睦月鐵板燒

呢間喺元朗嘅隱世鐵板燒Omakase真係好出色呀😋👍🏻！食物搭配豐富，廚師會喺你面前烹調👨🏻‍🍳，講解每道菜式，仲會同客人傾偈。午市晚餐都有9道以上嘅精緻小菜，有時仲可以食到由法國空運嚟嘅藍龍蝦✈️！而且主廚會用盡蝦嘅所有部位嚟煮出精緻菜式🦞，絕對係值得一試✨！當日有客人生日，令我地睇到師傅係鐵板度寫「生日快樂」，好似睇表演咁，儀式感滿滿💕！真係一個難忘嘅用餐體驗🥰！「睦月」二人前晚市套餐 $1960/2位🥣法式凍湯呢碗法式凍湯用枝豆整出嚟，食落好似食薯蓉咁滑。帶子上面係黑松露，隔離係自家醃製嘅三文魚子，唔會太鹹。最後再加啲紫蘇花裝飾，整個碟仔就好似藝術品咁靚！🧡前菜慢煮磯粒貝真係唔錯，海水乾淨，所以個膽都可以食，有少少甘甘地味。質地爽口，鮮味十足，真係好美味啊！🦪日本九州雪花生蠔肉質爽身，海水味重！上面係自家製XO醬，一食落口就有煙熏香氣同XO醬嘅鹹香味，超過癮！🤍北海道帆立貝用上刺身級北海道帆立貝，煎熟之後仲保持住嫩滑口感！底下係松葉蟹肉蟹膏汁，食落仲有蟹肉絲。最上面再撒咗自家醃製嘅三文魚子，呢個配搭真係絕配！💦南非鮑魚鮑魚味道鮮甜，搭配濃厚又香滑嘅雞白湯同素翅，食完呢碗真係滿足又享受！🐟季節燒魚白金鯛用立鱗燒做法，魚鱗炸到脆脆嘅口感，魚肉又嫩滑。配埋明太子蛋黃醬，酸酸地帶少少咸，仲有微微辣味，真係啖啖回味！🦞藍龍蝦龍蝦爽口嫩滑，搭配濃郁嘅海膽忌廉醬，真係提升咗整體鮮味層次感！🦞龍蝦鉗伴蟹膏龍蝦鉗一啖食落口之後，再食埋旁邊嘅「精華」蟹膏，真係幸福感爆登呀！🌽日本白肉粟米伴青檸啫喱粟米爽脆香甜，配上青檸啫喱清新嘅味道，令口腔即時refresh！🥩特定牛肉厚燒封門柳位置嘅肉味濃烈，師傅用鹽恰到好處地調味。搭配旁邊嘅鹽漬昆布、喜馬拉雅山岩鹽同芥末，可以隨自己口味調整，帶出肉味嘅層次感。🥣時令湯雞白湯味道濃郁滑順，飲完之後嘴唇有啲黏住嘅感覺，真係膠質豐富呀！仲想再來一碗！🍚炒飯炒飯有鑊氣粒粒分明，加入日本櫻花蝦落去，食落好香口！🍨甜品自家製芝士雪葩 開心果雪葩 一試難忘！焦糖牛油多士 烘得好香脆 甜甜地好正👍🏻📍 睦月鐵板燒元朗西菁街23號富達廣埸地下15-16號舖…查看更多

師傅經常會研製新菜式，所以每次嚟”廚師發辦”都會有驚喜😆補充：預先聯絡左餐廳安排菜單😹📍海膽牛油果他他賣相精美 保留咗食物嘅鮮味📍北海道帆立貝煎香外層 內裏保留半生熟口感 火候恰到好處📍香煎白子白子口感絲滑 奶油質感 配明太子醬📍海膽雪花蠔鮮甜美味 雙重享受📍蟹膏藍龍蝦啖啖肉好滋味 蟹膏味濃郁📍南非鮑魚鮑魚相當大隻 爽口彈牙 配雞湯 花膠素翅 📍𩶘魚湯魚味香濃全程都會介紹每道菜式嘅特別之處，好nice同好體貼咁留意我哋食嘢進度同埋有咩特別要求有慶祝既日子必須Encore👍…查看更多

周年紀念日，book咗位過嚟慶祝。諗住食餐好啲嘅 。點知期待而去，失望而回…真心講，呢間嘢唔好食。唔明點解會有人話佢好。個廚做嘢又慢，幾個客都好似handle唔到。要等好耐。$1000一位嘅收費。係咪應該有好少少嘅服務質素呢？ 仲有食物都好伏，有啲味道偏淡。但有部份食物就太過咸。個多士仲搞笑，糖放得太多。仲要煎到燶晒。Hea到爆。總括嚟講，食完成個餐都食唔飽，份量太太少！我哋食完之後仲要返屋企淥咗個杯麵。…查看更多

山長水遠，走去元朗搵朋友食飯，因為唔熟呢頭，求其搵咗間店，見佢門面好似都唔錯。 點知入到去之後感覺地方真係好細！價格又貴！食材未去到價格呢個Level。龍蝦細隻，豬肉肥到黐晒線。沙律太酸，鮑魚又韌，仲有嗰隻煙燻蠔D味都怪怪地。俾得呢個價，早知出去銅鑼灣食好過，人哋就算係晚餐都平過佢午餐。環境高佢幾個Level。附近環境好似街市咁。又冇海景睇。都唔明點可以收到咁貴 貴人哋10至20%。根本唔值。真係黑仔。冇下次！搵笨首選！…查看更多

三月初某個周六已經和🐷媽媽到訪試了一個二人餐，印象非常好，念念不忘。今日家人放假，所以再來到訪一次。可能香港人假日都北上關係，今日假日竟然沒有滿座（之前都需要事先訂位）我地一家四口點了一個二人餐，和兩個一人餐。🐷爸和🐷弟吃二人餐，🐷媽和貓姐姐吃一人餐（因為上次已經試了二人餐）兩次用餐經驗都很好，雖然是鉄板燒，但廚師會不同方法烹調食物，而且配上自家製醬汁提昇食物嘅鮮味。最深印象是季節燒魚，雖然叫燒魚，但其實炸魚比較貼切。廚師會先用油炸然後在鉄板上煎，口感非常脆嫩。另外甜品焦糖多士也很贊真的吃一整塊也不夠午市一人䱗$380已有9道菜，性價比高遲啲會試埋晚餐。如果日後菜單可以再有變化更加好，會再支持用心小店…查看更多