28
8
4
港鐵銅鑼灣站 D4 出口, 步行約1分鐘 繼續閱讀
電話號碼
28336872
附加資料
設有party房,並提供包場服務(星期五除外)。
營業時間
今日營業
18:00 - 23:00
星期一至六
18:00 - 23:00
星期日
全日休息
付款方式
Visa Master 現金 AE
其他資料
電話訂座
加一服務費
以上資料只供參考, 請與餐廳確認詳情
招牌菜
壽司 廣島燒
食評 (44)
等級3 2023-12-01
659 瀏覽
Japanese Home Food🎏.Taste: 7/10.日本餐通常都係壽司或者燒烤🍣 呢間日本餐廳雖然有壽司 但係佢地啲菜色有啲比較清淡而去好好食😋 例如有芝麻醬菠菜 牛蒡沙律等等🥗特別推薦:明太子玉子燒🥚菜心卷🥬 繼續閱讀
(以上食評乃用戶個人意見 , 並不代表OpenRice之觀點。)
等級4 2023-05-31
1120 瀏覽
EAST 東 ⇨ feature: ISHIYAMA 石山 ultimate comfort food for a rainy day, step into this OP izakaya run by a Japanese chef / couple since awhile back - well known amongst the Japanese expat community, no bs / fancy foods just good ol’ traditional dishesPrice: HKD600+ppQuality: 👩🏻‍🍳👩🏻‍🍳👩🏻‍🍳👩🏻‍🍳Recommend: 💖💖💖💖Service: 💁🏻‍♀️💁🏻‍♀️💁🏻‍♀️💁🏻‍♀️(Ratings out of 5) OVERALL: tucked in CWB, v. authentic dishes and wide range of selection and definitely feels v. homey and traditional!🍢oden - must order and fits perfectly w the resto and atmosphere , pick and choose your favorite piece(s) and itll bound to hit you in the feels 🫖🍚chazuke - a simple dish w simple ingredients consisting of soup, seaweed, and roe but yet so hearty and satisfying🍳egg roll - love! half cooked / raw with roe in the middle, other fillings available too and dont forget to top off w grated daikon🍤tempura - assorted or choose per item, however can skip since batter is soso 繼續閱讀
(以上食評乃用戶個人意見 , 並不代表OpenRice之觀點。)
等級4 2023-02-27
1191 瀏覽
早排約咗一班大學同學一齊食飯,由於佢哋放工嘅時間都比我早,所以好貼心咁揀咗位於銅鑼灣嘅餐廳,方便我放工行過去☺️店員安排咗我哋5個去到餐廳最隱蔽嘅角落卡位坐,有一個半掩嘅屏風板隔一隔,真係極隱蔽😂 (叫啲店員過嚟落單都唔易🤫) 不過呢間居酒屋有啲位都幾貼心,例如一碟食物標準係得3件,但係佢哋會問我哋會唔會每一碟都係5件咁上碟👍🏻 咁就一人一件唔使爭😇👍🏻高野豆腐 ($50)我之前曾經去過大坑嘅一間居酒屋食過高野豆腐,簡直一試難忘,所以難得見到呢間居酒屋都有,我就想點黎試吓。但係點知食落完全唔係嗰個味道🤔呢個豆腐係凍上,然後咬落去好似食緊一舊吸晒水嘅海綿?! 咁嘅口感… 唔太推薦。雞泡魚干 ($85)朋友係第一次食雞泡魚干🐡,好味到話想再encore多碟😛 呢度嘅雞泡魚乾係熱住上碟的,咬落去軟身,味道好香唔會腥,送酒一流👍🏻燒芝士年糕 ($60)因為對上一次去居酒屋食完芝士年糕之後發現好好味,於是今次再叫俾我班朋友試吓。味道同我上次食嘅一樣,外層煙韌中間夾開仲有芝士漿爆出嚟🤤 不過記得要趁熱食🥴明太子玉子燒 ($110)呢個玉子燒就正常發揮,沒有太大驚喜。蛋漿加左蔥花去調味,而明太子嘅份量都多嘅。鹽燒手羽 ($70)我就覺得呢碟燒雞翼相對失色,雖然佢外皮燒得唔錯,而且調味足夠,但係入面既味道就偏淡,同埋比較乾身。野菜炒 ($85)我個人比較鍾意食菜,我覺得呢碟菜炒得幾出色。一上枱嘅時候已經好香,食落去好爽口,有蔬菜嗰種甜味,但係唔會乾。呢碟菜有蘿蔔絲、洋蔥絲、有一塊塊嘅椰菜、仲有白芝麻,所以食落會有唔同口感,層次好豐富。鹽燒牛舌 ($85)牛舌一碟有四串,每一串有三塊。牛舌上面加咗椒鹽燒一齊燒,牛既油脂同埋鹽嘅味道混合完之後好香好好食,有咬口得來唔會鞋👍🏻雜錦天婦羅 ($155)一碟入邊有茄子、蝦、青椒天婦羅等等,個粉漿唔會好厚,味道係正常發揮,冇咩特別。牛肉豆腐煲 ($160)呢個煲都好好食👍🏻 佢用咗壽喜燒湯底,所以成個煲都係偏甜。壽喜燒同埋牛肉味道不嬲都好夾,而且煲底仲有粉絲去索d壽喜燒湯,加埋豆腐一齊送,好味😋梅酒 ($60)店員話呢啲梅酒係自家製👍🏻 可以揀少冰。落落甜甜地,好易入口,一路食一路飲酒🍻,冇咁易醉😛 繼續閱讀
(以上食評乃用戶個人意見 , 並不代表OpenRice之觀點。)
等級1 2022-10-05
1496 瀏覽
食物質素一般,唔建議食生嘢,其他推介食品亦唔特別出色!服務態度差,尤其短髮肥阿姐的語氣態度直頭係鎮店之寶!晚飯時間未滿座,唔算太多客,佢都好唔耐煩,埋單諗住望吓張單,都已經睥你!其他服務人員態度尚可。 但加茶都欠主動,食一餐飯,舉咗9次手都係嗌加茶,反而收碟就非常勤快!埋枱收碟嗰陣見你個杯一滴茶都無,都唔會幫你加茶!唔明為何不能放一壺茶/水讓客人自助,可以減少麻煩服務員加茶嘅煩惱!燈光昏暗,加上感覺很舊,所以環境都只能說是一般!整體而言為失望,以這一個價位嚟計,唔會再想去! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-25
2830 瀏覽
☾有別於高級餐廳,黎石山會建議食小品唔好食貴價牛,一黎小點有驚喜👍二黎和牛但貴價唔好食🤷‍♀️☾ 高野豆腐👍👍其貌不揚,但入口就似海綿,吸收曬鮮甜清香湯底,又保留自身既豆香同柔彈力😍☾ 粟米天婦羅👍👍連少量芯切成一排粟米粒,加少量炸粉,外層酥脆😍內裡粒粒甜而不膩既新鮮粟米粒,咬落粒粒爆汁😆粟米芯帶黎少量硬質口感,多層質感多種享受👍☾ 明太子玉子燒👍👍5層蛋皮包住一條明太子,切開顏色鮮明,刺激食慾😳蛋層九成熟,表層尚有滑蛋汁,少量紅蘿蔔蔥花增添營養同芳香🤩入口柔軟,先甜後甘,包含明太子特有既海鮮鹹香👍豐厚既口味☾ A4和牛薄燒(近江牛)❌$380 4舊細細個包住菜既和牛黑椒卷😢唔抵,無特別,浪費。高質貨唔應該夾搭其他香味,肥牛卷既處理手法🤢失去原有和牛油脂香☾ 辣味蒟蒻👍👍驚喜十足,完美地去除蒟蒻原有既腥味,保留彈牙滑溜爽口既餘韻🤤被適量既香辣汁包裹,清新又健康,送酒一流👍☾ 燒牛舌串燒款式不過不失,厚度有0.5cm 左近,仍有嚼度,可一試☾ 餃子雞翼身材飽滿😍啖啖肉,口感豐富厚實,外皮甜絲絲☾ 汁煮大根👍👍同高野豆腐相同,經醬汁浸煮,吸引湯底精華,啖啖湯汁🤤🤤🤤☾ 壽司忘記左係咩壽司😂賣相精緻,入口清淡☾吉列蔥花肉👍酥炸的外層,包含啖啖厚實既肉,蔥既香氣,外脆內軟☾ 牛肉鍋壽喜燒屬有既甜味湯底,薄切牛肉七成熟,入口仲有滑豆腐,吸收湯汁既麵🤤不過當日實在太飽,曬左食唔落🥺********************推介:- 高野豆腐- 粟米天婦羅- 汁煮大根- 辣味蒟蒻- 明太子玉子燒- 吉列蔥花肉⭐️味道 8/10🉐⭐️環境 7/10⭐️特色8/10🉐⭐服務 8/10🉐⭐️衛生 6/10 繼續閱讀
(以上食評乃用戶個人意見 , 並不代表OpenRice之觀點。)