盛宴 - 輝哥私房菜 (已搬遷)

原來除左印度會之外，仲有菲律賓會。朋友得知呢度除左有得BBQ之外，仲有間私房炒小菜添！今次由佢帶路帶我食好野喇！餐廳仲對住個大草地可以睇人玩滾球添。上到去一樓，哇，估佢唔到，以為太隱藏無人知，點知可以坐滿哂人？🤨哇！叫左幾款招牌小菜同燉湯。生磨龍皇大杏燉豬肺😋鐘意杏仁味就岩哂，呢個湯既杏汁味夠哂濃味，好香。豬肺夠新鮮足料，個湯好香濃，鮮甜。唔會話有陣腥味！金蒜脆皮德國豬手好大份既豬手，炸到好香脆，個皮脆卜卜，好惹味！豬手唔會話好鞋肉，又幾嫩。同唔會過鹹。椒鹽九肚魚即叫即炸，炸到金黃香脆。個炸粉薄薄一層，九肚魚食落好香。幾好味！燒汁牛魔王牛肉粒好惹味，加左啲黑椒，紅黃青椒一齊炒，夠哂入味。牛肉粒都幾嫩肉，牛味濃，幾開胃。金磚豆腐粒賣相炸到好靚既金磚。豆腐很滑，加左啲調味粉，令到食落好惹味，外脆內嫩，香滑十足…查看更多

今日同一位朋友去左食飯聚下舊呢位朋友係外國返黎，自不然成日都想食中菜佢話前排同屋企人去左一間會所既中菜廳食過生日飯覺得幾唔錯，於是就決定帶我去試試咁話喎原來佢介紹既係位於菲律賓會所入面既「輝哥私房菜」佢地址係京士柏衛理道10號，就係香港華員會既隔離唔算太難搵餐廳格局有啲似舊式酒樓，侍應服務好好，雖然係有少少上左年紀，但禮貌非常好👍🏻【粟米羹】粟米香甜飽滿豐富，蛋花綿滑唔會鞋口。湯羹唔會太稀或太杰，剛剛好❤【紫蘿咕嚕肉】咕嚕肉外皮炸得酥脆，無油益味。肉質鬆軟帶肉汁，唔會太乾。配合埋咕嚕醬汁酸酸地，幾好送飯，唔錯👍🏻【招牌避風塘九肚魚】平時係大排檔食九肚魚一定係原條或半條上。呢度既避風塘九肚魚既肉身起肉然後拎去炸，食既時候唔會食到條大骨同埋都避免左好多細骨~雖然細骨可以食到落肚，但會影響口感九肚魚好香口~夾埋炸蒜粒真係幾唔錯，記得點埋喼汁食呀，仲惹味🤤【金蒜脆皮德國豬手】首先佢真係幾大隻下🤤 豬手皮炸到好脆口之餘又不失佢應有既膠質口感~個種口感係正到令你忘記咩叫卡路里😂豬手肉咸香味十足，唔會刻意整到佢啲肉勁淋，要帶少少口感先至好食架嘛👍🏻【燒汁牛魔王】牛柳粒比想像中好食~燒汁甜甜地，牛柳粒充滿左牛肉味，仲幾淋身👍🏻…查看更多

呢日去左菲律賓會入面原來有得bbq 仲有私房菜仲要平日晚市都勁爆場 可能要訂位⭐️金蒜脆皮德國豬手$158呢個份量好多 豬手豬皮位做到勁脆入面肉都軟 唔錯 最好幾個朋友仔一齊分⭐️盛宴小炒王⭐️招牌避風塘九肚魚$98呢個做法好特別 做到勁脆 粉唔厚 似魚皮 勁香口⭐️燒汁牛魔王牛柳粒做得幾鬆軟 外面有好多青豆爽口⭐️生磨龍皇大杏燉豬肺個湯好清甜 好好飲整體呢間足料 質素都唔錯.盛宴 - 輝哥私房菜 (油麻地)油麻地京士柏衛理道10號菲律賓會所3樓…查看更多

今晚朋友約我黎呢間私房菜食下廣東菜。呢度係菲律賓會所入面三樓，星期六晚生意幾好，氣氛熱鬧啊。私房菜當然就係無餐牌，朋友係熟客所以就由佢安排啦。好快就上左呢個湯，好足料好濃味，仲有有花旗參添！跟住係呢個金磚椒鹽豆腐，外面炸得微脆，黃金既顏色，灑上椒鹽，熱辣辣超正。然後就見到枱枱都有既鹹豬手，超正啊好大隻，已經切好一塊塊方便夾。肉質唔鞋，鹹豬手味道當然就係適量既鹹啦。香氣四溢啊。跟住有生炒骨，酸甜可口，每粒都夠脆身，咬落好爽，啲菠蘿同三色椒都好正啊。最後有呢個薑汁芥蘭，食落係甜架好正，無曬芥蘭本身啲草青味真係不得了！咁好送，我地都係忍唔住叫左碗飯share，配合呢幾味咁好味既送食簡直完美超滿足！…查看更多

最近好開心同老公仔一齊準備放大假為咗慶祝開心星期五，決定食間好好食的中餐！呢間餐廳好特別位於菲律賓會嘅會所裏面，食飯的時候面向綠草如茵的草地滾球場！立刻胃口都大開。生磨龍皇大杏燉白肺：最近工作辛苦點都要攞碗湯補一補，一上枱杏香馥郁，白肺湯呈現柔和的奶白色，滋潤養顏⋯⋯鮮甜無比。真係唔飲唔得！必要之選。盛宴小炒王：非常有鑊氣，裏面嘅材料多元化得來樣樣都是精品～腰果、韭菜花、大蝦乾、魷魚。餸酒餸飯一流～～燒汁牛魔王：燒汁灑在炒得剛剛好的嫩牛柳粒上面，再配上五顏六色的彩椒洋蔥，又好美味，又特別。椒鹽九肚魚：表皮酥脆，內裏魚肉可口。入口即化！好味好味。金蒜脆皮德國豬手：豬手的肉質會更嫩滑，外層又脆又煙韌。肉汁豐盈。咬落去鹹鹹香香。完全估唔到一間蘊藏起菲律賓會嘅中菜餐廳有咁出色嘅水準～如果有機會一定會再過嚟食多一次。…查看更多

朋友約食蛇，身為吃貨嘅我緊係去啦。我地一行6個人去食(半圍)，去到先發現原來間餐廳係菲律賓會所裡面🤨🤨🤨佢地好特別，得兩個上菜時間，一個6：30，一個8點，我地揀咗8點上菜。佢地有包6罐飲品，同前菜(花生)。 上湯焗海蝦配脆脆米粉我本身對蝦麻麻，但佢都好好吃，不過我比較中意佢嘅脆米粉，中間位置吸晒啲汁，邊邊好脆，非常好吃。百花五蛇丸佢好入味，唔需要點醬汁，仲會見到切到一粒粒嘅蛇肉。 菊花太史五蛇羹飲完真係成身暖笠笠。 佢好大鍋，計起上嚟每個人可以至少飲兩碗。佢好多料 蛇汁菜膽雞啲雞勁滑，就算係雞胸肉佢都好滑。真係食完一舊接一舊。 古法羊腩煲啲羊肉好嫩，份量又多，啲支竹仲要吸飽曬啲汁蛇湯灼唐生菜無特別味道，似白灼多啲，不過可能因為其他餸比較濃味啲所以影響咗。 北非花膠花菇扒菜膽好多花膠，啲花膠同冬菇入曬味 清蒸沙巴龍躉條魚蒸到啱啱好，6個人食其實條魚唔算細。 生炒臘味糯米飯個飯好香，又夠味，我地個個話飽都繼續係咁食。🤣🤣 精美甜品，環球果盤佢地仲有甜品同果盤，不過兩樣都唔記得影相。甜品係奶凍，唔太甜，我中意，不過質感好似大菜糕，硬硬地咁。 生果就係火龍果同哈密瓜。…查看更多

放工同事請食飯，一行三人嚟到公司後面呢間私房菜，之前公司做節都食過佢嘅蛇宴，味道唔錯，而且真材實料。燉魚頭湯味道非常鮮濃，除咗大頭魚，仲加入咗雞腳同瘦肉，藥材味大部分都被掩蓋，非常易入口，我一個人飲咗兩碗。據說呢個湯可以去頭風、醫頭痛，啱哂我哋呢啲成日捱夜嘅人。炸德國豬手份量都幾多，皮脆肉嫩，入口一啲都唔乾，保留肉汁，面頭灑上炸蒜更加惹味，細細件一啖一件，非常香口。另一道香口小吃係椒鹽九肚魚，同樣外脆內嫩，椒鹽份量適中，香口惹味，令人食唔停口。黃金蝦炸得非常酥脆，脆到可以連殼食，外皮被滿滿嘅鹹蛋黃包住，係極度邪惡嘅味道！另外必須一讚嘅係涼瓜，先切成條狀，包漿炸脆再加鹹蛋黃炒，鹹蛋黃嘅鮮味令人完全忘記涼瓜嘅苦澀味，非常有水準。甘甜嘅芥蘭配上辛辣嘅薑汁，一拍即合，薑汁唔單止去除芥蘭嘅草青味，仲令芥蘭食落更清甜可口。輝哥私房菜水準高質素好，難怪雖然匿埋喺印度會入面都咁旺場，嚟過兩次都座無虛席。…查看更多

團年好多時都會叫盤菜，因為方便不用諗！每次都需要食幾餐團年飯，今次第一餐係[輝哥私房菜] 一品龍蝦盆菜!屋企人見到有優惠$699價錢吸引就試叫 6人份量的一品龍蝦盆菜!加多$100$799就多左鮑魚 。佢哋可以加錢送貨或者自取，自取地點都有幾個我就選擇咗去自取，菲律賓會都算方便！因為我係叫六人所以都唔係太重，12點後就可以去攞，佢哋啲盆菜都算衛生，係放喺個雪櫃裏面再攞出嚟。我地叫了極上龍蝦盆菜，裡面有包括18款食材，波士頓龍蝦 ，花膠，北海道帆立貝，農場走地雞，蠔豉等，魚旦，豬皮，蘿蔔，芋頭依啲唔小得。最驚喜係有原隻德國豬手。味道ok ,唔係好重味濃味，平時食盆菜好多時都會覺得好多味精，越食越喊因為汁越來越濃。佢地都唔少得額外會比一啲湯汁你係加熱時加上，輝哥啲汁唔會覺得越食越口乾！我自己好怕食盆菜咩味都食唔到，所有材料都只係食到一種味道！但係今次嘅盆菜係可以食到每樣食材自己本身嘅味道。呢樣係值得讚隻豬手煮得非常入味，又夠淋原隻自己切開好正其他材料都係正常，當然龍蝦係雪藏唔好期望好高，依個價錢絕對合理。…查看更多

同朋友一共6人,喺噚(18-12-2019 Wed)晚嚟食蛇宴,菜色有:1. 蛇羹蛇肉唔算多,自己唔加胡椒粉都已經食到佢嘅味道,都幾重手.2. 大蝦脆米粉米粉都幾脆口, 大蝦正常冇問題.3. 蛇丸大大粒熱騰騰,但成個蝦膠有好多,蛇肉唔多.4.-5.唔知咩雞同生菜OK,正常.6. 花膠扣冬菇軟硬適中,但我食到冬菇有啲苦.7. 羊腩煲睇見啲汁就知味道好濃,羊肉炆到啱啱好,唔錯. 8. 蒸清斑蒸得啱啱好,肉滑. 9. 糯米飯放低後我嗅到好香,食落,口慼都唔差,味道亦OK. 10. 甜品~椰汁糕味道係唔錯,但口惑有啲似膠.11.生果正常冇問題.3.42分…查看更多

在佐敦衛理道，QE 旁邊的菲律賓會所，有間「輝哥私房菜」，如不是朋友帶上來，真不知道這間隱世餐廳，因鄰近QE，所以平時有很多醫護人員幫襯。「輝哥」在3樓，1樓是BBQ 燒烤場，2樓是宴會廳，其實全幢都是同一間飲食集團。3樓的「輝哥私房菜」面積不大，像一間普通的舊式酒樓，如坐窗邊位，可飽覽翠綠的草地滾球場，視野遼闊。當晚，見到有幾圍枱在食蛇宴，好似很好食，下次要叫埋家人一起來食蛇宴。《招牌避風塘九肚魚》$98 這個招牌菜之一，剛剛炸起的九肚魚，又香脆又軟腍，炸粉很薄，最難得是九肚魚完全無骨，魚肉幼滑，這味餸值得推介。《紫蘿咕嚕肉》$88 咕嚕肉是很普通的菜式，但能煮得好食亦非易事，一般酒樓的咕嚕肉不會加紫薑，但這碟咕嚕肉加了酸辣的紫薑，更加好味，除了紫薑，還有菠蘿、洋蔥、三色椒一起煮，鮮甜醒胃，咕嚕肉肉質新鮮爽口，粉漿只是薄薄的一層，入口鬆軟。《盛宴小炒皇》$118有蝦仁、蝦乾、白飯魚乾、魷魚、金華火腿絲和腰果，加韮菜花一起炒，夠豐富，有鑊氣又有嚼勁。…查看更多

唔好以為菲律賓會所只有菲律賓人，其實大部分都是中國人，入埋會又可以多多優惠美食，呢度食物美味，環境一流。而家仲招收緊會員。有中西式美食私房菜丶又有BBQ任食，而且環境優美，私人會所即是私人會所⋯無得傾😬環境優雅，坐位舒適大自然的綠柔柔環境，眼睛👀的舒服，人也覺得舒暢🥰南北杏🐔腳瘦肉豬肺湯——煲得夠火喉，清甜好味，連渣都食哂😋😋生炒骨——-生炒骨雖然是一個大部份人都喜歡叫的食物，但如果要做得出色，都考師傅的功架同技倆，這𥚃的師傅當然了得😋味道適中，炸得有咬口，有口感，最鐘意佢加咗子薑一齊炒，味道零捨好味，外邊大部份食肆好小用子薑，大多數是羊蔥，紅青椒菠蘿🍍，呢度隨咗有呢個D配搭，加左子薑味道特別出色好味道⋯⋯😋椒鹽白飯魚🐟——-炸得脆口又夠鬆化小炒王——韮菜嫩，材料足丶有🦐乾，🦐肉、鮮尤、菜鋪、腰瓜、等等............腰果食落金香鬆脆，其他配料亦炒得軟熟有口感⋯⋯炸🐷手——-皮脆肉厚，香嘖噴，好味道⋯⋯需然見到佢地好忙，但服務一樣甘好招呼又係一個放假地方的好去處👍👍👍👍😋😋…查看更多

#菲律賓會入邊有好嘢食一直想食下私房菜，於是上網捜集資料，無意中發現菲律賓會內有間中菜私房菜館，一於去試下！ 餐廳位置比較隱蔽，位於伊醫後邊，花了一些時間先搵到！私房菜館雖然位於菲律賓會之內，主打的卻是中式小菜，內部裝修像酒樓，環境企理，另一邊有視野廣的落地玻璃，可以見到遼闊的草地滾球場，可以散叫小菜，也可以讓店家視乎人數調整菜式和價錢!盛宴小炒王 ($118)先來的是盛宴小炒王，由多種配料炒成，目測有鮮蝦, 蝦干, 蝦米, 腰果, 鮮魷魚, 叉燒, 咸酸菜, 脆魚仔, 韮菜花等，炒到乾身有穫氣，香口味美。椒鹽九肚魚 ($98)炸粉很薄，香脆爽口，這款椒鹽九肚魚開了邊去了骨所以看來也較薄, 但也更香脆! 生磨龍皇大杏燉豬肺 ($168)送到時已經傳來一陣杏香味，沒有奶白色的顏色，反而有白色杏粒浮面，感覺真材實料，無味精，而且幾甜。燒汁牛魔王 ($118)牛柳粒炒得好，乾身，又腍又滑，外層煎至金香，仍能鎖緊當中的肉汁! 豆角則爽脆，不會太硬。金蒜脆皮德國豬手 ($158)大大的一隻豬手！外皮脆卜卜，咸咸香香，中間口感鬆化。已經切好，配上金蒜，味濃有咸香，一流！入餐廳之前其實有段小插曲，餐廳除了私房菜，原來還有燒烤部，低層是燒烤部，我們誤會了，以為該層就是私房菜餐館，引起了一陣誤會，幸好店員態度也不錯，教了我們如何前去私房菜部。總體食物質素好，值得回頭光顧。…查看更多

早已經聽聞喺衛理道嘅菲律賓會有好嘢食， 雖然會所位置唔算十分方便， 但我相信好野食係要尋歸底， 所以行遠少少都要同朋友嚟試下輝哥的手勢。 雖然餐廳位置較遠但係好處就係景觀環境開揚， 坐窗邊可以見到人哋燒嘢食又或者玩草地滾球， 要喺市區望到大草地都唔係易事。 餐廳裏面嘅佈局跟一般時常嘅中菜館分別唔算好大， 但位置闊落好坐， 一大班朋友嚟到都可以坐得好舒服。 花旗參石斛湯 食得私房菜， 用料梗係有番咁上下。 輝哥賣嘅湯，全部都係燉湯，全部都係要時間。 呢道花旗參石斛湯， 一睇就知隔油功夫做得好 ， 湯色清澈見底 ，而且正正適合依家秋天時分去享用，對口乾舌燥, 身熱煩躁都很有幫助，生津益胃滋陰降火。 椒鹽九肚魚 火喉拿捏得剛剛好，不會太熱氣 ，脆漿夠薄， 九肚魚入口好滑， 椒鹽味道恰到好處，鹹香得嚟唔會太過火。 盛宴小炒王 一睇就知啲材料勁多， 有腰果、鮮蝦、蝦米、魷魚、叉燒、菜脯、脆魚仔， 當然仲有韭菜花。 小炒王炒得好有鑊氣，加左少少xo 醬炒得乾身惹味， 腰果同脆魚仔勁脆食得過癮，而韭菜花亦都爽脆冇渣。 燒汁牛魔王 色彩繽紛，令人食指大動 ， 綠色嘅蜜糖豆似色嘅洋蔥紅色黃色嘅椒， 炒埋一碟賣相已經夠曬色彩 ，再者，牛魔王一食就知係和牛， 入口即溶，好味。 金蒜脆皮德國豬手 一睇就知份量勁足， 豬手送上枱時喺燈光嘅光照之下，顯得十分金黃。 豬手外皮勁脆口，食落又唔會覺得肥膩， 皮下脂肪就好似食嘅骨膠原，加上肉質軟淋， 中式餐廳未必有芥辣或者酸菜，但係亦都提供了少少喼汁，可以幫助消滯。 輝哥私房菜 地點雖然唔係方便就腳，但係 以食物嚟講，份量大堆頭，味道唔錯， 而且招呼到位， 無論係三四個朋友嚟，定係一家大細黎做節，都可以食得悠然自得。…查看更多

瘦編今日同大家介紹一間中式私房菜，位置係佐敦同何文田中間，伊利沙伯醫院後面，叫「盛宴 - 輝哥私房菜」。依間私房菜好岩家族聚會包一圍，或者伊記嘅員工放lunch過去食。🤣-今次點左兩道中菜試下，第一道椒鹽九肚魚非常鬆脆，廚房預先開邊去骨，所以魚身比較薄，相比坊間炮製嘅更加鬆脆又唔洗吐骨好方便，一開頭食落仲以為係炸魚皮tim。第二道即炸咕嚕肉外脆內軟，肉身多汁好彈牙，甜酸汁味道適中。⭐️-另外再配埋碗老火中湯一流。個view係一大片草地運動場，望落非常舒服。😍-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌑 (4)回購評分▶️️️🌕🌕🌕🌕🌑 (4)-➡️盛宴 - 輝哥私房菜 (油麻地)📍油麻地京士柏衛理道10號菲律賓會所3樓-…查看更多

在油麻地跟佐敦一堆不同國家會所的當中，菲律賓會所有著一家隱世的中式餐廳，輝哥真的不易找，即使去到了菲律賓會所還要入內，走上數層才找到。有著中式酒樓的裝潢杏汁白肺湯　很濃郁的雞湯味，雞腳被炆至一咬即化，湯底帶點杏汁的濃甜，好喝～很招牌的豬手，有著非常多的骨膠原，皮炸得脆而完全不韌，而且肉的份量超級多，加上脆爆炸蒜真的很不錯小炒皇有韮菜跟蝦乾　腰果，吊出很濃郁的咸香～炒牛柳粒　跟洋蔥　四季豆　蘿蔔同炒，一般中菜式的煮理法椒鹽九肚魚　不知有多久沒吃過這道菜？令人懷念的一道菜呢！…查看更多