影片
朋友介紹話發現咗屯門有間新開嘅茶餐廳，個沙爹牛肉面好好味，所以就特登專程入嚟試吓。果然係冇介紹錯，真係幾好味！朋友話除咗沙爹牛，個洋蔥炒肥牛仲正，所以我就點咗洋葱炒牛肉出前一丁，真心好味！ 個出前一丁煑得剛剛好，唔會過火，個炒肥牛仲要係即整，唔係倒一pat 嘢響面上高，好有heart. 值得推薦！ 個沙爹牛都好濃味，但稍稍有啲甜。呢度所有早餐都可以自由選擇什麼面底唔需要另外加錢😜 我哋去嘅時候係大概九點左右，人唔太多，睇間餐廳開咗唔係好耐應該冇乜人知道，希望佢可以繼續保持水準啦，因為我仲想繼續去食㗎😜
繼續閱讀
第一次叫了早餐外賣，豬潤麵湯底非常鹹，豬膶一浸味，不知是醃料味還是變了味，全部食唔到😫，另一個雞翼麵，雞翼非常燶黑，但入邊沒有味😩。餐內的蘑菇炒蛋，蘑菇大片但完全冇味、蛋好鞋。飲品，茶底不好，奶茶極難飲。唯一麵包正常，是丹麥酥方包。這個質素兩個早餐要$103，總括來說沒有下次，如食物質素差，再平都不會幫襯，何況收費仲咁進取。🥺👎🏻
繼續閱讀
好耐無係星期6出去置樂食早餐，行左一陣，見到一間新既餐廳，個名都幾特別，叫祝君早安，咁就入左去。個餐牌好多選擇，雞扒牛扒沙爹牛咩都有，最緊要係咩，居然轉蟹王面丁面唔洗加錢都係45－48HKD。我就叫左個雞扒蟹王面，跟住陪自家製餐包+蘑菇炒蛋，自家製餐包真係幾好食，口感鬆軟，配埋牛油，一啖食晒，雞扒唔係好似大家樂咁細，即叫即煎。新鮮有口感，不過低味唔太足，總好過食味精既。
繼續閱讀