盛記粥麵

營業中

休息中

豆漿嘅杯污糟粥裡面有小昆蟲反映之後想重做了事 我唔願意取消碗粥取消埋我個套餐優惠本來見到評分高先嚟 以後都唔會再嚟杯污糟粥裡面有小昆蟲反映之後想重做了事 我唔願意取消碗粥取消埋我個套餐優惠我以後都唔會再嚟

今天突然想食粥，經過旺角見到盛記粥麵好多人就試下。鮮蝦雲吞麵雲吞皮薄而滑包住新鮮的蝦仁同蝦子，一咬開蝦子香在口中蔓延開。麵條彈牙，搭配清爽的湯底，整碗麵食起來既清新又不油膩炸鯪魚球拼南乳雞翼陵魚球好有鮮，搭配佢地自家製的蜆介，充滿懷舊的味道。另外雞翼用南乳醃得好入味，炸到外皮香脆，推介柱候牛筋腩麵牛筋彈滑，牛腩肉質軟滑，兩者配搭得好好，湯底醇厚，散發著濃郁的柱候醬香，特別適合在冬天食盛記艇仔粥這碗粥的料好豐富，每一啖粥都像是有齊海鮮的鮮味，同咸瘦肉的味道，粥底唔會太濃唔會太稀，食完佢成個胃好滿足。店員態度好好，每張枱落單都會重覆確認唔怕叫錯，下次一定會再去。

今日放工趕住食個快飯✨經旺角呢間粥麵店，見到好多人，甚至有一台韓國人😳就坐低試下個優惠套餐都幾抵食～🫰🏻好正呀🛎 海南雞飯 雞肉鮮嫩多汁，配上香滑嘅薑黃飯，勁正❤️‍🔥三款特製嘅醬汁，都好正宗🤘🏻加咗$10轉雞髀，好滑！🍗🍚🛎 紅油鮮蝦雲吞 雲吞皮薄餡多，辣中帶香，真係非常過癮！🥟🌶️🛎 養顏桑寄生蛋茶 想養新就試咗桑寄生蛋茶，茶香清新，所以隻蛋都好入味，真係好有滋補效果～🥰🥰🥰

一直都有食開佐敦分店,原來旺角都有,環境闊落啲光猛啲鮮蝦雲吞麵 湯底有蝦子鮮味麵條爽口彈，冇鹼水味鮮蝦雲吞好大粒，入面啲蝦好新鮮，好正紅油鮮蝦水餃同雲吞一樣,啲蝦又係好大粒好新鮮少少辣辣地同雲吞2種風格都好味魚腩粥粥底好綿，魚腩都有好多舊魚肉新鮮，魚肉只有大骨，所以都算係啖啖肉炸兩都係必叫炸兩好脆，再自己落甜醬同麻醬，勁邪惡不知不覺一舊接一舊咁食薏米水啲薏米有大半杯咁多，真係好足料，飲哂成杯會勁飽

我最近同朋友去咗一間位於旺角食粥同埋粉麵嘅餐廳，呢度嘅環境好舒服，我哋叫咗佢哋幾道菜，同大家介紹一下牛腩米牛腩煮得軟軟哋，味道濃郁，仲有啲醬汁滲入米粉入面。鯇魚片粥呢碗鯇魚片粥好滑，魚片新鮮，粥底煮得恰到好處。每一口都可以感受到魚肉嘅鮮味，仲有啲香蔥點綴。魚片粥可以做到冇骨嘅效果，我就最鍾意食魚粥。瑤柱粥瑤柱粥比我意想中好味，瑤柱嘅鮮味好突出，粥底稠稠地，食落去有種暖心嘅感覺。非常適合早餐或者一個輕鬆嘅午餐。桑寄生旦茶桑寄生旦茶好特別，茶香濃郁，飲落去有種清新嘅感覺。加埋個蛋，一啖啖飲，心情都好好。

今日收工突然想食粥，一search就search到呢間盛記粥麵。所以就去試吓啦。未夠7:30已經去到，入面竟然坐滿晒人，出面仲唔少人等緊外賣。旺角有咁多間餐廳咁大競爭，都竟然會如此爆滿，睇嚟呢間餐廳都真係唔惹小。入到去環境非常之光鮮新淨，同一般古舊嘅粥店非常唔同。而且其實平時唔係好鍾意食粥，因為食親粥都覺得好熱滿頭大汗。但係呢度冷氣非常之強勁，食得好舒服。我哋叫咗招牌花菇雞粥，狀元及第粥，豬潤腸粉同埋炸兩。當中以花菇雞粥最為出色。十分足料，入邊有好多舊雞同埋有好大隻冬菇。而且粥底非常綿密，好香冬菇味同雞味。一定係煲咗好耐先至會成碗粥金黃色。及第粥都好有驚喜，又係好足料入面有好多豬雜，例如豬腸豬心豬潤豬肚，全部都大大嚿，唔似其他粥店咁散咁碎。食落口比起雞粥清淡。別有一番風味。腸粉啲豬潤都好新鮮，一啲怪味都冇，而且岩岩好熟，好嫩滑。腸粉包住大大嚿豬潤，食入口太滿足了😇最後個炸兩腸粉皮非常非常薄，可以透到入邊嘅油炸鬼出嚟，入口外軟內脆，而且大小剛剛好，啱啱好一啖食得晒，非常完美。望到隔籬枱食啲雲吞水餃都好大隻，搞到我又想下次嚟試吓啲唔同嘅嘢添😋😋

今日就同朋友去咗盛記粥麵 餐廳有優選套餐, 可選擇一款正價粥麵, 再加配小食及飲品盛記招牌雲吞撈麵廣東鮮蝦雲吞超級大粒, 入面包滿蝦肉, 同少量豬肉碎, 包成金魚尾巴形狀, 用左大地魚湯底, 夠唒正宗, 撈麵彈牙脆炸兩腸粉軟嫩有彈性, 包住脆卜卜既油炸鬼秘製豬軟骨河粉豬軟骨炆到好腍身, 河粉嫩滑, 湯底惹味蒜香南乳炸雞翼拼炸鯪魚球雞翼外層炸到金黃香脆, 雞肉好香南乳味, 肉質juicy嫩滑,鯪魚球幾大粒, 咬落彈牙, 點埋蜆介更鮮味養顏桑寄生蛋茶味道清甜, 容易入口, 夠唒滋潤豆漿豆味濃郁, 入口香滑

最近去咗旺角的盛記粥麵，晚上8:00幾仲有幾多人，餐廳都幾熱鬧。本身想食生滾粥，但入到去就被香噴噴的雲吞麵吸引，於是決定轉咗食雲吞麵。我點了一碗雲吞撈麵會跟一碗清湯俾你，叫套餐就可以加配小食或腸粉，同野飲！呢碗湯的底是用大地魚、蝦殼、雞骨、金華火腿和羅漢果熬製而成，味道真係超香！我比較鍾意將麵擺入湯度食，感覺好味d。雲吞的皮薄，裡面的蝦彈牙，口感唔錯，味道偏濃。套餐可以加配油菜或小食腸粉，我叫咗豬潤腸粉，幾特別，這是我第一次試，豬膶都幾嫩！飲品方面，我選咗薏米水，佢地自己煲，裡面有好多料，飲落去偏濃！有d 似糖水不過就唔甜

木枱同暗燈有種舊香港feel，坐低即刻想chill住食一餐。炸醬撈麵麵條彈牙，拌勻後微甜帶點鹹，夠晒滿足。花菇單點一份，厚實多汁，燉得入味，咬下去菇香四溢，幾有型。牛筋撈麵湯底清爽，牛筋軟糯得啱啱好，。蝦腸皮薄內嫩，蝦肉彈牙，蘸醬油簡單又正。服務態度OK，上菜快，但店仔細細，座位逼咗啲，旺角人多時坐得唔夠鬆動，影相有時要避人。油煙味有陣飄來，唔係好舒適。100一個人略貴咗啲，食量大嘅要多叫幾款。潮人夜宵點，值得一試但唔係完美。

盛記粥麵嘅粥麵食物水準高，深受食客歡迎，店內整日都座無虛席。今日就帶咗朋友過嚟試吓！盛記招牌雲吞麵：湯底係用大地魚、蝦殼、豬骨、金華火腿、羅漢果熬製而成，味道又香又鮮甜。雲吞餡料就用肥、瘦豬肉、鮮蝦仁，再加入大地魚碎、蛋黃和調味包成，皮滑蝦爽，麵條彈牙。盛記艇仔粥：粥底綿滑，配料豐富，有海蜇、新鮮魚片、魷魚、瘦肉、花生等，口感層次豐富。湯水餃：餡料飽滿，有蝦和木耳絲，食落特別爽口。鮮蝦腸粉：腸粉既皮又薄又滑，包住大大隻爽口嘅蝦仁，加埋甜豉油，滋味無窮。凍豆漿不會太甜。凍啡夠香濃。

有朋自遠方來！身為主人家嘅我，梗係要一盡地主之誼，帶朋友仔周圍飲吓食吓，等佢留返個好印象😎 諗起最具代表嘅港式食物，除咗奶茶同蛋撻，一定係 #雲吞麵。呢日我就帶朋友仔嚟到 #旺角 一間老牌粥麵店「盛記粥麵」，比佢體驗吓地度風味，同埋試吓 #小秘書必食之選！我哋叫咗兩個優選套餐…*主食*#鮮蝦雲吞麵 - 湯底熱辣辣充滿蝦子嘅鮮味，麵條爽口，配埋大大粒嘅鮮蝦雲吞，一啖一口，鮮蝦餡料嘅鮮味喺口腔一次爆發出嚟！怪不得咁多捧場客💪🏻#及弟粥 - 即熬嘅粥底，加入手功豬肉丸，彈牙爽口🤤 而佢哋嘅廚師絕對唔馬虎，豬膶、粉腸，同其他豬什都洗得好乾淨，入口鮮甜得來唔會有腥味🤪*小食*#蠔油炆冬菇 - 成隻BB手掌咁大嘅冬菇，好有咬口🤤 蠔油汁浸晒落冬菇入邊，炆得非常入味🤤#炸鯪魚球 - 即炸嘅鯪魚球，充滿魚油嘅酥香味，配埋蜆蚧汁一齊食，非常惹味🤤*飲品*#豆漿 - 食咗咁多嘢，當然要配杯豆漿味中和一下味蕾，香滑嘅豆漿，正呀喂！傳統嘅美食真係買少見少，加上小店嘅人情味，連朋友仔都話very good呀！📍 #盛記粥麵 (旺角) 花園街3-5號鴻威大廈地下11號舖

原來盛記响旺角開左分店😍😍之前响佐敦做嘢經常都幫襯盛記，雖然價錢比一般麵檔高少少，不過質素同份量都係有保證嘅～牛筋撈麵 ⭐️⭐️⭐️⭐️ $52 比起牛腩我更鍾意食牛筋，煙煙韌韌，唔黐牙幼麵唔會太硬或太淋，撈麵大大碟，夠哂飽肚😊小食加左冬菇 ⭐️⭐️⭐️⭐️⭐️ $34呢個冬菇都係必食嘅！冬菇厚肉又煮得夠腍，好滋味桑寄生蛋茶 $14 ⭐️⭐️⭐️⭐️飲完真係暖笠笠，滋補又養生，唔會太甜啱哂我🧡盛記嘅粥同湯麵都同樣好食，新裝修環境都幾唔錯👍🏻

旺角街頭的店面不大，卻有種老香港的溫暖氣息。木桌椅與昏黃燈光交織，像是時光停駐的角落。用餐時，炸醬撈麵端上桌，醬香濃郁撲鼻，麵條彈牙，拌勻後每一口都帶著微甜的豆香，簡單卻令人滿足。花菇單點一份，菇肉厚實，燉得入味，咬下去汁水四溢，帶點淡淡的醬油香。牛筋撈麵湯底清而不淡，牛筋軟糯，入口即化，與麵條搭配得恰到好處，溫暖了整個胃。蝦腸作為小食，皮薄爽滑，內裡蝦肉彈牙，蘸點醬油更顯鮮味。桑寄生茶清熱解渴，微苦後回甘，像午後的一場小憩。豆漿則溫潤順口，帶著豆香的純粹，作為結尾再適合不過。服務員態度親切，會主動問需不需要加湯，上菜速度快，熱氣撲鼻時端上，讓人感到窩心。

老公鍾意食雲吞麵，行開旺角見到呢間盛記好似幾光猛又幾乾淨，就入去試吓估唔到有粉面餐，都幾吸引我哋叫咗雲吞麵，及第粥老公話雲吞麵有童年味道，雲吞唔算大粒，但蝦好爽，仲有好香蝦子味，麵質爽彈，$41算係好抵。及第粥粥底好綿，材料新鮮，而且都幾大碗。小食叫咗蝦腸，南乳雞翼配鯪魚球特別喜歡南乳雞翼，醃得好入味，而且炸到脹卜卜，但唔會好油。最驚喜係飲品，加$6就有薏米水，加$14有桑寄生蛋茶薏米水好足料，有薑味，好温暖桑寄生蛋茶都好濃味，隻蛋仲入晒味添，$14就有得加，真係超值！總括嚟講有驚喜，而且唔貴，又乾淨同坐得舒服，有香港特色，適合帶外國嘅friend試吓。

好趕時間，花園街睇有咩平同快既餐廳，入左呢間門口乾淨既盛記因為要快，無時間睇餐牌，所以叫左最簡單既雲吞麵，本身無期望，但上台時個外觀已經吸引，有趣的是麵係放在雲吞上面，揭起麵，見到雲吞皮透出入面既蝦，咬一啖麵好爽同彈牙！雲吞皮好軟滑，蝦好新鮮！禁既質素只係$41，好超值！好食過大牌子見到個樣好靚，忍唔住咬左啖麵先影相佢本身係完整的，並唔係碎既！另外見餐牌仲有蝦子撈麵，隔離好多人叫，下次都可以食下！