影片
營業時間
今日營業
07:00 - 18:00
星期一至日
07:00 - 18:00
*最後落單時間: 17:45
以上資料只供參考, 請與餐廳確認詳情
朋友係網上見到foodie介紹呢間餐廳新出既不同口味菠蘿油，就帶我一齊去試～我地點左開心果醬味，估唔到咁夾，好欣賞佢唔太甜，個味好清唔膩，初時都驚會中伏。牛油好軟好香，唔係雪到硬崩崩，牛油既鹹味同開心果醬甜味互相提升。好，重點黎，就係個菠蘿包，可以話係我食過最好食，個飽夠熱，個皮好香好脆，但個飽係好軟，真正外脆內軟，又唔會死甜，夾住果醬同牛油，真係超好食！！！我同朋友另外一人叫左一個餐，佢叫左「男人的浪漫」，有熱狗+腸仔雞扒意粉+一杯茶，都只係$65，熱狗超大個，朋友俾左半個我，脆皮腸好香脆，不過我本人唔鍾意濃味，所以覺得鹹左啲。個飽又係外脆內軟，好怕啲好硬果啲，或者硬脆會𠝹嘴果啲，裡面仲加左牛油真係超香，淨食包都覺得好正。我就叫左蛋米，蛋炒得好滑，唔錯～間野有啲隱蔽，要入左棟大廈，係中間轉左行出去先搵到。
繼續閱讀
話說今日去堅尼地城睇醫生之前，要喺附近醫肚先。俾我無意中見到呢間餐廳，感覺好似幾懷舊，就入去試一試。佢哋標榜啲餐包系佢哋自己整嘅，跟住我要個沙爹牛肉米，啲沙嗲好入味，米粉軟硬度適中，個餐包好新鮮好軟熟，唔同交緊果啲或者果啲過夜面包通常會比較硬。再配咗個施華力腸炒蛋跟個餐包加杯熱奶茶，50蚊有找真係好抵，仲要杯熱奶茶都好好飲。☕️👍👍
繼續閱讀
其實舊年5月22號佢未正式開張我就先試過，不過太早佢未有openrice頁面，所以我將食評放左係佢灣仔分店下面：22/5/2024 -行過西環見到紅紙中遮住招牌，但已開業。麵包準時七點送出，試左豪華極品早餐（公仔麵+菠蘿油+奄列）水準高過一般茶餐廳。服務快捷，態度好，早餐價錢$38-49，考慮埋質素係抵嘅。25.1.2025 -之後都常常再去，但見半年得一個食評咁少，所以再講多Ｄ。以茶記標準，佢嘅奶茶同食物絕對在平均之上，仲有自己鋪出嘅麵包，要加分。經過大半年，水準keep到，仲好似多咗麵包款式，所以由麵餐到飽餐都好多選擇，唔會悶。
繼續閱讀
話說搬咗嚟石塘咀幾年，試過晒石塘咀同堅尼地城嘅茶餐廳，一直都搵唔到啱心水嘅凍檸茶，港式茶餐嘅質素都係參差，搞到我平時要去上環先有得食終於俾我喺星期日發現咗呢間祥香園！連續試咗四日早餐同茶餐，食物嘅質素同凍檸茶都係維持到，所以決定寫食評表揚一下🤩呢四日都有食沙嗲牛肉麵，沙嗲牛肉配洋蔥嘅味道好夾，雖然唔係平時有花生粒嘅，但都係好好味！屋企人有食火腿通粉，早餐吉列魚柳，菠蘿油同提子包，大致上都係好味！之後都應該會keep住幫襯，試埋其他嘅餐，但都係會嗌凍檸茶飲🤪P.S. 少少建議，如果外賣麵餐可以麵同湯分開就Perfect，因為我Walking Distance來回要25分鐘，麵身本身都發脹晒，口感上比較腍。同埋吉列魚柳可唔可以有沙律醬？繼續努力！
繼續閱讀