52
6
1
電話號碼
65831388
開飯介紹
提供多種輕食的心機小店,有all day breakfast及各種小食,熱狗款式選擇多。 繼續閱讀
附加資料
電話號碼只限whatsapp下單📲
營業時間
今日營業
11:00 - 22:00
星期一
全日休息
星期二至日
11:00 - 22:00
付款方式
現金
座位數目
23
其他資料
網上訂座
Wi-Fi
酒精飲品
賞訂座積分
外賣服務
加一服務費
有關獎賞計劃
食評 (61)
等級4 2019-06-01
257 瀏覽
「盤子工房」的地點,是筆者以前做兼職補習的學校附近,又是閏蜜家附近。上網看到它的小清新裝潢,地點又如此方便,過來消磨了一個週六下午。餐廳內有靠窗位置,可算是打卡位吧?熱狗麵包熱烘烘,但略嫌未夠鬆軟。中間就夾了脆皮熱狗腸,配了沙律醬。上面再舖滿了菠蘿粒、雞肉,份量舖至幾乎滿瀉。菠蘿新鮮香甜,不似是罐頭貨色;雞肉煎香又帶有黑椒味,也不是馬虎之作。套餐配了薯角,惹味香口之選。意粉餐無論配餸、麵底、醬汁都可以自選。豬扒厚身,經煎香後原塊上碟,肉質結實,未算柴口。太陽蛋選擇了半熟程度,剛好可自行再加蛋黃汁撈麵。芝士撈麵,感覺配白汁是最安全。撈麵條似是大光麵,灑上了芝士粉,跟想像中有點出入,但味道是還好的。不過稍嫌白汁量不多,不夠用來撈麵。另外還配了梳打特飲,飲品可選2款水果果肉粒,解渴又不會死甜。 繼續閱讀
(以上食評乃用戶個人意見 , 並不代表OpenRice之觀點。)
一直以黎都以會屯門好少有咩好野食就算有,格調上都係爭少少但就係今日係呢到閒逛之際,比我遇上呢一間小店呢間小店只係建生輕鐵站5分鐘路程,都幾就腳店內裝修都幾別緻,而且都洋溢住文青氣息岩晒我呢種真文青黎打下卡坐住係落地玻璃前既吧台,望住出面既毛毛細雨,品嚐花盡心思製成既熱狗選擇唔算多,主打都係熱狗但係「食」,貴多不如貴精真係花心思做好幾樣有信心做既食物更好墨西哥莎莎莎莎醬熱狗,水蜜桃梳打加蘋果香檳提子粒粒平時食熱狗,多數都係肉醬呀芝士果d孤陋寡聞既小弟都未見過墨西哥莎莎醬鍾意試新野既我果斷點左佢呢到既墨西哥莎莎醬係用左牛油果、蕃茄、洋蔥、檸檬同埋佢地既秘制醬汁而製成莎莎醬食落口酸酸甜甜,少少檸檬汁令到佢好清新而且有粒粒既蕃茄,爽口而微微香辛既洋蔥,仲有食落口好滑溜既牛油果,成個醬既口感好豐富雖然呢個醬冇肉冇芝士呢d heavy野但因為牛油果既關係,你食落去都唔會覺得dry熱狗腸都花左唔少心思外皮好脆,咬落去係「卜」一聲咁而佢應該都唔係就咁用滾水煮,可能係用高湯煮過隱約食到佢係有除左香腸本身醃料味既既香味熱狗包都烘得岩岩好貼住腸既內部香脆,包身就微暖而且鬆軟食落口仲有淡淡既麥香你以為係配角既薯角就會馬虎?錯金像獎除左最佳主角都有最佳配角啦睇下內層幾靚外層香脆得黎保持到入面既水份令佢既薯味得以鎖係裡面而且用油都好靚,一定唔係一般鋪頭用既萬年油水蜜桃梳打味道都唔錯,唔係d cheap雞藥水味果d真係好香既水果味攪完之後幾賞心悅目蘋果同香檳提子既生果粒粒都好足料飲到尾都仲有真係估唔到會係屯門搵到一間咁令人驚喜既隱世小店而且價錢都唔貴四十蚊左右,食個熱狗同薯角可以食到我一個「(自以為)微」胖既男人飽仲因為佢既好味而令精神上都滿足到真係邊到搵 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-25
458 瀏覽
今日lunch嘅時候經過呢間burger覺得幾香 望吓餐牌又幾平wo💁‍♀️ 就同男朋友入去食個午餐先💁‍♀️餐廳未夠一點已經滿座了 都幾多人食wo💁‍♀️ 好多都係一家大細!可見食物迎合埋小朋友口味 有pasta burger薯角 好吸引💁‍♂️等左十五分鐘左右就有位 坐低見到餐廳嘅佈置其實都係走簡約家居風💁‍♀️ 小店經營 但上菜速度好快💁‍♂️💁‍♂️多重溶芝士熱狗🌭️ $42賣相都ok 熱狗都幾大條 有唔少熱溶左既芝士 on top再落咗芝士粉 食多都幾漏架🙋‍♂️ 多重實至名歸啦 芝士配熱狗perfect match💁‍♂️😝 男朋友輕鬆食哂 薯角都炸得好好 唔會好油膩或者太乾💁‍♂️自選豬扒茄汁長通粉 $44男朋友見到牆上有個logo 豬扒係100% premium 應該食得過💁‍♂️ 所以我就要個豬扒太陽蛋茄汁長通粉啦💁‍♀️豬扒真係幾靚wo 就算無重手調味 一啲雪味都食唔到💁‍♀️💁‍♀️ 煎得仲好淋 好似慢煮既效果 唔會鞋 長通粉時間都煮得適中 唔會過軟💁‍♀️ $44咁大份lunch set cp值真高!💁‍♀️我要左杯士多啤梨梳打特飲 最正係有啲芒果粒粒 真係用芒果切粒架💁‍♀️ 飲既時候特別甜又fresh!💁‍♀️ 繼續閱讀
(以上食評乃用戶個人意見 , 並不代表OpenRice之觀點。)
而家都愈o黎愈多主打熱狗、意粉o既輕食店,貪佢有d 特色之餘,仲唔使下下成大碟碟頭飯咁,適合細食人仕!呢間屋邨小店由幾位姐姐經營,略帶cafe o既裝潢,牆上畫o左d 手繪圖案。午市時間幫襯,一夠鐘就非常墟冚,坐滿學生。佢主要係賣熱狗、burger、意粉同埋all day breakfast。熱狗不同在於上面o既醬料,好似蕃茄肉碎、辣肉醬甚至有多重芝士添呀~本來我對那個多重芝士好有興趣,但因為之後會另外叫個芝士撈麵,不如試多d 唔同款式,所以點o左墨西哥莎莎醬熱狗(跟餐$42)。隻醬用上蕃茄同牛油果等釀製而成,食落清爽開胃,我亦幾喜歡佢o黎自生洋蔥粒o既嗆口感。配上牛油果相信都係幾地道o既食法,之前o係海港城一間芝士主題美國餐廳叫o既墨西哥薄餅都係咁o既配搭。包類套餐仲包埋薯角、薯條或者沙律,因為費事食咁多澱粉質啦~叫o左沙律。意粉叫法係揀餸揀粉底同揀醬汁,o益o左雞扒芝士撈麵配白汁(跟餐$44,配芝士撈麵加$5)。芝士撈麵連同頭先個莎莎醬熱狗,都係menu 上o既廚師推薦!塊雞扒結實之餘又煎得幾香,令人會想食o左佢先……個撈麵芝士o既芝士味則略嫌比白汁溝淡o左,或者下次試下配茄汁,可能互相突顯會更好。餐飲可以配冷熱或者加錢轉特飲,但亦會有一款是日特飲唔使加錢~朋友叫是日特飲,今日係水蜜桃汁配雪梨粒哦,呢兩樣生果都算係唔錯o既清甜配搭。我就加$5 order o左一杯百香果沙冰配芒果粒,沙冰幼滑,甜酸度亦幾適中。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-13
1021 瀏覽
呢度附近一向都冇咩西餐野食,近排就多咗選擇,竟然開開咗一間熱狗店!跟住星期六我地就去食咗個brunch店面佈置成小清新的簡約風,座位之間好闊落,成個感覺都好輕鬆,最啱週末黎hea下~墨西哥莎莎醬熱狗 $42莎莎醬係自家製作,有牛油果、蕃茄、洋蔥、檸檬同埋秘製醬汁,味道非常新奇,酸酸甜甜嘅醬汁中夾雜洋蔥嘅辛辣味,配埋脆皮腸同麵包一啲都唔覺得dry! 不過醬可以再多啲就好啦,最鍾意食熱狗醬爆嘅感覺。雞扒蛋意粉 $44意粉可以好個人化好隨意地點自己嘅心水款,款式都係比較basic嘅肉類同意粉汁。雞扒冇嗌錯!皮脆肉嫩好好食,太陽蛋都係煎到啱啱好,仲有最正嘅燶邊,不過白汁個味就唔係好濃個種,而係類似茶記個種~英式奄列 $45奄列餐就配咗多士同薯角,奄列裡面有火腿芝士切開一睇都幾足料幾厚!薯角又香又脆而且好重薯味,食到停唔到口呀~飲品方面就有普通嘅咖啡奶茶,不過就唔飲cafe咁多選擇。亦可加錢配特飲,每日都會有個是日特飲係唔使加錢~整體來說都好滿意!因為附近真係冇咩呢類型嘅餐廳,而且價錢都正常,所以都會再黎食,希望黎緊會有更多飲品可以揀啦! 繼續閱讀
(以上食評乃用戶個人意見 , 並不代表OpenRice之觀點。)