皇甘栗鮮炒乾果專門店

營業中

休息中

嘩！呢個開心果雪糕真係**超正**！一啖食落去，濃到爆嘅開心果香味即刻湧出嚟，真係**痴線咁好食**！💚 仲要入面有**超多開心果碎**，咬落去**脆卜卜**，口感滿分！ 連個雪糕筒都**脆到不得了**，一啲都唔會淋，同啲雪糕夾到絕配！店員仲**好nice**，笑容滿面，搞到成個食雪糕嘅體驗更加開心～ 食完之後已經心思思想試其他味，睇嚟呢間舖頭會成為我新寵！🔥 大家如果鍾意開心果，真係要試吓，**保證唔會失望**！👍

成日經過大埔…..次次都排隊….星期六日就更加多人…見平日吾太多人就去食杯雪糕先…店員勁好….比我試味…試左生薑…杏仁….粟子…最後簡左生薑…勁薑味…好好食…辣辣地…真係未試過食依隻味既雪糕…另外仲有其他筒比你簡…我簡左原味…小小甜味….但吾會影響左個雪糕…同埋勁脆…總之好好食…仲要勁抵…$35有味道👍，有服務👍店員好有禮貌

在炎熱的夏天，食皇甘栗的開心果雪糕真係好幸福。這款雪糕上面撒滿了香脆的開心果碎，口感層次分明，既有冰涼的清新感，又有開心果的濃郁香氣，令人心情愉悅。無論是作為下午茶的小點心，還是餐後的甜品，不僅美味，更充滿了夏日的氣息，值得一試！

開心果雪糕的意外驚喜😍#食物體驗我叫咗開心果雪糕，價錢$45一個，開始時覺得有啲貴，但諗返轉頭，開心果相關嘅產品似乎都差唔多呢個價錢，所以就決定試吓🤣一食落去，雖然開心果味唔係特別重，但雪糕入面有好多開心果碎，食落去幾滿足。如果你一個人食，食到中間可能會開始有啲漏。而最驚喜嘅係個cone，底部竟然有朱古力醬！呢個設計真係好有心思，增加咗整體嘅味道層次。#其他之前我都試過佢哋嘅炒栗子，栗子外脆內軟炒得好香！會忍唔住一路食，推介大家試吓！

之前見到好多人推介就試下啦,我星期日去都真係幾多人,我叫左開心果雪糕,初時見到$45/杯,覺得小小貴,不過見咁多人試,就真係要試下既,食左1啖,好濃郁既開心果味,仲有好多開心果碎真係好正值回票價,大家可以試下。

杏仁雪糕（$42）店員會現場整碎d杏仁粒再撈落個雪糕入面，雪糕都幾creamy，食每一啖都有果仁十分足料😝話梅雪糕（$30）筒裝雪糕原來只有星期六日先有，唯有買住杯裝嘅先😎入面有好多話梅粒😋味道還原細個同童年食金梅片嘅味道鍾意食話梅嘅一定要試吓

呢間舖頭本身係專業炒粟子嘅，但最令人驚喜嘅一定係佢哋嘅自家製雪糕！🍨 口感軟滑，而且有好多選擇，仲有一啲特色口味（例如話梅同陳皮！）。香脆開心果（$48/杯）推薦！唔止得開心果「味」，而係真·開心果！🥜 每啖都食到超新鮮開心果仁碎，堅果香氣滿滿，鍾意果仁嘅朋友一定要試！好滿足🥰。粟子雪糕球（單球$35 / 雙球 $55）天然粟子味，好啱鍾意淡甜口味嘅你～ 仲有少量粟子粒粒，口感更加豐富！。餅筒：朱古力窩夫好香朱古力味嘅脆筒，而且係薄脆餅feel，完全中晒我口味！雖然價錢唔平，但都好值得一試！食兩球或以上抵好多，可以參考餐牌右下角🤫🍽️皇甘栗鮮炒乾果專門店有限公司📍大埔寶鄉街51號B舖人均消費：<$100推介指數：⭐️⭐️⭐️⭐️

以為呢間賣栗子，點知雪糕咁出色有好多新奇口味嘅雪糕eg 生薑、陳皮、話梅單球 $35 ｜雙球 $55上網見其他口味都出色我同表姐就揀左焙茶同玄米茶我嗰個食嘅時候有好濃焙茶味(⁎⁍̴̛ᴗ⁍̴̛⁎)Aftertaste 茶味又會慢慢滲出表姐話玄米茶都係好重茶味ε-(´∀｀; )真係食到底都仲有好多雪糕雪糕搽滿整個甜筒🙂‍↔️但無影到餅筒有得揀款我地揀左朱古力係好香朱古力味嘅脆筒(˶‾᷄ ⁻̫ ‾᷅˵)PS 如果佢出抹茶味就好了(⁎⁍̴̛ᴗ⁍̴̛⁎)

📍本地製開心果雪糕(+焙茶雪糕)💰: 68呢度有冇大埔人？由讀書時期開始食嘅皇甘栗栗子🌰同涼果(暴露年齡系列)搬咗舖位之後近年仲開始賣埋軟雪糕🍦今次試咗開心果雪糕同焙茶雪糕🍨老實講好睇你係雪糕派定果仁派店家嘅開心果雪糕唔算係好濃嘅開心果*味*雪糕反而有大量嘅開心果*果仁*另外焙茶雪糕嘅焙茶味比奶味濃🍵反而比最出名嘅開心果雪糕更加出色👍🏻⭐️Like Facebook/IG仲可以減$3

超級多人排隊，等咗差唔多20分鐘先有得食，叫咗杯裝，雪糕球size係正常！🍦脆開心果 雪糕/ 追加時令雪糕一球 $68like 社交平台可以減$3！有啲貴Gelato 價錢，栗子幾清新有栗子嘅香味，仲有啲栗子粒粒幾有咬口，雪糕嘅質地係似冰咁嗰種唔算太滑！開心果味雪糕係淡淡嘅開心果味，主要開心果味來由開心果粒🤣如果冇咗開心果粒又真係會好淡！推薦指數: 8/10味道唔錯，值得一試嘅，不過價錢比較貴！

同男朋友專登入大埔搵黎食，見社交平台多人討論，心思思。叫左兩個口味，一個脆脆開心果，一個脆脆榛子。哇，好味！😋我地兩個一致認同開心果好正好正好正🙌榛子味好似啖啖繽紛樂，都好味好香濃。兩個口味都冇油溢味，好香，好濃，一啖接一啖，停唔到口。口感好creamy，同時久唔久又食到脆脆，食到底都仲有雪糕，最底仲有朱古力，正👍🏼好滿足！我地兩個企係店舖入面食，因為唔算太多人。但見住keep住有人入黎買雪糕食。見到唔少人買pack好左既杯裝番屋企同家人分享。不過見價錢都唔平嫁。我會再專登去買黎食👍🏼

娘親問我為什麼近來沒有寫食評，好的…我就寫雪糕。😂受到面書群組荼毒，近月我對開心果雪糕產生濃厚興趣，10月頭在西九龍中心吃過一杯華而不實的，之後死心不息想再找一個更好味的。😛然而今天終於找到了，開心果雪糕加上滿滿的開心果碎果實，還有朱古力窩夫雪糕筒的襯托，開心果味道和口感雙重夾擊，這雪糕可以用精彩來形容。😋雖然吃得出用料不及上次西九龍中心的那個高級，但這雪糕反而令我的嘴饞感得到雙重的滿足，今次這個雪糕完勝！✌🏻

難得過去大埔就緊係去試下，之前都好多人介紹。食佐話梅味雪糕🍦有驚喜！真係有話梅肉係入面，但都唔會好酸！好好食走嗰陣仲買佐啲零食😂✌🏻琥珀合桃，蒜香豬肉乾，黑芝麻酥呢3樣係我最推薦。

專登去大埔食雪糕，有驚喜！開心果味係超級多開心果粒話梅味居然係有大大舊話梅肉！酸酸甜甜真係好好味！培茶我就覺得偏苦 最後又食多個話梅味軟雪糕面層有話梅粉 無果肉相比之下 話梅味雪糕球係濃味好多好食好多

食過好幾次，真心大推開心果雪糕。雪糕奶香十吹，重點會食到粒粒開心果仁，難得開心都係靚既，唔會有擺咗好耐既油益味，令我最滿意既其中一點係食到筒底係仲會見到開心果粒，成件事都好令人感動！