百芳池上便當 (裕民坊YM²)

營業中

休息中

呢間商場啱啱開，餐廳同埋舖頭都唔係好多，相信大家行15分鐘就可以行哂。由於我哋去嘅時候係食飯時間，好多間餐廳都排滿人，最後決定食呢間台灣餐廳。第一個餐我哋叫咗台灣牛肉麵，配料有三款分別係牛丸，牛展同埋牛腩。食麵講個湯先，都幾夠牛肉味湯頭唔算太濃，普普通通水平。個面最值得講係個牛丸同埋牛展，牛丸係咬落有兩層，第一層有濃厚嘅牛肉汁，第二層就係肉丸，口感幾好又彈牙。而塊牛展煮得超級軟，食得出係慢煮牛肉果類，味道佳！第二款原本想嗌炸髀拌麵，可惜人手點錯關係，變咗滷水雞扒🤣個拌面方便就普普通通水平😉雞扒都算大隻，滷得幾入味。我哋亦都跟餐加錢嗌左兩杯嘢飲。分別係芋頭豆乳小芋圓同芋頭鮮奶小芋圓，兩杯試完之後，我覺得鮮奶好飲啲，口感濃滑啲同埋肥啲🤣👍🏻

等小朋友翻咗學，就同媽媽裕民坊閒逛，行到11點幾餓了，附近無乜地方可以坐低食嘢，好多都未開門，就得呢間「百芳池上便當」🍱，於是入去試試！舖頭不大，但勝在幾乾淨，主要食台式牛肉麵、拌麵同便當🍱，另搭有台式飲品。點餐係自己寫紙仔的，好容易睇錯，因為用餐期間就發現唔止我剔錯，隔離台都係🤣，就連廚房都經常睇錯單，出錯嘢😂，可能因為字太細😅而且樓面職員不足，得一個人，所以比較哈碌嘢狀況。🍜百芳台灣牛肉麵（微辣💰66）➕熱珍珠奶茶（原價💰20，搭配套餐減5蚊）牛肉好多，好大舊，外加有半隻滷蛋，份量很足，所以對得起呢個價錢。因為太飽，珍珠奶茶打包翻屋企，我選了半糖，淡淡的茶味，可能放的時間長了，珍珠無咁彈牙🍜彈牙紅燒牛丸牛腩麵（轉清湯💰65）原本是要牛筋的，剔錯上一行就試咗呢個，強推牛丸，意外驚喜，好好好好彈牙，勁好食😋，好食過牛腩*麵均可選粗麵、幼面、新竹米粉，套餐原本湯底是微辣的，可轉清湯

試過佢個牛肉麵，湯底一般，唔太濃郁所以唔會再叫第2次。但係豬扒便當最好食，豬扒好juicy 唔會柴皮而且有粟米有菜都可以叫做健康啲啲，之後幾次都keep住叫豬扒便當！

聽到伴娘話帶我去新商場食台灣野我問佢有冇好食過阿元來了佢話有我即刻諗都唔諗，好啦就去試吓啦間餐廳唔算好大不過都有位食物呢⋯⋯可能賣相麻麻，所以會對味道有少少影響😅🙈尤其是個豬手飯，不過我覺得啲豬手都可以係細舊左啲但係話好食過阿元來了，我又唔認同同埋我覺得阿元性價比高啲但係呢度啲選擇多啲而且呢度啲伴米粉比飯好食果然每個人嘅口味都好唔同😅但係我覺得佢除咗個賣相之外啲服務態度都可以有進步嘅空間不過我覺得我個杯奶蓋嘢飲都OK嘅👍🏻結論係對於我來講應該唔會encore😂😂

今日諗住試下凱匯樓下D餐廳，晚餐叫左香酥豬扒肉燥拌麵（$64），台式小食拼盤（$68）同黑糖珍珠鮮奶（$19）。環境整齊清潔，上菜速度正常，拌麵份量不多，建議將拌麵水份整乾，而且麵的質感差，肉燥冇咩味，炸豬扒唔好食又薄，香腸質素普通，花枝丸同鹽酥雞尚算可以，黑糖珍珠鮮奶真係好難飲。估唔到呢個價錢會係呢個質素，真心好唔得，性價比十分低，好難搵到比佢地更差的台灣菜。總結：不會推薦俾朋友，以後不會再幫襯。

今日第一次到yu man square, 開咗好多靚餐廳同cafe,不過有啲未開業，好期待丫🥰但因為趕住走，就試左百芳池上便當呢間台灣嘢，叫咗個魯肉飯加左$16 升級去小芋圓烏龍奶茶。雖然佢啲食評係麻麻地，但其實食物質素係正常，我剩係覺得杯野質素似唔使加錢果隻，turn out 要加$16，飲落就吾係幾抵啦，但個魯肉飯我就喜歡佢加左粟米同菜，感覺上健康啲😊真係唔講都㫖唔知原來呢間餐廳有成7間分店，不過如果可以再提升飲品質素就好👍🏼

諗住試吓新嘢,點知食物質素竟然會係咁,都已經唔係平㗎啦,嗌咗個62蚊嘅鹽酥雞滷肉拌麵加杯16蚊布丁奶茶,上菜速度都算正常,送到過嚟個賣相都幾好咁,但係一撈個麵就發現好難撈,食落去更加覺得冇咩味,而個鹽酥雞一食第一啖就feel到好重粉,又唔係脆,成餐得杯布丁奶茶可以叫正常,唔會推薦畀啲朋友

今日唔想煮飯去買外賣，叫左一個牛肉麵$66同豬扒便當$60牛肉只有三塊勁乾、個樣又核突，啲麵唔好食，仲要成碗嘢無配菜，好似得幾粒葱喺面。真係超難食！我朋友叫了個炸豬排都係唔得!飲品方面叫兩杯凍飲：一杯黑糖珍珠鮮奶（+$19）正常味道一杯仙草鮮豆乳（+15）非常難飲，鮮豆乳的意思係新鮮豆漿，點知飲落去係用豆粉開出嚟🤬十分失望.

二人午餐，嗌咗一個豬扒便當、一個半筋半肉牛肉麵同埋一份鹽酥雞。上菜速度正常，豬扒便當($61)套餐配碳焙烏龍茶(半糖少冰)，牛肉麵配飲品要另外加錢。碳焙烏龍一飲以為全糖，原來糖漿係哂底未攪勻。牛肉麵($72) 有兩舊牛𦟌幾舊牛筋，冇舊係腍同入味。其他配料都好似未煮過咁，一舊白蘿蔔一舊紅蘿蔔，生到咬唔到咁濟。最後食唔落去要嗌多份鹽酥雞。鹽酥雞($32)值得讚嘅係上到嚟係keep到脆同熱，可惜味道偏鹹。雖然雞肉嫩滑，但炸粉多過雞肉本體。整體服務正常，環境都乾淨幾好坐。總結: 試過一次就夠，唔使特別去食。