影片
港鐵灣仔站 B1 出口, 步行約3分鐘
繼續閱讀
電話號碼
93667566
開飯介紹
環境光猛清靜的養生藥膳館，主打藥膳雞湯，材料豐富，香味濃郁。
繼續閱讀
營業時間
今日營業
11:00 - 22:30
星期一至六
11:00 - 22:30
星期日
全日休息
公眾假期
全日休息
以上資料只供參考, 請與餐廳確認詳情
-
網上訂座服務暫停
食家推介
同老婆過灣仔會長展睇演唱會，當然，事前晌附近食個快快趣晚餐啦，老婆一向講健康，近來又要食無麩質嘢，就晌網上搵到呢間「盈記四季養生麵館」，主因相中佢喺養生麵館。走進店內，店內裝修簡約，雖然喺灣仔區，可能時間尚早，都喺7:00pm，客人真喺唔多。枱上放有餐具、糖包、辣椒油、牙籤……等等，自由取用。而款式選擇都幾多，一碗粉麵定價$62-$88，話平唔平，話貴唔貴；想食平啲少少嘅又有1人、2人、4人套餐，但計落其實喺平少少而已。此外，仲有啲所謂「期間限定」款式供選擇。A8. 藥膳農場雞山藥養生湯米粉 $64老婆本身唔好飲品，所以，淨叫一份米粉就夠喇，一心諗住養生，就等同健康，完全錯晒。佢碗米粉賣相就一般般，雞得3件，又斬到有唔少碎骨，最可惜喺唔算嫩滑；所謂養生，就喺加咗啲紅棗同杞子，其他藥膳料就唔知仲有乜，最敗筆喺勁油，成層油晌湯面，某程度就喺食每炷米粉就好似吸緊油咁，老婆食咗一半就無再食。B6. 鮮茄花枝丸湯米線 + 古法炆蘿蔔 + 熱奶茶 $78我就叫咗個1人餐，貪佢有大份小食，又包嘢飲。本來想叫木耳（老婆鍾意），不過無晒，店員推薦蘿蔔，就即管試試。其實，啲蘿蔔本身味道好清甜，咬落無渣，但竟然有煮燶嘅都照俾客食。至於個米線就拉番啲分，一來夠晒大碗，勁多米線，二來花枝丸都俾夠7粒，入口幾有墨魚味。本來，個湯嘅蕃茄味幾夠濃，但個人就嫌太杰身，似個蕃茄蓉多過似個湯，搞到食米線有少少似食意大利粉。揀熱奶茶喺小弟一個失策嘅舉動，雖然唔喺茶記，但諗住佢哋都提供港式餐飲，唔會太差啩！答案喺唔好飲，茶味淡，完全無茶香，睇啲色都有預感，就好似晌屋企用茶包沖奶茶咁，點浸都沖唔出茶味。無論小弟，還是我老婆，都認為呢餐唔合格。仲有一事，就喺上菜後，聽到另一店員細跟幫我哋落單嘅店員講，點解唔幫佢哋轉2人餐，我望望佢哋就兩個都即刻彈開。我先再細心睇睇，確實我哋咁叫同嗌個2人價錢都喺一樣，不過，就多杯餐飲，叫多杯菜蜜潤吓都好吖！
繼續閱讀
係時候養吓身，今日同朋友一齊share咗一個二人套餐，兩碗麵；加一個小食同兩杯嘢飲，一共$142。🍜藥膳農場雞桃膠養生湯米線+藥膳農場雞醉雞養生湯薯粉+涼拌木耳呢碗藥膳雞湯非常清甜美味又不會苦澀，再加埋桃膠感覺再養生左，食完完全唔覺得係味精湯，又係可以飲晒咁滯。至於農場雞肉質尚算鮮嫩，唔會太老，一碗有四至五件，仲要大大件，份量都算足夠。朋友叫嘅係醉雞湯底，試咗幾啖都覺得好好味，雞湯同埋酒味平衡，唔會互相搶咗大家嘅味道，感覺呢間可以再食，養生又好味！
繼續閱讀
今日下晝去左呢間係軒尼詩道既盈記四季養生麵館， 入到去環境算乾淨，因為可能係下晝兩點幾嘅時間，已經過咗lunch hour，所以都唔算好逼，唔使等位。跟住叫咗一個藥膳農場雞蟲草花養生米線，包咗一杯嘢飲，嘢食嚟到嗰陣，首先個湯係藥膳湯，飲到有紅棗同杞子味，先唔講味道，個湯係完全唔夠熱，只係暖，好基本野食要夠熱serve俾人都做唔到。其次個米線送到黎都發漲咗，好淋。另外有啲蟲草花雲耳配菜，正常，同埋雞都唔算太多，只係得三幾件然後伴一大碗發漲既米線，味道一般，如果個湯係熱會差好遠。
繼續閱讀
Visited this Chinese noodle resto in Wan Chai with my colleague for lunch. .I ordered the Chicken & Cordyceps Flower with Noodles in Herbal Soup. The broth was on the sweeter side with a strong red date flavour. The chicken pieces were quite meaty, but they had a slightly coarse texture and didnt absorb the soup base much. The cordyceps flower added more complexity to the dish, and the vermicelli was cooked just right. The milk tea my colleague had, which came with the noodles, was a bit disappointing though, so she didnt finish it. .The resto is quite crowded during lunch hour. Apart from herbal soup base, they also offer tomato soup base and mala soup base.
繼續閱讀
今日中午到盈記四季養生麵館食午餐。店員安排好座位之後就開始選擇食咩好。佢配搭上都有十分多種類作出選擇。最後我選擇了藥膳農場雞桃膠養生湯米線，益力多爆爆珠。藥膳農場雞桃膠養生湯米線：有雞，桃膠，紅棗，杞子，木耳仲有米線。先講個湯底清甜，今日真係連個湯底都飲埋。跟住到雞，有雞翼有雞脾肉，雞肉夠滑口而且有香既雞味。桃膠就係對腸道有莫大益處的天然食品。講個口感非常爽口有口感。一口一口咬著再加上湯一起吃。紅棗：天然補血食品，甜甜地。杞子：明目好食材。木耳：滑大腸，降膽固醇。有口感好味道。米線唔會太淋，軟硬適中。益力多爆爆珠：粒粒爆珠甜甜地，入口口感好。益力多夠晒正，甜甜地加埋冰夠晒涼。
繼續閱讀
您可能會有興趣的...