盈旺泰滋味 (已結業)

好日唔到元朗，咁岩 6pm 行完山經過，搵間餐廳隊啤消暑，隨便醫肚。點知......店面餐牌吸引，有泰菜又有中菜，貪心地立即入內試辣。因為行完山好熱，隊支凍啤是常識吧~ 見到有 Premium 生啤，即叫 !! 可惜店剛開，打泡要點時間，所以先叫泰象啤止咳，正常夠凍。過了 20多分鐘 Premium 生啤到了，大啖即試，夠滑唔夠凍，心情插底。唔太肚餓，叫d 少食，岩食既就晚飯直落。炸蝦餅，一見就知係倒模出黎既製成品，收我餐廳價，食水都好深。再放入口，根本就係急凍貨。豬頸肉，唔係炭燒唔緊要，都唔係咁柴皮呀 ?!! 同湯渣華有得揮。三條友，隊左三支泰象啤，兩大杯 Premium 生啤，一肚氣即刻埋單轉場。盛惠每人 $120 (頂) 中伏 !!只怪自己太口渴，太肚餓，最緊要係..... 太懶，無上網睇下食評就亂入。希望我呢篇野幫到大家啦 !!** 唯一可讚的是泰藉店員服務體貼，好有笑容。

我同我男朋友黎呢間嘢食左好多次，因為d料新鮮，雞我次次食都足，唔會學d鋪頭，用頭頭尾尾，我最鍾意係椰子雞煲，老闆娘一擺落黎已經椰香撲鼻，店員講左step我哋知，不過一開始店員會叫你飲一啖夠唔夠味？夠咪就煮雞，每次食d雞都好滑，湯我會飲好多，但係d湯都夠打到尾，我男朋友最like就係墨魚滑，因為好彈牙，我就鍾意新鮮帶子，堅好味，又平靚正，另外就係雲吞，大粒又爽，另外飲品方面有象啤，我就最鍾意飲椰青。 所以我同男朋友都一個月都去幾次，因為細鋪有份人情味。

散叫定套餐，為左唔使煩就套餐啦費是諗，$288雞煲，加左$20轉邊爐。湯底揀左滋味雞，話即係沙薑沙茶，聽落好似好正咁，點知呢，薑粒好大粒，湯底好多渣雞件好鞋口，得個雞脾仔食得落肚。套餐有餃跟，叫左羊肉，入面都幾juicy，但皮厚肉少，羊味都唔出。響鈴唔新鮮，浸幾秒個芯仲好硬，浸得耐又林晒。泰式扎肉反而唔錯，有咬口，唔會太肥。豬頸肉（豬夏青）怪怪的，其實係個湯底破壞晒。。。老闆同廚師仲走出黎問啲野好唔好食。。。都唔知點答，食完睇返OR食評就知咩事了。。。點解佢地仲可以問得出 😂

個老板娘咁敢讚自己d野食咁正咁好食就比佢sell入去食 叫左兩個雞煲set$288一個一個香葉 一個係麻辣兩隻味一樣 個味冇分別 一樣難食一人食左3-4舊雞 其他係雞腳同雞頸 真係嬲唔知係唔係一隻雞整3-4煲叫左辣 都係唔辣 我地問老闆做咩唔辣佢仲講：你地唔好食咁多辣啦我即刻黑人問號仲叫左兩個菜 馬拉盞通菜 冇味大白菜 冇味之後炒金邊粉 唔知咩味 酸酸叔叔 壞左咁！要老闆娘針水 望住佢隻手打死小強 唔洗手 幫得地針水 好污糟！野飲又要加$6 所以唔加！仲要收加一埋單640未食過咁難食既餐廳 差評！

星期五放工同D朋友一齊食火鍋，於是就到這間餐廳吃火鍋，因為這餐廳的湯底材料十足味道鮮甜，所以真係食過返尋味。本來望見這餐廳的門面，我真的從來沒有想過會進入去吃火鍋，但因朋友介紹便吃了第一次，店員熱誠嘅服務，海鮮鮮甜，真的好合胃口。所以來了幾次都選調不同的湯底試吓，大部份食物都可以，但響鈴是有待改善的，盼望能越來越好，讓我多一個吃飯的選擇。鮮帶子是我每次必吃之選

首先，說是半只雞，看一下，只有四塊肉，一隻雞腳，一小段頸和一隻雞翼。要價248。其次，門口有個「托」，不停扮打電話給朋友說這家雞煲好好味冇味精，明明排喺我地前邊，最後比我地入先，話佢啲朋友仲未到，最後人唔見左。最後，服務態度超級差，原本想打邊爐最後實在冇心情，唔打仲要收打既錢，話個料落重左，要收返錢。其實，錢唔重要，重點係呢間鋪啲嘢真係唔得，我知間間話半隻雞都唔會真係半隻，但呢間係少到個極點，不信你來試試看？

臨近聖誕同閏密聚埋打邊邊，去左雞地D間細鋪仔試下。坐底望完餐牌有好多選擇，結果兩條友仔猜包揼，叫左個招牌麻辣雞煲。因為自己吾多食辣，所以叫左最少既辣，服務員妹妹話因為D雞係生炒到熟，所以時間要耐DD。一攞出嚟仲出緊煙，果然係即叫即煮，我Like👍👍👍 ，食落真係同去平時食開D雞煲吾同，正😋😋，食得辣既人要試下一人一杯嘢飲: 泰國紅酒同椰青水，市面真係吾多覺有得賣，事頭婆話差吾多獨家發售再叫左少少嘢六 (生根，紅薯粉，生菜)已經好飽。無加一，誠惠三百，有下次，會再試其他😋👭只不過地方細，無得坐卡位😢😢

和朋友聚餐，好在先打去訂左位，是滿坐。餐具很清潔。見好多枱都點左煲，我地兩個女仔就叫左一個椰子煲配半份鮮雞，襯未放其他材料時先試試個湯底，好甜好正，仲飲左半碗湯底，雞肉鮮嫩，煲內面的椰子肉都好嫩。跟住食左個泰式生菜包原味(不辣)，個肉碎炒得好香。仲有叫左炸皮蛋，幾特別，皮蛋黃是流心的。火煱配料就叫左帶子，竹笙，日本蠔，肥牛。叫左兩杯飲品:大椰青、黑白配。由於眼大肚窄，叫多左野食，兩個人的話一個煲,再叫多一至兩菜已經ok。

天氣轉涼 經過雞地又諗唔到食咩好見到有胡椒豬肚雞火鍋 好似幾吸引又未試過 點知就中伏胡椒豬肚雞火鍋 個湯底係胡椒豬肚湯店主話係重慶胡椒味 胡椒味辣好多我哋叫咗小辣 湯底的確好重 好辣胡椒味 但亦都係得胡椒味簡單黎講 個湯底就係動胡椒加味精湯甘雞係令外一個碟分開上的 小窩大約有半隻雞再另加左肥牛、響鈴、三寶滑加碟菜響鈴冇影到相 都冇咩點食到 好油溢肥牛仲差 好厚 煮左一陣未熟透 照食都已經牛肉乾甘 唔講真係食唔出係肥牛 出面任食火鍋嘅肥牛都冇咁差 三寶滑 個人覺得似譚仔既墨魚丸 好實好有*口感*三份餸 一份菜 兩個人食埋單400幾 完