影片
招牌菜
12月8日去飲,本來對於皇廷的酒樓冇咩好感,因嘢食唔好食同埋份量都唔夠.今晚都係去皇廷酒樓飲,都冇咩期望的,不過食完呢餐後有少少改觀左.碟碟份量都好大都好足喎,味道都好味左. 乳豬全體唔細隻唔算肥,都香脆喎,海鮮雀巢,有幾多蝦,帶子,珊瑚蚌,好味呀,夠爽口新鮮,仲有好多西芹及甜椒呀.瑤柱鬆菜生菜,瑤柱粒粒都好大粒,幾好味呀,鬆菜及生菜都好甜. 今晚冇翅,食花膠湯,都好足料,好鮮甜,好正. 鮑魚小唐菜,鮑魚唔細隻喎,好爽口,好味呀,小唐菜好甜好大棵.蒸魚,雞都OK,還有飯,伊麵,仲有紅豆沙及一些甜點,生果係橙.整體都好OK的一餐.
繼續閱讀
尋晚參加親戚的婚宴, 呢間酒家係我第一次黎, 不過, 比我一個好深的感受, 就係佢地既服務態度!! 尋晚婚宴在大約9:00開始, 頭幾度菜上菜都仲可以, 但係到食翅開始, 我就開始好唔滿意, 就係d waiter, 筆d翅, 筆到碗邊都有, 求求其其筆落d碗內就算~~ 之後, 到上每求菜都上得好慢, 佢地上得慢都算, 我唔知佢地係咪趕收工定點, 上完一度菜後, 放落我地張抬後, 我地夾完一次後, 個waiter就開始走埋黎, 問我地仲有邊位要! 我已經超唔滿意, 我覺得食得好辛苦, 趕得趕命咁, 到食雞果度菜, 呢度菜已經等左好耐, 黎到果陣, 我就夾左一件, 不過, 隻雞唔係熱的, 係暖暖地的, 之後個waiter又係咁樣, 走埋黎, 問邊個仲要, 我已經忍唔住開聲, 我話駛唔駛咁快? 我地食得好急, 好辛苦囉, 同埋d雞唔熱的, 之後我老公話唔好同人嘈, 個waiter就收走左碟雞, 連我媽咪都覺得佢地好過份!!!!!!! 之後幾度菜都係上得好快, 收得好快, 到最後食甜品, 佢地又係筆到d糖水周圍到係, 仲要係佢地筆到仲有剩, 都唔分得滿比其他碗, 我都唔明點解佢地咁趕時間, 好似趕人走一樣!!!! 所以, 我奉勸各位新人, 如要係呢度擺酒, 真係要三思, 費時你地失禮人家!!! 呢間酒家既服務態度, 真係好唔掂!!!!!!!!!!!!!!!
繼續閱讀
如果唔係有人介紹,真係唔識。星期日飲茶本是很難有位,但在商業區的酒樓,反宜有位,呢間位於火車和地鐵站中間,方便。最重要唔使排隊,環境又好,食物有一定質素,點心款式多,可以多多推介。我去過最少兩次,奇怪的是平日去較週日去好食,不知是否換了師博的緣故?很難相信這價錢可在酒店格局的中菜廳吃一頓
繼續閱讀
上星期開開心心去飲好友的喜酒。發現呢度o既服務同食物都差!!!!!!係前所未有的無禮貌，無待客之度，趕頭趕命的，害我們都怨聲四起。掃興!服務想比佢0分呀。
繼續閱讀