11
2
11
電話號碼
2723 3098
開飯介紹
在石澗日本料理, 每一位的大廚均曾任職本港著名的日本餐廳, 都有著豐富的經驗, 而且在石澗大廚們的精心揀選下, 他們堅持採用北海道空運最新鮮的食材及以傳統的手法製作每一道菜, 以保證食物水準。 繼續閱讀
營業時間
星期一至日
12:30-14:30
17:30-00:00
付款方式
現金
座位數目
110
其他資料
酒精飲品
電話訂座
加一服務費
招牌菜
三文魚刺身 羊鞍 芝士年糕 甜蝦 燒牛舌
食評 (30)
等級1 2014-03-17
1646 瀏覽
來食過好幾次了, 食物其實仍不錯, 只是營商手法越來越差,明知叫10件來件係正常,但都不能叫了唔來KA7點正準時入座﹐5大2小朋友,小朋友是只得4歲,所以食好少,不過就算係$178/位小朋友,我地都覺得無問題第一張 ORDER 紙 7:10 寫了10件羊架 & 4件雞翼,無到;第二張 ORDER 紙 07:45 再寫了10件羊架 & 4件雞翼,依然無到,其後每ORDER一次,我地再追,食物依然無到8:30 WAITER 走埋來話 LAST ORDER,我問為何羊架雞翼仲未到,佢話廚房好忙,我話ORDER 了 1小時30分鐘,咩都煮到啦,佢話咁你欠D咩,佢吹下廚房,根住就行咗去女經理行埋來,我地再問佢,佢又話廚房好多單,做唔哂如是者,8:45 WAITER 走埋來想叫我地埋單,一望發覺枱面仍未有羊架就即刻調頭走,8:55 燒了近90分鐘既4件羊架終於登場,食完 WAITER 先走埋來埋單我淨係知道,做生意唔係咁做,你一係話比我知,羊架沽清咪算LOR,雞翼無咪算LOR,炭燒牛脷無咪算LOR大大碗既麵、飯就鬼咁快到.... 真係可惡 ! 繼續閱讀
(以上食評乃用戶個人意見 , 並不代表OpenRice之觀點。)
等級4 2013-12-18
1919 瀏覽
是晚諗住到石澗食放題減壓,成九點幾諗住唔駛等,點知滿座,店員抄低我個聯絡電話,聲稱有位就打俾我,結果呢?10幾分鐘後都冇收電話,我地再到餐廳望下睇下入得未啦!上到去門口冇店員,另外有其他食客站在門前,此時店員行出嚟,遲來既客人既冇登記,也冇訂枱,竟然可以先入去!店員知我地不滿,雖然講左唔好意思,但就話唔知我地邊個先,有冇搞錯,唔知就唔識開口問?咁你抄我個電話嚟做咩?咁鬼求其,唔係餓到快暈真係想即走呀!離哂譜呀! 繼續閱讀
(以上食評乃用戶個人意見 , 並不代表OpenRice之觀點。)
等級4 2013-11-29
1460 瀏覽
之前路經LEE到,收過傳單,好似幾吸引,今日就來這裡試試喇三文魚~~~都OK肥美喎北寄貝~~~都係咁啦馬刀貝~~~爽爽地,甜甜地,好味甜蝦~~~好好好味呀,但就要自己搣殼囉帶子~~~味道淡左D,但就幾新鮮喎螺肉~~~切到細細粒,又幾鮮甜喎赤貝~~~都算幾鮮甜八八魚~~~有D"UN"喎蟹子沙律~~~青瓜好FRESH喎螺肉~~~好味海蜇~~味道好好呀!海蜇又好爽口喎壽司~~~好喜歡LEE度D壽司呀!細細件,而且個飯做得不錯呀墨魚鬚咖喱煮~~~賣相真係麻麻,一件都冇試過呀自家製牛肉粒~~~看似好"鞋"的牛肉,原來炆得好"林"好入味架超甜迷你蕃薯串燒~~~真係好甜架!不過唔夠熱囉牛油炒雜菇~~~味道唔錯鹽燒雞翼~~~真係好好正呀!皮脆肉滑呀!味道仲好好添地獄汁炒蜆~~~味道唔錯喎,蜆肉都好甜美喎 蟹粥~~~估佢唔到咁甜美呀!粥又夠綿喎,蟹又鮮甜雖然枱與枱的距離真係好近,環境都好噪,但食物質素很不錯,而且上菜速度超快而且冇漏單!值得一讚 繼續閱讀
(以上食評乃用戶個人意見 , 並不代表OpenRice之觀點。)
等級4 2013-11-25
2131 瀏覽
識我既人都知我係超鐘意食,尤其喜歡大堆頭,什麼任食火鍋﹑韓燒﹑自助餐﹑日式燒肉放題等,總之放到一枱都係就最開心。而日式放題亦係我既心頭好,既可以食刺身,又可以食串燒﹑天婦羅,不過坊間放題質素參差,所以我老公唔多願意同我去呢!不過凡事總有例外,是晚應邀到位於尖沙咀厚福街既石澗日本料理,雖然唔講得上價廉,但絕對係物美。餐廳地方唔算好大,大概坐倒60-80人左右吧。枱同枱之間未算好逼,我地被安排坐卡座,所以都算舒適自在。食物方面大概分為刺身﹑壽司手卷﹑燒物串燒﹑天婦羅炸物﹑烏冬鍋物等,大部份都係大路款式,但佢既烹調做得唔錯,差不多款款都好好味!最出色係佢既刺身,出面一般只有三文魚﹑甜蝦﹑北寄貝﹑八爪魚﹑油甘魚,呢度有12款,除上述講的,仲有甘海老﹑馬刀貝﹑劍魚腩﹑赤貝﹑帆立貝等,雖然有啲地方都有赤貝同帆立貝,但肯定冇呢度既新鮮,賣相同食味俱佳,第一round固然靚,追加的都好得呀!其他比較特別而又好味既有蟹粥﹑芝士鰻魚飯﹑忌廉薯餅﹑迷仔蕃薯仔﹑天婦羅蝦及蟹棒﹑惹味既辣炒蜆等,我自己勁欣賞呢度既芝士菜式,餐廳毫不吝嗇既落足芝士,無論賣相﹑或芝味程度均冇得彈,尤以芝士年糕最出色,新鮮熱辣﹑軟糯又夠芝味,係我食過咁多次年糕最讓我想encore既一次呀!仲有另一樣要推介俾大家,就係燒羊架,我地由坐低已開始落單,到埋單都仲未嚟,前後追左至少三次,總共點了6客,埋左單時佢先嚟第一份,一件羊架切件當兩份,份量雖少,但食到飽都食唔得多,熱辣辣而羊肉燒得剛剛好,外香內軟有肉汁,不會太羶,果然值得大家耐心等候。其餘4件差不多走時才來,愛吃羊既記得點這個,並且一坐低好落,兼定時追單,否則就好似我地咁冇得慢慢嘆呢!甜品只有雀巢雪糕杯,但都有紅豆﹑芝麻﹑朱古力﹑芒果同雲呢拿讓人選擇,汽水亦任飲。收費分三個時段,分別係early bird既5:30pm至7:00pm,黃金時段7:00pm至9:00pm,以及宵夜時段9:00pm至12:00pm,收費詳情可以睇相。我地就係去最抵既early bird時段。連加一埋單都係$200有找,真係高質又超值,下次再約朋友嚟大快朵頤呀! 繼續閱讀
(以上食評乃用戶個人意見 , 並不代表OpenRice之觀點。)
等級4 2013-11-21
849 瀏覽
一年前曾惠顧這店,早說過以後不會再來,怎知好友生辰早已訂位,實在十萬個不願意,還是要再光顧受氣多一次。一年前員工服務差、留單嚴重、食物上台亂。 一年後的今天,終於体會到一年前不是最差,今天可以更差。....真的不是最差,只有更差。員工十問九不應,黑口黑面。 見妳舉手叫佢,佢係妳面前都可以睇晤到、聽晤見。 留單情況更嚴重,Order 4次,只出1次,大家只好不停Order、不停寫,不停舉手,仲要係全枱人一齊舉手搵侍應,場面真的何期壯觀。侍應們在做甚麼,傾計嘻嘻哈哈是也,為何面對客人和同事之間的態度、咀臉可以180度轉?等、等、等,大家終於都等到第一碟食物,係order後的23分鐘,究竟是甚麼壽司?飯團全散的,刺身不新鮮之餘,更是暖的。 天婦羅竟是凍,入口油淋淋外,脆醬厚無比,連是吃了那款天婦羅也不知,只知自己吃脆醬中。 串燒又是凍,凍之外竟然燒到硬硬的,究竟串燒燒了多久?各位好友們,請不要再約我到這店吃放題了,無服務、食物質素差,價錢又不是特別便宜,為何還要貼錢買難受? 今時今日的香港,這樣的服務和食物質素,真的不可以。 繼續閱讀
(以上食評乃用戶個人意見 , 並不代表OpenRice之觀點。)