百芳池上便當 (V City)

營業中

休息中

唔知係總公司一套做法定係屯門分店限定下午茶時間 明明有下午茶餐紙但完全冇放係枱度只有平時午餐晚餐紙唔係望到有人食緊下午茶餐都唔會知係咪想人地唔知有下午茶淨係點午餐紙野食？想誤導嗎？

台式食物在香港最受歡迎莫過於魯肉飯、鹽酥雞、珍珠奶茶、蚵仔煎和大腸麵線（當然唔只呢d啦🤭）呢幾款食物叫做係最大眾化最普遍，以及一家大細都岩食既😋咁今次黎呢度試下環境❤️❤️🤍🤍🤍裝修冇甚特式，都係簡簡單單，並冇太大台式氣氛衛生❤️❤️❤️🤍🤍正正常常服務❤️❤️❤️🤍🤍本來都想比4粒星既，因為服務唔差，服務員講野用語同態度都幾好既，扣左個粒係，我1家3口11點半左右黎食野，食左冇1個鐘，先生先離坐，佢地就好急收枱想話騰d位比其他客人，明白既，午飯時間，但感覺依然會唔良好食物❤️❤️🤍🤍🤍真係完全感受唔到台式風味，豬扒做法係台式但味道一般，魯肉飯太淡，鹽酥雞幾乎係我食親台餐都必食既，至今為止，食過最好食只有我屋企樓下個間叫，甚至乎比台灣本土做得好食，外脆內嫩粉唔厚調味足，不過好可惜佢私人理由冇再經營了。然後台灣腸我諗入貨入得唔太靚，唔係岩我口味個種，我個人比較鐘意爽口少少，佢有D淋or笠？然後係奶茶，冇茶香。。。講完總括黎講，唔會番轉頭

很少入來屯門，第一次來V city晚餐見有很多人堂食，應該沒有問題吧！點知！極之失望從來未食過咁難食嘅牛肉麵！唔好食嘅牛肉麵都會吃到！呢間係直程難食，直接喺湯渣牛肉麵！！

平時同屋企人去食午餐尚算可以。今次自己一個人，見佢有下午茶就入去試下。去到餐廳我已經喺佢部拎飛嘅機度㩒咗籌拎咗一人飛啦，然後個冇戴眼鏡曲髮戴口罩嘅女職員話有位可以入，咁我諗住廢事話我亂咁坐就等佢安排座位，我已經好好態度咁問佢邊張坐得佢又唔答我，我咪自己揀囉。然後問佢坐唔坐得嗰張，佢又話嗰張係4人枱，但明明嗰張係可分拆嘅兩張2人枱……😑算。到我坐低左諗住落單，我見隔離個個都有下午茶張落單紙但我冇，又唔見有職員經過，同埋職員都冇主動比下午茶張落單紙我，要我行去收銀處問佢地先比。見平時屋企人幫襯開先黎咋，唔係真係唔會黎，D位又窄，野食又唔算多款揀，同埋又唔係話好平。

叫左鹽酥雞，一啲都唔似鹽酥雞隻味，好似日本炸雞件，嘢飲完全冇味。所謂的便當好似三餸飯咁淋晒響面，浸到啲飯濕，加上配菜難食，衰過三餸飯，淨係得隻滷蛋似啲樣，淨係食滷蛋都可以推介。

星期日中午，難得見到百芳便當唔洗排隊！就入左去食啦！叫左一個麻辣牛筋腩麵，同一個炸雞髀便當。牛筋腩麵轉麻辣湯要加$5，可以揀粗麵幼麵或者米粉。牛筋腩麵上菜都好快，落單後5分鐘左右就有啦。麻辣湯唔算超級辣，但食落好過癮，牛筋腩都夠腍。不錯。炸雞髀便當落單就講咗要等20分鐘，真係啱啱好20分鐘就有。雞髀唔算好大隻，但炸得好香。個便當又配咗啲飯粟米半隻蛋同埋啲粉絲，啲粉絲好入味。幾鍾意。另外飲品兩杯都升級咗做珍珠奶茶，不過佢唔係用鮮奶，揀咗微甜 味道都有啲太甜，唔推薦！

一個人唔知食咩好，去到Vcity 是但搵一間食店，我又揀錯了🙄🥵叫咗個豐盛三品牛肉麵，珍珠豆乳，牛丸好油？！估佢唔到，牛丸中間好多肥膏，食落好多油，唔似淨係牛肉，牛腩好韌，食唔到咁，牛腱散晒，冇叫麻辣湯，食到最尾有麻辣味，奇怪嗎？🙄 台灣唔係牛肉麵出名嘅咩？點解會做到咁樣咁難食？珍珠豆乳啲珍珠好硬，唔想飲！點解有啲人可以食完先俾錢，有啲又要去收銀俾錢先可以食，行政混亂，求其是但嘅風格😂試一次就已經足夠，唔會再幫襯

夜晚八點半一個人自己光顧，卻遇上非常不快之體驗。男店員1示意我搭枱，我進入店舖內後看到有三張四人枱都是空的，其中一張是空的，另外兩張係未執枱。由於店員要求我搭枱的該枱食客正在咳嗽，我已即時向男店員2查問是否可坐另一張，男店員2示意我坐空的四人枱。坐低唔夠一分鐘，正在看點餐紙之際，男店員1帶住3位食客行埋去我張枱，表示「我地有三位，麻煩你去返剛剛個張枱」。我嬲到即刻起身轉外賣。我明白一個人好多時候都要搭枱，我完全理解，但我光顧時是晚上八點半，並非繁忙時間，外面係無人排隊，同時仍有兩張空枱，只不過店員自己唔執枱，就強行要我搭枱，搭枱既食客仲要咳緊既。就呢次既體驗，我完全唔理解呢位男店員諗緊咩野，完全無同理心，亦都唔明白咩野叫顧客服務。網上面完全搵唔到呢間公司既投訴資料，我嬲到要上黎專登打篇咁既野

食物質素一向都麻麻地，只係佢作為VCity唯一間台灣嘢，要過下口癮都只能食佢。今次嗌咗三個餐同小食，又有湯又有面又飯又有炸雞又有小食，三個餐放晒落同一個袋，可想而知個袋有幾滿，個跟餐送咗嘢飲埋單嗰陣唔講要加一蚊買膠袋。整好個陣就就咁俾杯嘢飲拎走，又冇膠袋，好聲好氣問有冇袋，個侍應就喵嘴喵舌話你冇買膠袋要俾一蚊買膠袋，老實講買就唔係問題，埋單你地又無問，同埋就唔應該咁嘅態度囉，佢仲話你咪就咁擺落個袋度囉，個袋都裝到滿晒，擺到都拎唔到喇，同埋個袋又有炸嘢唔通要個客人擺落去整冧晒啲炸嘅小食？

Vcity尼間台灣飲吃，已經開左幾年，便當一直都高質素，價錢十分優惠，必須表揚下樓面同事，非常耐心講解以及帶位入座。重點在vcity食飯沒有加一收費，用餐體驗十分優質。非常推薦大家來。另外睇到有其他食客食評，想說當天我都嚮到，拒地無白飯銷售，甘我來買便當，我同員工溝通過五要白飯都可以，並非臺客描述甘店家賣左比我地，員工已經好耐心解釋左比我地聽，但是果晚我地真係肚餓，寧遠再出去買白飯。之後會繼續支持百芳Vcity店！

之前食過一次都正正常常，但食過今次之後唔會再光顧。首先係落單，原本坐低時服務員有講冇晒飯，只可以嗌麵餐，唔明白點解後來有四個客人入嚟嗌外賣，反而可以嗌到四個飯餐。坐低Order咗「滷雞扒肉燥乾拌麵」，麵質就中規中矩，本身比嘅汁已經唔多，撈起上嚟已經唔太好食。「滷雞扒」就簡直出晒事，可以話係食過最鹹嘅雞扒，可能係因為夜晚過去食，雞扒已經滷咗好耐，但都冇可能整到咁難食，得個鹹味。未食完當下，已經唔止一位服務員多次催促，其中一位更加直接用手指住我地，稱「佢地未走，點執嘢啊！」趕收工唔使咁樣掛😅用餐體驗極差，不會再光顧。

經常都外賣，第一次試堂食，套餐已包飲品，平均六十蚊左右有交易。先到收銀處下單付款，再等待送餐。店舖不大，座位不多。堂食不需另加一服務費。台灣鹽酥雞肉燥乾拌麵 $64麵線幼，好軟好滑，感覺不太合適作拌麵。說是肉燥，不如說是滷肉比較適合。拌勻後，麵線食落比較黏口，醬油味甜甜地，肉很淋，肥瘦均勻，不過整體份量不多。鹽酥雞有6件 ，粉漿脆，雞肉嫩，灑上椒鹽，有台灣的味道。另有半隻滷水蛋或一棵小唐菜。香酥炸雞腿便當 $68雞腿不算很大隻，但炸得很脆，肉很嫩。便當配有辣菜哺、粉絲、紅蘿蔔、椰菜、滷水蛋半隻。賣相拼色相當吸引，但飯不多，菜哺少烤辣，很惹味，拌勻食用口感豐富。附送茉香綠茶，少少甜，解膩不錯。

暫時係V city入邊唯一一間嘅台式餐廳✨所以基本上係冇得揀嘅情況之下，嗰日入到去食啦，仲記得啱啱開始嘅時候，佢嘅味道都真係幾似台灣嘅餐廳嘢食✨但係對上一次去食嘅時候，就覺得煮嘅人就冇乜個熱情啦，所有嘅麵都係發到脹晒，真係唔係好食✨其他嘅食物就中規中矩，真係唔知想點✨唯獨係飲品就冇乜特別啦咁就希望佢可以繼續進步啦🤝🏼

今日想食台式料理，咁啱商場有一間餐廳食台式料理嘅，又唔使排隊，所以就去咗呢間餐廳食。餐廳有唔同食物選擇有便當、湯麵同乾拌麵。今次就叫咗滷雞扒便當嚟食。雞扒非常之大塊，肉嫩多汁，非常入味！便當仲有好多配料有粟米、半隻滷水蛋、粉絲、菜脯同椰菜。飯嘅份量都非常之多，一定夠飽！滷水蛋都好入味，菜脯都唔會太鹹。所有配菜夾埋一齊食，真係好好食！便當價錢非常實惠，都幾抵食，性價比好高！下次再尼會想試吓佢嘅乾拌麵！

本來都偏好台灣菜，經過見到鋪頭幾開陽，價錢亦實惠就試一試啦！食過幾次後，總結到一個結論，就係配菜都好好食呀！😆（主菜就 ......)鹽酥雞／雞亦滷肉飯配菜：菜，肉碎，滷肉及粉絲都好食，特別係粉絲！如果有出淨粉絲就好了，真係好好味；滷肉質量都唔錯，送飯一流。主菜：鹽酥雞-炸粉太厚，而且無台灣嗰隻味道🥲；雞亦就係普通雞亦，無咩突出，亦無咩驚喜；豬扒滷肉麵配菜：菜，滷肉同麵嘅麵質都唔錯，滷肉加上麵，又係一流嘅配搭。主菜：豬扒，嗯～就比較乾，味道亦食唔出台灣嘅味道，就.......很普通呢間店仲有個優點，就係可以優惠加配台式飲品，所以台式飲品愛好者嘅我，都係1次又1次過嚟🤣。（免費嗰杯紅茶綠茶其實都唔錯）