福福拉麵 (已結業)

佢既流心蛋我一試難忘，一個人都會去食，環境比較細，太多人會坐得比較迫。推介大家佢既叉燒拉麵上面既流心蛋滑到呢！滑一聲……無在! 食過幾間出名既拉麵店都輸俾佢!另外串燒雞翼同五花腩 ，燒到外乾內濕，推介菜式!壽司可以唔食，飯唔得！焗蠔 芝士可食，其他一般!

當日去元朗一天遊，之前搜集了一些吃日本拉麵的資料，見教育路一帶有很多拉麵舖，分數都很高。就隨便挑一間。去到福福，見到介紹是义燒面及豬骨湯底，便叫了，另外家人亦吃了其他拉面。首先講個豬骨湯底，好“行”，完全沒有豬骨味，再來個麵，太軟無味，好失望，只能給三分以下，以後不會吃。

看過openrice的食評~很想試試這裡的燒飯團~有食家5月的食評仍有介紹燒飯團~但今天去到食午飯…職員表示已換餐牌…燒飯團不會再有…於是我們大感失望…最後我們點了兩個午餐~叉燒拉麵: 叉燒太乾身, 過韌。雖然豬骨湯底味道不錯…但拉麵太稔, 不太合我們口味肥牛烏冬: 肥牛數量頗多, 烏冬的湯底尚可, 而麵質有點煙韌彈牙~不錯~加洲圈: 這是送的加洲圈~一碗拉麵跟兩件~~味道不過不失~元朗的日本食肆有很多~應該不會再試這店了

放工後跟家人外出用餐，點了兩個拉麵，湯底味道一般，另外點了鯖魚定食﹙有前菜、麵豉湯和飯﹚，鯖魚很大條，味道也不錯；再點了兩個小食，有燒蠔及串燒，燒蠔的味道真的很好，而且很重CHEESE味，本人較愛芝士，因此對這個燒蠔的印象不錯。整體來說也很好，值得一試。但地方太窄了，WAITER同出菜比較辛苦。

和朋友到元朗福福拉麵用餐, 可能是中秋前席, 好多人做節, 日本餐唔駛等位, 門口待應介紹食燒蠔, 第一次食用蛋蓉和蟹籽的燒蠔, 好香蛋芝士味, 還有一粒粒小蟹籽, 真係好特別, 未試過咁食法!老板介紹食燒巨虎蝦, $98一隻, 貴左D, 知道出市區食就唔只呢個價錢, 不過真係好大隻, 仲長過手掌, 仲砌開一格格食, 好正!仲有, 在這竟然找到日本無酒精啤酒, 之前在日本沖繩飲過, 在香港大小日本超市都找搵唔到, 竟然在這小店見到! 有小居酒屋feel !!

有一排冇黎,就想黎食下。住得遠,搭成個鐘車先入到去,都要去。因為呢度既牛肉薯餅實在太吸引我,仲有餃子,同醬油拉麵。今次去到仲有一款新既拉麵,就同男朋友試一試,今次叫左牛肉薯餅同拉麵Share因為下午餐時間,食唔到咁多野。本身諗住再叫,但我實在被間舖頭既蚊嚇親, 我唔係未見過,但佢愈來愈多.....而且每一次去,都再多D。仲有D係KEEP住企左係一塊板上面........而且間舖頭係大熱天時,好似都唔肯開冷氣咁。我想講出面雖然好熱,但我一行出去有少少風吹黎既時候,仲涼過間舖裡面。我地都諗住再比多次機會呢間舖,如果再唔改善下D環境,唔敢再去。雖然D食物好好味..........真心希望環境有所改善,唔好因為咁而冇左間好味,價錢又唔係好貴既餐廳。****另外D侍應小姐得舊果個女仔,服務態度良好。其他新果D, 一個比一個.......不好。

是晚約兩位中學同學去元朗晚飯，平日夜晚，竟然也見處處日本食店都有人排隊，而當中近我們舊校的「福福」算是比較沒那麼多人，大概等了十幾分鐘就有位了。為了減少煩惱，就叫了一個二人餐，再叫小食。（二人餐）蟹子柚子沙律：一般會用芒果配蟹子沙律，這裡用柚子的感覺比較清新，但柚子的份量不多，而友人說這個有點酸。（二人餐）鵝肝配水蜜桃，鵝肝煎得很香，好味。(希望這鵝肝的來源不是殘忍對待鵝產生出來的吧)（二人餐）牛肉薯餅，很厚實，但吃下去卻不覺得膩，表面煎炸得很香脆。（二人餐）兩個燒飯團，要了梅子味和鰻魚，這樣做飯團令飯頗硬，本人不太欣賞。而梅子的酸亦令人覺得有點怪(難吃)。（二人餐）日式醬汁牛肉烏冬牛肉是肥牛，很可口，把蛋打破撈到烏冬裡，連湯汁也可一起喝，除了牛肉還有少量金菇和菜作配料。鹽燒三文魚腩，偏肥，肉不多。但配上檸檬和專屬的醬汁點，頗有誠意。芝士焗蠔，蠔有蠔味，熱辣辣的配上焗過的芝士，頗美味。二人餐可以半價叫兩杯特式飲品，其中一杯有sake的比較好飲，沒有sake的火酒味，我想sake的份量不多吧，另一杯就像咸柑桔。埋單每人$107，很合理實惠的價錢，在巿區不會吃到。友人說，曾經在這裡吃過拉麵

今次是第二次來，再叫了日式簿餅，同上次一樣咁好味！拉麵只是40幾蛟一碗，賣相味道及麵質似巿區80幾蚊一碗的級數！㙰籽沙律只是$32，竟然有好多真蟹肉，好好味！泡菜超辣，啱哂我！隔離枱叫左清酒蜆，好大隻那種，一於下次再去試！

成日路過, 今次終於都黎試一試~同男友仔 2 個, 響唔太肚餓既情況下, 叫左少少野 share 黎試:- 炸蝦烏冬- 煎餃子- 芝士焗蠔講返店仔, size 細細, 坐位還好, 不過都有 D 迫迫地~如果肥 D 既就可能坐得比較辛苦了.....等左大約 10 分鐘就有得食~炸蝦 - 好鬆脆但唔油膩, 炸少亦唔厚, 讚!烏冬 - 有咬口, 湯底清清但唔係無味, 唔錯!煎餃子 - 熱乎乎又微微脆, 好味!芝士焗蠔 - 蠔比較細, 芝士汁唔錯, 熱呼呼的, 可以一食!整體感覺唔錯, 有返頭既可能, 加油嚕~!!

同女友去左元朗, 女友提議去食日本拉麵, 上openrice搵左呢間, 一於試下!地方都乾淨, 不過d位就窄d, 裝修風格都有d日本小店的味道! 侍應態度都ok!我地叫左:招牌拉麵 - 有叉燒, 不過無咩肉味, 流心蛋又係無咩味, 但都做到流心效果, 個湯底得個咸字, 最重要係, 成碗野只係微暖!魚片拉麵 - 情況都係一樣, 不過呢碗仲差, 無叉燒, 換來幾片街市凍肉檔的雷鳴卷......唔計材料, 只講個微暖湯, 已經不可接受, 其實食拉麵都係想要果種好熱辣辣的感覺, 此店的拉麵, 原全俾唔到呢種感覺.....

上一次光顧已是4個多月前,當日全部點選小食,串燒料理,印象不錯.尤其厚切串燒牛舌.今天中午路過元朗,而近期小弟亦專訪拉麵中,所以便再臨品嚐一下. 小弟喜濃湯,重口味.但麵呈上時便心知不妙,湯面連半點油份也沒有要知道,如果用豬骨煲湯底的話,骨髓間必定滲出一定油份,亦等於大家在家裡煲湯時,用豬骨永遠比瘦肉香甜,但就要隔油.此刻已心知他們亦只用了濃縮汁去開湯底但調較得宜的話,也是可以的!可惜,一嚐湯頭淡如水,完全沒有豬骨或味噌味道.第二口食半熟蛋,沒甚蛋香,也沒有滷過跡象而麵條亦頗軟身,配料反而正常.份量適中,但我也不能將它了結相比之下,小食比拉麵更出色,吃拉麵,別去偽日本店了

見open rice食評不錯,係下雨天都跟朋友來這間食店試,結果係......朋友跟我點了招牌拉麵,食拉麵本人最怕唔夠熱,因為間唔中都遇到呢d情況點知今晚又遇到了,另一位朋友就點了叉燒拉麵追加蛋,熱度還可以但的確流沁蛋蛋味不夠,鯖魚亦是不過不失而已雖然開水係不斷供應,但食日本菜還是喜歡飲熱茶!

隻流心蛋時間掌握唔錯可惜選料一般無咩蛋味~$40地獄湯只係叫左少辣個人覺得兩者比較地獄湯 好味d個豬骨湯底....好似有少少唔自然咁~$40不過麵質既唔錯既之於义燒呢, 都幾好, 肥肥地 肉質先會嫰, 都夠入味呢個價錢黎講, 係唔錯既選舉

今日遲左食早餐,2點幾先肚餓,於是就等到2:30叫福福下午茶,記得佢好似冇得送外賣,所以落去買4返黎食,叫左個鰻魚滑蛋飯+梅子蜜,個飯好多料,佢將d鰻魚切粒加落d滑蛋到再鋪上個飯上面,仲有d紫菜絲,全部一齊食個味好夾,另外杯梅子蜜雖然係沖既,但酸酸甜甜好開胃,個餐加埋$31,價錢可以接受

見到食評咁good, 即管一試。果然有意外收穫。以後又多一個午餐好地方。去到剛好12:00, 我叫了泡菜拉麵 ($37)+凍啡, 家人叫了炸蝦拉麵 ($33) +$10飲波子汽水。另叫了一隻日式糖心蛋。兩款拉麵的湯底都很不錯, 在元朗可以吃到橫崗麵店的質素, 真的很開心。吉烈炸蝦好新鮮, 而我的泡菜也醃製得好好, 少少酸, 少少辣, 好開胃。至於糖心蛋也很香、滑，味道不會太濃味, 剛剛好。一定要再去。星期一至五5pm前不用加一, 星期六、日及假期便要加一。