106
10
1
電話號碼
65831388
開飯介紹
提供多種輕食的心機小店,有all day breakfast及各種小食,熱狗款式選擇多。 繼續閱讀
附加資料
電話號碼只限whatsapp下單📲
付款方式
現金
座位數目
23
其他資料
網上訂座
Wi-Fi
酒精飲品
賞訂座積分
外賣服務
加一服務費
食評 (128)
等級4 2020-03-20
760 瀏覽
店舖出邊到入面啲裝修都充滿咗革命色彩好多連登豬好多Pepe 店鋪環境加埋背景音樂都好舒適、休閒,入去既時候叫左店員比杯水,連水都有檸檬味好清新本身諗住smoothies喺好似奶昔咁,但係原來係好似冰沙咁。士多啤梨味變得好有咬口,士多啤梨味好重,不過就飲飲下覺得有啲甜。友人就一啲都唔覺,覺得好好飲相反朱古力一開始嘅時候就覺得朱古力味略欠但當啲冰融左之後就有小小似奶昔嘅感覺,越飲越好飲我哋叫咗個粟一笑芝士熱狗,就配埋薯角,好脆!而包就好軟熟,啱啱上菜嘅時候表皮仲有啲脆口上面嘅粟米同埋啲醬有燒過,有種灸燒嘅味道友人叫左軟殼蟹明太子意粉軟殼蟹有啲黑椒味,冇乜炸粉所以唔太油膩咬落中間,啲肉仲必晒啲汁出嚟添仲食到一粒粒嘅明太子痴哂上意粉度,好入味 又好食又好坐又係黃店下次都要再同朋友嚟幫襯 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-06
61 瀏覽
早餐 : 磨菇芝士奄列, 凍奶茶份量較細, 但奄列好味道, 奶茶亦大杯得驚人。之前去附近辦事, 順便食一個早餐。當時疫情仍嚴重, 隔了板, 分隔開了不同的二/四/六人位, 桌面亦有消毒液。支持小店, 光顧有良心既店, 香港人支持自己呀。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-06-24
118 瀏覽
建生邨自從冇咗農場餐廳之後,想搵間似樣食西餐嘅都冇乜。因為門面唔算顯眼,都係搭輕鐵嘅時候經過見到。離遠已經見到係一間好黃嘅店,門口嘅餐牌都好吸引。價錢都好合理,嘢食賣相同埋味道都有驚喜。最重要係店內嘅裝飾令到手足一定好滿意下次都會過嚟幫襯~ 太遲發現你了 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-07
466 瀏覽
盈豐不嬲都係屯門人掃街嘅選擇之一,不過無諗過,原來行多兩步到建生,可以有間咁正嘅餐廳☺️By the tray個位有少少隱蔽,不過見到門口企左堆人等位,就知道自己揾啱路😂等左大概兩個字就有得入。選擇困難症患者最後嗌左份All day Breakfast,一上台我就心諗:「咁大份!好正喎!」基本上乜都有,而且質素都幾高。滑蛋夠滑身,熟度剛剛好;薯角辣口,真係啱啱炸起;pancake雖然賣相不是很好,但食落都幾香,而且厚薄適中,唔會漿口。仲有炒菇、腸仔、蕃茄、煙三文魚一大堆,食完真係好滿足。屋邨仔地方有間咁高質嘅餐廳,真係不得了啊😂 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-21
819 瀏覽
雖然食過By the tray好多次,但第一次揀沙律。今日想揀啲輕食做午餐,本身麻麻沙律既我,竟然比佢個沙律醬吸引咗,店家無用一般酸酸既沙律醬,卻開胃而特別。之前每次都係食飯同熱狗,加2蚊有凍是日特飲,已經覺得好抵,估唔到連沙律都有驚喜。呢日同朋友拎定位,天氣又熱又焗,店員好貼心,好顧及客人感受,見有其他客走咗,即使我等到四人枱,都請我入去涼下先,非常有人情味。加上裝潢好靚,乾花加壁畫令到個裝修層次提升左,成幅牆都係打卡位。作為屯門人,良田建生呢邊並無CAFE,有咗盤子工房為大家帶來咗一個好chill既新地方。食過咁多次,好開心佢每次都咁多人,證明屯門人都好識食。 繼續閱讀
(以上食評乃用戶個人意見 , 並不代表OpenRice之觀點。)