影片
電話號碼
90635251
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
住元朗嘅朋友話我知，元朗上年九月中開咗間隱世鐵板燒餐廳。放假同朋友踩完單車🚴♀️之後去咗試吓，所有嘅疲累都比呢餐晚餐療癒咗。.餐廳服務態度好好，廚師會喺我哋面前料理，仲會介紹每道菜式，令人感受到用餐的樂趣。👨🍳呢間係一間好精緻嘅 Fusion 隱世鐵板燒 Omakase，食物層次配搭好豐富，有時仲可以食到空運到港嘅法國藍龍蝦！🦞.—————————————————🌙 「睦月」二人前晚市套餐 - $1960 / 兩位🥗 沙律呢個沙律真係好特別，芒果汁酸酸甜甜，好開胃。Parma Ham包住新鮮嘅哈密瓜，鹹甜交織，口感豐富。再加上沖繩縣嘅海葡萄，粒粒爽口，成個沙律即刻變得更加精彩。.🐚 清湯煮魚蚌清甜無比，簡單但驚艷。🦪 南非鮑魚用昆布鹽焗方法處理，肉質鮮嫩得嚟又帶啲鹹香。上面的紅雞冠草唔單止令到成碟餸顏色靚仔，仲加咗啲特別嘅香味。最正係嗰個紫菜蒲汁，同鮑魚一齊食，鮮甜味即刻爆晒出嚟，真係一流嘅享受。🐚 北海道帆立貝五成熟，外面煎得香脆，中間有刺身嘅口感，食落軟糯。配上枝豆薯蓉汁，奶香味濃，同帆立貝好夾。再加上醃過嘅魚子，味道濃甜。🐟 日本白金鯛白金鯛立鱗燒配唐辛子，鱗片炸至脆口，口感豐富。🦞 龍蝦本地龍蝦配法式蝦乾大閘蟹膏汁，龍蝦只煎到六七成熟，啱啱好令到龍蝦肉軟糯又唔韌，口感一流。再配埋法式蝦乾大閘蟹膏汁，濃郁嘅醬汁完全滲入每啖龍蝦肉，真係一試難忘！🦆 日本鵝肝日本鵝肝加埋紅酒蘋果醬，酸酸甜甜好開胃。底下嘅自家製杏仁餅又脆又有堅果香，成個配搭啱啱好，鵝肝味濃但唔會膩，真係好食到停唔到口。🌽 梅酒浸車厘茄配白玉粟米 酒香四溢，車厘茄特別甜，粟米甜脆。🥩 美國封門牛柳美國封門牛配岩鹽、山葵、炸蒜片、愛爾蘭威士忌咖啡醬。牛柳嫩滑，醬汁獨特，超好食！🍳 炒飯這道炒飯叫做「小女子」，在日文亦有白飯魚的意思。用咗白飯魚、蘭王蛋、日本櫻花蝦乾、三色豆，加埋龍蝦頭的肉一齊炒，海鮮味濃到爆。成碗炒飯食落去甜甜地，真係冇得頂呀！.🥣 鱲魚湯鮮美濃郁，暖胃好飲。🍨 甜品芝麻味同芝士味雪糕，味道濃郁，甜而不膩。🍞 焦糖多士切成條狀，堆疊成「井」字形，造型有趣，食落甜甜的很好食。另有午市 9道菜都只係$380/位, 真係超值！無論係慶祝生日🎉、紀念日定係簡單嘅聚餐，都係一個唔錯嘅選擇，真係值得一試！✨
繼續閱讀
呢間隱世鐵板燒😍太遲發現食物勁高質🤤食材嘅配搭出色睇得出主廚🧑🍳對食物好有heart料理有一點fusion，好又驚喜食完勁滿足😌值回票價🌟✨前菜🥗用左水耕菜😱又健康 又好衛生加左黑醋汁，仲有蓮花莖部、沖繩海葡萄🍇Refresh味蕾，開始美食之旅🤤✨花甲雞清湯🐣湯底用左雞熬製成清湯 用左雞骨，蔬菜調味湯比較新甜，花甲新鮮 ✨生蠔🦪特製既調味😍好有驚喜生蠔係煙燻左，用左日本🇯🇵九洲生蠔調味好有新鮮感🤤誠意十足✨帆立貝用左北海道帆立貝，煎到7-8成熟軟熟既口感，有層次感底部有秘製既枝豆汁加薯蓉汁😋😋同帆立貝好夾😍😍😍✨鮑魚先用昆布鹽焗，用左雞干草增加鮑魚香氣，提升口感，更鮮甜💫✨魚 🐟呢個甘鯛，炸成脆鱗魚，超正呀😋自己係屋企好難搞魚上面既鱗片高高豎起，超清脆魚肉柔嫩細滑，勁鮮美🤩🤩🤩驚嘆❗️✨龍蝦🦞用左小蜜蜂龍蝦，肉會更鮮甜，嫩滑底部醬汁用左蝦湯加大閘蟹膏熬製提升海鮮鮮味層次感✨冰菜🥗用左沖繩冰菜，refresh口腔冷菜好爽脆，好有新鮮感仲有梅酒車厘茄，容易入口，好濃梅味✨特定牛肉厚燒🐮用左美國封門柳，師傅建議3成熟牛扒唔會太韌，牛味香濃✨炒飯😍料同飯既比例好好，勁多料飯粒粒分明，入面有小女子魚仔、煙肉 櫻花蝦，仲用左蘭王蛋😆😆😆炒飯有鑊氣，勁香✨甜品🍧焦糖麵包🍞烘得好香脆切成一條條脆條配埋豆腐或芝麻雪糕🍦雪糕味超濃郁，勁好食😋
繼續閱讀
九龍東人嘅我好少入元朗行街，難得嚟到緊係要揾間好嘢食吓喇😋😋 今次就揀咗開張只有大約4個月嘅睦月鐵板燒❤️🔥芒果汁沖繩海葡萄沙律🥗沙律用咗芒果汁作為醬汁，好清甜開胃🤤 超有驚喜👍🏻花甲大根湯🍲除咗有三隻大花甲，個湯本身都有好清甜嘅蘿蔔味～XO醬蘋果木煙燻生蠔🦪生蠔有陣煙燻香氣，加上XO醬，完全去除晒腥味，估唔到咁夾！北海道帆立貝🍥帆立貝有Parma ham包住，再配上枝豆薯蓉醬，好香口😋立鱗魚 🐠仲有時令煎魚，竟然仲係個皮脆卜卜嘅立鱗魚，有驚喜🥳西域龍蝦🦞龍蝦配上法式蝦湯同大閘蟹醬，龍蝦鮮甜啖啖肉，個醬入面都有蝦肉同蟹膏㗎，用料非常出色！香煎鵝肝杏仁餅配玉桂蘋果醬🥧套餐本來有南非鮑魚，但日本新年缺貨，改為鵝肝，鵝肝配杏仁餅好新奇但又出奇地夾，仲有個玉桂蘋果醬，好似食緊apple crumble咁🥳白玉米、梅酒蕃茄🍅🌽食完海鮮同鵝肝，有超甜嘅白玉米同梅酒蕃茄清清喉嚨😚特定牛肉厚燒🐮肉方面可以揀牛肉厚燒、薄燒、豬肉，我哋嘅厚燒三成熟，肉質嫩滑入口即融，超正🤩炒飯 🍛炒飯加入咗龍蝦膏、櫻花蝦、小女子（魚）、煙肉等食材，超級香！鯛魚湯🍲鯛魚湯非常香濃！雪糕🍨甜品選擇有開心果雪糕、芝麻雪糕、柚子雪皅三款，我哋揀嘅開心果同柚子都係超級好味😋！#鐵板燒 #席前鐵板燒 #omakase #元朗美食
繼續閱讀
周年紀念日，book咗位過嚟慶祝。諗住食餐好啲嘅 。點知期待而去，失望而回…真心講，呢間嘢唔好食。唔明點解會有人話佢好。個廚做嘢又慢，幾個客都好似handle唔到。要等好耐。$1000一位嘅收費。係咪應該有好少少嘅服務質素呢？ 仲有食物都好伏，有啲味道偏淡。但有部份食物就太過咸。個多士仲搞笑，糖放得太多。仲要煎到燶晒。Hea到爆。總括嚟講，食完成個餐都食唔飽，份量太太少！我哋食完之後仲要返屋企淥咗個杯麵。
繼續閱讀
山長水遠，走去元朗搵朋友食飯，因為唔熟呢頭，求其搵咗間店，見佢門面好似都唔錯。 點知入到去之後感覺地方真係好細！價格又貴！食材未去到價格呢個Level。龍蝦細隻，豬肉肥到黐晒線。沙律太酸，鮑魚又韌，仲有嗰隻煙燻蠔D味都怪怪地。俾得呢個價，早知出去銅鑼灣食好過，人哋就算係晚餐都平過佢午餐。環境高佢幾個Level。附近環境好似街市咁。又冇海景睇。都唔明點可以收到咁貴 貴人哋10至20%。根本唔值。真係黑仔。冇下次！搵笨首選！
繼續閱讀