影片
這店重開後，午餐飯款比前多樣化，連意式紅酒炆牛腩，泰式香葉肉碎同日式燒汁鯖魚都有，日日不同。而佢哋做辣好到家，除左秘制咖喱醬，我最愛就是這個芝士焗辣豬肉醬意粉，味道香辣特別，別處吃不到。
繼續閱讀
盛饌的外賣非常準時，完全按照我們說的時間到達。今次試焗飯很美味的焗豬扒飯上面是色香味俱全的焗芝士；豬扒肉質好，不會像一些用鬆肉粉弄得軟軟的；醬汁是茄汁（不會很人工的樣子），還加了洋蔥和蘑菇；飯的份量也相當多。配餐湯（忌廉湯）和餐飲$45有湯、飯和飲品，還有這樣高的質素，非常抵吃
繼續閱讀
本身都幾多選擇，每日仲有4款中餐，仲要日日唔同，味道都ok ga，價錢大約$40-$45左右，一盒飯、一碗湯、一杯飲品，我覺得就都抵ga！果度d staff ge態度又唔錯，都幾nice, 值得支持；）最近好似仲o係夜市推出串燒tim，聽講都幾好食，搵日要試！
繼續閱讀
近期搬咗去家姐到做上環之友嘅我，特別係呢間餐廳係我屋企附近，食家好奇心之下點會唔試下呢間～ 餐廳個位咁細，上一手做堂食嘅時候已經覺得好奇怪～ 今次呢間佢哋識得主力做外賣同takeaway，呢頭全部返工時間lunch都咁趕咁需要delivery，係咁細嘅鋪位之下食得揀呢個market其實非常之聰明～頭嗰幾日walk-in黎叫餐已經好多orders，可能初初開業嘅問題，佢哋嘅logistic唔知點解幾個人係個位度執嚟執去都係同一張單，所以呢次lunch time walk-in自己拎都要等成起碼20分鐘～之後幾次我11點半打去，講明12點去拎，已安排好哂，好好～＄45係中上環區嘅lunch box其實真係幾抵，包野飲包湯，凍飲仲要唔使加錢～ 西湯初頭係得羅宋湯，鹹咗少少～ 之後如我所願有埋中湯，我自己鍾意中湯多d～暫時我幾次叫都只係叫咗個黑椒汁西冷牛扒飯，黑椒汁幾好味，牛扒大大塊軟硬適中～ 意式茄蓉腸片螺絲粉，螺絲粉都住得啱啱好，如果多啲茄醬同腸片會更加好～請繼續加油，因係我對面好方便！！
繼續閱讀
上個月，多得食友好姊妹告知，上環皇后大道中開了一間外賣小店 <盛饌>！ 印象中，這個舖位之前有一間不起眼的紅色招牌店子 <瑪麗餐廳>！定價進取而且食物款式普通，所以開業好幾個月來，我一直無幫襯過！ 新店 <盛饌> 供應：早餐及午餐，包括：小食、扒類、意粉、焗飯...等。可先致電落單，節省時間！ 午餐： 焗芝士意式茄蓉豬扒意粉 $45濃厚的焗芝士能做到拉絲效果！ 夾雜不少茄蓉真材實料！豬扒沒有加到鬆肉粉，保持應有的質感！煎過更香口！還有酸甜多汁的菠蘿！ 意粉軟硬適中，黏住茄蓉又掛汁，份量剛好又夠入味！雜菜湯酸香醒胃又足料！熱檸檬茶酸苦而澀，不太討好！龍利柳飯配草汁 $40香煎龍利柳，煎至表面金黃色，草汁原來是刁草汁，香滑輕盈而清香， 食落都夠鹹，配龍利柳也夾得來！青紅蘿蔔排骨湯略嫌加鹽重手了！鹹了些小！ 青紅蘿蔔及排骨都幾足料，而且少油！熱好立克奶味濃，好立克卻是淡口一點，味道帶出輕微的清甜！雖然這是外賣小店，出品絕不馬虎，而且價廉物美！值得繼續幫襯及支持！
繼續閱讀