55
4
4
港鐵香港站 C 出口, 步行約6分鐘 繼續閱讀
特色
浪漫情調
慶祝紀念日
包場派對
付款方式
Visa Master 現金
其他資料
Wi-Fi
酒精飲品
自帶酒水 詳細介紹
電話訂座
外賣服務
加一服務費
電視播放
食評 (66)
等級4 2017-07-23
361 瀏覽
今日要試既係皇室盛宴,事緣前個星期黎呢幢大廈食lunch發現到呢間隱世地方,位置係皇后大道中118號3樓。頭盤有幾道菜,分別有招牌菜煎西瓜拉龍蝦肉黑魚子醬多士 (兩粒西瓜好特別,依照食法兩粒西瓜會有唔同層次,食埋舊多士更加滋味)、香芒龍蝦沙律 (賣相很美,黃色好奪目,芒果同沙律菜mix埋食甜甜酸酸幾開胃)、龍蝦肉威士忌蒸蛋 (很創新既組合,竟然諗到用威士忌黎蒸蛋,認真唔簡單。蒸蛋賣相精緻,開殼功力唔簡單,威士忌味經蒸過後冇咁濃,但仍然會食到威士忌陣味)、黑松露龍蝦湯 (鮮甜好飲,散發陣陣松露香)、雪葩 (檸檬味,清清個口準備主菜)、龍蝦意大利飯 (risotto比想像中好食,飯口感似正宗意大利飯,咀嚼中既risotto會有陣腐乳香,陣香味會令你食欲增加。呢個配搭好完美,好鐘意呢個risotto)、朱古力布朗尼伴雪糕 (脆身且味道不錯,雪糕係抹茶)。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-07-21
189 瀏覽
我先生40歲生日,話想搵間餐廳可以靜靜地咁食餐飯,於是就係openrice search 中環既法國菜,見到呢間叫Royal Feast 既私房菜評語幾好,食物賣相似高級料理,所以決定試試。黎之前溝通過揀左個有7道菜既menu (Royal Deluxe),當中有一道帶子刺身,但我先生唔食生野就叫餐廳轉左第2道菜。 頭盤係煎西瓜拼煙燻海鮮,擺盤原來有原因,由左至右食既話中間兩粒西瓜係會帶出唔同味道,可見心思之餘味覺上融合得很好。 好喜歡鵝肝沙律既沙律菜,自家制黑醋好味,而鵝肝配藍莓醬令兩者味道結合,又甜又酸又咸中又能取得平衡,令呢道菜更加出色。 食完沙律到帶子刺身配白松露醬,而先生個份就轉左做XO 醬扒帶子。其實我本身對白松露醬既感覺麻麻,但食完呢幾塊帶子之後又覺得好好食,XO醬帶子則係另一種唔同既味道,比較香口之餘味道比較濃。 黑松露野菌湯好出色,入口細膩好重奶味,每啖都充滿菇肉口感十足。 食完雪芭之後就係main course,我地一樣都order 左安格斯肉眼,兩份肉眼都煎得恰到好處,肉質軟淋,好食。 最後到甜品,試左新出既甜品朱古力火鍋,用上godiva朱古力做底,滑滑既朱古力火鍋配生果,頭幾粒生果食落好食,但之後就食唔落因為我地都好飽。 整體黎講係非常滿足既一餐,每道菜既味道同賣相相對地有水準,有機會一定會再黎食。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-07-11
242 瀏覽
第一次光顧,入到去感覺好舒適,裝潢優雅以白色做主調,有張淺綠色梳化擺左係窗個邊,整個感覺似係屋企食飯多過出左去餐廳食,仲有個outdoor出去比人坐下傾計。 招牌deluxe套餐有7道菜,食既野同係Openrice睇既差唔多,味道同賣相兼備,其中份煎西瓜好別緻好吸引到我,面頭鋪滿杏仁碎,連同西瓜上既洋蔥同薑蔥一齊食口感會好豐富,值得一試。其次就係份帶子刺身,白松露味濃郁的確帶出左帶子鮮味,難怪大部分黎過既人都試呢份帶子。其他菜式就不過不失,有中上級別既水準,亦食得出廚師對於每道菜既堅持同心思。 服務好好,Serve我地個位男仔好有禮貌,好nice,每道菜出完之後都會講一講其食法或賣點。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-07-06
249 瀏覽
哩間前前後後已經食過兩次,第一次係上年年尾公司聖誕包場,第二次就係朋友生日食飯,今年男朋友生日再食,因為已經食過兩次既關係,就問餐廳會唔會其他新菜式可以試下,同以往一樣黎之前已經睇左會食咩,為左保持神秘冇話比男朋友知!今次有新野試,三瓜水立方 (西瓜,牛油番瓜,蜜瓜),非常有心思同創意既頭盤,賣相好靚 擺碟亦好精緻,粒粒瓜都經過輕煎,牛油番瓜比較硬身,蜜瓜同西瓜就分別有燒燒地既味道。另一道新菜就係黑松露龍蝦湯,之前黎兩次都係黑松露野菌湯,今日個龍蝦湯又唔錯喎,味道夠濃之餘帶點松露香味。老闆認得我,最後請我地飲左passionfruit tea,好香,由於是花茶關係,味道唔係太濃,但都多謝老闆! 繼續閱讀
(以上食評乃用戶個人意見 , 並不代表OpenRice之觀點。)
以往既母親節都係去酒樓食飯,見食左咁多都悶,打算今年試下新野去食私房菜。經朋友介紹下得悉皇室盛宴呢間私房菜,原來都幾多報導講過佢既菜式,當中最想試既就係份煎西瓜。媽咪聽到之後都覺得可以一試,於是就打去訂位訂8點4位。地點係中環中心對面,泊左架車係中環中心行過去唔駛一分鐘。一坐低真係有點意想不到,餐廳預備左枝紅玫瑰花送比每位媽媽,呢份驚喜令到媽媽好開心!對有咩食個陣又會同媽媽講多次母親節快樂,個一刻我覺得似去左人地屋企食飯多過去間餐廳,完完全全感受個份與別不同既服務,係抵比tips!野食方面就非常okay,當然食左最想試既煎西瓜,賣相精緻好吸引,味道好特別,甜甜地又帶點辣辣地,可能因為加左洋蔥既關係。第2樣我覺得一定要介紹比大家既就係份白松露帶子刺身,真係好好食,帶子好甜入口即溶個下感覺好滿足,如果訂位黎食飯一定要order定呢道野食!第3樣值得講下就係個野菌湯,未入口已經聞列大陣松露香味,入口感覺豐富飲得出真材實料,絕對冇任何hard sell成份!最後一點要講既就係餐廳係每檯上甜品個時都會熄小小燈,播住beyond首”真的愛你”,見到媽媽聽到”無法可修飾的一對手”真係有D眼濕濕,個一刻真係有點感動,影相個陣會幫你打一打燈好專業,會搞搞氣氛引你地笑,好體貼。最後4位埋單$2400,爸爸就比左$2600唔駛找,我地都認同比呢個tips因為真係好好服務,感受到份溫暖之餘仲食得好開心。 繼續閱讀
(以上食評乃用戶個人意見 , 並不代表OpenRice之觀點。)