23
15
5
電話號碼
28849088
營業時間
今日營業
06:00 - 00:00
星期一至日
06:00 - 00:00
以上資料只供參考, 請與餐廳確認詳情
📍#百樂門宴會廳#MFJ香港仔 #MFJ中菜因為一個疫情，好耐冇食過海鮮宴！預備咗一系列自來海鮮去香港仔百樂門 @paramount_hk 加工 😍💯龍蝦刺身🦞一隻龍蝦刺身兩枱分！ 佢地做龍蝦刺身真心有一手！ 龍蝦新鮮勁香，切得好勁有口感！⭐️乳豬伴叉燒海蜇🐷乳豬皮脆又唔肥夠晒熱辣辣！叉燒半肥瘦適中！⭐️上湯龍蝦頭爪煎麵底🦞食完刺身剩低個頭做煎麵底！ 龍蝦頭仲有好多肉可以食，一樣咁爽口！ 個煎麵唔錯，好咪過伊麵多多聲！⭐️蟲草花螺頭燉雞🍲超足料燉湯，香湯但一啲都唔咸，仲愈飲愈惹味！食完酒即刻飲返兩碗暖暖胃！ 💯清蒸老虎斑🐟OMG! 條老虎班滑到癲左！咁大條火喉都拿捏得咁好，剛剛離骨，正到飛起！⭐️椒鹽斑馬瀨尿蝦🦐椒鹽做得都唔錯，啲脆脆好味！ 瀨尿蝦夠晒入味，啜腳一流！ 美中不足係用左斑馬瀨尿蝦🤣💯豉油皇大蝦🦐豉油皇真心my favorite，仲要係新鮮大蝦！😍淨係啜腳同蝦殼已經停唔到😍⭐️瑤柱花菇扒菜膽🥬個菜膽幾得意，食落淋淋好但咬落又爽爽地😂如果多啲瑤柱汁仲正！💯雲耳荷葉蒸雞🐔我好鍾意食荷葉蒸嘅野，尤其蒸雞！ 望落隻雞好肥，但其實雲耳同荷菜都中和左個油膩感，好正！⭐️薑米膏蟹飯🦀最後係膏蟹籠仔蒸飯！蟹唔大隻但都好多膏！個飯吸咗好多蟹汁香，正！未計甜品都食咗10樣野，全部都好好味好正！雖然自己海鮮都用咗唔少錢，但佢哋依然keep到個水準！真心正！ 💯#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #chinesecuisine #chinesefood #seafood #lobster #crab #shrimp #fish #相機食先 #香港仔美食 #中菜 #海鮮
繼續閱讀
下午茶叫左碗河粉 食食下見到成隻飛野既屍體 跟住同男經理講 佢仲想換過碗比我 叫我食多碗屍湯浸河 當人傻？ 擺明隻野係死係廚房個源頭 個時佢都仲未道歉 間野服務差出晒名 食物質數又冇 真係唔洗錢都唔再食
繼續閱讀
新年來飲茶，人很多，等了半小時以上才有位，而且價錢也貴了，不過一家人聚一聚也是值得的。柱侯金錢肚，內有幾件翠肉瓜，金錢肚大大件；豉汁蒸鳳爪，味道正常，好多茨汁；暗槓發財飽，即係蛋黃麻蓉包，包上面有發的字樣，好少可酒樓有得點麻蓉包，所以就點了，起沙的麻蓉包好味道。流沙煎堆仔，初頭以為係芝麻饀，點知係奶黃，反而驚喜；雪山叉燒餐包，雪山皮脆脆甜甜的，好味；鳳梨生炒骨，婆婆最愛的一個小炒，酸酸甜甜，易入口，但不夠乾身。驚喜位是有忽然播起財神到的歌，原來真的有財神來，好應節。但最失望的是叫了一籠叉燒包，追了三次單也沒有來，太差！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨
繼續閱讀
平時唔多入去香港仔，今早突然心血來潮去到香港仔百樂門飲早茶，尼到門口見到無人登記，已覺奇怪，及後才知登記果個經理要做埋揾位同帶位， 坐低開咗張食物咭就無人理會，只見各侍應各自為政，任憑你怎樣呼喚開茶，依然當你透明， 同枱茶客都忍唔住出聲，話尼間酒樓侍應只招呼熟客， 生客就淪為孤兒仔， 無乜人理，及後叫咗個經理開茶，但神奇地又有侍應開咗壺茶，反而比經理埋怨重複叫茶，無辜辜食咗死貓，講到點心質素差過其他百樂門， 當然無下次。
繼續閱讀
今天在南區上完course, 同學們提議到香港仔的百樂門宴會廳用膳，大家一致贊成，我們一行7人，幸好一點前到達，剛剛好最後一張中枱，不用排隊等位。我們叫了一枱的點心，最喜歡的是涼瓜煎魚餅，第一次吃到魚餅是夾著涼瓜來煎，口感很好，味道很特別，而薑米鮮魚炒飯也很不錯，魚肉份量頗多，抵食！
繼續閱讀
您可能會有興趣的...