益新美食館

營業中

休息中

分兩輪。6:00到空無一人。撞到一百歲嘅friend。訂咗魚腸經理話全日都冇，之後又改口話俾人哋嗰個我哋。假到爆。蜜汁叉燒瘦中帶肥，西檸雞檸檬味係嘉頓夾心餅嗰隻檸檬味完全唔酸幾得意，第一次見蟹肉大良炒鮮奶落蘑菇，雖然冇特別襯定唔襯，鳳凰焗魚腸有啲似山竹牛肉球，沙嗲秋葵鱔片好普通，冇晒桶蠔換咗廣島蠔都認真唔錯，柚皮太淋同埋有啲怪味，章魚鴨汁雞肉焗飯焗竉咗，而且又係搵蘑菇亞位，其他料都好少。走嗰陣時座無虛席，都唔知點解。

開心聚舊，傳统中菜，服務不錯，大師父的味道。 平時食慣商場裏嘅中式酒樓，今次真係試到什麼是傳統中菜的味道！1）小食推介，家鄉灼珍肝，喜歡鵝肝的朋友，可以試下這鹵水雞肝，唔錯。2)鹵水叉燒，肥瘦啱好，肉汁入味4) 炒腎球， 好爽，唔韌。 出乎意料。3)足料冬瓜盅， 其他餐廳冬瓜盅，飲到第二碗嘅時候已經淡茂茂。今次，我飲到第二碗湯汁都有點鮮味。 與眾不同！5) 炒鮮奶，滑！6)家鄉鹹魚煎肉餅，好有鹹魚香味，而且肉汁保存到，高手。7）推介： 炸檸雞，好香檸檬香味，外皮脆，雞肉嫩滑。8） 羌絲 菜遠牛肉，牛肉香，且嫩口，生菜脆甜。9）白鱔煲， 夠火候，熱辣辣10） 壓軸推介： 家鄉米鴨，皮脆，皮下沒有脂肪，肉質好實，嘩，真係好難抗拒食多啲。11） 最後食番個菜，完美！

一定要食《焗魚腸》，唔係度度都有得食，如果唔預訂，未必有得食。的確係做得好出色，冇腥味，入面放了唔少配料，例如陳皮，但又唔會蓋過曬魚腸嘅香味，出面層蛋亦焗得香脆。《叉燒》都唔錯，咬落去好肥美，鬆軟，絕對唔會鞋颯颯，唔會肥膩。《蟹肉大良炒鮮奶》亦係另一個推介嘅菜式，蛋加鮮奶本來已經好滑，再加埋蟹肉嘅鮮味，食到停唔到口。反而《蒸肉餅》就比下去了，需然係足料，肉亦好有口感，但重手左，好鹹，我地都食剩一大半。

呢度嘅鹽焗雞係相當出名嘅，慕名而來，雞肉滑嘅，唔係乾柴柴嗰種，鹹味啱啱好，不太鹹不太淡。賣相亦都相當唔錯，整體來講我會比8分以上！焗魚腸呢一道菜唔係度度有得食，呢度亦都整得相當唔錯，連我一啲平時唔食內臟嘅同事都食得津津有味，值得推介！其實個燒肉都唔錯，但係相比起鹽焗雞及焗魚腸就好似將佢比下去，顯得好普通。 仲有一樣值得睇，就係我冇擺相出嚟，其實這一個平平無奇嘅點心「蒸雞扎」，我好耐都冇食過一個雞扎係咁有雞扎味，真心推介，大家不妨試一試！

之前朋友群極力推介益新，係幾位仁兄都推推推，話叉燒、蝦多士、琵琶鴨、炒鮮奶都好味，搞到我心郁郁，於是我約咗2位閨蜜去試~我當初真係無留意佢係米芝蓮餐廳，價格係5便宜，咁既價格。。。服務應該有番咁上下。但佢地編位好求其，我地預先book 咗位，我先到。咁知客叫我坐一張只set 了2個位既枱，似乎佢地無預先編位。隔咗一陣，我既閨蜜到，知客竟然帶佢去另一張枱。好彩我望到，立即截住 fd。否則，各有各坐齊人啦~點菜~我地叫咗3款：1. 叉燒皇：件數算多，但食第一嚿。。。覺得中伏，我望望fd，佢都皺眉。結果佢食第二嚿時，忍5住講 “乜你d fd 推介咁既嘢“。因為叉燒係實實地，又5香口，最後為了5做大嘥鬼，我地都好努力食。。。但剩返一塊真係食5落2. 半隻琵琶鴨：我頭先特登google 下琵琶與燒。。。有咩分別。因為我覺得佢既琵琶鴨係皮脆，然後其他與燒鴨無咩分別。肉質無咩香味，又係實+黐牙罅，最尷尬係幾難撕咬得開。今次我真係食5落，放棄咗5-6件3. 金銀蛋浸莧菜：係最正常既一碟，所以清晒我5知點解朋友們係勁讚，但我卻覺得性價比超低。。。。我只好諗。。。廚師失手 or 今晚食材差咗

益新的琵琶鴨, 一段時間沒有品嚐, 質索不變, 份量看似更多 其中胸肉之厚比以前吃的更明顯, 我還以為琵琶鴨是因為較扁身的鴨型, 看似琵琶而稱為琵琶呢! 單純燒鴨而言, 鴨肉酥香多汁, 肉質實而不韌, 皮脆醬甜甘香, 名物始終就是名物, 當有些所謂名店連其首本名物也弄得一塌糊塗, 至少這裡在下多次品嚐依然保持水準.益新經典的粵式手工菜很多, 另一道我最近最欣賞的是鳳凰焗魚腸, 鯇魚腸爽而沒任何苦澀及雜質, 加上雞蛋及油炸鬼, 如布甸的外表但口感的層次, 是花了極多心機和時間在不名貴的結果, 比起匪味十足只有麻辣味的港式川菜, 更為難得. 益新的蝦多士和其他的不同, 也更有心機的是它將蝦膠作餡, 嵌入多士之中, 這樣不單外表更為統一而好看, 也令蝦肉不會容易地炸得過火, 當然沒有油膉味也是基本. 西檸雞和大良炒鮮奶這些經典也是水準之作, 五道菜連麵食千四元, 六人人均三百元也不用, 經典菜式手工精緻, 食材並不昂貴, 但味道和手工已能蓋過了食材的簡約.

今日齊人，一行五人聚在一堂熱熱鬧鬧地在此喫茶。隨便地點了瑤柱翠苗餃，韭菜味濃，肉味鮮，有口感。潮州粉果內的花生脆口而肉亦很鮮味。柱侯金錢肚清而爽，有嚼感。很滑的香茜牛肉腸，啖啖肉老少皆宜咬。 椒鹽魷魚鬚很香脆，慢慢咀嘴亦有味道。很清爽的鹵水鮮鴨脷，味道不濃亦不肥膩，好有嚼感。家鄉湯米裡放了肉絲和紹菜，味道配搭得宜，帶出清咁的味道，豬肉亦很爽，很有口感。最後的脆麻花很香脆但不甜。飯後今日齊人，一行五人聚在一堂熱熱鬧鬧地在此喫茶。隨便地點了瑤柱翠苗餃，韭菜味濃，肉味鮮，有口感。潮州粉果內的花生脆口而肉亦很鮮味。柱侯金錢肚清而爽，有嚼感。很滑的香茜牛肉腸，啖啖肉老少皆宜咬。 椒鹽魷魚鬚很香脆，慢慢咀嘴亦有味道。很清爽的鹵水鮮鴨脷，味道不濃亦不肥膩，好有嚼感。家鄉湯米裡放了肉絲和紹菜，味道配搭得宜，帶出清咁的味道，豬肉亦很爽，很有口感。最後的脆麻花很香脆但不甜。飯後至二時許大家也不願離席。

星期六下午來試 叫左8個點心 出面仲要話係米芝蓮推介 但唔好食又唔扺 價錢貴 埋單要成8百幾蚊 但食落同出面稻x 連鎖店差不多 1/叉燒 - 肉唔好食 肥肉太油 賣咁既價要用黑毛豬2/魚腸 - 話係名菜 但食落口唔知食緊乜 似食飯3/燒賣 - 難食又唔滑 好似壓縮左咁4/牛肉腸 - 外皮係靚 但肉同皮比例差 肉仲係鮮紅冰鮮肉5/金錢肚 - 味道不佳6/脆膳 - 炸到無味 蜜糖好假7/桂花糕 - jelly太多 唔特出 平平無奇8/菜苗餃 -唯一可入口服務係好 有禮貌 但食物真係唔值 我同區用一半價已經有可以好食好多既餐廳一定要黎食就請降低標準

與奶奶一齊lunch 去食點心我覺得益新大部分菜式都做得出色。每次必點蜜汁脆鱔$98Honey glazed Eel 鱔魚炸得香脆，再點上蜜糖汁。小朋友都好鍾意食。鍋貼蝦多士$95Deep fry minced shrimp on toast另一出色之作，多士上面查咗彈牙蝦滑， 咬落口並不油膩。招牌琵琶鴨$230 半隻Roasted duck in pipa style 半隻鴨三個大人分 好足夠，鴨肉多汁， 鴨皮好香脆。另外再叫咗幾個點心， 好滿足。

This restaurant never disappoints me. It’s my forth time visiting and I basically love every single dish I order. I had 8 traditional Guangdong dishes that night. Here are my favourites: 1. DuckThe skin is so crispy but not oily. And meat is very well cooked. Tender and juicy. This is a must-eat if you come here. I very much appreciate how they serve it warm. Sometimes, some other restaurants just leave it for too long before serving the customers. 2. Lemon ChickenThe lemon sauce is stellar. V

很久沒有到益新吃晚飯。四人限聚令下，只可點幾個最喜愛的菜式：家鄉米鴨、蝦多士、炒鮮奶、片兒麵。「家鄕米鴨」一向都是我的最愛。鴨肉十分嫰滑，既香口，又不肥膩。最不能錯過的是那些沾滿汁醬的配料，有雲耳啦，有金針啦⋯⋯外面沒有其他餐廳可以媲美！其他美食也是保持水準。唯一有少少美中不足就是...... 片兒麵浸在高湯中太久了，端出來時已經太淋，不過味道還可以。期待下次再到益新飲茶，吃點心（必吃灌湯餃）和家鄉炒米粉。

🤎益新🤎以前係灣仔翻工，老細成日都帶我地去益新食飯，呢間中菜館真係好好食，私心推介佢嘅叉燒皇，真係拍得住酒店嘅叉燒🥺🥺🥺。不過自從疫情後，真係少左好多去食，今次襯住爸爸生日就帶佢去食🙈 益新係有接近60年歷史的老店「益新美食館」，早年榮獲選「米芝蓮車胎人美食推介」。雖然佢有套餐叫，不過散叫係好啲🙊🤍大推！琵琶鴨半隻 好鐘意佢燒到好脆，同食落唔太膩👍🏻全屋都話好食🤍必食！蝦多士 超級好食，佢個炸粉唔會太厚，食到好分明嘅蝦同多士🤍蟹肉大良炒鮮奶雖然我係順德人，但其實我無返過順德🤣不過呢一個大良炒鮮奶真係好啱口味，不過我媽媽話食到最後覺得有啲漏🤍葡汁焗四蔬由於食得太多肉，所以點都叫個菜食下啦，不過平時媽咪都係係屋企整葡汁，我覺得好似自己整好食啲🤪但呢個都好食😋🤍生炒骨呢個生炒骨就有少少失望，首先佢個味道幾普通，同得太少肉，而且有啲鞋同乾，所以真係唔建議叫呢款我哋四個人食咗$1200-$1400，以上四道菜，再加一個湯，係有少少貴🥲不過慶祝生日嘛

星期日又係一家人去飲茶嘅時候。我哋其實來來去去都係去嗰幾間😄今日又去益新美食館。益新係老牌粵菜餐廳，屋企人鍾意食傳統點心，有情義結，所以成日都會去幫襯。➡️「明爐琵琶鴨」（$230）必食推介！我好怕食皮，好怕肥冧冧，不過益新嘅琵琶鴨，我係會食埋D皮嘅。佢哋燒到塊皮好有光澤，而且好香脆。肉質嫩滑又多汁，沾少少汁就更加令人食唔停口。➡️「鮮蝦腐皮卷」（$48）腐皮卷入面加左紫菜，有D新鮮感。蝦肉彈牙、鮮甜。另外仲加咗D芹菜碎同馬蹄碎，口感變得清爽。➡️「瑤柱菜苗餃」（$48）菜苗餃入面有冬菇粒、蝦仁同豆苗，瑤柱就唔係好覺有😅餃皮好薄，煙韌，就算凍左都唔會硬同實。燒賣、叉燒包同臘腸卷都係優良品質，我就唔再介紹喇。➡️「佛山燻蹄」（$90）燻蹄同肴肉都係老爺喜愛嘅食物。我自己就唔鍾意食嘅😅老爺話益新做得好食，而且份量大，我哋都食唔晒，要拎返屋企。➡️「益新三寶腸」（$70）三寶腸有：蝦腸、牛肉腸同叉燒腸。蝦腸麻麻地。D蝦好細隻同唔夠新鮮，有D霉霉地😓叉燒同牛就OK。餐廳裝修比較懷舊。疫情關係，枱與枱之間隔得好開，坐得舒服。我好怕同其他人坐得太近，連別人傾計內容都聽到嗰種🙅🏻‍♀️一班伙記都係做咗好耐，個個

益新都算係老牌食肆，立足灣仔好多年，餐廳主打粵菜，我地今次就試左唔小點心，全部都係即叫即蒸，有幾樣係值得推介： 蝦餃：蝦餃簡單易容就係皮薄餡靚，大力小小夾都會穿，餡料選用左新鮮蝦，彈牙得來好有口感，對比好多餐廳用急凍蝦，出來既效果好唔同，再點埋辣油食，真係絕配。 燒賣：燒賣餡料都係選用左新鮮蝦同豬肉，彈牙得來完全唔「實」。 蕃茄焗牛肉鬆飯：依個都算係佢地招牌菜之一，蕃茄味好濃厚，應該除蕃茄外仲加左蕃茄膏去焗，所以帶有甜味，焗既時間掌握得岩岩好，飯底完全唔乾身，撈埋一齊食，真係勁正，如果可以保留番多一D蕃茄既酸味，認為會更好。 整體來講，其他點心都做得幾出色，絕對值得一試。

上星期同朋友食晚飯，都是普通的味道。大良抄鮮奶買相不美觀，味道普通. 鹽焗雞太鹹. 湯就是最好，沒味精。枱同枱之間相隔有大空間。菜式及味道都是一般的。服務態度沒有問題。