850
29
64
港鐵旺角東站 B 出口, 港鐵油麻地站 A2 出口
繼續閱讀
電話號碼
27701000
營業時間
今日營業
16:30 - 01:00
星期一至四
16:30 - 01:00
星期五至日
12:00 - 01:00
有關獎賞計劃
優惠
45折
(最少兌換2張)6小時任食午市放題(12pm-6pm)
$179
$399
57折
(最少兌換2張)3小時任食晚市放題(4:30pm-12am)
$179
$318
食家推介
女友突然間同我投訴.... 好耐無去食放題!於是去旺角兆萬睇吓有咩餐廳啱心水.順便順路係兆萬果頭D手機店出新機過年.買完手機, 我個心就想研究吓部新玩具, 女友就一心想食放題, 所以佢話去邊間就去邊間.問我去神戶屋好唔好, 我話其實我都想去哩間架! 咁啱嘅!口就咁講, 其實個心念邊間都無所謂啦!不過.... 女人係要氹的, 咪話我做人假啦!上到去, 要等位, 等十零分鐘, 無所謂啦, 可以乘機研究吓部新玩具.我留意上..... 雖然幫襯時份已經入冬, 但魚生及刺身仍然用冰墊底, 保持低溫, 夠貼心.係云云嘅魚生當中, 我只鍾情三文魚刺身, 又係云云嘅蝦當中, 我只喜歡泰式蝦刺身, 兩款刺身我都滿意, 由其係泰式生蝦刺身, 極鮮甜.我中意食象拔蚌刺身多過放落火鍋, 因為刺身更爽甜.壽司之中最中意花之戀, 外形又令又有我中意嘅三文魚.唔知點解, BBQ燒羊架或者自己屋企煮羊架, 總係無人地燒得咁正, 次次放題點羊架,都無失望, 見到神戶屋有鈕西蘭羊架, 當然點兩隻嚟試試先, 肉嫩 juicy 入味又無太強羊騷味, 滿意.最后，無漏單，俾個讚先！PS:係門口等位時，成班控煙辦沖上嚟，走去后樓梯捉鬼！大家要守法呀！
繼續閱讀
其實下晝三點先食晏飽到上心口，但又book咗六點去神戶屋食放題，心諗應該都食唔落不如Cancel啦～但老公又話好想食佢哋啲刺身，咁我唯有飲杯山渣水消消濟頂硬上😂我又點會估到最尾我居然食得落咁多嘢😨因為啲食材真係實在太新鮮好味！一坐低已經發現枱面放咗醬料同前菜，雖然係前菜，但一啲都唔馬虎，三款都好好味，全部落晒我個肚😆老公實在太太太想食刺身，佢竟然喺我唔為意期間點咗咁多！仲要叫埋壽喜燒鍋，我真係好擔心會食唔晒浪費食物，但食咗一塊希靈魚之後，我個胃就好似打開咗咁～～希靈魚真係好好味呀(⁎⁍̴̛ᴗ⁍̴̛⁎)之後再試埋北寄貝、象拔蚌、帶子...全部都好鮮味呀～～日本和牛壽喜燒嘅湯底甜甜哋好啱我胃口～牛肉淥咗咁耐都唔會鞋口，再加上有咁多蔬菜，邪惡感即時減低！麻辣小龍蝦真係好夠辣，又惹味，雖然冇乜肉食，但鐘意食辣嘅人一定鍾意！清酒煮蜆味道好清，蜆肉又夠晒大隻肥厚，咬落去啖啖肉冇得頂！老公超鍾意個日式即燒牛舌！牛舌夠味之餘仲一啲都唔韌，軟嫩感十足，唔怪得知臨尾佢仲要叫多碟啦～而黃金芝士燒廣蠔都好入味，濃郁嘅芝士味配上鮮甜嘅蠔好夾～仲有呢個咸蛋黃金蝦都係老公大讚嘅菜式之一，個咸蛋黃真係好好好香呀！食到呢個時候其實已經開始飽飽濟濟，但唔食甜品又點對得住自己(๑˃̵ᴗ˂̵)و 我好留手咁只係點咗日本香芋丸、韓國炸鮮奶同心太軟咋～個日本香芋丸同炸鮮奶都超有驚喜！一定一定要試！！心太軟就細細件，將佢一嘢啪落口真係好滿足(❁´ω`❁)最最最後，我哋仲拎咗杯士多啤梨MOVENPICK🙈事實又証明千祈唔好相信女人話飽😂只要好好食，原來都可以食得落咁多嘢！！另外一定要提嘅絕對係呢度啲員工，超細心態度超好！！！！！令到我哋都食得好開心好Enjoy!!!!!
繼續閱讀
幾個女仔去食日本野，為左迎合各人嘅口味，我地揀左去食日式放題，咁就可以每樣都食少少，又可以坐成兩個鐘慢慢傾計啦。呢度嘅飲品係任飲架，可惜無任何無糖飲品，戒左飲甜野嘅我唯有飲清水啦。刺身選擇都好多，三文魚，劍魚腩，赤貝，甜蝦，希靈魚，吞拿魚，八爪魚等等。全部都好新鮮，無咩雪藏味。咁多種類入面，甜蝦同三文魚最鮮甜，賣相亦都好靚，顏色鮮艷，三文魚切得好厚，甜蝦都啖啖肉，蟹棒亦都好爽口，完全唔似係平野，非常滿足，我地仲叫左足足3轉添呀。炸物係即叫即炸，炸得香脆，下面仲加多左張隔油紙，令到食物入口唔太油，值得一試！沙律加入沙律汁後入口非常清新，食落非常爽口，幾開胃，我地仲有encore添。韓式炒粉絲用左蘿蔔絲，冬菇，洋葱同埋黑木耳，再加返個汁，味道好，又唔會太鹹。白酒加左蒜頭做湯底，再加入大大粒既蜆肉去煮。湯底雖然偏鹹，唔建議大家飲，但係蜆肉並無脫殻，唔需要係湯底度搵蜆肉食。食完咁多美食之後，仲有甜品添。好似雪糕，布丁，泡芙等等。連加一每人＄260左右，食到咁多高質食物，款式又多，都算唔錯架啦。
繼續閱讀
好耐冇食過放題，又係時候約朋友去大吃大喝一餐。兆萬中心向來多美食，今次就揀咗兆萬中心嘅神戶屋日韓放題，食個lunch。首先呢度包羅同埋韓式嘅美食 日，坊間少有，選擇非常豐富，刺身，壽司，炸物，煮物，鍋物一應俱全。餐廳環境舒適，坐得舒服，而且店員十分友善，服務佳，令人吃得開心。全餐無漏單，上菜時間快，幾滿意。最喜歡刺身夠新，質素好好，食咗唔少，回曬本！燒菠蘿超juicy，又香甜又多汁。估不到還有人嵾湯飲，人參夠曬味，好滋補健康😋每人埋單230元，吾算特別平 但值回票價。
繼續閱讀
大年初三一班朋友的飯局老實說農歷新年期間沒什麼店在開尤其晚吃吃到凌晨選擇不多之下選了神户屋日韓放題對兆萬中心的食肆一向印象不好😂經驗是便宜但質素中下有在openrice先爬文😂神户屋食物選擇多而且大路 價錢不過300 才決定一戰😜甫到達 就送一個火鍋是餐廳策略嗎？畢竟先吃鍋很快飽呢選了韓式芝士部隊鍋有火腿 腸仔 娃娃菜 還有辛辣麵材料跟味道正常 訂座送每人一客海膽/生蠔/韓國雪條先點刺生 應有的都有比較值得說是 有多款蝦刺生切勿點美式凍蝦！只是白灼蝦！而且完全無味！嚇死人！熟刺生有角螺 鮑片 蟹棒 玉子溶雪處理OK份量雖然沒給足 但Hold單情況不嚴重飲品自取 維他奶及小罐可樂屬小見一旁可自己斟水、茶沒支裝或罐裝無糖茶 實在扣分點的熟食一半以上都不夠味什到沒味道炸鮮奶、炸芝士不錯燒扇貝、燒廣蠔OK有大量沙拉醬襯托天婦羅 夠熱 OK壽司類 可以 飯不是很多炒蜆、清酒蜆無味滷雞翼、炒雜菇無味韓式炒粉絲不是韓式甜甜的牛柳粒韌到一個不行牛舌太乾結帳約$250一人考慮到平日非假期價錢應$200左右如果對食物要求不高只求整桌食物求開心 可以一試
繼續閱讀
您可能會有興趣的...