67
16
24
港鐵灣仔站 B1 出口, 步行約3分鐘 繼續閱讀
電話號碼
28349963
特色
同客食飯
適合大夥人
附加資料
提供大量預訂菜色,部份菜色必需預訂。
營業時間
今日營業
11:30 - 23:30
星期一至日
11:30 - 23:30
付款方式
Visa Master AlipayHK 支付寶 現金 八達通 AE 銀聯 微信支付
座位數目
200
其他資料
Wi-Fi
酒精飲品
自帶酒水 詳細介紹
切餅費 詳細介紹
VIP房 詳細介紹
泊車 詳細介紹
電話訂座
外賣服務
加一服務費
海景景觀
Live Music
當面支付
以上資料只供參考, 請與餐廳確認詳情
招牌菜
大良炒鮮奶 古法煙倉魚 古法灌湯餃 西檸雞 琵琶鴨
食評 (119)
等級4 2022-07-17
787 瀏覽
禮拜日一家人去飲茶,家姐早響益新訂咗位,齊食懷舊點心點心 1. 叉燒包$25/件細細個,面層薄薄雪山皮夠鬆化,鍾意個叉燒餡唔會太多醬,包夠乾身,唔太甜,六個人分食2. 腐皮卷$19/件少見裏面有紫菜,減少油膩,多咗啲清新感。蝦肉鮮甜,一人一塊,煎炸嘢宜淺嚐即止3. 鮮魷$60特新鮮魷魚配蒜茸蒸,重有粉絲墊底,無得輸4. 金錢肚$55大平時好少食內臟,但呢度嘅牛肚炆得入味,食落又唔韌5. 雞扎$32/件好矝貴,因為一籠得一件,叫咗六籠,人人有份昔日嘅四寶滑雞扎重現眼前。全部真材實料,新鮮准山,雞肉,冬菇,魚肚,魚肚煨得不錯,好耐無食過咁腍滑嘅魚肚啦6. 牛肉球$52中侍應話牛肉係新鮮牛肉打成(食得出),加入馬蹄,口感鮮甜爽口燒味及飯:琵琶鴨$240/半隻益新招牌菜,賣相不俗,睇落有光澤,但又唔係油淋淋,用嘅米鴨,算得上皮薄肉嫩同幾juicy,啖啖肉,調味亦適中亞哥就話似燒鴨多啲,唔多似細時食兩面脆嘅感覺鱆魚雞粒焗飯$165(例牌)用砵頭焗,聽講係用鴨汁,加埋鱆魚粒,雞蛋,雞粒等,芡汁落得恰到好處,焗出嚟嘅飯唔會乾琤琤,面頭濕潤,下面飯粒分明同乾身,鴨汁撈飯,好好食甜點每樣兩件六人分享,充分滿足另一個胃嘅慾望1. 時令糕點(馬豆糕)$48比較普通,馬豆稀少。2. 西米焗布甸$55賣相不俗,唔不可以話唔好食,但感覺無細時食嘅西米布甸咁有質感,蓮茸係白蓮茸,食落有類似奶皇包果種奶皇味,感覺係味道較淡。3. 馬拉糕$48超鬆軟,唔太甜,味道不俗,如果加埋欖仁就更加好整體呢度食物水準屬高班,家人欣賞呢度食物唔鹹,味道同份量都適中,上桌快又新鮮熱辣,其實,呢度重有好多出名點心如鍋貼蝦多士,古法灌湯餃,蟹肉大良炒鮮奶,西檸煎軟雞等等,下次再同朋友嚟食過 繼續閱讀
(以上食評乃用戶個人意見 , 並不代表OpenRice之觀點。)
等級2 2021-12-12
3818 瀏覽
朋友請食飯,第一次光顧益新,都唔知道乜東東出名。每間餐廳,我也會留意侍應的服預態度。先說座位安排很好,侍應也非常有禮貌及友善,適時主動幫忙加水,值得稱讚👍🏻。上菜分階段進行,安排也細心。會再去。朋友預早訂了半只米鴨,怕沽清。一入口,有驚喜,鴨油香,肉軟滑,好味😋。椒鹽炸豆腐,皮脆肉軟,真心好食。蒜蓉豆苗不馬虎,全豆胚,鮮甜嫩滑。蟹肉炒鮮奶,蟹肉新鮮令炒鮮奶整體提升。凌魚潤腸卷,潤腸有點咸,凌魚肉再淡少少及厚少少,就可以平衡一點,配白飯就非常啱。京都炸雞,就不用試了。下次可試炸子雞或塩焗雞。由於我不好甜品,所以對西米布甸沒特別感覺。我自己就怕甜,朋友就話好味道😋。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-10-29
3194 瀏覽
見到餐牌有呢兩種菜,價錢相差近一倍。問咗有乜嘢唔同,決定點「蟹粉炒鮮奶」,果然無揀錯 👍🏼焗魚腸有啲老火,咕嚕肉口感亦與想像不同。如果下次再嚟,應該唔會再叫呢兩個餸。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-10-09
3262 瀏覽
2021中秋節難得疫情稍為緩和,一家人可以出去食餐團員飯,益新歷史悠久,出晒名既名人飯堂,一向對佢好有信心,必屬佳品 預先點菜,中秋時節,定台是必要,到時無位成家人好掃興! 必食: 招牌琵琶鴨, 每次來都必食代買蟶子皇加工代買鮑魚加工必食: 花雕蛋白蒸中蝦,蝦鮮味,蛋白滑,少少花雕味,好味到唔停得口蟹肉大良炒鮮奶 + 脆皮炸鮮奶: 鮮奶好滑,炸奶皮薄脆口,都係必點餸💯咕嚕斑塊: 酸酸甜甜好醒胃章魚雞粒焗飯 🦑雖然食到好飽,但仍然都覺得呢個飯局得好好味, 打包回家第二日都係咁正😋熱西米布甸: 唔太甜,爆多西米桂花糕 繼續閱讀
(以上食評乃用戶個人意見 , 並不代表OpenRice之觀點。)
等級3 2021-09-22
2880 瀏覽
分兩輪。6:00到空無一人。撞到一百歲嘅friend。訂咗魚腸經理話全日都冇,之後又改口話俾人哋嗰個我哋。假到爆。蜜汁叉燒瘦中帶肥,西檸雞檸檬味係嘉頓夾心餅嗰隻檸檬味完全唔酸幾得意,第一次見蟹肉大良炒鮮奶落蘑菇,雖然冇特別襯定唔襯,鳳凰焗魚腸有啲似山竹牛肉球,沙嗲秋葵鱔片好普通,冇晒桶蠔換咗廣島蠔都認真唔錯,柚皮太淋同埋有啲怪味,章魚鴨汁雞肉焗飯焗竉咗,而且又係搵蘑菇亞位,其他料都好少。走嗰陣時座無虛席,都唔知點解。 繼續閱讀
(以上食評乃用戶個人意見 , 並不代表OpenRice之觀點。)