石湖塘餐廳

營業中

休息中

呢間茶餐廳一年只出兩, 三次這款花膠雞煲, 見到出咗餐牌, 馬上預訂試下先.  星期六攞咗這個花膠雞煲,  足料, 花膠好大塊又入味, 微辣夠鑊氣, 好好味,  最尾自己再加咗d烏冬落去,  超正抵食 佢地仲有自家煲既菊花茶, 唔甜解膩清熱氣,  好滿足 

本身係住附近，平時都會過來食午餐，近排佢哋出咗花膠雞煲，就是一試啦首先個湯底要大讚，香港已經好少舖頭做到呢個味道，出邊大部份餐廳都係同一個味精嘅味道，食完會好口渴… 呢個湯底食完唔會口渴，入邊有大量乾蔥、洋蔥、薑等配料，有火氣又香口❤️跟住要讚d雞肉，好～～～滑，唔係雪藏雞味，入味得來都仲食到啲雞味，特別係層雞皮，又滑又煙韌👍🏻花膠絕對係靚貨，又大又厚，炆到腍晒但係都仲有咬口！平時我哋好少食花膠，今次都忍唔住食晒😂然後要讚個份量，呢度只係一半不到嘅份量！因為得兩個人食，所以諗住分開兩三餐食。我哋跟足店主推介嘅食法，食完啲雞，加少少水再煮南瓜，金菇同烏冬～ 嘩，正到丫，啲烏冬掛晒汁～ 下次朋友到訪可以唔使頭痕食乜嘢，叫個雞煲加啲菜同肥牛打邊爐就搞掂～ ！

其實鄉村地方有咁既質素都唔錯 分量都多👀當然唔好奢望真係好好食但個人黎講 支竹豆腐龍躉係好食呢個xo 醬野菌炒雞柳最正 亦估佢唔到咁惹味最緊要係送到黎熱辣辣架 仲熱過屋企煮出黎

作為鄉村街坊食肆，這裏食物水平是OK的，午市每天有6款午餐碟頭飯，晚市有較多(也較貴)的小菜和煲，食肆並提供車位泊車。蒸魚和蒸肉餅真材實料，味道不錯，椒鹽類的小菜很香口。不過炒粉麵飯水平不穩定，有時會十分鹹。不知是否因為原居民鄉情文化的關係，午市的例湯很詭異 ── 非熟客走進來，食肆說例湯已賣光；5分鐘後有熟客走進來，與服務員親切地談笑後，大鍋揭開蓋，例湯仍是有的，但只有熟客可以喝，是一間……親疏有別的食肆。

住係八鄉既朋友帶我黎食胡椒豬肚雞煲！今次朋友發板點菜，冇我份睇菜牌所以唔清楚價錢添😝！但我記得牆上有些推介小菜既價錢合理比出面元朗或市區餐廳平，又好味又抵食。餐廳都好滿好多人黎食晚飯喔，所以我都幾驚訝openrice 只有1個評價？可能對大家黎講有點偏僻。但我都推薦大家周未冇野做時，黎開元朗/錦上路過來試試喔！錦上路西鐵可搭251A巴士來喔，幾個站，好快到！或者駕車人士都可在出面求其搵個位停低😆 噢！同埋唔好太晏黎，他們10PM關門架喇😉胡椒豬肚雞雞煲，有得叫半隻($1xx) 或一隻($2xx)。湯味濃，我忍唔住不停飲。我地5個人，叫左1隻雞，份量好多，食極都仲有大大舊雞，好抵食！本身我好鍾意食雞煲，所以呢煲野真係好滿足yummy!其他小菜都夠鑊氣，由其係個四季豆，我可食到成碗飯😆 另有一支支自家製既金銀花涼茶，清清地，好解渴！啱哂依家天氣開始熱，正！😟 可惜太晚來，冇哂煎餃子，下次實會再過來！

雖然地方係偏僻d，但最緊要係有好野食埋，有次無意中去到呢間餐廳，叫左個煎餃子黎食，皮薄料正就不在話下，師傅煎餃子既技術真係一流，外脆內熱，脆得黎又唔會煎燶哂。最重要既一點係每隻都大大舊，入面d料又豐富，啖啖肉，真係未試過咁抵食既煎餃子。另外叫左碗牛腩麵，Ｄ牛腩好入味，食起黎又唔會太ＵＮ或者太林，蘿蔔都幾入味，而且幾鬆化！湯底係腩汁加濃湯，絕對唔似出面食個Ｄ味精湯，麵質都唔錯，唔會話太林。個老細仲好ＮＩＣＥ，係咁同我地吹水。估唔到咁都搵到間好食又抵食既餐廳，好吃好吃！！