45
4
2
港鐵荔枝角站 C 出口, 步行約4分鐘 繼續閱讀
所有分店 (5)
電話號碼
28851028
開飯介紹
由大廚張錦祥主理的餐廳,主打多國菜,包括西式、法式、港式等。當中以「經典芝士煙肉長通粉伴溫泉蛋」、「祥仔脆脆豬扒飯」等最為熱賣。 繼續閱讀
營業時間
今日營業
12:00 - 16:30
17:30 - 21:00
星期一至五
12:00 - 16:30
17:30 - 21:00
星期六至日
全日休息
公眾假期
全日休息
公眾假期前夕
全日休息
付款方式
Visa Master AlipayHK 支付寶 現金 八達通 OpenRice Pay
座位數目
52
其他資料
網上訂座
Wi-Fi
電話訂座
賞訂座積分
當面支付
有關獎賞計劃
食評 (61)
今日返荔枝角,終於有機會試吓Ricky師傅喺工廈開嘅「The Food Story」又名「祥仔」嘅工廈餐廳,之前喺YouTube睇過唔同嘅宣傳片,而且自己又係師傅嘅fans,真心覺得吸引... 結果,工廠區收$138俾碟咁嘅 鮮粟米真星斑飯 出嚟!???睇住碟飯,令人聯想起完全係《食神》開場一幕嗰條「核突魚」,四嚿魚肉,四塊魚皮,四種顏色,咁樣真係會色彩繽紛啲咩???一舊仲要煎到乾晒然後放埋一邊!!!睇返menu幅相,又唔覺係咁煮法同賣相喎,又係理想與現實嘅分別???成碟飯連個汁加埋四嚿魚都係暖暖哋,好明顯就係全部一早預製好,執執埋埋一碟就上枱。你講到係真星斑,我梗係細心咁咀嚼每一嚿魚啦,得出兩種味道,就係冇乜調味,然後就只剩低腥味,原來係「真腥斑」,真係仲衰過茶餐廳散叫即整碟粟米班腩飯,起碼人哋真係熱辣辣即刻煮!雖然真係好鍾意睇Ricky師傅嘅飲食烹飪節目,但真係落場嚟食呢啲靠名廚光環開嘅餐廳,同去 Jamie Oliver、Gordon Ramsey 嘅餐廳一樣咁唔掂,未必係個名廚本身嘅問題,而係間餐廳嘅食物品質管理真係好差!所以,都係睇返佢嘅節目算吧啦,返嚟食嘢就真係冇下次!順帶一提,呢度啲員工嘅態度,真係冷漠到低過冰點,估唔到呢度除咗有真·星斑之外,仲有真·冷漠,同師傅喺鏡頭前面嗰份同人打成一片嘅熱情,簡直係180度企係對面一樣!唔通間餐廳先係師傅嘅真面目?作為fans嘅我,真係覺得好遺憾! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-22
4855 瀏覽
好姊妹試過後極力推介,加上我在網上搜查一下,原來是Ricky 大廚開的,一定要試試。剛好星期四在這區做嘢,便約Honey 嚟食。它位於荔枝角一座新商廈地下,容易搵,門外有泊車位,十分之方便。門外門內,已見其裝修新穎時尚,很有特色。座位擺放寬敞,空間感十足,喜歡它的氛圍。餐廳選擇不多,既然嚟到,一定要試其精選晚餐,$238 一位,有四道菜,睇落經濟。我們選了沙丹豬排及爵士牛柳,湯與甜品亦各選一款,務求試勻每一項。羅宋湯樣子平凡,同其他餐廳羅宋湯差唔多。但係一飲就發覺佢十分之香濃,入口香醇,真係好似煲了兩日兩夜,無得彈。👍🏻👍🏻👍🏻酥皮海鮮濃湯是名附其實的香濃,撥開酥皮試吓湯底,是以蝦頭餚制,有如龍蝦湯的鮮甜。而且有新鮮蝦肉,無論就咁飲或加酥皮,同樣好味。😋😋😋祥仔秘制瑞士乳鴿有濃厚的瑞士汁,甜甜地而不咸,唔錯。乳鴿厚身,肉質嫩滑,富鴿肉本身的肉香。呢個汁其中一特色是它帶有薄荷香味,食落有點麻脾感覺,過癮!👍🏻👍🏻👍🏻沙丹豬扒其實是豬鞍位置,差唔多1吋厚,表面鋪上半生熟煎蛋有特色。伴菜亦豐富,有炸薯角丶椰菜花及青豆角。先試豬排,肉質鬆軟嫩滑,兼Juicy,汁亦能帶出豬排香。薯角炸得香口,外脆內軟,主菜與伴菜全都好好味!😍😍😍爵士牛排都好味,排上有一片鵝肝,味道唔錯,香滑而不太油膩。牛肉亦嫩滑,沒有煎老。只是汁有點咸,不及豬排好味。😋甜品有兩款,一個是祥仔泡芙,另一個是焦糖燉蛋。泡芙外殻是朱古力,旁邊有士多啤梨伴碟。泡芙充滿朱古力香,不太甜,好味;加埋士多啤梨一齊食,酸酸甜甜的,齒頰留香。😋😋😋焦糖燉蛋是法式整法,表層脆脆的糖膠加有火龍果,健康。燉蛋的蛋味濃郁,滑溜兼甜度啱啱好,雖然有點飽,仍食晒,太香滑了!🥰🥰🥰整個晚餐,無論環境和食物,都係誠意佳作,值得幫襯。👍🏻👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)
等級1 2020-06-13
2326 瀏覽
本人今天中午(13/6)與家人一行三人到訪此店,一進門已感覺那一男一女店員態度有問題!及後我們發覺座位太凍及大風而又有嘅獨立又適合人數嘅座位騰出(這便不用與別人搭枱),嘗試要求轉位時那對男女員工用極奇惡劣嘅態度拒絕我嘅要求!其實以現時的情況,應該唔使客人要求都盡量要分開客人嘅距離啦!其實除了食物以外,員工的品質同培訓都好重要,此店老闆應多加注意!這是我第一次造訪此店,亦都會係最後一次,永遠都唔會再來了!雖則還未品嚐過這裡的食品,但一點也不覺得可惜!食開心才有價值和重要呢!那種劣質店員簡直就是趕客!😡😡😡 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-09
2190 瀏覽
講到港式經典小菜,你最鐘意食邊款呢😋 每次去到中菜館,小朋友都指定要食一隻乳鴿。前幾日帶左小朋友去Ricky’s Kitchen食秘製乳鴿,呢到嘅乳鴿用祥仔秘製瑞士汁烹煮,甜甜地、食落帶點花椒味,味道一試難忘😍Ricky’s Kitchen由香港首屈一指入廚四十年嘅名廚Ricky Cheung 張錦祥主理,主打港式經典菜嘅「祥仔」,將部分香港絕跡嘅傳統真味,完美重現。對食品要求十分嚴格嘅Ricky擅長將不同經典菜式重新演繹,致力將唔同嘅優質經典美食帶俾大家,為打工仔嘅繁忙生活打打氣🥳酥皮海鮮濃湯嘅酥皮非常鬆脆,極力推薦👍🏻 。沙丹猪扒軟滑香淰,仲有隻完美嘅煎蛋🍳 。經典芝士煙肉長通粉伴溫泉蛋 啖啖芝士和煙肉,充滿經典回憶。飯後甜品不能錯過🍮焦糖燉蛋,上層有焦糖薄脆,配上燉蛋同甜甜嘅焦糖味,真係好滿足💕祥仔泡芙 滿佈香濃朱古力粉,中間冰涼醒神食祥仔精選晚餐,向職員出示QR code,仲會送祥仔特飲一杯! 繼續閱讀
(以上食評乃用戶個人意見 , 並不代表OpenRice之觀點。)
等級1 2020-06-06
1596 瀏覽
放工同班同事約埋嚟食,一嚐名廚Ricky開嘅餐廳,果然係冇令人失望,仲好有驚喜呀,係普通餐廳價錢,但酒店級數嘅食物,平靚正!今次叫咗套餐嚟食,好豐富!先嚟一個酥皮海鮮濃湯,真係手快有,手慢冇,我哋要咗最後4個😁 海鮮湯好足料,味道夠濃,入面有一隻隻蝦仁架👍🏻跟住前菜仲有祥仔秘制瑞士乳鴿,每人有半隻,個汁好正,非常入味!主菜有三款,我哋全部都試晒,最愛係Carbonara !經典芝士煙肉長通粉伴溫泉蛋沙丹豬扒爵肉牛柳,估唔到會有鵝肝!最後有兩款甜品揀,有焦糖燉蛋同埋祥仔泡芺飲品要另計,不過都好正,我哋叫咗菠蘿冰。最後想講,餐廳嘅員工服務態度超nice,特別係入面嘅女員工!非常有耐心咁介紹餐牌上嘅食物俾我哋👍🏻👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)