神石燒牛扒專門店

營業中

休息中

新翠商場新開了這間神石燒，多次經過都好多人要排隊。今日就喺OpenRice訂咗位同牛魔王大女過嚟試吓。職員都幾殷勤有禮。每張枱都有自助式醬汁及調味料。每個set都可以在外取自助沙律、洋蔥牛脷湯及白飯。洋蔥牛脷湯都幾足料，清清地幾好飲。沙律便只得三款，有粟米、椰菜絲、及青瓜粒。白飯是用日本珍珠米。上枱熱辣辣，出晒煙。我的prime級安格斯牛扒加厚切牛脷：食開牛嘅便知道，其實塊牛扒不是平時食開的肉眼或西冷，而係牛板腱，是相對平價的部位，中間有條筋膜連住。但出其意外的是又好嫩滑，一啲都唔靭，夠牛味。而厚切牛脷亦到好好食。大女叫的限時推介300g牛肩胛，仲抵食，份量好大。食牛最怕就係燒得過熟。佢呢度就啲牛肉上枱時只是兩至三成熟等你憑自己的喜好加熱。另外加了隻虎蝦，但係麻麻哋，係雪藏貨啲肉冇味唔彈牙。唔建議加。$3xx埋單。整體性價比幾高，用咁平嘅價錢食到唔錯嘅質素，阿女都大讚。題外話，隔咗兩日和太太又來撐枱腳，因為太太唔食牛點了幾款豬拼盤，但是好韌好硬，可以用難食形容。所以來呢度都係食牛好啦。

前兩日嚟食過一次，覺得唔錯價錢又算貴，部分套餐肉既份量仲可以擇200G、250G或者300G，所以星期日再嚟食過。今日叫咗一份200G牛膈肌，一份200G牛舌同埋一隻生蠔。我會比較喜歡石燒牛舌，配埋紫菜白飯同洋蔥湯，絕對可以encore。牛膈肌要好好控制生熟度，食幾多切幾多，如果一下子切哂，食到最後可能會因為燒得太耐過熟。如果覺得石板已經唔熱，可以同職員講換過塊新既。水、紫菜飯、洋蔥湯同餐具都係自助形式，可以因應個人食量去調節份量，呢個做法唔浪費又好貼心。平日晚餐時段唔會等太耐，但weekend就要等下位。非常推薦大家去食！

-#神石燒牛扒專門店 #抵食之選今日收工後唸住同朋友搵食好西，點知行過見到神石燒肉🤤原來佢地係全港首家岩鹽熱石燒牛扒專門店🔥🔥聽講Rubberband都係創辦人之一，支持下就食豪啲😂-嚴選二人六品火山石盛宴和牛海陸空盛合 $538 🌟鹿兒島A5和牛100g入口即溶🤤真心推介🌟日本北海道四元豚西冷150g肉質吾鞋，勁有牛味🌟日本鹿兒島南國元氣雞肉 150g肉質嫩滑，不過份量我覺得少左啲🌟薄切頂級牛舌100g好味 平時吾食牛舌既我 都覺得呢個無得頂🌟北海道魷魚筒 一隻呢個我可以話出奇地好好好好食🤤真心去試食既話要推介試食呢個🌟日本清酒煮蜆蜆有沙～吾係好甜！清酒好少-整體黎講好好食，平民價格已經算係甘 👍🏼不過吾好叫蜆食 吾推介😂味道: 💛💛💛💛環境: 💛💛💛性價比: 💛💛💛💛💛推介度: 💛💛💛💛📍神石燒牛扒專門店柴灣柴灣道233號新翠商場3樓324號舖 #神石燒 #神石燒牛扒 #平民餐 #柴灣 #hkfoodie #kol #foodie

好耐冇食神石燒，最近附近開咗間新分店就過嚟食吓柴灣分店相對其他鋪都細好多，成個場先得6張4人枱，所以如果啲人啱啱入哂座就要等好耐Lunch hour 等差半個鐘先入到去，打工仔就要預早啲嚟攞定飛/上網卜枱（佢入座計可以食90分鐘😱😱）Lunch menu都有唔少選擇既牛扒餐同埋壽喜燒揀今次揀咗午餐A $78 (有100g牛 各50g 豬同雞），雞相對就一般。但牛就好淋係石板咁耐都未變硬變乾不過staff既服務就需要改善，成個場得一個女待應睇哂全場。佢都做到有啲唔耐煩😥沙律同湯都冇即刻fill，要等佢哋發現先會有人嚟幫手fill。最後啲飯好濕好爛唔好食，好彩我唔點食飯🤭

柴灣地鐵站新翠商場 KFC 隔離新開餐廳個$68牛扒餐抵食，足料，沙律，湯及飯任裝，牛扒唔硬，份量足，新裝修，地方乾淨，以68蚊午市限定餐就非常之超值。鄰近港鐵柴灣站，港島綫之最終站，食完後作為一個午餐的完美終極完結，其實最小要寫80個字comment 有時都真係幾難作