的不會太難吃的了。三角蛋糕大大一件相當壯觀,蛋糕蛋香充足,蛋糕本身非常柔軟,甜度不很高,雖然看似很大件但吃完像陣風而已!中間奶油份量只是薄薄一層,味道幼滑之餘有點點咸味,由於份量很少,吃來不會太膩,我覺得很好吃哩。紙包蛋糕味道及質感都跟三角蛋糕相似,同是質感輕柔得像陣風,所欠缺只是那層奶油和味道。瑞士卷蛋糕相對較實淨,蛋香同樣充足,甜度比較高,所用奶油也較多,這款吃來較為甜膩。這位笑口常開的師傅在早上繁忙時間,還會幫忙賣麵包,相當幫忙!跟以前那位管你出面忙得一頭煙也不會幫忙,有時還罵人的師傅是兩個極端,快樂人造的包餅,味道也會好一點的

午餐和下午茶品質都OK但我不會選它早餐有中式腸粉或西式茶餐以工業區茶餐廳而言,早餐的選單算是很多選擇食物味道不差(因為味精吧)但服務態度差勁畢竟中年waiter/waitress難登大雅之堂見過有食客不滿waitress串嘴態度工業區環境質素不能有高要求堂食三思

第三次寫福香園食評,呢間飯堂幫襯左十多年,真係食左佢唔少食品lu。寫過蛋撻、早餐,今次寫午飯,呢度下午真係人山人海,除左位置方便之外,抵食夾大件都係一個原因。今日叫燒鵝瀨粉外賣,接電話叔叔係幾分鐘後打番黎話無瀨粉,轉其他好唔好?? 咁就轉我至愛既米粉啦。唔駛三個字,我同同事既午餐已經送到,真快!!無論堂食/外賣呢d燒味湯粉,都會粉、料分開,真係有心思。打開個盒,嘩~~~燒鵝髀呀!!!!! *O*湯既味道較淡,但加左d芫茜又多左種香氣;米粉份量十足,加上一堆燙青菜,如果唔食燒鵝的話,呢個都係一個幾好既減肥餐;燒鵝雖然唔係新鮮燒好,但皮都未淋,不過味道較淡口,唔係好夠味。曾經堂食過切雞米,又係份量十足!!呢度d切雞米唔同一般,而係將雞肉係放入湯煮熟,上檯時又係一碗米粉、一湯碗雞肉連湯,幾壯觀呀!!

早左少少返工,可以唔駛食麵包做早餐,就篤個腸粉啦;因為成條葵豐街得呢度有剪剪下腸粉,過左九點半都唔駛旨意有得食。呢度有樣好,一蚊一條,就算好多姐姐仔買三條都ok,唔似南豐中心個d小食店,設定最低消費$5。打開個盒,滿滿一盒加上混醬,視覺上覺得誇啦啦,但食落就哇哇哇!!腸粉夠熱但淋,口感好立而且厚身;豉油同花生醬有色而無乜味;味道都係靠甜辣醬先有。以我呢個腸粉怪黎講,呢d絕對係唔合格,只係太耐無食,用黎解下饞咁啦,以味道黎講可以比喊面,不過五蚊可以食到飽到下晝,拉高左個curve。相當懷念n年前同一條街既2檔車仔腸粉檔,以前只係諗今朝食邊檔,已經足夠令自己垂涎三尺!!

今日同事下午茶吃菠蘿油,順手幫我買左2個蛋撻,真係唔該晒!!新鮮熱辣出爐,食落仲暖暖地;蛋蛋都幾滑,唔太甜,都唔錯;牛油酥皮好多層,算鬆化,不過個批底幾油...利口唔利腹又一例證!!不過間唔中一次,算啦!!!