34
7
1
港鐵旺角站 E2 出口, 步行約6分鐘 繼續閱讀
電話號碼
36895065
營業時間
今日營業
12:00 - 23:00
星期一至日
12:00 - 23:00
付款方式
現金
其他資料
電話訂座
加一服務費
食評 (45)
旺角出名掃街小店多,但一到左冬天,令人掃街意慾下降,比較想坐係店內食熱辣辣既野,特別係Shabushabu🤤。不過趕住睇戲,唔能慢慢嘆,所以就揀左呢間石鍋烏冬。齋望d烏冬相,未食都覺得暖入心!!🤗小店除左提供石鍋烏冬外,亦有石鍋飯,唔中意石鍋既朋友,更可以揀冷烏冬或者蛋包飯、漬飯。我同友人都係衝著石鍋而來,所以二話不說就點左兩個烏冬,外加一個芝士怪最愛既炸芝士年糕,暫緩一下我對芝士既思念😅。照燒雞扒石燒手打烏冬 $64想試真D個湯底,所以我揀左魚介豚骨濃湯。湯烏冬在如其他食評所講,滾住上枱,濃濃既魚介味一湧而上。雖然個湯飲落無聞落去咁濃郁,但味道都唔差;手打烏冬口感似讚岐烏冬,但又未算好彈牙。照燒雞扒份量都算多,雞扒肉質中規中矩,唔會太乾太鞋,但又未到好嫩滑;吉列豬扒石燒手打烏冬 $64友人中意食辣,揀左地獄辛辣湯,可惜個湯底似稀釋版既農心辛辣面個湯包,味道偏淡,辣而不香😣。吉列豬扒炸衣夠乾脆,不過隻豬唔知係米做好多運動🤔,肉質好實,亦唔Juicy、唔鬆化,呢款烏冬完全唔推介😐。炸芝士年糕 $22我地兩個都覺小食比烏冬做得更好。雖然係現成買番黎再炸既野,但質素比放題店既好,外層脆口,糯米團夠軟糯😋。最後小店送上甜品,雖然唔岩我地口味,但都係一份小小既心思。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-08
3202 瀏覽
今日喺旺角放工, 近登打士街,通菜街行都咁上下搵嘢食, 有一段女人街係咁掘路, 行另一方向見到有間食石鍋燒手打烏冬, 我哋好耐冇食手打烏冬, 即刻入咗去。店舖小小, 有啲日式居酒屋嘅風格, 除咗烏冬仲有特式蛋包飯,串燒 ,石鍋飯等等。。坐低就送上一杯暖水, 服務殷勤。招牌嘅手打烏冬 或其他食物都用剔紙仔方式,方便清晰。鮮活蜆石燒手打烏冬,揀咗魚介豚骨濃湯($78)底。上檯嘅時候熱辣辣勁滾起, 夠曬feel。 先至佢嘅湯底, 唔算好濃稠但非常清甜,有鰹魚湯嘅, 加入了豚骨湯所以顏色不会乳白色。大蜆肥美鮮甜, 冇沙,浸喺熱湯中劲美味。烏冬當然係又滑又彈牙仲帶少少煙韌, 熱辣辣咁食真係好enjoy, 食到最後都keep 到熱。個friend揀咗"安格斯牛肉石燒手打烏冬" ( 黑蒜豚骨湯底)。 都係滾熱辣上, 生嘅安格斯牛肉 一浸入湯就變熟, 要肉質軟嫩就要快快手夾啦。 熱湯上面仲有啲小麥草同櫻花蝦, 口感豐富且令鮮味提升。加咗一份韓式泡菜小食, 醒神開胃!加錢配飲品--熱朱古力 和蘋果綠茶。 熱朱古力味道稍勝。最後店員更送上精美嘅和果子作甜品,so sweet小店用心煮出令人回味嘅手打烏冬 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-30
2001 瀏覽
在女人街搵食之際,行過這間新開的石鍋堂,幾吸引,便入去試試。雖然地方細細,裝修簡單,繁忙時間有需要跟人撘枱,但餐廳的服務態度很有禮,這點很重要啊! 雖然地方少,但他們的餐牌都提供很多選擇。石鍋堂古名思義主打石鍋系列,有石鍋手打烏冬及 石鍋飯,單是石鍋手打烏冬款式都有8 款,更有5款不同湯底可選擇。而石鍋飯則有5款。除了石鍋系列,更有蛋包飯及一些料理小食。今晚當然要試一下他們的主打,我選了鮮活硯石燒手打烏冬配魚介豚骨濃湯,牆上有介紹這個湯底是用了鏗魚乾,小魚乾,柴魚乾,昆布及乾魚粉煲成,所以飲落有一陣好香的鏗魚味。石鍋有300度高溫,上枱時仲滾緊,滾得活硯都張開晒口,活硯鮮甜而又大大隻,手打烏冬幼身順滑彈牙,滾得耐都未有出現過淋的情況。而老公則點了一個吉列豬扒蛋包飯配咖哩汁,上枱很夠份量,很吸睛,蛋很滑,不會太老,包著不只是白飯,是用汁已調製過的米飯,再配上咖哩汁,更加惹味。吉列豬扒亦炸得香脆。今晚2 個人食得飽飽都不用200蚊,抵呀!走的時候,門口已有人排隊等候,所以早食早享受吧! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-21
48 瀏覽
平民烏冬飯堂🤑~~~~~~~~~~~~~~~~~~~~~~~~~~~~~~石鍋堂出名係佢啲石鍋夠好味,但可惜午餐嘅時候係冇得選擇石鍋系列,只有晚餐才可以。🐷九州叉燒手打烏冬($47)叉燒每塊都燒過,好淋同好香,湯底比較重胡椒味,手打烏冬都算滑嘅。🍜照燒雞扒撈烏冬($47)今次揀咗冷撈,用咗胡麻醬嘅,烏瑪將同烏冬嘅比例剛剛好,每一條烏冬都有胡麻醬,照燒雞扒雪味唔重,但就唔夠滑。~~~~~~~~~~~~~~~~~~~~~~~~~~~~~~ 繼續閱讀
(以上食評乃用戶個人意見 , 並不代表OpenRice之觀點。)
食在旺角真係無錯架,因為今日又黎介紹旺角既好西,呢間新開業既餐廳可以瞬間成為排隊熱店一定有佢既魔力。餐廳位於通菜街,主打食石燒手打烏冬,亦有石頭鍋飯、蛋包飯、茶漬飯、冷手打烏冬......今次就叫左厚切豚肉石燒手打烏冬(黑蒜油豚骨湯)、燒牛仔骨牛舌石鍋飯、芝麻雞翼、日式炒雜菜。首先黎到既日式炒雜菜鋪上大量木魚碎,上菜既時候效果好靚,味道都幾好,唔會過鹹;而接住落黎既芝麻雞翼每碟都有三隻,炸得金黃酥脆,沾埋蛋黃沙律醬就可以去咁啲油膩。跟住就係重點所在,首先既係黑蒜油豚骨湯既厚切豚肉石燒手打烏冬,一上枱既時間因爲用左300度高溫燒個隻石頭碗,真係會見到佢啲湯不停沸騰,食既時候一定要小心啲,唔係好易會辣到條脷,個烏冬都幾足料,除左有大量溫室荳苗、日式魚蛋,仲有5-6舊厚切豚肉,咬落好淋身,唔會痴牙亦唔會有渣,而湯底好濃蒜味,加埋伴碟既生蒜頭,提升左湯既蒜香,加埋無論口感同質感都煙韌既手打烏冬,真係好滿足;最後黎到既燒牛仔骨牛舌石鍋飯亦係一大亮點,成碗飯都係用300度高溫石燒,上面鋪左一樣大量既溫室荳苗、半粒車厘茄、以及牛肋骨、牛舌各4塊,每塊牛肉都好軟身,配埋個飯一齊食都好夾,另外👦🏻👧🏻通常食呢石鍋/煲仔飯都好怕食飯焦,因為又苦又難食,但係呢個石鍋飯既飯焦都好脆口亦都無咩甘、苦味,👦🏻👧🏻都不停挖黎食,朋友仔可以去試下🤤「石鍋堂」每次都會透過以下6大方面評分(滿分:30分)味道 : 4.25 / 5環境 : 3.25 / 5外觀 : 3.5 / 5價錢 : 3.75 / 5服務 : 3.5 / 5 回頭率 : 4 / 5總分 : 22.25 / 30
性價比 : 呢間餐廳既性格比都幾高下,因為無論食物既份量、味道都好高,價錢方面就未算係好平民級,但係相信間唔中👦🏻👧🏻都會再番去食,試埋其他未試過既料理🤤 繼續閱讀
(以上食評乃用戶個人意見 , 並不代表OpenRice之觀點。)