皇甘栗鮮炒乾果專門店

營業中

休息中

一直想試 但係大埔太遠 終於等到分店開 最好係可以試味 試啱先買 最終揀咗榛子配話梅雖然望價錢會覺得貴不過試咗之後你會覺得值呢個價份量足夠 榛子會加咗啲nuts好有咬口話梅真係有話梅肉 好特別食到個雪糕筒底都仲有雪糕 好足份量朋友食咗開心果味又係會加啲開心果碎入雪糕裏面味道濃郁 又有咬口值得encore 下次想試陳皮味另外仲有好多乾果賣有好多款試食個人鍾意九製軟陳皮/極品冬薑皇/印尼馬嘜花生另外買咗炸雞粒/齋燒鵝（未試）

門口揀好雪糕再揀咩筒定用杯 拎飛仔等叫號碼 果日都多人 但我都只係等左五分鐘左右不過唔知係咪有心🤪等拎雪糕時先見到 原來可以就咁叫兩球三球⍥ 話梅軟雪糕+原味窩夫 ❙ $38星期六日先供應 軟雪糕好滑溜 聽職員講係真係話話梅打雪糕 😚面頭再灑話梅粉 食落第一啖唔係甜係少少話梅既酸咪咪我地都好特別 估唔到幾好食😆追求脆既筒一定要揀窩夫 夠實淨夠脆 唔會太甜⍥ 香脆開心果雪糕+竹炭威化 ❙ $50成個雪糕真係用開心果黎打🤩所以係幾濃而且好多開心果碎 可能因為係雪糕又唔甜所以食咁多nuts都唔覺漏唔怪得咁多人讚啦😏筒揀左威化 少少脆 似麥記雪糕果個tone

好想試呢間店好耐，但無咩機會去到大埔依家總於係旺角開左分店喇🥳今次揀左3款口味一）陳皮味：真係有好多一塊塊陳皮係入面，似九製陳皮嗰種味，每一啖都咬到陳皮，再配合埋重奶味嘅雪糕，少少鹹鹹甜甜嘅味道，真係好夾推薦指數：9/10二）開心果味：雪糕入面有好多開心果碎，雪糕底都係奶味重，開心果味有但略淡左少少，慶幸有開心果碎補返，我覺得呢款甜左少少推薦指數：7/10三）金桔味：係雪芭黎，金桔味出，食到桔皮嗰種小小苦澀嘅味，好清新，但真係幾酸下，酸大於甜好多，特別喺食完開心過味之後，特別酸🫢推薦指數：6/10PS.試左話梅味都好好食！另外，果仁味雪糕會比平時三球嘅價錢貴少少，所以呢3球加埋係$95～

以前食過大埔總店既雪糕，真係好好食，不過總店位置比較不方便，旺角分店就方便得多。☺️12月中去既時候店員告知因為牌照問題，只有杯裝雪糕賣，所以買左一杯開心果味，一杯話梅味。開心果食落其實有啲失望🫠，總覺得味道不及以前食既咁香濃，而且以前係大埔買脆筒裝既話，雪糕面仲會另加開心果碎碎，感覺好食好多。下次都係唔再買杯裝😅😅話梅味就第一次試，鹹鹹酸酸感覺幾得意，有小驚喜，唔知如果有脆筒裝係咪更加好食呢🤤

見報導話皇甘栗開咗旺角分店，都開心架，始終大埔有啲遠，所以就算佢的雪糕好評如潮，我都未試過，而家有旺角分店，方便好多。冬至傍晚，入到店舖，覺得好寛敞，因為實在冇乜人。舖頭的大部分涼果都可以自助試食，而普遍果仁、茶以及喺另一邊擺放的散裝糖果就冇得試食。我同狗狗爸爸衝住果仁雪糕而過嚟，試食咗陳皮、芝麻、開心果同栗子雪糕，隔咗幾日再諗番，坦白講印象唔深刻。佢的雪糕雖然真材實料，例如：食栗子雪糕時會食到些少栗子碎衣，但味覺唔係特別衝擊，可能喺製作雪糕前處理食材時，要再花功夫諗下點樣帶出食材的味道。雖然可以試食雪糕，但當要購買時，店員就表示暫時未出到牌照，所以雪糕係已包裝的杯裝，就好似係喺超市選購咁，真接喺雪糕櫃拎。聽到真係好失望，可能係情意結，自己唔鍾意以呢種方式即買即食，總係覺得冇咁新鮮同商品化。店員好好，佢不停講話其實都係一樣既啫，我相信係，但情懷就唔一樣。最後，買咗杯裝開心果雪糕，現場食，另外亦買咗幾百蚊涼果、小食同炒栗子。栗子分2種（50/磅），我喜歡冇咁甜但飽滿、離殼果種，易食亦比較多肉。開心果雪糕：入口時覺得開心果味可以，唔太甜，雪糕裡滿藏細細粒的開心果碎，只係果仁碎係「淋」的..

個人最鐘意試新野～之前聽大埔有陳皮雪糕，一直好想試，但太遠啦，誰不知終於開到黎旺角！衝！門口就已經有開心果雪糕嘅poster，遠近馳名都好想試不過入到去話原來新鋪開張未有牌賣現潷雪糕，只有杯裝，但有得試味，啲口立濕味sss都好特別陳皮話梅生薑我都好鐘意～但杯裝就冇得成年人全都要一味一球啦，先買一杯陳皮止住癮先😌入面好多陳皮粒食落清新生津，係咁出口水😂唔係creamy個種但勝在味好出好特別，口感上又有得咬咬下，出色！期待佢賣一球球雪糕嘅時候再黎開心試！