研香

營業中

休息中

喺尖沙咀好早就食完飯，諗住食啲糖水🥄覺得呢個天氣食啲中式糖水，滋潤一下！見難得無人排隊，試咗喺厚福街嗰間研香➰· - - · - - · - - ·🔸 合桃芝麻糊 $38🔹 杏仁茶湯圓$43· - - · - - · - - ·食後感：糖水都正常發揮嘅，唔會好甜朋友食左合桃芝麻糊 $38～我就食左杏仁茶湯圓$43，杏仁味都幾香，而且有三粒芝麻湯圓，啲湯圓煙煙韌韌👌🏻一坐低就用QR code 落單但係等呢個糖水嘅時候等咗好耐(ㅍ- ㅍ )。。

首先一入去俾人用普通話問候已經覺得佢服務好好(ﾟ～ﾟ)ヾ然後出面部機原來只係for外賣就覺得整個UX可以進步一下✧ 開心果豆腐花（$58）開心果迷為咗呢個而嚟💚食落係真開心果nuts+米+水磨出嚟嘅天然味冇加太多糖但豆腐花佔在成個碗嘅好大部分所以有少少唔抵仲要睇返之前食評加咗價成兩成(;´Д`)！✧ 合桃腰果（$38）雖然上碟唔靚兩種糖水冇楚河漢界合桃味係幾出嘅但腰果味就普通傳統糖水嘅話建議大家如果喺尖沙嘴不妨行去佳佳試下～

研香出名果仁類嘅糖水呢個朵就時有聽聞，但一直都未有機會親身一試，今日見有閑情就去咗尖沙咀厚福街嘅舖頭試試佢！下午茶時間唔洗等位但都keep住有啲人流，坐低係用QRcode落單，中部分糖水可以揀少甜又幾貼心嚟得研香一定係試糊類，基本上咩果仁都有：杏仁露、核桃露、花生露、腰果露、連開心果露都有！芝麻糊等又係皇牌。見有女士必點，就叫咗個蛋白杏仁茶，順滑度頂級！蛋香同杏仁香味都好突出！真心未食過咁正嘅糖水舖，絕對係翻頭之選！兩溝揀咗芝麻糊+合桃露，香氣同咬口都念念不忘🥹🥹🥹

食飽飯搵間糖水鋪坐下，搵到研香---特別的地方係自己研磨，所以去試下，幸好，唔使排隊，因為每檯限食45分鐘，所以點餐後，上糖水都好快架，呢方面做得幾好。會再去食，下次去會再點招牌開心果豆腐花蛤🤤招牌開心果豆腐花：果然係招牌食物，送到埋嚟已經聞到開心果味，好香，豆腐花好滑，好食👍芝麻糊：好香+好食👍榴槤冰：加多份果肉，好好味，鍾意食榴槤就覺得好味👍環境方面，坐得有少少迫，店鋪唔大，多檯、凳，與隔離位好近好近😊

今日同朋友去尖沙咀，叫朋友陪我早d去食研香嘅開心果豆腐花，因為第一次去食個陣大概9點幾，已經售罄🫠所以見今日早，仲未有人龍，拿拿聲去左食甜品先😆..如願比我食到開心果豆腐花，但係結果係失望嘅🥲味道偏酸，本身以為豆腐花變壞，所以酸，問過職員原來係正常，係酸嘅，咁我就有d失望，因為味道好差😖..朋友點嘅係合桃糊，好厚身，味道唔錯，比開心果豆腐花好，好重嘅合桃味，而且可以選擇小糖或正常，好貼心..

天氣開始凍後就想食翻上次落空的，今次同朋友平日下午時段去終於食到！$48 開心果豆腐花 半糖 好濃厚天然的開心果味，口感綿滑，應該真係直接由堅果磨研的，配上偏滑身的豆腐花剛好，開心果和豆腐花的比例3:2，選擇半糖甜度剛好，如果追求豆味嘅就冇啦$36 合桃露 +$2代糖口感幼滑，偏結身，揀左代糖，但感覺偏甜，比起開心果豆腐花更黏口，可能因為冇左豆腐花平衡下，相信外面其他中式糖水也能食到的味道上次初訪時，上枱時完全唔熱，天氣轉涼左後，情況改善咗，係熱嘅😅

夜晚時段，同朋友諗住入嚟食吓芝麻糊，休息一下，但休息過程中忽然之間感覺到隻手有少少痕癢，發現原來有隻曱甴爬咗上身，嗰下嚇到食唔到落去，好快走咗。雖然食肆難免會有曱甴，但當下尖叫嘅時候，冇店員過嚟幫手，要靠我哋自己去處理返，同埋踩死隻曱甴，個吓嚇到已經冇乜胃口，唯有嗱嗱臨走人。

貪佢可以快過隔離店入，唔使排咁耐隊，但都等咗15分鐘，十點左右去食，好多人店員態度正常，收拾速度很快。環境舒適，坐位好舒服。芒果西米露正常，芒果係結晒冰，比較細碗龍眼冰龍眼味非常出，好好食嘅冰，但係價錢算貴又偏細碗可能我哋冇食啲比較出名嘅糊類野，應該會可一不可再了

近年鐘意食開心果，入埋開心果關注組，見人推介開心果豆腐花，放假當然要試吓啦💚😍呢間糖水舖閒日晏晝都full house厲害👍🏻💚研香開心果豆腐花💰$48招牌糖水，揀咗店舖推薦嘅半甜，食到好香開心果味嚴選意大利開心果，用特製石磨低溫研磨，做法咁複製原來係限量㗎，好彩呢日食到仲要原價$68，而家$48‼️🤍凍絲襪杏仁茶💰$33平時都鐘意杏仁茶，因為可以美白養生，呢到嘅杏仁茶好滑，又係唔甜，十分鐘意👍🏻💛楊枝甘露💰$46先生食嘅楊枝甘露，好多柚子同芒果，可以另外加錢要多啲芒果，整體都好食

唔知有冇覺得節假日嘅尖沙咀好難食到糖水？假期同朋友食完晚餐打算食糖水直落，幾間甜品店基本都要等半小時以上，正好搵到依間在厚福街較內位置，等咗大概10分鐘就入得。店舖不太大，每台基本上背靠背坐，下單大概10分鐘就有。榴槤冰 Durian Sorbet榴槤一到就勁香，榴槤味冰品配上榴槤肉簡直一絕味道停留口中更耐仲有粒粒西米增加口感，炎熱感即時消退不過略嫌榴槤肉偏少，餐牌上話4分1個榴槤目測應該冇咁多龍眼冰 Longan Sorbet朋友的龍眼冰更出色，龍眼肉勁甜，冰品嘅龍眼味十分突出唔會假甜，我偷食了不少當食完時門口已開始已排長龍，不足的係吃完後不能再坐耐啲傾計

朋友話厚福街開咗間好好味嘅開心果糖水店，今晚終於見識到我哋兩個各自叫咗一碗，當然要試佢哋開心果豆腐花，因為，這個每日新鮮製做，而且每日限量發售，真係限量的，我朋友試過好幾次，都冇緣份，食唔到，所以今晚食完飯，未到八點即刻行過嚟碰下運氣。講返糖水這個限量的開心果加豆腐花，開心果質感好綿，淡淡開心果香味，配上豆腐花就啱啱好，如果唔係會太濃傳統芝麻糊，可以選擇不同甜度，我揀咗個日本代糖，因為唔想太甜，味道啱啱好

研香近排尖沙咀大熱嘅中式甜品鋪，每次夜晚食完飯都超多人排隊，今次經過冇咩人就入去試試係咪咁值得排隊食☺️.味道：🌕🌕🌕🌑🌑人均消費：$50～100.開心果豆腐花 $48未食落口已經望到啲開心果糊好濃郁，而且佔咗成半碗咁多🤩最正係加咗啲細細嘅開心果粒，令到食落幾有口感👍🏻豆腐花都好滑所以食落係幾順口😋可惜豆味唔算香濃，開心果糊中有小小澀味，令成個口感差小小，同埋都係偏細碗，性價比較低🥲

尖沙咀一間都幾有名氣糖水舖，因開心果露而出名，夜晚係滿人排哂隊！香港真係好少地方食到開心果甜品，尤其成本貴，依間舖主打偏中式少少款式甜品，例如腰果露合桃露杏仁茶，亦有冰類榴槤冰。👓招牌開心果豆腐花 $48採用意大利開心果+石磨低溫研磨。食落有開心果果仁味，帶顆粒有口感，但始終唔算好濃烈因為當中有豆腐花，豆味少少蓋過咗開心果露。如果有得淨食開心果露會開心啲🥹但可能成本太高。出面比較少機會食到開心果露，所以都值得一試！評分：8/10👓榴槤冰 $58的確有榴槤肉，冰應亦重榴槤香味，夠榴！面頭佈滿一粒粒透明珠，？寒天，但應該唔係爆珠。整體好食！評分：7.5/10

厚福街主打堅果糖水系列小店今次第二次來訪帶媽媽食美味中式糖水選擇了8小時研磨熱芝麻糊每款糖水都可以選擇甜度半甜或全糖啱晒鍾意少甜嘅媽媽同foodamin芝麻糊磨得好幼滑口感唔會太稠太漿口芝麻味道尚算濃香再灑上了日本金芝麻豐富味道和口感份量亦算對得起價錢不過餐牌選擇唔多主打提供合桃糊、腰果露、杏仁茶和開心果等堅果研磨款式之糖水可加湯丸店內位置不算多而且空間不大飯後時間都需要排隊有心理準備二人以上要坐迫啲啊

Went in the shop, nice design. The seats are hard which is cool. Sat down, lady gave us our QR code and said each person must order one bowl minimum service. I mean i get the logic if you were super busy...Ordered and the food came very quickly. Pretty tasty. Photos for your eyes Yeah it's pretty good, food tasted good