碗屋 (已結業)

中環 碗屋高級放題任食✅高質燒物 日式食品😍中環D出口步行約2分鐘呢一間位於中環商業大廈😍非常高質✅需要訂位🔥會有出邊同埋入邊嘅房😛如果要訂房嘅話大約要等一個月😁建議客人可以早啲去book定🤪呢一間嘅舖頭最主要主打一啲新鮮嘅食材😛所有食材都係新鮮製造😄分量十足🤫可以任食三個鐘頭😆包你食得非常飽😎刺身放題- 入邊包括咗好多唔同嘅刺身😁包括三文魚😋吞拿魚😁北寄貝😆帶子等等😍燒物- 會有原隻鮑魚🤣新鮮帶子😎燒大蝦等☺️樣樣都非常新鮮☺️燒蟹蓋等等😆非常吸引🔥基本上每日都會全場爆滿😎值得一試👋地點：中環皇后大道中139號The place 1樓名稱：碗屋好去評分🎖(5個👍🏻為最好）- 環境：👍🏻👍🏻👍🏻👍🏻👍🏻- 服務：👍🏻👍🏻👍🏻👍🏻👍🏻- 價錢：👍🏻👍🏻👍🏻👍🏻- 推介：👍🏻👍🏻👍🏻👍🏻———————————————————————————🏆試食/合作：WhatsApp or DM 查詢👍🏻 合作：hkgoodwest2021@gmail.com/WhatsApp 98693397 - OpenRice level 等級3 👍🏻- Google review Level 等級4 🤝- 大眾點評

今次係我第二次來，冇諗過食物質素大大下降刺身好一般，甜蝦好多都冇條尾壽司真係仲差過元氣，舊飯冇乜味連個蟹子沙律都係難食嘅，無味$580一個人冇諗過最後係食呢啲嘢大家去之前三思啦希望餐廳可以改善下自己食物質素

昨日請友人食放題，年頭有去依間食放題，雖然一個人接近500蚊，但野食好食，貴小小無所謂，尤其刺身非常新鮮，難忘！但今次食完，有不同感受，必須寫出來。先抑後揚1.刺身較上次食明顯退步，不太新鮮，雖優於元氣之流。略好於普通放題。 但考慮到這個價格，不滿意。尤其吞拿魚刺身，有一陣酸味。大失信心，如下次我想食放題，不會排在頭位考慮。2.手卷類，飯不會太多，可留肚食不同種類食物。不錯2.1海膽手卷，海膽味苦。紫菜脆口，不太滿意。2.2三文魚子手卷，幾好，不錯。3. 上菜時間較長，相信是人多之故，全部上齊。4.燒烤類水準保持優秀，火候適宜。5. 雪糕質素高，很好。6.店員態度非常好，盡責，跟單，及時加茶水。（不用我們提都知道廚房出錯嘢，主動幫我地換。）小結：刺身失望，其他類型的食物水準保持。但考慮到這個價格及刺身失分，並不太建議短期內去試。除非有閒錢和心情好，

今日係我第一次到呢間碗屋放題，一行二人裝修一般有廳面有房，坐下兩張餐牌已經寫晒今晚所有放題食物，都相當豐富及多選擇，重頭主菜一次性冇得encore，有龍蝦刺身、汁煮鮑魚、燒龍蝦尾⋯⋯唔記得咁多了。我哋主菜揀咗龍蝦刺身，係生鮮有龍蝦嘅甜味，另外刺身拼盤、燒物、帶子、沙律、炒飯⋯好多⋯好多⋯好多不能盡錄⋯⋯自己睇相。食物都可以的、當然有D特別出色，亦有D未如理想，但忙中都依然有擺盤有做型的，唔似其他放題店求求其其的，咁多種類做到咁已經合格了。但全晚最另我驚訝係所有員工都好忙、行得好快，佢哋果D快唔係另你食到好緊張，忙但都好有禮貌好親切，忙到咁見你攞住餐牌已經主動埋嚟問你想叫甚麼，一雙手已經攞住晒嘢見我跌咗筷子我轉攞比你，經常為客加茶，對客人的細緻度簡直另我驚訝，我好耐冇見過一間餐廳全體工作人員上至經理下至所有員工咁有默契、咁有工作態度，真正做到team work，真係戥佢老闆高興，點樣可以做倒，真係要俾D掌聲👏所有工作人員，thanks🙏

以前去中環午餐多數選擇碗屋，喜歡它的食物和環境，但自從店舖搬到 The L Place 後很少去，因為環境很擠迫，枱與枱很接近，不太舒適，食物水準亦不如從前，後來可能受疫情影響更每況愈下，所以就沒再去了。上星期再去試試，食物還可以，但服務就很一般，以為兩點後去會吃得舒服一點，豈料服務生不停提醒我們要收市，食物也一次過全部送上，吃得很趕很有壓力，幾乎胃痛。午市套餐有十多款選擇，我們點了 1 號和 6 號餐。1.特上刺身盛合﹑茶碗蒸蛋﹑蕃茄沙律﹑海鮮雜炊/牛肉烏冬/冷麵茶碗蒸蛋和蕃茄沙律是正常的味道刺身有八款，看得到是新鮮的，不過吃下沒有海鮮那種鮮甜味，普普通通海鮮雜炊味道淡淡的，質感比較濃稠。6. 鐵板海之幸定食(鯖魚﹑車海老﹑帆立貝﹑蛤)、和風沙律鯖魚﹑車海老和帆立貝都烤得很好看亦好吃，蛤沒有甚麼味道，沙律是一般的沙律。隨餐付送咖啡或茶，是即磨咖啡。這個價錢在中環不算貴，但有更多更好的選擇。

自從佢搬鋪後就吾知點解少咗來，最近都2年前了。上周聽朋友講剛去食完，500幾，還有8折。馬上call人去重溫故地。食材依然新鮮，特別是銀雪魚，超掂。其它如剌身、羊扒、天婦羅炸蝦、抄雜菜等保持水準。好耐無食咁多了，大滿足！

一行7人前往碗屋食放題都滿座呀 所以一定要book位先係Openrice訂座放題有8折唔放題就冇折既,但放題質素都偏高主要睇刺身方面 刺身新鮮鮮甜首先上個刺身拼盤 即係每樣都有d三文魚 吞拿魚 赤貝 帶子 希靈魚 油甘魚 北奇貝 八爪魚 鮑魚 甜蝦冇款難食😂之後有炸物熟食類我就少食 主攻刺身都食飽如果要任飲有酒類飲品 每位要加$80非酒類就$60 唔任飲就逐杯叫咁計10點前要離座 所以都食得快同好飽肚🤣

今次嘅用餐體驗唔錯，有幾方面覺得好嘅地方：1. 用餐時間：難得唔駛限時兩個鐘嘅日式放題，可以輕鬆點餐傾偈唔駛趕住食。2. 食物質素：魚生新鮮，手卷嘅紫菜好脆。每枱例牌有個魚生併盤同埋可揀一份醬燒鮑魚或龍蝦做頭盤。3. 服務質素：服務員態度親切細心，不時行過嚟睇我哋有咩需要，會親切提醒儘快食魚生，放耐咗會怕魚生變質會收走建議我哋再點過，並會介紹邊啲係必食之選👍🏻👍🏻。如果真係要挑剔嘅話，我會覺得食物可以再加啲食物種類落個餐牌，例如日本餐廳當備嘅中華沙律，佢個餐牌係無嘅，雖然有羊架同鵝乾，但係得牛舌無牛肉粒。如果甜品有埋生果就好了，有啲餐廳有燒菠蘿不過佢無。不過整體而言質素唔錯，食物尤其魚生新鮮，可惜無試鍋物，實在太飽了。下次一定會點埋鍋物嚟試

香港最好食既放題中環碗屋放題出名高質..每樣食物都好似出面單點既質素！原價$558+10% 而家仲有8折優惠先講刺身非常非常新鮮！帶子同甜蝦非常鮮甜！油甘魚厚身滿口油香！赤貝爽口鮮甜！另外今次送既限定頭盤係龍蝦/汁燒飽魚..我地簡左龍蝦！香口厚肉🌟另外極推佢地既厚燒牛舌..入口即溶🤤好似午餐肉咁…鐵板一口牛煎到剛剛好..另外招牌銀雪魚真係必食串燒蝦有蝦膏..其實每樣嘢都唔會太差去到呢度只會覺得自己個胃太細食唔到咁多嘢🥲店員服務非常好..不過全人手落單始終都有機會有漏咗單嘅情況出現..評分🧡🧡🧡🧡🤍

媽媽生日，主動提議食碗屋放題，記得前幾年食過，非常非常好食，不過今次食完已經大不如前。食物除了刺身選擇比較多之外，其他方面的食物真的不太多。而且食物質素也不算高，可能人手不足，每次需要服務員點餐都用了不少時間。父親大人第一輪叫的炒飯，催了三四次，最後一小時後才上台，這個價錢應該有更多更好的選擇，我覺得如果只想吃剌身的人，是還可以，但如果想食其他野，就完全絶對不推薦你哋去光顧，一定會失望而回。自己衡量

今次食的晚市放題是位於中環的碗屋。當晚是星期四，價錢$548，有8折優惠。💡Menu是人手落單，上菜速度比其他放題慢。🥢每位客人都會送上有一個頭盤，包括龍蝦刺身(二人一客)，龍蝦尾(二人一客)，原隻鮑魚，或黑松露忌廉焗扇貝。我哋最後揀咗龍蝦刺身，鮑魚同扇貝。我覺得比較特別少少就係個龍蝦刺身，味道雖然唔算話非常鮮甜，但係個口感爽口彈牙。扇貝都好好味，不過個鮑魚就有點似罐頭鮑魚的口感。💡刺身有用冰托住可以保持溫度慢慢食，刺身大部份都係厚切，擺盤都好精美，不過上菜非常慢。🥢刺身真係非常之新鮮，我自己鍾意食就有三文魚，三文魚近魚腩部位，味道都好肥美。油甘魚都好好味，同樣都係厚切，完全冇血腥味。帶子都唔錯，雖然切得薄咗少少，但係味道非常之鮮甜。仲有甜蝦都好好味，雖然唔算大隻，但係都好爽甜。仲有個八爪魚粒勁彈牙。海膽都ok嘅完全冇苦澀味。不過個主打藍旗嘅吞拿魚就冇乜特別啦，都係普通赤身嘅部分。🥢卷物方面: 有任食海膽手卷，三文魚籽手卷，和拖羅蓉手卷。其實三款都幾好味，不過我就嫌佢啲料呢就孤寒咗少少，我自己有encore到就係拖羅蓉手卷，個味道好鮮甜。🥢燒物: 厚燒牛肉，牛味好濃仲好juicy，生熟

以為這是高檔的放題, 但一入餐館, 枱的擺設之密真令人有很大的壓迫感，絕對令食慾大減。成間餐館好像一般快餐店，坐位密密麻麻。以這個放題價錢。理應高檔一些。食物方面，除了頭盤鉄版龍𧎚尾可以之外，其餘都是非常一般，海膽手卷啲海膽少到難以置信，絕對不配合這個放題的價錢。相信同普通一間日本放題店差不多。服務也是一般。以這個價錢定位，以為可以享受高檔些的放題。但都是失望而回。

由以往喺置地對面已經有幫襯，間中特別日子都會去食放題，向來都對朋友推薦係最值得去食嘅放題，今次真心非常失望一上到去見到，迫咗咁多嘅，以往以質素同環境吸引，坐到咁迫即刻影響心情叫我地落頭盤時話今日鐵板燒好忙，可能要等好耐，落住單先⋯⋯但通常都係刺身冷盤先嘛結果刺身同頭盤坐低近半個鐘先到，其間有侍應拎碟厚燒牛肉問會唔會食住先，鐵板，燒物會等好耐⋯⋯見等咗好耐都未有嘢食同見個場咁爛，所以要住先，係好食嘅，但次序搞亂晒之後刺身落單時就話一客兩件，結果同落單嘅數目完全唔同，有啲俾多，有啲得少少⋯⋯第二round仲離譜，唔係跟單落，無落嘅俾一疊嚟，要多少少嘅就得4片，侍應話唔食嘅就收走佢頭一轉落單已經話無牛舌⋯⋯失望漏單太多，又上得慢，而且數量又係隨意俾，無落單嘅天婦羅都出現，仲要俾幾隻蝦，但好難食，又無俾汁燒帶子明顯係急凍再乸到一陣味嘅帶子想食嘅等極都無，員工做到無心機，想落單俾人一嘢“嘖”埋嚟到9點幾無乜食過嘢但太油膩住，結果叫雪糕等3,4個字先有得食，食咗一陣雪糕都未溶，9點半左右，有個侍應喺背後話“點解啲人食咁耐都未走”聽完心諗有冇搞錯，咁唔想做唔好做囉，怪就怪點解要搞成咁本身慶祝十周年打

幫襯碗屋放題，至少有20年，由新世界大廈地庫，去到而家呢個舖頭食物質素，係冇問題嘅，我比較小心食日本刺身，係碗屋你就可以放心，同行友人鑑定赤貝係好新鮮，其他刺身，質素好，擺盤靚。有尊重嘅感覺好多鐵板燒出品例如係鵝肝牛肉，冇問題燒多春魚，帶子，蝦，雞軟骨冇問題。員工，我認得都係個批人，服務態度OK，走單情況唔嚴重咁最有問題係咩呢？係個環境，呢度細咗好多，迫咗好多，枱同枱之間實在太迫，成日聽到隔離枱嘅秘密，可能近上環，客嘅檔次，冇可能同新世界大廈地庫嘅時候相比。我食唔慣極上大喜屋， 我覺得碗屋唔錯，君悅酒店嘅鹿悅，又冇再做放題，日航酒店嘅嵯峨嘢就……你懂的，連個酒店名都易手，剩返半島酒店嘅今佐，但其實款式唔係咁多，價錢就係碗屋兩倍（接近）碗屋，你可以就走更高檔次！

Always come here for all-you-can-eat when there are family celebrations. Never a disappointment! My family doesn’t eat sashimi / raw foods, but the quality and variety of cooked dishes are highly recommended! They are even serving hotpot on certain nights. Very value for money. Thank you, Wanya!