皇冠(呂宋芒)專門店 (荃灣千色匯I)

營業中

休息中

📍  皇冠呂宋芒專門店🗓️ 15 July 2023每次經過見到呢間都好想買，因為位置在商場內，門面又企理，啲芒果睇落好好食，所以擔心會好貴。今次決定一試，發現原來價錢同外面甜品店差不多。買咗以下四款芒果甜品：🥭 泰式芒果鴛鴦糯米飯 $48點單後，店員會幫忙翻熱糯米飯，翻熱後嘅糯米飯配上椰漿更香，口感剛剛好。店舖使用的菲律賓呂宋芒有香濃嘅芒果味，一盒有兩大塊芒果。外面嘅芒果糯米飯都唔平，呢個我認為值得。🥭 芒果班戟 $35一盒有兩個，切開見到一舊厚嘅芒果肉同滿滿嘅忌廉。本身好擔心，因為過往班戟嘅忌廉都會好膩。相信呢到嘅忌廉有調制過，有淡淡嘅芒果味。我食完一舊都唔覺得太膩。🥭 芒果糯米糍 XL $25一切開見到非常大塊的完整芒果肉，糯米糍的皮非常薄，所以唔會好黏口，甚至有種啖啖芒果肉嘅感覺。🥭 芒果楊枝甘露 (飲品)  $29冇哂爆芒楊枝甘露，所以就試下飲品。飲用版嘅果然比較液態，第一啖飲落比較甜，不過有埋啲果肉同柚子肉就ok。不過唔算好驚艷，試過就夠了。總結是推薦的！外面甜品店差不多嘅價錢，偏貴少許，但呢到嘅芒果全部推好甜好香，品質有保證，我認為可以偶爾幫襯。唯一美中不足係只有外賣，沒有

路過試吓$36元芒果椰汁西米露，心諗放工可以再買返屋企俾屋企人試吓。諗唔到，用$36買了杯椰汁水！！！西米少少，芒果少少！！太搵笨！！！應該唔係唔夠芒果，因為見一箱箱擺喺鋪位。大大失望😞

自從許留山結業後我就一直好懷念正宗呂宋芒整芒果汁同甜品，今日系荃灣千色匯一期見到皇冠（呂宋芒）專門店，肯定買杯野試下。芒果涼粉爽：芒果汁好好味，香濃的芒果味，搵返許留山感覺🥹但系個涼粉口感一般，唔系滑滑果種，系入口會散開果種，口感相當差，個人唔太鐘意。芒果幾好食，最後打包4個芒果布丁給Ｄ女食。芒果奶凍（HKD 24）：芒果又香又甜有無渣，奶凍奶味重，好滑好香濃，相當唔錯。芒果布丁（HKD 22）：布丁感覺上無奶凍甘滑，但系有香濃芒果味，可以話系各有個優點，都好好食😋

許留山外又一間芒果主題店 皇冠（呂宋芒）專門店。香甜多汁嘅芒果係唔少人嘅最愛，芒果甜品就更加受歡迎。呢間主打菲律賓自家果園直送呂宋芒嘅專門店，喺早2年到荃灣開第一間有堂食座位嘅概念店，唔單止繼續供應芒果同一系列好啱Grab & Go嘅芒果甜品，仲有最新推出可以邊行邊食嘅芒果糯米飯綿綿冰、飲品同新地！今次試了杯芒果布甸爽不論味道、價錢、甜度都幾近是許留山的翻版。確實是有濃郁的芒果味但係都有一定的甜度，此外布甸的味道較為失色，有點似酒樓的那種只是多了一種果肉。在台式飲品等各類充斥着市面的情況下，以這個價錢的話難禁會令人想像這間店舖會步許留山的後塵。

之前買過芒果布甸同奶凍, 布甸完全無芒果味, ，無芒果香, 係奶凍反而好d, 質地算軟滑, 但芒果味都係偏淡見野食質素一般都算, 芒果唔算特別香, 但見佢咁多款芒果甜品, 所以諗住俾多次機會試其他野, 點知本來對野食期望已經唔大, 今次店員態度就特別西, 買甜品仲要受氣, 就算幾好食都一定再無下次

▷ 芒果布甸爽 $28◁▷ 芒果粒粒爽 優惠價+$1 多一杯◁⁡咁啱撞到同👦🏻一齊放假～就留意到荃灣皇冠專門店做緊最後一日優惠(31/8前$𝟤𝟪 +$𝟣 送一杯)～即刻衝去買！一杯份量係正常中杯𝗌𝗂𝗓𝖾～👧🏻叫咗芒果布甸爽而👦🏻叫咗芒果粒粒爽～每一杯都有三層口感😍(𝟣)椰奶(𝟤)芒果沙冰(𝟥)布甸/蘆薈～仲要咬咬粒粒芒果肉～👦🏻話正常$𝟤𝟪都一定會再幫襯😋⁡𖤘皇冠（呂宋芒）專門店 (荃灣）❥ 荃灣眾安街68號荃灣千色匯I期地下G024號舖

終於比我揾到一個芒果天堂🥭🥭🥭佢地有齊千層蛋糕，班戟，布甸，沙冰……每日試唔同款都有排試🤤芒果涼粉爽$28🍧 & 芒果布甸爽$28🍨攞上手一度以為自己買左許留山😂夏天飲好冰涼不過唔夠酸🥲

經過好多次一直想試，卒之因為有商場券去食下店員積極有禮主動介紹，幫客人計埋點買最著數抵讚👍🏻楊枝甘露不過不失，芒果班戟果肉ok，但似乎係忌廉太甜出事，希望改良一下

在疫情下的八月九月曾路過這店兩次，同是下午的三四點。太座喜歡吃泰式的 芒果鴛鴦糯米飯，第一次路過時，看到有芒果糯米飯的圖片，向店員查詢，得知因疫情暫停供應。早兩個星期再去這荃灣的分店，還是提供欠奉。今天有機會(2020/09/15第三次)再試，在鋪面的桌面，職員給我有兩份預製的泰式甜品可供選擇，價錢是$48，而她也成功說服我加配樽裝的楊枝甘露，買兩樣有八折。拿回家才吃，職員曾告訴我室温保存，不用加熱。食後評語：糯米飯加椰醬，在室温下都合格，不會太硬；芒果有兩大片，相信都有一個芒果的份量，但是感覺芒果肉熟了一點，確是甜，卻未有芒果本身的香氣，而且比較乾，可能在中央工場一早預製好，而且包裝也只用釘書機釘好罷了，未能保濕(失敗之處)！

噚(16-5-2020 Sat)日同老公落荃灣買完嘢返屋企,但天氣太熱,佢話要食凍嘢,食雪糕,不過仍喺疫情下,點可以除低口罩周街食?要搵地方坐住食嘅,入到嚟商場,老公話許留山,行到嚟睇,見到呢間芒果專門店,咁就試吓啦.老公要$38.00嘅芒果奶蓋沙冰,我就要$36.00嘅雪糕楊枝金露.好快雪糕楊枝金露已整好,雪糕係雲尼拿味,楊枝金露飲落唔掂,唔單止唔凍,味道又淡,冇芒果味,就連嗰兩粒仔嘅芒果肉都係冇味,只食到柚子嘅澀,西米又完全腍晒.開頭重諗住買支楊枝金露返屋企俾爸爸,咁唔買lu.老公嘅芒果奶蓋沙冰呢?芒果味就好夠,飲到最後至撈到鹹鹹地嘅芝士奶蓋,混埋一齊都算ok嘅,不過老公就話冇奶蓋好過.味道: 2.5分, 服務: 3.5分, 抵食1.5分

位於千色匯地下，主要係賣芒果的甜品，我覺得係新開唔係好耐。我地兩個人去到order左兩款甜品，$32既芒果千層蛋糕及$68既「皇牌」。先講個芒果千層蛋糕，不過不失，應該係買返嚟賣，由於佢切開一件一件賣，蛋糕已經冇咩，比較乾。而佢地個「皇牌」，上枱已經知道伏伏地，唔知點解會用量杯去墊底，材料就有雪糕,忌廉,新鮮芒果,芒果沙冰,麥片同啫喱。芒果雪糕似某牌子嘅廉價雪糕（x 記），沙冰一啲都唔綿，麥片,啫喱同個甜品格格不入。早知食隔離嗰間許留山好過...

讚1. 芒果肉其實唔錯，甜得黎無乜渣，多汁，好過另一間連鎖店彈1. 配芒果食既甜品唔合格，雪糕有冰粒，糯米有硬殼2. 容器係設計比人外賣，所以坐低食時，放係檯面，食兩啖就唔平衡，成日打瀉