3
2
0
港鐵黃竹坑站B出口, 步行約2分鐘 繼續閱讀
電話號碼
25553706
營業時間
今日營業
07:00 - 17:00
星期一至日
07:00 - 17:00
付款方式
AlipayHK 支付寶 現金
其他資料
電話訂座
當面支付
食評 (5)
等級3 2018-08-04
1718 瀏覽
今朝要去黃竹坑值做野,係個邊,人生路不熟,隨便搵左間餐廳醫肚。睇餐牌,都係平日茶記個d西式早餐,我揀番我最愛既沙爹牛肉麵,可能地區問題,價錢比我平時食既平d。煎蛋、方包呢d,同平時食既都無乜分別,只係覺得份餐肉煎得乾左d,乾過我荷包。。沙爹牛肉麵:講左牛肉先,好多餐廳會整得啲牛肉碎濕濕,但呢度無呢個問題,牛肉係一塊塊,啲汁唔會煮得過咸,撈埋啲面好好味!特別想講呢杯奶茶,係我鍾意飲果種有掛杯嘅奶茶,好有茶味,為我呢個懶洋洋嘅返工日醒一醒神,唯一唔好嘅係個茶杯啲茶漬有啲扣分。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-05-21
911 瀏覽
今天到黃竹坑上TRAINING COURSE, 場地位置處於工業區,因此四周可說「一覽無遺 、空空如也、冇飯食。剛巧走過工廠大廈看到此店的大門,所以決定一試。因為吃飯的時間比較晚,已經是下午2點左右了,所以牆上ABCDEFG午餐大多都售罄了。迫於無奈只好隨便叫了一個下午茶試試。下午茶乾炒肉片河33蚊,還算公道,看上去份量也不少。不消3分鐘,伙記便由廚房拿出一碟炒河。放在桌上,香氣撲面而來,充滿茶餐廳的鑊氣。輕輕咬了一口,雖然油比較多,但味道也不錯,炒河吸收了醬油的美味,十分香口; 肉片也十分有豬肉味。由於肚餓的關係,忍不住大口大口吃了起來。很快就食完整碟炒河了,不禁有點依依不捨,同時想大呼一聲「好味道」。吃完口喝了,又喝了一口奶茶,即時有透心涼的感覺。總結來說,平得來十分好吃,十分推薦。 繼續閱讀
(以上食評乃用戶個人意見 , 並不代表OpenRice之觀點。)
等級2 2016-05-05
2272 瀏覽
環境:工業區飯堂,傳統茶餐廳佈置,乾淨企理最緊要。價格:價格公道,返工首選。同區有不少中產餐廳咖啡店,但若日日食成七十幾九十蚊一個午餐,搵幾多都唔係辦法。呢到午餐係一半價錢,唔帶飯出街食都唔肉赤。食物:咖哩魚柳飯。咖哩夠香夠濃,唔會死辣,仲有少少椰香。龍利柳肉嫩皮脆,肉夠厚皮夠薄,一切開仲有煙,小心燙嘴!飯就茶記一貫水平,撈埋汁,一粒飯都冇剩。服務:有禮貌的侍應真係買少見少,始終做打工仔街坊生意,特別窩心。 繼續閱讀
(以上食評乃用戶個人意見 , 並不代表OpenRice之觀點。)
等級4 2011-05-18
1140 瀏覽
四月上旬‧陰天來這邊跑,早了到,找個地方寫點東西。時近五點,已經沒有幾多客人,就來一杯熱咖啡。咖啡夠熱,濃郁但帶點苦味,用上玻璃杯盛上其實比用厚身奶茶杯感覺更好。坐了個多小時,剛好。咖啡十元,要多件多士也只多四元,不過吃不完就是吃不完。 繼續閱讀
(以上食評乃用戶個人意見 , 並不代表OpenRice之觀點。)
等級4 2010-02-11
922 瀏覽
去了黃竹坑辦事, 然而南朗山道熟食市場已經食到悶. 附近呢, 工廠大廈不少, 不食大排檔, 就入黎呢D飯堂, 快快趣.一行入去, 友善的大叔已經大叫 "師父, 埋邊坐" 發覺他總愛叫男的做師父, 而有女既入黎就叫佢做靚女. 他再過黎問我 " 師父, 食乜呀". 我看看牆上大字報, 找出是日快餐, 其中一個是梅菜扣肉. 就方面快捷而且應該好味, 加多一杯用Black & White 沖既奶茶, 盛惠$28. 非常之經濟.先來的是奶茶, 伙記哥仔說要俾錢先, 沒問題. 再看一下收銀處, 原來是先付款的. 現在在家習慣了無糖奶茶, 出到黎飲番港式奶茶, 想不多加糖, 但始終味道太濃, 雖奶香極重, 但仍有少許苦澀味, 加糖飲, 中和一下, 才是港式奶茶的好味道.梅菜扣肉飯, 如圖, 一看便知這並非扣肉, 只是一個鹵水腩肉. 梅菜幾香既, 而且濃味既扣肉汁用來撈飯, 一流王極. 唯一不好的, 就是塊肉, 不是正宗的扣肉整法. 不過, 少了肥肉, 口感要健康D既.快快食完, 回公司去, 搞好D事之後......下班最重要. 繼續閱讀
(以上食評乃用戶個人意見 , 並不代表OpenRice之觀點。)