石記廚房

營業中

休息中

啱啱食完天后的這家茶餐廳，食指大動嚟講下感受🍽️。首先，個雞扒飯真係正！雞肉煎得外脆內嫩，啖啖雞扒，食落口感又彈牙又多汁，淋上嗰啲蒜香四溢既蕃茄汁，簡直係絕配呀！😋 佢啲茴香味唔會太重，食得出啲師傅係用心傾過去，唔會搞到成碟飯都係單一味。太太揀嘅茄子炒麵，睇落都普通，但食落先知有驚喜！茄子做到超溏心，啖啖肉感，夠哂味，仲有少少韌勁，個茨汁又做到甜甜地，啖啖清新，啱晒想食得健康啲嘅人。今次嘅食驗算係平靜中嘅小驚喜，喺平民食肆入面都可以搵到咁認真嘅手藝，真係令人開心！順帶一提，餐廳環境舒服，員工服務態度都幾好，下次再嚟，一定要試下佢哋嘅招牌菜呀！👍🏻

今日約朋友第一次去這間食肆食早餐，我11點到，坐低等朋友來。朋友WhatsApp我order午餐，而我吾想食飯，見到仲有早餐至11:30，咪點了個米線早餐加多個多士。點知叫左好耐冇人理我，我叫吾該叫嘢，有個阿姐走理嚟就話我，刚才你掛住等人又吾叫，現在我吾得閒你又叫，簡直無語😡😡😡最令人發火的便是，個阿姐成日走埋嚟問我食完未，我都話未食完囉。然後12:08問我走未，我咪發訪問佢囉，我食一個鐘頭你就叫我走？仲要間餐廳有其他空嘅位置，她還說食咗成個鐘仲唔走話我食早餐所以唔可以留喺度咩道理？如果係咁不如唔好開門做生意。🤬🤬🤬🤬請所有人不要去這間殘廢餐廳食飯🤬🤬🤬🤬現在經濟環境這樣情況，這個女士根本再到他老闆米

第一次同屋企人入餐廳諗住睇吓有咩啱食，坐低侍應問我哋要水定係茶，我同細佬話要水，侍應拎咗幾杯水嚟擺低，點知屋企人話唔啱食，都係想食西餐，咁我哋就起身同佢講話唔啱食轉餐廳，個老闆娘沖出嚟話坐低都要收茶錢，但係我睇過晒所有餐牌，完全冇話要收茶錢呢樣嘢，更何況我哋冇開茶，只係你走黎問我地要茶定水先話要水，仲要冇飲過就起身，屋企人費事煩，就擺低$60俾佢，但係我覺得唔係錢嘅問題，而係原則嘅問題，你冇講明要收茶錢，隨口up屈個客錢都得既咩，唔怪得間餐廳冷清清，唔知以為你等於$60交租，我豪比你，但入去既真係要三思，$200一個干炒牛河，$200一個揚州炒飯。。。唔知以為我去咗有rosewood入面既茶餐廳。。。超級black店。。。

交通便利，在天后地鐵站附近，但地方不大。早餐有很多選擇，食物和價格適中，質量還不錯，價錢也大眾化。早餐味道幾好，食物質素穩定，口味合符我的要求水準，唔好睇廚房裝修平平無奇，原來佢係米芝蓮推介的食店，食物品質真係幾好。午餐和晚餐未食過，所以不大清楚。雖然算不上有甚麼高級裝修，但就是有種懷舊味道，很值得推薦的一間菜館。

唔好睇廚房裝修平平無奇，原來佢係米芝蓮推介嘅食店，食物品質真係好高質，樣樣都新鮮夠鑊氣🔥▪️魚香茄子煲 $148熱辣辣啱啱煮好，散發出陣陣既鹹魚香味，有少許辣味，撈飯一流▪️鯪魚肉煎豆腐 $168魚肉豆腐煎得好香口，個底有少少脆，豆腐好滑，豆香味濃▪️香煎手打墨魚餅 $218墨魚餅都算係必試之作，墨魚味好濃郁，墨魚餅好香口，爽口彈牙♡好味指數 🌕🌕🌕🌕🌗✔︎性價比🌕🌕🌕🌗🌑✔︎環境服務🌕🌕🌕🌑🌑✔︎打卡指數🌕🌕🌗🌑🌑✔︎推介指數🌕🌕🌕🌕🌗✔︎回頭指數 🌕🌕🌕🌕🌗

都唔明點解會比米芝蓮、食物衰過大排檔、味道更加唔掂、收佰幾二佰蚊一個餸份量又小、比米芝蓮佢所謂嘅食評家真係唔知點樣嘅標準。第一次食佢、亦都係最後一次！完🤮🤮🤮

從來也沒有寫過食評，也從來沒有這個衝動去寫食評，但係這間店實在太過垃圾，唔想再有其他人中伏！太需要寫一段食評給其他人分享。鳳爪排骨煲仔飯收費140幾蚊，低劣質素的排骨加上一陣臭味的鳳爪，完全不是煲仔飯的米飯，竟然夠收這個價錢！如果食物質素高，我絕對不介意付上這個價錢，但這個絕對是搵笨價錢！香港竟然有一間這樣低質素的食肆！至於午餐套餐，只有幾粒小肉，完全是食白飯。再加上這間店的服務極差、態度極差、食物質素更是差極了！！希望不要再有太多人再中伏！

我通常就食晚餐久唔久先食午餐午餐同夜晚客路好唔同午餐 - 地盤工友晚餐 - 多元化嘅叔叔，太太如果要食平嘢，依家唔入流真心講啲嘢又唔係話好貴，但係唔平不過食才嘅質素數肯定用好嘢呢度可以食到平時第二啲地食唔到嘅嘢 佢哋豬多數用黑毛豬，有新鮮魚墨魚餅都唔錯啲餐牌成日都會有唔同款式選擇如果唔介意俾多少少又想食有質素嘅食材呢間確實可以試一試服務就唔好要求太多，因為間舖頭實在太忙未必可以即時處理到我等買單都等5-10分鐘始終佢唔係一間高級餐館

食物質素可以，但老板娘超白鴿眼，對大客確實有點過份懶熱情，對其他客人並不尊重，説話也不禮貌，若想見識一下眼厲厲的老板娘 -（略胖矮上了年紀）,兼食到一吐氣，㷫烚烚走，即管試吓！至於價錢，午市價錢可以，晚市用餐價錢超離地，餐廳格局一般地踎，沒有什麼裝潢，座位空間窄，環境侷促，但價格定位，媲美高級粵菜餐廳酒樓，物非所值，再加上老闆娘待客態度不理想，並非值得推薦餐廳，食客在這區的選擇還多呢！以上是我對該食肆個人感受及經歷，希望對該食肆有所幫助。

超級難吃，一試難忘，仲夠膽收咁貴價錢，真係唔明老闆冧咩！唔通真係當香港食客全部都係豬頭？中秋晚冧住去大坑睇火龍，經過石記廚房，見門面有D傳統中式小店feel，入去。冇訂枱，不幸竟然有張2人枱可坐，咁就中伏了。睇餐牌，偏貴，炒青菜都收你百幾蚊，自然對出品有好大期望。落單唔夠兩分鐘說上菜，唔係馬，咁快？先來所謂陳皮喼汁金沙骨，一個小碗裡胡亂堆上7，8粒跟我手指尾差不多大小的豬骨，下墊以幾塊生菜，賣相零分。入口，一陣酸醋味直衝喉嚨，點都試唔出邊度有陳皮同喼汁嘅味道！仲有，骨多肉少，每舊都只係可以用門牙輕咬，我嘅大牙有咩用呀！大佬，呢個菜你收人168蚊㗎，點可以求其成咁！再來一個所謂上湯中蝦煎米粉，可以入口，但味道欠奉，睇清楚，原來餐廳吹噓自己不落味精，你咬佢唔入。不過食晒全碟米粉，仍然唔飽 ，你可以想像食物嘅份量有幾大。但呢碟嘢收人318蚊，食水都幾深。對呢間餐廳唯一冇意見嘅係冇收你茶錢同加一。食呢餐接近5舊水，出門口仲要再掃街先夠飽。經此一役，以後唔敢未睇食評就亂去食店幫2襯了！

紅假去食lunch，晚飯咁嘅價錢，份量少，味道非常一般，都算啦...坐得逼，都算...茶餐廳係咁侍應、收銀同樣都係態度唔好，呢個真係冇得算！抬頭一睇，米芝蓮，憑甚麼？佢令我第一次寫食評，多謝晒！總之冇下次

母親節食飯時，居新界嘅契舅父講起話前排去過天后，喺一家叫「石記廚房」度食咗餐好有水準嘅客家菜。席上嘅長輩一聽到契舅父竟然肯專程坐咁遠車去食飯，食完仲讚不絕口喎，大家即起哄擇日，一星期後就去試試。入夜後嘅餐廳一啲都唔起眼。用餐大堂中間擺有幾張大圓枱，拍牆則排出一列卡位。私人派對被安排於隱蔽嘅廂房內進行，不過廂房面積唔大，一圍頂多坐八個人。店子並冇花巧嘅裝潢，牆身都只係簡單貼出餐牌供食客參考。原來當晚嘅菜式均為主人家一早預訂，大多更加係餐牌上冇嘅；由於自己飯前於歡樂時光已經飲到high high地，所以嗰日未有調查價格，還望讀者們見諒。炸子雞：原隻炸子雞皮層巧薄香脆，最難得就係連啲雞胸肉都白滑軟嫩，掂呀！石記螞蟻上樹：所謂「石記螞蟻上樹」其實係銀芽肉碎蛋花炒粉絲，用煲仔上夠熱又夠鑊氣。粉絲炒得好夠乾身，加咗芽菜可增添爽脆之口感，混入肉碎及蛋碎已能調出香味，簡單可口。油浸筍殼魚（$268）：細佬一向少食魚，飲咗成個幾鐘頭Happy Hour後當然更加係冇擔試啦，不過聽到舅父同大肥爸爸不停讚個魚皮香脆，啲魚肉又嫩喎，估計條筍殼魚應該都幾正。碌鵝：鵝隻上枱時，住家廚神契舅父介紹此道「碌鵝」為客家

我們詢問是否可以把大門關上因為有點冷，一位女性服務生（不是本地人）說不可以讓我們換一個方向坐，我們說不用了，當她走過我們身邊時很大聲的用英文說”disgusting”, 我走上去要她道歉，她很慫的拒絕承認她的言行，說自己什麼也沒說，敢做不敢承認，令人更失望的是，餐廳老闆娘也沒有向我們道歉還維護此服務生，這樣態度簡直不配擁有那些米其林的標示

天氣忽冷忽熱，早幾天不幸中伏，病了數天。今天過天后區辦事，想找點清淡的午飯吃。 途經石記廚房，看見午市套餐有肉餅吃，不用再四處找了! 我選了中湯，是南瓜豬骨湯，這老火湯温補滋潤，清甜的南瓜煲得滾爛，湯的颜色已變成鮮橙色，加上至愛的豬軟骨，好味! 銀魚肉餅飯對於康復中的我很適合，豬肉肥瘦比例適中，加上蒸透的小銀魚，淋上一點點豉油，伴着熱騰騰的白飯吃最滋味，很有在家吃飯的感覺!52元的午餐還送上一杯茶啡，絕對貨真價實!

好耐以前食過呢間石記，印像都不差，尚算不過不失啦， 近呢兩年我見佢攞咗好多次米芝蓮年度推介 ，咁諗住梗係越嚟越好食啦 ，所以就刻意再嚟一次。先嚟咗個 皮蛋西洋菜$118。 皮蛋冇糖心好實淨 冇味冇道 ，西洋菜老到要𡁻咗好耐先吞到， 條條粗過筷子頭。 如果西洋菜已經唔當造就唔應該再做呢款菜式囉😒。第一煲香葉辣肉碎煲仔飯$128，香辣肉碎唔太差，九層塔味足，但係所謂嘅煲仔飯我覺似蒸飯多啲， 竟然可以做到 一粒飯焦都冇!勁 個煲內底 拔完飯好乾淨仲濕濕地……(有圖有真相)第二個煲仔飯138蝦乾拼滑雞煲， 蝦乾還可以吧，滑雞唔滑， 雞肉碎濕濕無味。 諗住頭先嗰煲嘅飯可能係一時失手，點知呢煲都係……蒸飯feel 煲底係濕嘅😭，拔完乾淨到不得了 一啲飯焦都冇 ， 究竟佢明唔明白啲人點解想食煲仔飯 而唔係蒸飯? 吸引人哋食煲仔飯就係飯焦吖！ 唔係平價嘅煲仔飯價錢，但只有蒸飯嘅口感最後嚟咗個炸琵琶豆腐，上枱個樣絕對係靚嘅( 個芡汁比較多)， 但咬落去就 再次令人失望，佢粉漿比例超過 60%以上 得丁咁多豆腐丁咁多魚肉 ，我個仔未食飽 都話寧願返屋企煮個麵都唔想食埋剩餘嗰兩個炸"粉漿球"。老實講佢啲食物