48
28
12
所有分店 (6)
電話號碼
27988332
特色
適合駕駛人士
營業時間
今日營業
09:30 - 00:00
星期一至五
09:30 - 00:00
星期六至日
09:00 - 00:00
付款方式
Visa Master 現金 銀聯 EPS
座位數目
500
其他資料
自帶酒水
電話訂座
加一服務費
招牌菜
豉油雞 龍蝦
食評 (98)
等級4 2018-11-05
474 瀏覽
又到星期日可以同屋企人一齊family day,今次去百樂門宴會廳, 我們到的時段大概係下午茶時間,好容易就有位了。看見餐牌下午茶的點心真是很抵吃,我們吃了很多點心,埋單大約400多元。 這裏環境舒服,位置寬闊同朋友或家人來到飲茶傾下偈又一個下午。點了太多點心不能一一盡錄, 點心的水準都是正常的,算是中規中矩吧!蝦餃 ~ 一籠四粒,蝦肉新鮮,大大粒唔錯。鮮蝦菜苗餃 ~ 這個我沒有吃,但家人話味道唔錯。魚肚比較肥膩, 多油但偏淡。這碟炒河雖然賣相不算美,但是食落口唔錯, 炒得幾乾身。我最喜愛的釀辣椒,魚肉彈牙。雪山叉燒包 ~ 到的時候唔夠熱 薑汁糕 ~ 香濃的薑汁味,口感煙韌。叉燒米粉 ~ 半肥瘦叉燒,正。鹵水鴨腳 ~ 鹵得入味夠林。整體來說,如果對點心沒有太高的要求,來這裏和家人或朋友聚餐,環境都算幾好的。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-09-08
935 瀏覽
上星期日十點半到百樂門門口等位,拎中枱,等左45分鐘,入左成廿張細枱,4張中枱,個當中只有一張中枱叫籌號!其餘熟客,聽住知客聽電話留枱,熟客到3分鐘有枱,街客慢慢等啦。😡等左廿幾分鐘,問知客點解比哂d熟客唔叫籌,佢竟然豪氣地叫我入地問d熟客。等到45分鐘,家人上前再問清況,知客囂張話:唔等得去樓下囉,樓下大把位!百樂門真係好,請到咁好嘅員工,居然趕客去第二間!把比經理投訴,話跟進再覆我地,過左一星期無回音! Email投訴,又無回音!雖然我唔係熟客,但都支持左6,7年,以前d服務都ok,不過而家真係要考慮轉場,無理由比錢去受氣😤 繼續閱讀
(以上食評乃用戶個人意見 , 並不代表OpenRice之觀點。)
等級2 2018-08-26
768 瀏覽
今朝喺 MegaBox 睇完早場呢,就跟我朋友一齊去附近嘅酒樓飲早茶,這間酒樓有驚喜喎!原來星期日喺度飲茶十二點半前埋單有半價,全部點心都係,所以有很多人等位。我們大約等了二十分鐘才有位,我們叫了幾個點心品嚐,有馬拉糕、蟲草花雞粥、腸粉等。 嗰度啲馬拉糕幾好食喎,比較特別,佢唔係傳統做法馬拉糕,味道幾好味。 腸粉都唔錯師傅自己拉嘅得幾滑,蟲草花雞粥,有蟲草花嘅味道。 侍應招呼就一般呀!可能顧客太多,不算很殷勤服務, 態度有待改善。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-07-30
924 瀏覽
今日購物完之後,就直上十四樓去百樂門食飯,因為星期六出名全日半價。剛好中午等咗十五分鐘左右,店員就安排入坐。我一家三人坐四人檯,一入坐就俾店員攞走其中一張椅,説因為旁邊唔夠,話會轉頭再攞返俾我,可借椅子係一直沒有攞返嚟。我带有小朋友,正常係需要多一張椅子放背包等物品。结果叫經理搬返張椅俾我。之後再正準備用筆點菜時,居然俾店員隨手,冇問嘅情況下攞走支筆,只说旁邊要用,我去櫃檯再攞過俾你。。。令到我一下冇哂心情食飯。我完全唔理解為何店員唔直接出去攞支筆俾旁邊嘅客人,而係要喺我嘅枱上攞走支筆比旁邊嘅客人。。。之後我哋點咗一個 飯三個點心, 但係最後有一個甜品冇嚟到,而其中一個點心等咗20分鐘以上亦沒有到,之後再搵經理再吹,再等十分鐘先到, 结果前後等咗三十分鐘。我哋叫咗一個揚州炒飯,但係個炒飯令我覺得好失望, 除咗炒飯嘅外表唔得,味道亦都完全冇味。 豆沙鍋餅實在太油啦,我唔敢畀小朋友食,另外個蒸牛肉入面仲有啲紅色嘅未煮熟透。結果我哋對今次百樂門的感想只得一個差字,態度上有問題,時間上有問題,而且點心嘅味道亦都係唔足夠, 煮出嚟嘅嘢只係敷衍客人嘅味道,我相信我唔會再嚟。。。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-12
1497 瀏覽
中學週年晚宴,可以見番好多同學,大家都好興奮,場地幾靚(擺酒地方當然靚)黃金燒味拼盤:中華沙律正常,牛𦟌硬得滯,雞正常,雲耳爽口但較淡,唔夠酸,鵝正常翠芹彩鳳蚌片:西芹爽脆,蚌片微腥!ok瑤柱扒雙蔬:罐頭草菇正常,不過我最唔喜歡小棠菜,同埋杰杰身嘅獻汁!沙汁玉龍卷:炸沙律卷,皮脆入面酸酸地,蔬果爽脆!幾好竹笙海皇羹:夠熱,啲材料碎濕濕!食唔出味清蒸大海石斑:食咗面珠礅,幾滑!濃湯粒粒浸菜苗:上湯少許味精,菜爽嫩唔老!幾好當紅炸子雞:皮脆,肉正常!王府炒飯:無食鮑汁伊麵:炆得入味,伊麵幾滑!好味紅豆沙:好濃,啲豆大粒炆得透,好味圍菜食物只要夠熱,味道都唔會有驚喜,負責我哋張枱嘅姨姨幾nice,因為同學們四圍走談天,又排隊上台影相,佔晒啲走道,佢哋上菜都好困難!而佢哋都好包容我哋!開心的一晚 繼續閱讀
(以上食評乃用戶個人意見 , 並不代表OpenRice之觀點。)