真味海鮮菜館

營業中

休息中

今次去長洲見到好多間海鮮餐館🦐🦑🦞🦀因為我見到呢一間侍應比較熱情🤣所以就走咗入去試吓啦🥳🥳🥳比一個價錢可以自選四款海鮮🙈🙈第一樣叫咗椒鹽鮮魷，鮮魷外層嘅粉漿好薄，份量都唔少，魷魚口感爽彈，仲配左一碟喼汁，味道方面好鮮😋😋😋第二樣叫咗豉椒炒蜆，豉椒汁味道剛剛好唔會太稠身，蜆肉好大粒，食落冇沙之餘仲有鮮味，落咗有少少青紅椒所以食落好惹味🔥🔥🔥第三樣叫咗蒜蓉開邊蒸蝦，蒜蓉佢係用新鮮自己做嘅，而唔係平時超市買嘅玻璃樽裝蒜蓉，呢一點已經加分，所以好香😍😍😍第四樣叫咗豉椒炒蟶子，味道方面其實同豉椒炒蜆差唔多，蟶子都係勝在冇沙，食落非常之鮮甜，如果兩樣比較我會選擇叫蟶子👍🏻👍🏻👍🏻

疫情幾年冇得去旅行🥲 每次放假想有去旅行嘅感覺 都會入嚟長洲行一轉止下癮😅😅呢間餐廳我哋每次入嚟都一定幫襯 吸引我哋嘅地方係因為嘢食味道海鮮用料都幾好一分錢一分貨啦 唔好用大酒樓酒店比較就好 同埋嚟得多士頭婆老闆同員工佢哋都記得我哋 好有親切感 🥰🥰🥰呢度有醉鴿係每次必食 有酒香有少少藥材味唔會蓋過鴿味😋😋😋😋😋瀨尿蝦有米(即係有膏) 係喺街市自己買嚟來料加工😋😋😋😋嚟咗咁多次事頭婆都知道我哋鍾意一路慢慢食一路飲 所以都唔會一次過上曬畀我哋🥰🥰🥰🥰🥰食咗兩碟未夠飽所以嗌多個金菇肥牛粉絲煲 滿足😋😋😋

Every time we visit Cheung Chau, we go to Delicious Seafood Restaurant for the drunken pigeon.Very strong shaoxing wine flavor, yet doesn't not overwhelm the gamey flavor of the pigeon meat. Would be even better if they make it less salty, because personally I prefer less salt intake, but this is a typical local eatery flavor. This time we also ordered a 油鹽水賴尿蝦 poached mantis shrimps in salt water to have something to bite on slowly while enjoying our wine. Surprisingly all of the mantis shrimps

今日難得假期嚟長洲玩，但好多餐廳都冇開。行行吓經過呢間餐廳嘅時候門口有個女人招呼我哋入嚟食，話會送一碟菜俾我哋，我哋覺得難得嚟到長洲冇理由出返去市區食，於是就求其揀咗呢間。我哋點左兩碟餸。兩碟餸都好快上菜，但啲食物質素麻麻，啲蜆又冇味又多沙。我哋等咗好耐碟菜都未上，於是就同侍應講。但啲侍應態度差，聽完我哋講就走去做其他嘢完全冇入廚房問過。我哋催左四五次都冇用。等到真係食完所有野，唔想再等嘅時候，我哋就決定埋單。埋單位阿姐竟然同我哋講廚房煮唔切，因為太多人，但我哋明明見到隔離左右枱都好快上菜。阿姐分明係講大話。我覺得如果你一開始唔想送就唔好講大話呃人囉。我來過長洲幾次，呢間係我食過嘅餐廳入面最差嘅一間，以後都唔會再幫襯。因為本身冇諗住寫食評，於是就無幫食物影相。

講明先，如果諗住平平哋食海鮮嘅話其實冇問題嘅，不過如果對海鮮有少少追求嘅話就可能有更加好嘅選擇。呢個應該係全晚最好食嗰個，不過我覺得啲肉都係稍為細咗少少，同埋亦都唔爽，感覺上有少少漿糊。原本係椒鹽魷魚嘅，不過嚟到就變咗九肚魚，是但啦都唔好浪費，不過我就比較少食九肚魚，所以都唔識評論，反正就係覺得唔好食。呢個都係相對比較正常嘅，不過啲蝦肉死實，條尾黐住個殼，所以我諗應該都未必太新鮮。成晚嘅重點黎啦，講多啲來講可能係我食過最差嘅蟹。吵得唔差嘅，但係問題可能係隻蟹度，佢個蟹身好似中咗化骨綿掌，裏面全部糊仔咁樣，可以直接拎嚟飲….呢個都幾失望，簡單啲來講炒到散晒，而且都幾似橡筋，完。魚雲都係比較少食，講個OK啦，一般正常嘢。

天雨綿綿加上閒日，遊人不多，好幾間海鮮菜館都在不斷拉客，這家說$248, 3款海鮮多送1款，即4款，而且沒有加一，決定試試剛坐下發現負評甚多，心有不妙，但已經坐下只好照點菜椒鹽瀨尿蝦和我們預期一樣是細隻的size，但椒鹽味道不錯，而且瀨尿蝦新鮮不是死蝦，放下一半心頭大石椒鹽魷魚熱辣辣炸起，炸漿薄身，魷魚有咬口，而且份量不少，好吃蒜蓉蒸扇貝4隻的size都細，幸好有蒜蓉熟油和粉絲搭救，味道很香，不過不失豉汁蒸魚雲份量很足，原個魚頭上，好吃的豉汁味道而且不會過咸，整個吃光總的來說是我讓食評嚇了一跳，但味道的確是不錯，閒日也沒有加一，我們都很滿意

一家四口假日長洲遊，本黎開開心心打算食個例牌海鮮餐，間野落錯單，椒鹽賴尿蝦落錯椒鹽蝦，叫佢換，個講野唔正gei 鄉下婆侍應，竟然話廚房賣晒賴尿蝦，叫佢換蟹佢話啲蟹唔靚，唔係隔離果件話由佢，我實開佢拖！ 跟住俾我見到廚房係咁出椒鹽賴尿蝦，證明佢講大話！d 野食又細碟又唔新鮮，仲要食到成肚氣，離晒大譜！ 垃圾！ 🤬

難得入長洲一次，又係太平清樵齋戒期前，打算食個海鮮餐，一向都知長洲海鮮唔算特別出色，食開興樂都算幾正常，呢間真係好難食得好過份。門口阿姐又話有得送湯又送多一味咁，好熱情地拉你坐低之後機會上冇招呼，枱櫈都好唔乾淨，最後湯係冇出現嘅，基於太難食我都費事追。蒜蓉扇貝係味道最正常，扇貝每人兩隻，仲細大陸三蚊人仔一隻果d。油鹽水蜆，d蜆好明顯係一早烚定加湯滾返，蜆肉冇味，仲可以有沙，湯底有蒜頭，有頭菜，不過只有胡椒粉味，咸味都好弱，又油。豉椒炒蟶子又係同一個問題，烚定，又係冇味，好似食擦膠咁。白灼蝦，已經難食到冇影相，部分係霉嘅，冇膏唔甜。雖然唔算貴，但實在太難食，完全係浪費錢同食物，永遠blacklist 。

入長洲食海鮮其實幾低食，一般食肆都有套餐每$200-$800不等豐儉由人。是日入到長洲遊人稀少(閒日加限聚令😅)，一排的海鮮餐館都選擇休息只有此家營業，在傍小販買雞瓜螺，友人未食過而此家餐館話來料加工只收$40，都可以接受便坐低了。食套餐首選當然食蟹啦 ! 不過黃昏剛入黑就話賣晒了。左選右選下選了西芹炒鮮魷和蒜蓉蒸扇貝，加埋$40雞瓜螺、一支青島兩個人都能食。雞瓜螺只是用水烚，食原味西芹炒鮮魷味道一般，鮮魷偏韌蒜蓉蒸扇貝都是正正常常當晚插曲😓😓😓因為其他食店休息，客人都集中此店大約15枱，但係亂到七彩。落了單要追先攞啤酒嚟，不過無攞水杯，又再返轉頭攞，咁叫去攞埋D雞瓜螺入出啦，結果佢攞住袋嘢入去攞水杯出嚟再攞返袋嘢入廚房，同一路線行幾轉。到上菜(因為是加枱給我們)就全部亂晒龍 ，眼見幾張枱都在追單欠D様欠果樣。我的就攞隔離枱，别人的就攞我張枱😂😂想攞碟蝦醬，等了一陣我走柜面攞紙巾時同我講:蝦醬已裝唔記攞給你😂😂😂😂😂埋單時看看張單來料加工收$60，我問不是$40咩？佢話單寫$60喎。OK無下次啫😎總括味道是可以的，但我就不喜歡整個過程啦！

所謂的套餐，說好送炒菜，但食到最尾，係三催四請下先拎出黎。門口拉客的說有菜送，我先入黎，你就博我吾記得。此為差評。結果呢 ，菜黎到都差不多成餐食完。說好的不加一，最後找數話冇講過。生意不是這樣做架。你隔離間間套餐都不加1。只可以說冇下次一場去到長洲，其實大家都想開開也心食一餐。中立地說，其實食物不錯👍幾好食，只是不滿他們sell客一套，入到黎又是另外一套。我都知今日是紅日，人比較多，但都不是咁樣既待客之道架。

炒聖子，聖子唔新鲜，無味，無鑊氣。辣酒煮花螺，只有辣味，好像一早整定。避風塘炒蟹，味道一般唔香，肉質鬆散，小小霉霉地。最好吃都是前菜青瓜涼拌，而且有個店員冇乜禮貎

今天，我和女友去這裡食晚餐，極度不愉快的經歷，遇到一位強詞奪理及不專業的老闆娘。我們叫了三碟菜：開邊蝦、蒸扇貝、西蘭花炒帶子。頭兩碟味道已一般，份量不算多。當我們進食西蘭花炒帶子，女友吃到帶子有酸味，我們要求換菜，伙計都願意換了炒白菜。但是，老闆娘突然走來，質問帶子有什麼問題時，講了一句：「我食過這碟帶子沒什麼問題」。之後，理論一番，其後，女友話識煮時，她即時收口。這件事見到老闆娘危機處理差勁，幸好我女友厚道。否則，早被粗口問候。最後一句：「無下次」

復活節長假期，點可以留係屋企，一於約個朋友入長洲去玩一日，順便食個海鮮大餐!本身係想去OpenRice最多哈哈笑果間海鮮餐廳，點知6點去到，佢地話已經冇位，而佢附近果幾間餐廳都仲有好多位，我地唯有係附近再搵過第二間!行到真味海鮮，店員推銷話4款海鮮 - $328 仲會送一個菜，見到入面都坐到半滿，就入去試一試啦!落完單好快就已經上齊晒d海鮮豉椒炒蟶子下面全部係殼，上面係細隻既蟶子，份量唔算好多，但都爽口惹味薑蔥炒蟹3隻細蟹雖然冇咩膏，不過都尚算新鮮椒鹽炒蝦炸完既蝦好彈牙，椒鹽辣辣地好惹味! 係4個入面最好食既蒜蓉粉絲蒸扇貝蒜蓉粉絲好香口，扇貝勁細隻，食完都冇咩感覺腐乳炒通菜冇咩腐乳味，不過個炒菜仲好爽脆明明見到隔離枱果d海鮮好大碟好大隻，不過睇落就應該唔係叫套餐套餐都成$82一個餸，睇完Menu覺得好似散叫會抵d...不過總體都算係不過不失

登山🛶過後最適宜一頓鑊氣小菜加枝🥤冰凍可樂😍。作為假日好去處，🏕長洲除了動人的艇家村景緻外還有抵吃又😋美味的菜館。價錢平宜💰又份量不薄的🦀炒蜆沒半點腥味。因為鑊氣充足🔥，除豉椒的惹味外，還額外多份焦香☄️。雖然蜆的大小偏細，不過以價錢而言已經非常抵吃。海蝦🦐肉質彈牙，蝦肉離殼又帶鮮味。蒜蓉的份量適中，不會跟海蝦相互搶味🚧。蟶子的炒功跟炒蜆不相伯仲。蟶子肉還是剛好炒熟，不會過韌，充滿嚼勁。帶子底下的粉絲吸收了帶子的鮮味和蒜蓉的惹味，成為小菜的主角🥗，當中還加了丁點豉油提味。炒菜心的蒜蓉為運動後的我提神醒胃🎡，散發著濃郁的香味。看來離島小炒在不經不覺間成了我行山運動的推動力😤。

今日中午同朋友來到長洲遊玩食飯，除了食長洲大魚蛋，芒果糯米糍丶西瓜冰條🤔️巨薯棒、紅心菠蘿冰特色小食等等大家不要忘記仲有海鮮大排檔，通常我中午來到會先食特色小食，夜晚就去食大排檔海鮮餐✌🏻今次我地來到這間真味海鮮菜館試試環境沒有特別，一般大排檔咁，地方尚算乾淨價錢比較親民，後邊果一頁是主打海鮮🦞我們點了避風塘炒蟹，味道不錯👍🏻，幾香囗的，不過隻蟹就比較細，冇咩肉食。可能因為價錢比較優惠的關係所以差不多啦！蒜蓉開邊蒸蝦，賣相唔係好吸引，不過食落幾鮮味，份量還可以豆豉蒸倉魚，這個要一讚蒸得剛剛好，魚肉滑肉質鮮嫩。下次會再試泰式豬頸肉都好好食好有口感，燒得剛剛好。店員服務有禮今次的體驗也不錯👍🏻