影片
食家推介
呢度值得一提系音響都吾錯 同埋佢有個電視播佢宜家播梗個MV令到人好想跟住佢唱 🤣🤣地點位置吾算難搵不過都幾搞笑因為要上左一層 上左個冇人shopping 嘅商場先 再行樓梯上去~ 加左20$ 要呢個湯我男朋友就覺得有點怪好似中式湯 我就覺得同佢碟上嘅biscuit stick 完全吾match 一般般雖然佢都有少少伴碟嘅sauce不過 整體黎講 俾我感覺 好dry…個三文魚 dry個mashed potato 好dry之餘 吾夠 "mashed "冇咩味道…… brocalii 就咁烚熟咗… 其實咁樣 吾好食 🙈其實… 我喺屋企煮都系咁上下… 個sauce 還好不過食食下就覺得幾 "溜"個rib有啲位好淋 好食有啲位就好 "諧 "薯條 吾系炸到脆脆啲種不過 我中意食軟軟的 😂不過不失咁~
繼續閱讀
商場裝修後，有間新開既餐廳。餐單全日都一樣，我就晚上黎試試。青蘋果同焦糖味道配得好親，ribs好抵又好食，係必叫菜式。芝士細細粒，但小心好熱睇落好細份，但其實份量正常，唔算好特別，但都ok.fusion 菜式比較特別，腐乳味好香，但食落蕃茄味較重, 鐘意食腐乳既可以試試。餐廳內部環境十分舒適，電視係播韓星跳舞，果然係fusion餐廳😂另外，我見隔離枱叫左個手撕濃烤豬肉漢堡，賣相唔錯，打算下次會黎試試。
繼續閱讀
假日時間又係時候嘆個休閒午餐今日經過發現尼間新食店裝修好了，所以決定來一試餐廳好有歐美格調同環境好寧靜寬闊中午12時左右人流不多，只有兩、三枱客人星期六沒有套餐優惠，所以可能也因此比較少人同友人揀左三樣野食，原來仲可以加錢跟餐湯、沙律同飲品有A+$15 熱飲☕️or餐湯or沙拉 B+$25 即磨咖啡or熱既特飲再加A既是但一樣 C+$35 餐湯+沙拉🥗+冷凍特飲咁我就揀左+$35 可以揀原價$42既特飲之餘仲多左餐湯同沙拉🥗朋友揀左+$25 揀左即磨咖啡☕️ 同餐湯首先上左個餐湯，外貌已經好吸引，餐湯好濃郁但就較淡味。沙拉🥗比想像中大份，仲要超足料，幾塊厚切煙三文魚鋪面食完個沙拉同飲埋湯已經飽左一半尼杯就係原價$42跟餐既特飲《綠色田園》沙冰超級健康既即製水果蔬菜飲品，其實由西芹、菠菜、蘋果、檸檬汁同蜜糖製成岩晒健康養生之後同朋友叫左三款食物第一款《煙三文魚焗脆薄批》$78賣相已經好靚，每份薄批面都用煙三文魚砌成玫瑰花🌹個批仲要焗得好脆口，煙三文魚又夠入味配埋個批一絕店員已經好細心戒開一份份痕跡方便拎雖然係薄批但厚厚煙三魚食落好飽肚了另外叫左第二款係《墨魚仔墨汁扁意粉》$78 望落好似好細份，其實都好夠飽佢既墨魚🦑仔超大粒，有3粒，意粉煮得剛好，就係差在成個麵意粉好淡，無汁無味，材料靚都浪費左最後一款係《意大利🇮🇹炸士球》$38鐘意食炸野同芝士既必叫之選芝士球炸得好好夠脆得來芝士爆滿，食落啖啖芝士湧出來仲要超多粒配埋沙拉醬，超滿足整體食物同賣相都好好除左意粉比較淡味，平日仲有套餐會更抵食
繼續閱讀
豬仔骨、三文魚pizza、黑松露意大利飯....呢類餐點多數要去有點貴嘅cafe食先有，我嘅經驗一款$100或以上。但呢度真係好抵食呀！一份豬仔骨$80都唔駛，仲好大份！薯條實心，又熱又脆，good~ 初初覺得左手邊嘅焦糖蘋果好特別，但食落普通。煙三文魚卷得好靚，睇得出廚師有花心機做。每一份有兩片三文魚，算足料。雖然三文魚有啲鹹，但我欣賞個底好脆，幾好味。凱撒沙律...一般XD 不過估唔到咁大碗，有點小驚喜。唯一有啲美中不足嘅係：呢個意大利飯好細…反而個豬仔骨平佢少少，又大份過佢lol我叫左杯紫薯鮮奶，唔甜，所以飲得到好濃奶香。p.s 餐湯：多料， 飲一啖已經有好多洋蔥同埋蘿蔔粒。呢間算係不錯嘅餐廳，因為好抵食。平時同朋友一齊食呢類西餐，平均$150一位，今次$95咋！最後，環境算係舒適，雖然多人但唔會感到好逼。想優悠享受晚餐？不妨考慮呢間！
繼續閱讀
北角有一個商場專賣手袋化妝品，我成日經過都唔會入去，一來無我要買既野，二來國內旅客會比較適合。不過，最近發現入面有一間餐廳，性價比都幾高，不彷試試。呢間餐廳同一般cafe相似，咖啡、花茶、小食、食物都有，唔可以話好多選擇，叫做有啲野㨂。我叫左一個豬仔骨、Pizza同一杯咖啡。豬仔骨都易切，味道ok，肉質淋，不過我個人唔太鍾意啲醬太厚太杰。薯條就好一般，無特別。蘋果沙律就幾特別，夠清新。Pizza方面選擇唔多，size唔大，薄身，不過好味過豬骨。火箭菜唔知點解好似炒過定點處理過，淋左，我自己鍾意爽口啲。跟餐有湯，紫薯⋯⋯味道ok，不過我麻麻地紫色野。咖啡可以，有拉花，都有誠意。重點係間野好靜，服務態度好。
繼續閱讀