砵仔王

朋友介紹的小店，老婆婆看鋪，成間店都有好多懷舊小食，好懷念！而且一試朋友推介的砵仔糕，真係好好味，個米漿好香，而且糖的份量岩岩好，紅豆好足料軟糯，仲有囗感好好。就係唔知點解比其他店做的好食，希望可以做落去！…查看更多

聽人講老字號行開走嚟試吓見佢啲砵仔糕好似幾靚咁又懷舊點知個阿叔服務態度差一味得個急字都唔知佢噏乜嘢後邊又冇客一味得個嘈字可能我買得少啦，買得嗰兩個砵仔糕就黑口黑面咁嘅服務態度人哋點樣以後返嚟買你啲嘢食食落去啲砵仔糕，亦都唔係以前懷舊風味…仲差好遠真係好懷念以前嘅砵仔糕至於呢一間執咗笠都唔會可惜其他仲有唔同嘅懷舊甜品價錢非常之貴與其咁唔正宗，我情願嘥多少少錢買芒果糯米糍好過做懷舊最緊要夠正宗唔好揦住懷舊嘅旗號整啲咁嘅貨色比客人…查看更多

成日搭叮叮都見到，細個阿媽成日買黎接放學，砵仔糕呢樣野真係充滿回憶。下晝4點左右又經過上環，回程時都係買返個回憶下先。行到去望望價錢$9/1個，$25/3個。佢自稱得「砵仔王」，我對佢真係充滿期望!見買3個平少少就3個啦! 摸上手仲暖，成程車好期待。每個都係有層膠膜包住，分開每個獨立唔會痴住，用膠袋入住返公司食。返到公司一打開，佢唔似食開嘅砵仔糕咁令面同滑身，成件係好濕，而且焗到有d溶，但值得一讚地方係佢好多紅豆，唔會太甜，而且冇粉粒。如果可以少返d d 水就完美。…查看更多

因為上次食過砵仔糕覺得不錯，今次試試其他款式，雞仔餅/相對比較差，沒有傳統味道，餡料少。餅口感偏硬身、焗得脆。黃糖糕/口感煙韌，香軟鬆綿，黃糖甜綿清香，不黏口。…查看更多

砵仔糕這些傳統小食已經愈見愈少，咁難得見到一間專食這些傳統小食的舖頭梗係要支持吓砵仔糕 $10 推薦指數🗯️：🌟🌟🌟🌟依家食砵仔糕已經不像之前那麼便宜，所以它這樣的價錢也算合理，紅豆都唔少，唔會淨係得表面有紅豆，而且唔會太甜，飯後食一個做甜品都唔錯😋除咗砵仔糕之外，仲有其他傳統小食可以選擇每款都好吸引，但係食飽咗，只可以買幾款試吓，如果唔係都幾想全部都試吓椰汁馬豆糕 $15/2件 推薦指數🗯️：🌟🌟🌟🌟椰汁味都幾濃，而且唔會太實身，仲食到少少煙煙韌韌嘅口感龍鬚糖 $22 推薦指數🗯️：🌟🌟🌟食得出真係用人手整成的，食落冇機整的這麼實身，要一啖食晒先唔會散晒，而且又唔係好甜，一個人好容易就食晒一整盒整體來講，味道都唔錯，但係就唔知點解就係覺得冇小時候食的那麼好食🙊…查看更多