皇冠餐廳

營業中

休息中

今日喺荔枝角皇冠餐廳歎咗個港式經典午餐組合：雪菜肉絲魚片頭米線，加一份炒蛋多士。魚片頭唔算多，但口感滑嫩無腥味，提供優質蛋白；肉絲搭配雪菜一齊煮，鹹香開胃，但營養教主提醒：雪菜屬醃製品，鈉含量偏高，建議配水一齊飲，幫助代謝。米線本身屬低脂主食，升糖指數比米飯略高，但吸湯後更易飽肚。豬骨湯底冇太濃味精味，勝在清中帶鮮，唔會口渴。炒蛋多士係傳統港式 comfort food，蛋煎得滑，但牛油落得豪爽，脂肪自然唔低。教主建議：如唔想爆卡，可要求走牛油或只食半件多士，營養就更平衡。總結：呢個組合鹹香夠味，整體味道出色；如能稍為控制鹽分同脂肪，會係一份「有滿足感、無罪惡感」的良心港式午餐！

餐廳位置非常便利，選擇的原因是因為看來衛生可以，門面不是太大油煙太老化哪種，加上在門外看見晚餐合適，所以就試一下。進來看見鏡子很多，所以就感覺有一定空間感。晚上九時多，入座率大概兩三成，所以能夠靜靜聊天舒服一些。有運動完進來的食客，表示冷氣風口太大。分別叫了勝瓜海鮮湯飯，另一客是魚柳帶子菠菜汁意粉。意粉方面，其實也預算了沒有繪的，菠菜汁就比較鹹，魚柳就有點像芋泥，覺得級數並未到位。店小二下單有才華，能夠一併記住兩份點餐。整體請言用餐環境舒適，食物還是能夠接受的。還有一個小特色，無論是點餐還是結帳的收據都用了簡寫，很有香港特色。

近排去荔枝角都會食埋lunch ,今次就揀左皇冠試下，有幾個人等位不過好快就入得去。見佢午餐唔多選擇所以就揀左常餐食。點左同蕃茄牛肉通粉配火腿炒滑蛋，多士，凍檸檬茶。火腿炒滑蛋配多士，味道正常。雖然份量唔算多，滑蛋都係細細塊咁。蕃茄牛肉通粉，份量都唔算多，牛肉口感正常，無咩特別。佢個蕃茄湯係算濃既不過感覺一般。凍檸檬茶就係正常茶記味道。環境方面，都算正常，唔算好擠迫，有卡位可以坐既餐廳整體黎講，味道係正常，不過份量真係唔多，食完都可能係好快又想食野既感覺。

我認為食物水準是100分！但被店員的態度拖垮令我決定食物質素再好也不會再來，但我認為只是偶然事件，感覺其他員工是不錯的。事源我們剛坐下的時候一名女店員（黑短頭髮偏高瘦）把她送錯的餐毫無禮物用巨大的聲響放在卓邊上，不用她開口也知她心情不好，我用硬朗的聲線回說事情很快得到解決過程中我一直望住她所以我清楚明顯見到她在瞪我！我在一整餐的觀察下感覺這位店員是較沉默性格但無論如何，食物質素再好卻已無力挽回我對皇冠餐廳的失望觀感。

茶餐廳係我最愛，皇冠餐廳位置於荔枝角的繁忙位置，黃金地段，幾個地鐵站出口包圍住，十分方便。各時段可供選擇之菜式都唔少，不過食左一年，就無點見到佢更新餐牌。出菜速度都快，而佢地的餐飲都整得大杯，亦都夠味👍🏻

由中學相識到現在，真不記得經過了多少個寒冬，能夠保持聯絡的，更是寥寥可數；雖然疫情令人與人之間，減少了聯繫，但朋友之間總是要見一下的；今日有空，就約出嚟食番個早餐吧！叫了早餐F(豬柳扒煎蛋出前一丁)，雞蛋是燶邊煎煮，食落更加香脆，可惜蛋黃有點過熟；豬扒肉嫩又入味，而且大大塊，都算抵食；麵還算可以，只是湯底有點咸。熱奶茶香滑，但茶味欠奉，普普通通。老友相聚，當然雞啄唔斷，但因時間有限，還是留侍下次有空晚飯再詳談吧。最後預祝你生日快樂，身體健康！🤗#豬柳扒煎蛋出前一丁 $40#熱奶茶#皇冠餐廳地址: 荔枝角長沙灣道883號億利工業中心地下3號舖電話: 37973147

天寒地凍，叫個鐵板先，不過唔想食扒，想食脆卜卜嘅炒麵。預咗會有d油油地，但可以接受。魚柳同蝦仁 口感okay，冇特別，唔會梅。味道預咗係噉，唔會有腥味。個汁預咗係鹹鹹地，都幾濃味。以皇冠嘅作風，今次d 魚柳同蝦仁唔算多，睇落嘅整體份量唔算多，但食曬都夠飽。+＄10 就有杯熱奶茶。

點了兩個早餐，一個是早餐D，鮮茄濃湯牛肉通粉配火腿炒滑蛋、丹麥多士，另外一個是三文治雙拼早餐，選了餐肉炒蛋，烘底。火腿炒滑蛋、丹麥多士先送上。滑蛋嫩，份量多，火腿也很大片，美中不足的是丹麥多士比較油膩，下次再吃，會轉普通多士。自製成火腿炒蛋多士，味道不錯。接着，送來的是餐肉炒蛋多士。餐肉厚切，炒蛋也是厚厚的，店家用料毫不吝嗇，真的值得一讚。至於鮮茄濃湯牛肉通粉，湯頭有蕃茄鮮味，而且夠濃，好味道！通粉的份量多得驚人，結果沒能全部吃掉。牛肉油大約有四片，數量不多，但都是大片的，肉質不柴，但牛肉味不太突出。飲品點了熱檸茶和熱檸水，沒什麼特別。覺得這店食材用得大方，不會吃不飽，只會吃不完。最有驚喜的是蕃茄濃湯，真的好味道！

今日中午去到荔枝角做嘢，由於落雨啦，所以揀咗間近近地喺長沙灣廣場對面嘅皇冠冰室，見過門面都幾靚，入去叫咗個雙拼飯$68加埋凍飲七十幾，但有個姐姐服務員大大聲咁樣講嘢，明明我要叉雞飯，點知嚟咗叉燒燒肉，我同佢講搞錯咗叫佢換返，之後對返張單明明係我啱，佢仲話我麻煩，乜而家啲服務態度係咁樣㗎，我直程覺得喺嗰度食飯好委屈，臨走嗰陣望吓佢個食物牌照，原來喺工廠食堂，只可以招待嗰幢大廈工廠嘅職員，啲咁嘅工廠食堂打開門做街客生意仲咁惡。

之前都幾欣賞呢間茶記質素，先帶朋友lunchtime一齊去食，但係而家做到越黎越寸~~食飯依舊係排長龍既，我入去搵人俾個伙記喝我話搵人行埋一二邊，唔好阻住我地出餐...我心諗我只係經過左一下就俾人鬧都算... 你條走廊其實好闊行3個人都得，你唔駛咁樣講野對吧？坐低左食野，價錢都比呢一區算貴架啦，但係叫黎野快就算啦，上次叫茶走太甜，今次叫奶茶無味，同個阿姐講杯茶無咩味，佢已經西我面，跟住我話你介唔介意拎D煉奶俾我加入去，佢描左個單話你無叫茶走，加$2要煉奶...... 咁唔駛啦唔該。上次茶走太甜我同個伙記講，佢話太甜唔好學人叫茶走啦，而家你想我換俾你即係送多杯你飲...查實我係試左一口咋喎，你唔駛咁樣講野吧？幾好食都係咁話，態度太差了！

今日同 同事 3個人去lunch, 一坐底我地都覺得冷氣好大風好凍，然後好有禮貌咁問著黑衫黑褲黑鞋嘅男性侍應，可唔可以較細小小冷氣，然後佢好串咁話：吓！我好熱wor！雖然佢最後都係有叫人較細左冷氣，但係，如果國泰3位空姐要比人解僱，呢位男待應都應該要..............................

系荔枝角返工，成日都要諗lunch 食咩，通常無咩idea, 就會走去食皇冠😂茶餐廳夠哂多選擇，價錢相宜。今日就嗌左個乾炒牛河，有鑊氣，新鮮即炒出黎，同埋份量都好大碟

今日晚餐去皇冠餐廳試咗佢哋嘅咖哩牛脷飯 🍛，真係好好食！一入到餐廳就聞到咖哩嘅香味，令人好有食慾㗎！咖哩牛脷飯好香濃，味道唔算太辣，好啱啱好，牛脷又嫩滑多汁，真係好好食喎！飯粒唔會太軟，啱啱好煮，食落好滿足，真係一個好豐富嘅晚餐。餐廳環境好靚，好有質感，好似皇宮咁，整個裝修好精緻，真係好有氣派嘅感覺。坐係餐廳裡面，食住好味嘅咖哩牛脷飯，真係好享受㗎！餐廳嘅服務都好好，啲侍應都好有禮貌，令人感到好舒服同埋有禮貌。整個用餐體驗都好滿足，真係好想再嚟一次！如果一定要挑剔，就係價錢有啲貴啦，不過如果你想要一份豐富嘅晚餐，又鍾意咖哩同牛肉，呢個絕對係唔可以錯過嘅選擇！總括而言，我會用以下四個方面評分：味道：⭐️⭐️⭐️⭐️餐廳環境：⭐️⭐️⭐️⭐️⭐️服務態度：⭐️⭐️⭐️⭐️⭐️價格：⭐️⭐️⭐️我覺得皇冠餐廳嘅咖哩牛脷飯係一個好好味嘅選擇，如果你鍾意有質感嘅環境，呢個餐廳絕對係一個幾好嘅選擇啦！👍🏻🤤

從來都唔鍾意寫食評嘅我，都要嘥時間寫寫，明白咩叫想受氣就入去食，入到去收銀個呀姐係最好禮貌，剛剛點完餐 個待應就即刻行過嚟大聲叫你放返好張餐牌，嘢食到咗 唔好意思個蛋 係咪太陽蛋，然後佢就勁大聲 下！你嗌咗太陽蛋咩？ 然後我問 相係太陽蛋，然後佢繼續勁大聲講 圖片只供參考，於是佢收咗我碗野 ，然後繼續大聲咁自言自語 唉！真係要學麥當勞。。。。一路我無出聲，會繼續一路講，講到收銀嗰個都問咩事，成個餐廳啲人望住 然後我話唔該唔使換喇！(因為我心諗換咗返嚟，都唔知會係啲咩) 然後個侍應話 唔好意思，我講嘢係咁大聲，一朝早我諗住舒舒服服食個早餐，真心咩心情都冇晒😊

食物一流，快靚正，服務殷勤，荔枝角晚市首選地放，做到晚上11:00. 雪菜肉絲鱼蛋米線好正，超大碗！特餐有炒蛋同多士，雪菜好香，好夾米線，仲包一杯送品$53元。餐蛋治好好食，好軟熟。