54
0
0
港鐵中環站 D2 出口, 步行約6分鐘 繼續閱讀
所有分店 (2)
電話號碼
27882683
開飯介紹
由入行超過40年,前鴻星集團副行政總裁布基師傅創辦的中菜館。主打精緻點心及傳統粵菜。將古典與現代、創新與繼承在每道菜品中呈現,向食客傳達「醉心粤味」的品牌形象。 繼續閱讀
營業時間
今日營業
12:00 - 23:00
星期一至日
12:00 - 23:00
付款方式
Visa Master AlipayHK 支付寶 現金 銀聯 微信支付 OpenRice Pay
其他資料
網上訂座
電話訂座
賞訂座積分
加一服務費
獨家網上訂座
當面支付
有關獎賞計劃
食評 (57)
等級7 2022-06-10
504 瀏覽
端午前夕剛好為契姨媽壽辰,難得可以小聚晚膳,知己小群專登揀咗間零負評嘅「碧儷苑」搞咗個小型生日會。位於中環核心地帶嘅中菜廳佔用一樓全層,面積寬廣,牆上掛出嘅立體藝術品中國風得黎好有時代感。為咗要更多私人空間,八人飯局安排於廂房內進行,鬆動舒適,而且好夠衛生。做足功課嘅XO仔早已知悉最抵消費額為$5,000,所以亦預先寫埋菜單。派對原本共有九人,抗疫期間要分兩張枱嘅,後因有長輩臨時不能出席,食物不能取消,八人卻剛好一張枱坐哂,第九份就交由體貼嘅服務生代為打包。每位席上擺有齊備嘅自用及公用餐具。如欲自攜佳釀,開瓶費為合理嘅$200/樽。飯局全程由經理Lxxx姐跟進,用餐途中仲親自幫忙換碟加酒,相當落力。小肥本以為成幅畫咁靚嘅菜單係佢嘅傑作啦,細問下先知如此秀麗嘅筆跡乃出自其上司Bxx哥嘅手筆,誠意盡在不言中!窩貼金蠔伴櫻花蝦蜜餞柚皮:為晚宴打響頭炮嘅窩貼金蠔上下兩層都一樣咁金黃吸睛。頂面嘅金蠔每件都係連埋白雪雪嘅墨魚膠孖住黎炸嘅,墊底嘅黃金鍋巴則於炸煮前預先輕輕黏上咸蛋黃。好似多士咁夾埋一齊食,菜式口感好有層次,咬落鬆化脆巧嘅同時食得出墨魚膠極之爽彈,當中嘅清甜與咸香產生嘅中和作用意外地好夾。另上嘅櫻花蝦蜜餞柚皮外表橙黃鮮美,講真細佬冇諗過柚皮可以炸黎食囉,師傅嘅創作力量同幻想都令長輩們嚇咗一跳!炸柚皮外脆內軟潤,巧妙地於外層塗上香蜜即可減輕膩感同熱氣,而且又可以自然地黐上細小嘅櫻花蝦,新穎嘅配搭鬆脆甜美,十分討好。蟹肉灌湯餃:大大隻、脹卜卜嘅灌湯餃傳統地以皮包湯並乾蒸而成,席上嘅隱世廚神仲留意到餃皮工整細緻嘅摺紋,讚嘆師傅手藝好,少啲功夫都好容易穿,每天限量造出都絕對有理,想食就記得要預訂哦!正當大家都係喺碗中先整爛塊餃皮黎食時,嘻嘻,XO仔卻為找尋童年回憶,好唔正宗地一口咬咗落去!灌湯餃皮層巧薄軟身得黎仍保持有一定嘅韌度,咬破餃皮後,皮下嘅高湯餡心隨即湧冒而出,熱辣辣嘅高湯鮮濃而不俗,細嚼當中嘅豬肉粒、蝦粒、菇粒及蟹肉絲,懷舊點心清甜香潤,堅!七頭花膠扒扣玉掌:壽星女最期待嘅鵝掌每人都有一大隻,花膠扒則叫咗兩件黎分,分前當然係要騷一騷quali啦!如相所示,兩者嘅體積同契妹隻玉掌有得比,震撼非常!七頭花膠扒不單有厚度,咬落滑溜有膠質得黎極富彈性,滑嘟嘟嘅鵝掌則肉厚香潤,芡汁鮮濃甜美,最重要係兩款養顏珍饈都炆得好夠腍,大肥形容得好貼切,確真冇牙都食得,眼見淑女們都不理儀態地吮腳趾,美味程度不言而喻!豉油皇煎虎蝦伴腸粉:同樣一人一隻嘅豉油皇煎虎蝦爽脆彈牙,墊底嘅腸粉柔潤軟彈,因索盡虎蝦嘅精華而變得香甜惹味。最難得就係當個個都話飽嘅時候竟然都可以清碟,証明堅過石堅呀!蘭度油泡鮮斑球:配角蘭度就脆卜卜,炒至微微金黃嘅油泡斑球則爽嫩中帶點鑊氣,蕃薯uncle大讚厚潤煙韌嘅魚皮好夠膠,只係略嫌斑球走油偏乾,如果可以多返少少油脂效果應更佳。手淋脆皮炸子雞:餸名用得「手淋」兩個字已道明廚房以傳統做法慢慢用手淋上滾油生炸雞雞,淨係諗佢要淋幾多次油隻雞先會熟都知係超考手力同耐性嘅功夫菜!「碧儷苑」隻炸子雞肉質白滑柔嫩,連雞胸都鎖有肉汁,帶有油光嘅雞皮更加係脆薄酥化,入口即半溶於舌上,名菜最矜貴就係此塊極品雞皮,不吃炸子雞皮者即浪費師傅嘅心機同工藝,好在大小雙肥懂得惜材,絕對唔容許嘥料嘅。薑蔥花菇撈麵:薑蔥長壽麵爽幼甜脆,伴配嘅花菇亦厚潤芳香,簡單可口。見大家都食到讚不絕口,Lxxx姐仲請大家食粽添,一咸一甜,以答謝大家初次光臨,順便應吓節咁話,認真客氣!紅袍荔枝拼奶皇小虎包:因為訂咗蛋糕,甜品就憑食評家上載嘅靚相中揀咗兩款菂薂可愛嘅紅袍荔枝同小虎包。細佬刻意地未有提及過甜品會有咩就係想睇各人嘅反應,結果當紅袍荔枝上枱時,啲長輩居然問點解啲荔枝只有五粒咁少嘅,即代表荔枝甜點嘅造型逼真到令佢地誤會咗係消暑生果啦,呵呵呵!紅袍荔枝紅色嘅皮層脆中帶煙韌,入面嘅奶黃餡心微甜香軟,十分輕盈。黃皮老虎仔以冰陣騰雲駕霧出場,特顯虎年虎虎生威,碟邊加多兩隻小白兔點綴襯托,即倍添生動趣緻。由於賣相已贏盡口碑,包品好唔好食已屬其次,幸好奶皇包外鬆彈內軟綿,潤甜得黎唔溜,小弟預咗每人起碼有半隻嘅份量剛剛好!中環粵菜廳「碧儷苑」寬廣開揚,服務生及師傅們上下一心、誠懇周到。菜餚色香味俱全,無論係經典功夫菜又或者係新潮創作嘅用材一樣咁高質,價格經濟實惠,而且驚喜不斷,可以稱得上為一個奇趣美食樂園,大人細佬都啱玩!肥肥家族已規劃好下次去飲茶食點心,用實際行動以示支持。 繼續閱讀
等級4 2021-12-21
2172 瀏覽
✨碧儷苑·精點粵菜✨聞名已久,經營團隊大有來頭,無論是大廚、 點心師傅、樓面待應及經理,還有合伙人都是來自老字號的餐飲集團。他們原班人馬不忘初心,重現之前老集團經典菜式及精緻的手工點心。喜歡食中菜的我,早早訂了今日做冬夜前夕,和細妺來朝聖,裝修高級中菜格局,牆上是大山的的壁畫,感覺非常雅致,座位寬躺,非常舒適。服務亦是非常值得一讚,由傳菜員到經理服務態度都是非常專業,上每道菜會逐一介紹,整體感覺非常舒服。是日晚餐二人前👧🏻👧🏻🦐▪️櫻花蝦蜜餞柚皮 外觀類似炸生蠔,但換上了柚皮炸槳薄而脆,包住炆得非常清甜的柚皮一點苦澀味都冇,再加上甜甜的蜜餞醬汁已經非常好味,另外再加上櫻花蝦的鹹香外層脆脆配搭淋滑的柚皮,精彩🍲▪️杏汁白肺湯我最愛的杏汁,這個湯足足燉了四個小時一打開蓋杏仁味非常香濃,味道更加精彩湯頭清甜濃郁,潤肺養顏,另外湯渣亦不容忽視,雞腳,豬肺,粉腸,豬肉,亦吸收了杏仁汁的味道,非常淋滑好食🦐▪️豉油王虎蝦煎腸粉虎蝦非常大隻,煎得爽脆入味,腸粉非常滑溜,吸收蝦和豉油王的精華,值得一題係佢地既秘製豉油帶鮮和甜味,非常好味🐠▪️濃雞湯鲜班球浸柚皮鮮班球好厚肉,煮嘅時間剛好,魚肉不會過老而且魚味濃非常鮮味,雞湯吸收了魚肉的鮮甜令柚皮吸收了濃濃的湯汁,好Juicy🥘▪️麻辣鮑魚掌翼煲這道菜味道非常精彩,麻辣夠麻夠香,而且用大量薑蔥爆炒,夠晒火候,鮑魚肥大肉厚,吸收麻辣嘅味道,好正,另外掌翼炆得剛剛好,有咬口,好惹味,送洒一流🍚▪️生炒臘味糯米飯糯米飯炒得非常軟糥油潤,充滿臘味香而且非常入味,臘味材料嘅非常多,有臘腸潤腸,臘肉,再加上蛋絲同埋大量蔥花,非常正宗嘅一個生炒糯米飯,大廚一定係功架十足,能炒出一個如此好味嘅糯米飯好喜歡🍭▪️紅袍荔枝上枱嘅時候真係以為荔枝,仿真度極高外層炸脆咗嘅紅色脆脆米包住湯圓皮餡料係奶黃同埋荔枝肉,好有層次,一口咬下去外脆內軟,唔太甜,一道非常用心做的甜品,好睇又好食🍬▪️黑糖蜂蜜糕花花形狀嘅蜂蜜糕,有一隻黃色嘅小蜜蜂非常可愛,口感有啲似白糖糕,非常綿密軟糥,味道充滿黑糖蜂蜜嘅清香,甜度啱啱好,又是一道精彩嘅甜品✨整體來說菜式非常特別創新,每道菜都經過用心設計,用料講究,尤其是看似簡單的柚皮菜式,味道精彩,但製作需時繁複,完全是手工菜,坊間唔係太多酒樓願意製作所以非常欣賞,必須回頭的飯店✨ 繼續閱讀
(以上食評乃用戶個人意見 , 並不代表OpenRice之觀點。)
等級3 2021-12-10
920 瀏覽
部門聚餐 免費吃到吐這次來到了最近很出名的精緻點心餐廳大家都是為了小企鵝來的來當然是必點冰凝小企鵝小企鵝超可愛下面還有乾冰外型真的是100分但小企鵝的內餡是紅豆沙就跟台灣版的紅豆沙的壽包一樣老實說有點失落另外一個出名餐點是紅袍荔枝當看到他上桌時我一時之間以為自己來到了分子料理餐廳這電光火石之間 我真的是來不急反應過來外型100分 內餡是奶黃 葉子是用薄荷葉做的這道菜真的做得非常像蟹黃小籠包也是必點的項目黑白蝦餃的賣像也是非常吸睛大家看到都是先夾黑色的那個這家外型精緻的粵菜推薦大家來嘗試看看 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-07
728 瀏覽
碧儷苑•精點粵菜中環擺花街1-7號1號廣場1樓1/F, 1 Lyndhurst Tower, 1-7 Lyndhurst Terrace, Central住在中環大半了, 生活上食西餐飲COFFEE都一段日子, 開始懷念中菜系了。在外國人集中的社區, 當找到一間有水準的中菜, 實屬難得。開胃小碟都用心,有豬肉粒,菜甫,花生,冬菇粒同蝦米等,好惹味,食食下我自己食曬一碟窩貼金蠔$118 , 蝦膠加入了蠔肉,再煎到香脆,蝦膠非常彈牙,咬下隨即滲出蠔豉鹹香,有個酸甜汁蘸點,仲有個炸米通撈了鹹蛋黃,脆卜卜。$68 一件虎蝦多士,蝦大隻,從橫切面看到麵包,炸完只有小小油吸左,炸到酥香卻不油膩,絕對是講火候手勢掌握。$88欖仁順德魚羹,蛋白絲,木耳,魚肉,薑絲,冬菇絲等,入口唔會太粉漿卻有點似米水質感,加胡椒粉吊味仲好飲,薑絲同胡椒粉暖胃,飲完成個人都feel 到warm 起來三寶蒸海鮮斑球,三寶分別是大蝦乾,魷魚銀魚仔乾,三鮮同蒸龍躉,非同凡響,魚肉嫩富魚香,連個豉油都鹹鮮。原只鮑魚花菇伴蝦子柚皮,是功夫菜之一,柚皮弄到纖維淋身沒有澀味,要比個手指公like,鮑魚彈牙, 吃到這快失傳的功夫茶,感欣。招牌炒飯真材實料,每口有叉燒粒,蝦肉,菇粒,蛋,松子仁。材料混和每口炒飯,粒粒分明爽口,豉油平均沾到每顆飯身上,,就算已經8-9成飽,都忍唔住食曬一碗。冰凝小企鵝甜品造型好愛,小點心是陳皮紅豆餡,可愛到唔捨得食,旁邊個白色海獅就係湯丸。伯爵茶奶凍好滑,奶香中。有earl grey 菜香。成餐晚飯吃到點心,男朋友說已經難有師傅願意做的傳統菜,都可以係呢度食到,大滿足的一晚。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-11-27
578 瀏覽
今次約左前同事食lunch, 係open rice 到見到衣間新開既酒樓(對於我黎講🙈),於是就訂坐試下味道唔錯,以中環價錢黎講唔算好貴,點心種類唔算多,但都有幾款打卡點心,食厭左西餐,可以試下佢 繼續閱讀
(以上食評乃用戶個人意見 , 並不代表OpenRice之觀點。)