真‧章魚無雙XTEA BASARA

舊年10月入去睇足球 呢間野排曬長龍（因為無選擇😅） 我買左一盒雙拼 （章魚燒）一盒蟹子 （章魚燒） . 熱辣辣 即刻整（因為人多) 非常好食 熱呼呼的.今年 2/11入去睇15屆運動會 滿心期待入去再食 款式得返4款 仲要貴左買左過明太子章魚燒-.-付款後不用十秒出餐拎上手喺熱既 但係...幾粒野一食就知唔係即整.入面無章魚既？明太子勁咸👋🏻唔會再幫襯咁大個會場 體藝館可以幫襯既舖頭已經唔多.真心希望可以引入更多更多好味既食物…查看更多

已經冇乜人買，個女店員都可以應付唔到。邊個排先邊排後都睇唔清楚。成條隊啲客人都已經好自律，俾最前面個小妹妹落order先。個女店員堅持take我哋後面啲人嘅order。我哋已經唔出聲，唔落order。條女仲要叫個妹妹排番後面。個媽媽有同佢理論，條女講完sorry，再繼續問我哋要乜。激到個阿媽拖住小妹妹走咗。妹妹眼濕濕，睇得出佢好想食。我哋成家人O晒咀，連我哋都睇唔過眼。…查看更多

嗌咗8粒大阪章魚燒，成盒完全唔夠燒汁，嚴格來講可以用乾嚟形容。有幾粒係得沙律醬同木魚絲係上面，啲章魚燒完全冇機會掂到燒汁，因為完全唔夠汁呀😇👍🏿果少少沙律醬，溝埋成pat粉漿，食落口係完全冇味架😇👍🏿怕唔夠飽嘅顧客可以多多幫襯，章魚燒啲粉漿係做唔到入口即化，可以漿住係口入面，超級有質感😇👍🏿大阪風章魚燒呢啲咁簡單嘅小食，竟然可以整到咁難食，呢間分店絕對係經典😇👍🏿之前幫襯過曬其他分店，係完全冇以上呢個問題，呢間分店竟然係sell難食，真係非常獨特🤩…查看更多

呢盒章魚燒真係離晒譜！一睇就知擺咗好耐冇人買，啲皮硬過石頭咁，我用竹籤吉落去都要出盡力先吉得入最離譜係入面啲餡！撩開一睇，啲章魚細到好似蟻咁，要搵極先見到兩條短短哋嘅章魚腳，仲要乾爭爭，咬落去完全冇口感。我以為只係咁啱一粒係咁，點知連續試咗幾粒，粒粒都係咁樣入面空寥寥，章魚少到可憐 啲章魚燒唔單止唔熱，直情係凍冰冰，似係擺咗成個下晝冇人理。成件事乾爭爭、硬掘掘，難食到爆！ 今次真係中伏中到應一應，以後都唔會再幫襯！大家如果見到呢間舖頭，真係要諗清楚先好買，費事嘥錢又激氣！…查看更多

今日專程去啟德行吓，試食一吓章魚燒。望見冇人買已經有少少驚，諗住都試一試。買完等唔到3分鐘已經有得拎，心諗"中伏"🫣，邊有整得咁快㗎。。。結果完全唔熱，少少暖都冇。。我食完就走上去問收錢位職員姐姐點解完全唔熱嘅？佢竟然答我-兩次"係即整"㗎!!。。。無言😑😑，好以後絕對唔會再幫襯😞😞…查看更多