影片
開飯介紹
主打海鮮料理的中菜館，更以足料的阿拉斯加蟹菜式打響名堂；另外經典的特色小炒、創意料理也大受食客喜愛。
繼續閱讀
營業時間
今日營業
11:00 - 16:00
17:30 - 23:00
星期一至日
11:00 - 16:00
17:30 - 23:00
以上資料只供參考, 請與餐廳確認詳情
有關獎賞計劃
相關文章
老公係網上見好多朋友都介紹話有好多特式點心，所以我地出開銅鑼灣就帶我同大少嚟食個豐富午餐。酒樓設係地庫，環境都好寬敞雅致，仲帶有點點古典味道。而整體上嘅座位都好寬敞，沒有壓迫感。而我地就被安排類似廂房嘅四人坐，有特式之餘仲帶點點私隱，感覺真係唔錯。除了燒味之外，仲有即製即蒸嘅點心，而且種類都多，單睇點心紙都想樣樣都食呀。先嚟網上極級推薦嘅即燒伊比利亞叉燒皇，叉燒皇肉質鮮嫩多汁，油脂分佈均勻，而鬆軟細膩帶而個蜜汁醬醃得好夠味。表面微焦帶嚟層次感，入口非常甘香。 仲有老公大讚嘅蜜汁脆燒鱔，燒鱔外表燒得金黃色，入口酥脆內鱔肉就好厚實鮮嫩，配合埋蜜汁甜味，令人一食難忘。非常特別嘅黑松露燒鵝腸粉，腸粉皮薄又夠軟滑，入面餡料十足，黑松露燒鵝肉有配濃嘅鵝香再加埋黑松露，估唔到兩者個味道係咁夾，絕對係驚喜之作。大少至愛就一定係依個香濃雞湯蟹肉灌湯餃，灌湯餃非常大隻，餃皮亦都夠薄，內餡包住蟹肉、鮮蝦碎、肉碎等非常足料，而香濃雞湯都非常清甜，而且飲落唔口渴，應該係冇加味精，整體唔錯。帶子鳳眼餃個餃皮薄而煙韌，內餡嘅蝦球好彈牙，加埋面層嘅帶子與蟹籽，一齊食口感層次分明。神燈蝦餃皇同樣都係皮薄煙韌而且包裹著滿滿的蝦肉，肉質鮮甜爽口彈牙。潮州粉果外皮煙韌剔透，脹卜卜嘅內餡都同樣足料，有豬肉碎、蝦米、沙葛、菜脯、芫茜等，非常豐富有口感。醬皇蒸鳳爪味道醇厚，濃郁豆豉香氣加上微甜醬汁，口感滑嫩有彈性又夠淋身，肉汁滿滿。
繼續閱讀
提前訂了位去佐敦神燈海鮮酒家食晚飯, 去電時已問有沒有特別菜式要先預訂, 回應說乳豬燒鵝一定有不用預訂.去到預留的檯對住風口, 好大風, 同侍應商量, 她轉給張內堂用大膠布間開貼住後面的檯, 座位好窄, 人氣太迫, 出入也有困難, 吾明白這中高檔的酒家會有如此格局. 既然來到, 立即叫菜. 點了４款: 黑松露玻璃燒鵝 1/4 隻, 拆肉瀬尿蝦元貝釀玉環, 古法金錢雞, 蝦醬蒸豬肉筋. 侍應話黑松露玻璃燒鵝須時一個鐘, 只好食住等.古法金錢雞, 每件 $68-. 賣相擺設很粗糙不好看, 中間夾著那塊雞肝太細, 味道 OK, 上面那塊肥肉太油.蝦醬蒸豬肉筋, 下面是蒸豆腐, 上面蝦醬蒸豬肉筋好稔. 蝦醬味一般.拆肉瀬尿蝦元貝釀玉環, $268- 這個菜比較巧手, 拆肉瀬尿蝦及元貝都鮮甜, 元貝釀在瓜圃內, 蒸得頗滑, 加上蟹稃點輟, 真不錯.黑松露玻璃燒鵝, 1/4 隻 $238-. 足足等了 1:15 分才送到, 此招牌黑燒鵝, 顏色黑漆漆, 並不吸引. 配了兩碟醬汁.燒鵝吾肥, 外皮微脆, 肉質一般, 松露味頗淡. 價錢吾平, 可是無驚喜. 座位及服務真的要改善.
繼續閱讀
前排十號風球”韋帕”襲港，擔心飯局吃不了，幸好4點零改掛八號，感激酒家提早備料和準時營業，令飯局可以順利進行。9個人叫咗兩個燒鵝套餐+1隻炸雞+1個炒飯黑松露玻璃燒鵝套餐 $988====================🥢三小碟 (手搖溏心皮蛋、點止炸豆腐咁簡單、香汁鴨舌)⭐️⭐️⭐️⭐️皮蛋屋企人覺得唔錯，豆腐同鴨舌帶點鹵水味，幾香幾好味。🥢伊比利亞叉燒皇⭐️⭐️⭐️唔係肥瘦參半，所以口感唔算軟腍，唔稱得上叉燒皇。🥢港式特濃雞湯翅⭐️⭐️⭐️⭐️質地較稀，但味道唔錯，雞絲同魚翅口感唔錯。🥢懷舊蝦多士⭐️⭐️⭐️⭐️多士夠薄脆，蝦夠大隻又彈牙，配他他醬好好味。🥢鮮魚露檸檬蒸老虎斑⭐️泰式明爐魚嘅汁配老虎斑，斑係新鮮肉嫩，但味道係格格不入，嘥咗條靚魚。🥢黑松露玻璃燒鵝⭐️⭐️⭐️⭐️一上枱就聞到松露味，入口味道更香濃，皮脆肉嫩滑多汁，真係一試上癮。🥢15年新會陳皮紅豆沙⭐️⭐️因為颱風，師傅趕唔切煲紅豆沙，所以改做椰汁桂花糕，呢個我覺得一般，但就唔會太甜。 散叫====🥢生炸黃油雞 $328⭐️⭐️⭐️雞皮唔夠脆，肉唔算好juicy，我覺得一般。🥢神燈一品炒飯 $168⭐️⭐️⭐️⭐️有鑊氣，飯粒粒分明，材料簡簡單單已經好好味。🥢清炒西蘭花苗⭐️⭐️⭐️⭐️最搶手嘅一道菜，西蘭花苗夠嫩夠脆帶點香甜，好好味。 九人共消費: $3000 (免切餅費、免開瓶費)
繼續閱讀
坐標神燈海鮮酒家，午市點心7折，二人埋單才HKD217, 覺得十分划算。和老婆二人點了個最不像小吃的啫啫生腸，石鍋上很熱很香口；皮皮蝦餃，皮皮蝦姆指大小，很有新意；蛋黃千層建議大家可以避雷，蛋黃不夠香，而且偏乾，吃得有點辛苦；千島醬蘿蔔糕，比日月點心好吃太多，不會死鹹，千島醬帶微酸中和鹹味，但還是缺了我期待的蝦米金腿香，可試可不試；蟹肉灌湯餃，蟹肉就沒吃得出多少，但用料整體是不錯的，雞湯高湯很簡單，和老婆整碗喝完了；本來還點了燒鵝腸粉，可惜漏了單，而且被千層撐飽了就放棄了。看了一下套餐，那6人2888的套餐很不錯，應該是所有套餐裡比較划算的，有機會會晚上再來。
繼續閱讀
朋友帶我黎呢間餐廳環境好中國風，環境闊落舒適，位於銅鑼灣地下鋪，我地叫左一份蜜汁脆鱔，鱔魚皮薄香脆，仲有甜甜地既蜜汁，蜜糖味配鱔魚既香脆嫩滑啖啖肉好juicy。另外我地叫左一份伊比利亞黑毛豬叉燒，呢度既叉燒好厚肉而且好好食，份量都幾大碟，送飯好岩。黑松露燒鵝腸粉，呢度自家制秘制燒鵝制成，比較特別。魚肚蝦滑：蝦膠肉大大舊厚實，魚肚軟綿綿好入味，而且有三塊甘多。燒賣：呢度既燒賣蒸出黎係兩種顏色，飽滿大粒。
繼續閱讀