63
2
0
港鐵旺角站 E1 出口, 港鐵旺角東站 B 出口, 港鐵油麻地站 A1 出口 繼續閱讀
電話號碼
22346199
開飯介紹
地方開揚光鮮,部分創意粵菜菜式新穎,西班牙黑毛豬叉燒,用料矜貴,肉質鬆軟。早午時段亦有供應自家點心。 繼續閱讀
營業時間
今日營業
07:00 - 00:00
星期一至日
07:00 - 00:00
付款方式
AlipayHK 支付寶 現金
座位數目
100
其他資料
網上訂座
賞訂座積分
當面支付
有關獎賞計劃
食評 (70)
  近日食西餐多了, 感覺有點悶, 所以今天轉食中餐! 放工隨bff來到盈館吃中菜, 心情特別興奮~ 從餐牌上看, 菜式選擇不少, 價錢合理, 三選一必食推介很吸引, 脆皮BB乳豬半隻$98, 超值, 可惜兩位女生不能吃太多, 唯有放棄!  姬松茸魚唇燉老雞 女生要多喝湯水幫助養顏, 老雞湯很美味, 雞味濃郁, 味道有點像濃縮雞精, 相信是用上長時間燉煮, 而湯內更加入了花膠、姬松茸及魚唇等滋陰材料, 花膠厚身帶膠質, 姬松茸菌味濃重, 口感爽脆, 魚唇軟滑, 很好吃 !   脆皮香燒乳鴿 乳鴿外層烤至金黃色, 香噴噴, 乳鴿外層香脆, 內層肉質嫩滑, 肉汁豐富, $38一隻很抵食, 而且不是限量, 可以任點, 掌聲鼓勵 金銀蛋浸涼瓜 平日吃的多是金銀蛋浸莧菜, 這次見到餐牌上是金銀蛋浸涼瓜. 覺得很特別, 所以點來吃, 涼瓜很爽口, 味道甘而不苦, 浸泡在金銀蛋湯內, 味道會帶點鹹香, 清熱又好吃~ 盈館  旺角彌敦道593-601號 創興廣場7樓 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-15
634 瀏覽
網上看過這位於創興廣場7樓開業不久的食肆,今天終於有機會到此試試。升降機門一開,便見多排座椅給食客在繁忙時段坐下來等候,頗為䀡心。但我們二人今天未到十二時便扺達,時間尚早,隨即可入座。進入大堂,地方光猛,燈光柔和,天花板和地氈顔色互相輝影,給人一種時尚感覺。除此之外,此食肆採用的茶壺茶杯等器皿亦頗特別。~西班牙黑毛豬叉燒腸腸粉滑溜,饀內的黑毛豬叉燒惹味,燒得不會太燶,肉質爽口。標榜健康有營的西班牙黑毛豬果然名不虛傳。叉燒腸沾上甜豉油來吃,更加美味。~一口飽魚燒賣2件爽口小鮑魚配啖啖肉的燒賣很有𡁻口。~蘿蔔絲鹹水角賣相討人,紅蘿蔔型狀的鹹水角與餡內的蘿蔔絲互相揮影。一口咬下,味道多層次。~鮮蝦腐皮卷腐皮炸得脆脆的,內裏的蝦肉爽口。沾上香醋來吃更為美味。~小心流沙豬嘜飽小豬嘜頭做得頗為可愛,飽內的奶皇做出流沙的効果,味道微甜,飽皮不會痴牙。~四寶滑雞扎腐皮包著豐富的餡料:魚肚吸滿了汁,非常惹味;芋頭粉滑;滑雞肉被醃得人味:火腿為雞扎增添了另一種味道。~鳳爪排骨煲仔飯迷你煲仔飯加了甜豉油來吃更為味美。原隻鳳爪炆煮得夠腍,排骨反而有點韌。整個飯份量不多,很容易便吃掉一煲。今天的午餐在新環境下進食,感覺滿足。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-22
2783 瀏覽
中國人始終比較鍾意食中菜,尤其一家人,更加鍾意圍桌熱左,大家可以食一餐飯,傾吓計。今日同屋企人去咗旺角創興食飯,因為上次同屋企人食燒肉,見到樓下派傳單嘅姐姐介紹7樓開咗一間新酒樓,所以就帶爸爸媽咪你試吓。一上到7樓,電梯門一開,真係估唔到喺旺角咁繁榮嘅地方都有一間咁舒適嘅酒樓,可能由於新開張嘅關係,所以好乾淨,而且座位與座位空間感十足,唔會坐得太擠迫, 服務員嘅態度亦都親切有禮,完全唔覺得係旺角。餐牌設計圖文並茂,除咗有一啲家常小菜,亦都有一啲推介小菜,我地點左幾個小菜,全部水準都好平均,而且好好食。寸露珍菌扣花膠煲 $108佢嘅花膠好大塊,雖然唔算好厚身,不過好入味,好軟稔,呢一碟小菜都幾重口味,如果送白飯就啱晒啦。西班牙黑毛豬义燒皇 $148呢碟叉燒皇唔會有太多色素,肥瘦均勻,咬落不黏口,幾美味。西班牙黑毛豬,比一般我們吃到的叉燒更加爽口,所以特別美味。北京片皮鴨 $188片皮鴨皮真係超香脆,即叫即烤,最叻就係店長將片皮鴨片得厚薄得宜,唔會片左好多肉出嚟,影響咗香脆嘅鴨皮口感。不過片皮鴨腳薄餅皮略嫌有點厚。紫薯淮山浸菜苗 $88呢一個菜苗簡直係賣相一百分,第一次食紫薯加淮山嘅配搭,雖然味道唔會話特別驚喜,不過紫薯都幾香甜,而且啲湯係淺紫色,真係好靚呢。黑椒牛仔骨煲 $138牛仔骨嘅數量都幾多,而且都幾大塊,唔會太老,成個煲熱辣辣,好好食。最鍾意食煲入邊嘅洋蔥同埋其他配菜,非常入味呢。。黑松露滑蛋炒蝦仁 $108炒蛋雖然唔算好滑,不過都唔錯喎,而且都食得出黑松露嘅味道,啲蝦雖然新解蝦,但係整體都唔錯呢。旺角咁繁華的地區有一間坐得舒適,食物質素唔錯嘅酒樓,值得推介。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-10
2064 瀏覽
旺角創興廣場最近開了一間新酒樓,好,一於試下。酒樓名為「盈館」,原來開業了只是一個月左右,在5月9日才正式開張,酒樓其中一道特別推介的菜式,是以西班牙黑毛豬製作的叉燒。這晚我與太太便試了這「西班牙黑毛豬叉燒皇」($148/份),加多兩隻「香燒乳鴿」($38/隻)和一煲「松露珍菌扣花膠煲」($108),做兩夫妻的晚餐。「西班牙黑毛豬叉燒皇」的賣相其實不太吸引,顏色偏暗,缺少光澤,幸好它外在美雖然欠佳,內在美可是有的,肉質軟熟,味道也不錯,雖未至於是叉燒皇的級數,仍然可取。兩隻價錢便宜的「香燒乳鴿」雖然體型偏瘦,肉不夠多,不過醃得十分入味,即使不蘸淮鹽或喼汁,已經夠味。「松露珍菌扣花膠煲」味道挺好,花膠份量不少,配以雜菌、彩椒與小棠菜,在松露醬調味下,好味又健康。值得一讚的還有免費奉送的糖水,是美味的「雪耳蕃薯糖水」,薑味重,甜味適中,是我喜歡的味道。這間樓上新酒樓,地方簇新開揚,有不少海鮮可吃,部分菜式也頗新穎,價錢合理,都算是個不妨一試的用餐好地方 。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-01
2076 瀏覽
原來呢間酒樓係新開的,唔怪得裝修咁鮮明啦位與位之間唔會太貼茶壺餐具都有別於一般酒樓果啲,呢度用既係靚啲啲海鮮餐都好抵食,三百幾蚊就食到龍蝦喇最後我地決定要「海鮮三寶」蟶子係用蟶子皇的口感夠爽口,蒸得岩岩好,一啲都唔韌而且真係一啲沙都無蒜蓉仲要係炒香過的,又夠多不過唯一美中不足既就係粉絲太碎,同埋太少了唔係用波士頓龍蝦,係用龍蝦界既一哥藍龍蝦舊舊都好大舊肉架口感超爽口彈牙個鉗既肉好厚肉呢個真係要食呢個菜都有驚喜,個湯係用蕃茄炒香過的,顏色都靚啲果然有營我好鐘意食燒乳鴿不過呢隻乳鴿就thin左啲幸好係新鮮炸起的,所以係好食的,又好juicy只不過唔係啖啖肉仲有水果盤送添,擺盤都好有心思 繼續閱讀
(以上食評乃用戶個人意見 , 並不代表OpenRice之觀點。)