祥興記上海生煎包 (已結業)

係未有米芝連之前已經好中意食祥興記既生煎包，荃灣分店食唔少但元朗店就第一次試星期六中午要買外賣回家，行過祥興記又唔係好多人就決定試一試佢 生煎包岩岩冇晒所以即叫即整，睇住的包一個一個慢慢漲起加水再焗再加芝麻，真係好吸引叫左個精選套餐 有兩個生煎包+麵選一款（我揀左上海雙檔）+野飲一杯由於即叫即整關係等左十五分鐘先有 上海雙檔即粉絲+豬肉釀面筋+百頁結，加上蛋絲。面筋索晒湯汁加上香滑豬肉餡；百頁結多一份口感，唔錯唔錯。外賣返到屋企的粉絲淋晒都冇辦法，唯一不及荃灣店就係個湯唔夠濃所以整體扣左少少分 豆漿同烏梅汁- 豆漿唔會太甜又有少少豆香；烏梅汁酸酸甜甜好開胃 最後出場生煎包-一樣啦由於外賣關係所以個皮淋左唔脆，但內裡仍然非常多汁小心咬落去爆汁呀！好滿足既午餐！但建議堂食先試到真功夫！

有次係荃灣行山 見到祥興記 食過係我係香港暫時食過最好食的生煎包！今日竟然俾我係元朗見到 即刻拉老公食！叫左一客4個 同荃灣味道一樣 包皮好薄 咬一口再慢慢啜佢d 肉湯 真係好好味！ 個底有點厚度 脆卜卜 真係好好食呀！環境方面 清潔ok 不過冷氣機會滴水落嚟 所以要小心選位座。

今日去了元朗做facial,做完facial之後，準備坐輕鐵返屋企時候，經過祥興記,之前想吃下這間，夜晚8:30這時間冇咩客人，我點了生煎包+豆漿+雲吞麵，生煎包真的味道一般,個底好硬,並不是皮薄多汁,個皮好厚，根本已經整好是翻煎,豆漿味道都可以啦,雲吞麵就普通啦,雲吞皮又是好厚，這裡食品出品只是一般,服務亦是一般，環境亦都OK啦,元朗真的少上海料理店,祥興記在九龍好出名,近年來積極開分店,元朗分店不是特別好吃，未必再有下次

今日去元朗行街，都晚上搵食唔知食咩，行行下見到有上海生煎包咁就亂打亂撞去左呢間。。黎度店見人唔多，坐底話要見買票，餐牌亦唔多野選，我地2個人就一人一個餐一個粉絲加2粒生煎包，另一個就排骨麵。買票後坐底唔駛5mins 就有人送上食物，見到生煎包就一口咬落去。。嘩。。好多汁噴曬出黎，因第1次食跟本無諗過咁誇張，底部脆，內多汁，好特別。。之後食完果舊立即加order 28 蚊4粒再食，簡直無得頂，下次一定會再幫襯～飲品豆漿同埋栗米汁同樣好味。。

一早已幫襯過荃灣店, 如果即煎即食的生煎包, 水準是好的, 但有時未必即時賣得晒一盤, 放耐了, 口味絕對是倍數級下降, 這與傳統上海生煎有些不同. 雖然傳統的生煎, 都是即煎最好食, 但傳統的生煎包的皮比教平均, 底部起摺會厚些少, 但沒有此店的過厚.這牌子的生煎包, 生煎包的面, 上部份的皮, 比傳統的要薄, 但下部份的底部皮又比傳統的要厚. 可惜”皮薄餡靚”並不能套用所有食品吧 (就如义燒包, 皮最好做得軟熟, 但你唔會要求做得薄)… 上部份太薄, 自然缺乏了煙韌口感. 而下部份太厚, 口感又變得似厚餅干, 剛煎起時, 尚可以”脆”形容, 隔了一彈, 就變成”硬”了. 批評有點呵刻, 但市場上已難找到類似形式的店, 做得好過此店了, 所以都是值得給"讚"的.今天六時來到元朗店, 下午茶時段的包已經賣晒. 晚市的包, 就剛準備落鑊, 我有幸吃剛煎起的一碟. 店員阿姐, 好心提醒, 包內有湯汁, 小心好熱呀….果然, 湯汁多, 多過我要求了…哈哈… 好熱, 肉質也不錯, 軟實適中. 底皮雖厚, 但剛煎起, 口感仍然脆度十足.豆漿一杯, 無留意價錢, 好似十元, 味道唔太甜, 夠凍,

以前喺荃灣祥興記買過生煎包食, 好好食, 原來元朗都有, 今日黎試吓, 點知大失所望。  叫咗一客生煎包同一客上海雲吞。佢啲生煎包唔熱, 可能係煎好咗好耐, 其中有一隻仲係無湯汁既, 唔知係咪穿咗, 好失望。上海雲吞比較好啲, 係熱辣辣既, 雖然唔算得好好食, 但係點都比生煎飽好, 唔怪之 lunch 時間都無乜人, 相比起荃灣點真係差好多。

A narrow lane at the entrance leads to the seating area, quite a chic decor and lighting with a big signboard on one side of the wall.  However,  dirt in the corner of the floor and inside the drawer for placing chopsticks, together with a wide-opened toilet entrance, has pissed me off a bit to start with.The Fried Bun is the shop's flagship product, they look promising 4 of them, with one side seared beautifully brown.  Avoid giving it a big bite, for the juice inside will spew out, though not

很喜歡吃生煎包，但在香港不易找到好吃的。這裡除了招牌生煎包外，只供應幾款食品，選擇真的少得可憐。還好下午茶時間也不想吃太多，來一份生煎包剛剛好。等了一會生煎包來了，剛做好的非常燙口。小心翼翼咬了個小缺口，薄薄的外皮裡肉汁很豐富，而且煎得香脆，真的非常美味。雖然單看價錢有點貴，但是物有所值。

祥興我想寫食評好耐，但次次都經過，都係食飽的時候 ，今次收工半日閒，便走去試個麵，食個包 ，佢地餐牌款式唔多，得幾款麵食，同粉絲，生煎包，今次叫了杯烏梅汁，生煎包，同新出的扒骨麻醬拌麵 ，烏梅汁好夠味，飲到尾，仍有渣，應該新鮮做，不是入貨，招牌生煎包，好熱，要慢慢食，同要小心不要太大口使湯汁噴出 ，肉很鮮，皮底好脆，芝麻香，但有點硬，新出的扒骨麻醬拌麵，朱扒好嫩，很入味 ，麵就麻醬帶辣 ，我怕食辣就唔太適合 ，但佢餐牌沒有注明是辣，呢樣要改善，總括來說，各款食品都合格，份量不多，可試多幾款 ，但記得是先比錢後交貨 ，唔好叫太多……

有次媽咪係到食過話唔錯 所以推介左我黎食先講生煎包 真係好正好多汁好juice 又脆 食完真係想黎多碟 唔夠喉hehe d肉又鮮嫩咖哩牛腩粉絲果個唔係我食所以唔知o唔ok la而蘿蔔清湯粉絲果個就係我既清清地幾好呀 又飽肚蘿蔔甜甜地 幾好仲要價錢夠平 十分推介呀我都

生煎包 正宗既未有幸試過 但今日睇完將軍bb踢波就去左祥興記食生煎包因為是團購只限外賣 不過唔打緊 我都打算拎回家中品嚐雖然已經是中午時段但店內客人不多所以很快便能取餐 在手上的膠袋熱氣十足 熱騰騰的生煎包 我急不及待想嘗試 但因為在大街上 不得不取消這個念頭但半個小時的車程 生煎包稍微冷了些 但也不算整個冷掉 是暖暖的一手把包放進口中 竟然(滋)一聲 肉汁漏在桌上 肉汁多得像湯包 十分出色 意想不到 配上豆瓣醬 十分惹味 辣辣的嗜辣的我 真的喜歡加入豆瓣醬 底部煎得焦焦的 脆脆的 兩種口感在口中只需十八元(原價28元的生煎包) 團購真的不錯餐單上的其他食物也吸引我下一次到訪

早前去完上海，對小楊生煎既生煎包同粉絲念念不忘，所以是日同男友到元朗既祥興記，想尋回上海之味。入口係處可以見倒師傅整包，有點小楊生煎既影子，入到去裝修就有d中國風。餐牌冇咩選擇，只有4款粉絲，我地都好快落完order。（因為呢度主打係生煎包！）首先送黎既係飲品同兩碗粉絲，一碗係咖哩牛展粉絲，另一碗係雙檔粉絲，味道正正常常，沒有驚喜。但稍嫌份量有點少，如果黎到只係食一碗粉絲，肯定唔夠飽。而飲品我揀左粟米汁，粟米味好濃，好好飲！但佢用即棄膠杯，好唔環保……生煎包應該係即叫即煎，所以我地食完粉絲之後，都要再等多一段時間先上枱，等到我地超期待~~上枱時我男友急不及待夾黎食，好彩我提一提佢要先咬一小啖，再慢慢飲入面既湯咁樣食先得，如果唔係佢就遭殃喇，d汁肯定爆到成面都係，仲會淥親個咀~因為個生煎包真係超多汁！！！除左多汁之外，d汁同餡都有好香既肉味，包亦煎得岩岩好，堅係好好味！話咁快，我同男友已經一人KO左三個生煎包！大滿足！

開了一陣子, 初初見人龍, 其實未開來元朗前都知道出名的, 由見有團購當然要買來一試, 今日中午用團購COUPON, 原來店內都頗大, 只是在門外路過不擦覺. 份量不算多, 咖喱味道很淡, 牛展沒有什麼特別, 配上味道假得很的柑桔汁, 實在有點失望.忘了是什麼名堂, 包包內有些豬肉, 還可以但不算好味, 反而酸梅汁好過柑桔. 不過仍未能帶出驚喜, 只會覺得如果長此下去一定不久不會在元朗立足.最後等了很久的生煎包終於出場, 配上辣椒醬和醋確實一流~~加上熱辣辣非常之新鮮, 但吃時要小心因為真是很熱的, 內裏有非常非常多肉汁...真是很子味很有心造. 反而吃了生煎包比較飽肚. 其實專門只做生煎包會好些, 因為其他的實在有點兒麻麻地, 下次再來都一定只吃生煎包. 只不過生意難做只靠賣生煎包一定租都不能付, 但其他食物可以做好一點, 就更好了~~

某日去呢度食lunch，係門口見到佢個open kitchen，啲師傅都好有姿勢，心想應該都會有實際。入面係以自助搵位買飛形式營業，所以都冇咩服務可言，好似啲連鎖快餐店咁。點咗一客生煎包，咖喱豆卜粉絲，蘿蔔豆卜粉絲同埋兩杯野飲。首先要講講野飲，點解係一次過講兩杯野飲而唔係逐杯講？唔係筆者懶，而係兩杯野其實一樣味，只係顏色唔同。到到生煎包，味道其實不錯，但皮的確好薄，不能夠單靠幾個生煎包（或者叫做生煎餃）就能夠醫飽個肚。到到兩碗粉絲，都係同飲品一樣，名字雖然唔同，但都係用咗shimizu湯底，即係清水湯底，就算有一碗聲稱係咖喱口味，但都係染咗色而已。令人能藉此明白莊子物我不分既思想，物我間係名字外表上或有分別，但本質上所有物種皆一樣。不過呢度既致命傷就係冇食物選擇，筆者今次所叫既就已經係個度既所有選擇，好多都係迫於無奈先要叫，就好似民主進程一樣。

星期日下午茶， 經過在元朗新開分店祥興記， 就同老公入去試下， 聽聞生煎包最出名， 必定要試。  生煎包外皮煎到香脆， 一啖咬落去，內裡充滿鮮甜又濃郁肉汁，而且包面上有些芝麻和生蔥，令味道更多層次。  此外， 加少許辣醬就更好味， 枱上面的辣醬不算太辣， 辣中帶少少咸咸地， 連同鮮甜又濃郁的生煎包沾在一起， 也是不錯的配搭。豆腐白蘿蔔粉絲湯， 個湯味道較淡口， 主要都是食鮮甜的白蘿蔔。  咖哩牛腩粉絲湯， 個湯好重咖哩味道， 我對咖哩味道食物一般般， 所以我沒有太認真吃這個湯。